Tölvumál - 01.05.1996, Síða 9

Maí 1996
tilbúin að leggja til vinnu. Þau fá
ekki greitt fyrir annað en útlagðan
kostnað við að sækja vinnufundi.
Þriðji hópurinn er síðan þeir
aðilar sem hafa hagsmuni af því
að taka þátt og gera það á eigin
kostnað.
Umhverfi Flugleiða
Til að gefa nokkra hugmynd
um verkefnið eins og það snýr að
Flugleiðum er rétt að lýsa í stórum
dráttum því umhverfi sem Flug-
leiðir starfa í og varðar bókunar-
og dreifikerfismál. Flugleiðir hafa
rekið eigið bókunarkerfi (ALEX)
frá árinu 1981. Kerfinu var haldið
við í samvinnu við aðra notendur
fram til ársins 1991 en þá var allri
þróun hætt. Kerfið er alfarið skrif-
að á Assembler forritunarmáli sem
gerir viðhald og breytingar tiltölu-
lega flóknar og tímafrekar.
Flugleiðir tóku ákvörðun um að
gerast aðili að Amadeus sem er
dreifikerfi rekið af nokkrum stór-
um flugfélögum í Evrópu og sinnir
þörfum bæði flugfélaga og ferða-
skrifstofa. Allar bókanir eru gerðar
í Amadeus en áætlanagerð og
birgðahald er í höndum hvers flug-
félags fyrir sig. Þessu fylgdi
ákvörðun um að þróa tengingu
(Amadeus Access) milli bókunar-
kerfis Flugleiða (ALEX) og Ama-
deus samkvæmt kröfum Amadeus
og nota ALEX sem birgðakerfi.
Þessari þróun er að mestu lokið,
þannig að viðunandi geti talist, en
ALEX er takmarkandi þáttur í því
að unnt sé að notfæra sér alla þá
valkosti sem Amadeus bíður upp
á. Tæknilegri uppsetningu á þess-
ari tengingu má í grófum dráttum
lýsa með meðfylgjandi mynd.
Verkefnið
Verkefnið sem sótt var um og
vandinn sem flugfélögin standa
frammi fyrir er lýst sem eftir-
farandi.
Sérhvert flugfélag sem komið
er upp fyrir vissa stærð rekur
ákveðin grunnkerfi sem sjá um
bókanir, innritun og dreifingu.
Uppruni þessara kerfa er aðallega
úr þrem áttum, UNISIS TPF/MVS
og ALCS. Öll þessi kerfi vinna á
stórtölvum og voru hönnuð fyrir
meira en 20 árum. Kerfin eru að
hluta til, eða að öllu leyti, skrifuð
á Assembler forritunarmáli, sem
gerir þau þung í viðhaldi. Vegna
stöðugt aukinnar samkeppni í flugi
hefur skapast þörf á því að finna
leið til þess að færa hluta þessara
kerfa yfir í opnara umhverfi þar
sem auðveldara er að mæta nýjum
kröfum settum af nýjum og breytt-
um markaðsaðstæðum.
Lagt var til að settur yrði á
stofn notendahópur sem tæki til
skoðunar kerfi sem kallast ALCS/
IPARS og notuð eru af mörgum
félögum, þar á meðal Aer Lingus.
Það kerfi sem Flugleiðir hafa rekið
er nefnt CPARS (ALEX) og rekur
það uppruna sinn í sömu átt og
þessi kerfi enda þótt það sé nokkru
einfaldara. Markmiðið er að skil-
greina þá lausn sem best væri fallin
til þess að færa þann hluta bókun-
arkerfisins sem inniheldur birgða-
hald á opinn „platform“ og skil-
greina opin skil yfir til annarra
hluta bókunarkerfisins.
Niðurstaða á að vera í formi
skýrslu sem lýsir þeim kröfum sem
gerðar eru af notendum (Buisness
Requirements) ásamt umfangi
verkefnisins, þannig að það veki
áhuga þeirra sem kynnu að hafa
tiltæka lausn eða væru tilbúnir til
að þróa hana.
Lokaorð
Reynsla Flugleiða af samninga-
gerð við ESB er takmörkuð þar
sem við höfum að mestu verið
áhorfendur, en eftir því sem okkur
sýnist og samkvæmt reynslu Aer
Lingus, má segja að eftir að verk-
efnið hefur verið skilgreint, innan
þeirra marka sem kveðið er á um í
því prógrammi sem vísað er til og
formsatriðum hefur verið fullnægt,
er framgangsmátinn skýr og
báknið ekki fyrirstaða. Þaðan í frá
hefur einn maður hjá ESB umsjón
með verkefninu og fylgist með að
rétt sé að málum staðið og þeirri
áætlun sem sett var sé fylgt.
Eins og fram hefur komið er
verkefnið rétt farið í gang, en áætl-
að er að það verði unnið á einu
ári. Fyrir Flugleiðir er niðurstaðan
það sem horft er til, en jafnframt
er áhugavert að fylgjast með sam-
skiptunum við ESB og kynnast
þeim hugmyndum sem standa að
baki umsóknum af þessu tagi.
Gísli Guðmundsson er
deildarstjóri í tölvu-
deild Flugleiða hf.
Tölvumál - 9