Vísir - 11.03.1963, Blaðsíða 4

4
VlSIR . Mánudagur 11. marz 1963.
Um næstu mánaðamót frum-
sýnir Þjóðleikhúsið leikritið An
dorra eftir Max Frisch. Leikrit
þetta hefur farið sigurför á öll-
um helztu leikhúsum Evrópu
frá því það var frumsýnt í Zíir-
ich fyrir rúmum tveimur árum,
enda er hér um að ræða stór-
brotið leikhúsverk. Höfundurinn
fjallar hér um svipað viðfangs-
efni og hann hefur oft gert áður
í leikritum sínum, sinnuleysi og
skort á ábyrgðartilfinningu með
al þjóðfélagsþegnanna og einnig
hve hörmulegar afleiðingar for-
dómar geta haft. Ungur maður
er ofsóttur og hrakinn út í dauð
ann, af því að hann er öðruvísi
en aðrir að áliti samborgara
hans, þótt snemma komi í ljós,
að sá grunur er ekki á rökum
reistur. Allir eru sekir, sem
horfa á ofbeldi framið á sak-
lausum manni án þess að rétta
honum hjálparhönd. Boðskapur
höfundarins er í fáum orðum sá.
„Gætið að strax í byrjun, verið
alltaf viðbúin, á morgun er ef
til vill of seint að segja nei“
Max Frisch er Svisslending-
ur að ætterni, fæddur í Ziirich
árið 1911. Hann byrjaði að
skrifa leikrit ungur að árum og
hafði skrifað þrjú leikrit áður
en hann tók stúdentspróf, en
þessi byrjendaverk höfnuðu öll
í bréfakörfunni. Fyrsta skáld-
saga hans kom út 1943. Næst
skrifar hann svo leikritið Santa
Cruz. Helztu leikrit hans eru:
„Nú syngja þeir aftur“ 1945,
„Kínyerski rnúrinn" 1946,
„Oderland greifi“ 1951, „Don
Juan“ 1953 og 1956 er svo
frumsýnt eftir hann það leik-
rit, sem gerði hann heims-
frægan á skömmum tíma, en
það er „Biedermann .og^brennur^
vargarnir". Sá íéikur var sýndur
á 6.1. vetri í Tjárnarbæ af Léik-
flokknum Grímu. Andorra og
Brennuvargarnir eru talin
merkstu leikrit Frisch.
Þekktustu skáldsögur hans
eru „Stiller“ og „Homo Faber“,
en báðar þessar sögur hafa ver-
ið þýddar á fjölda mála, og hafa

★ Borðstofusett, 7 gerðir ★ Stakir stólar
★ Dagstofusett, 12 gerðir ★ Innskotsborð
★ Skrifborð, 12 gerðir ★ Sófaborð
★ Símaborð — Kommóður — Skatthol
Smáborð
★ Hjónarúm, 8 iegundir
★ Svefnsófar, eihs og tveggja manna
★ Svefnstólar — Kollar — ísskápar —
Eldhúsborð og Stólar.
Það er ávallt tímabært að kaupa
HÍBÝLAPRÝÐISHÚSGÖGN
HÍBÝLAPRÝÐI H*F
Hallarmúla. - Sími 3-81-77.
Max Frisch
Walter Firner
þær stuðlað að alþjóðlegri
frægð hans..
Walter Firner
er leikstjóri.
Leikstjóri við Andorra er
AusturríRismaðurinn Walter
Firner. Hann er leikhúsgestum
hér að góður kunnur, því mörg
um er enn í fersku minni svið-
setning hans á Don Camillo og
Peppone í Þjóðleikhúsinu fyrir
nokkrum árum. Firner er ætt-
aður'frá Vínarborg og er alinn
upp meðal leikara og leikhús-
fólks. Hann var leikari á yngri
árum og lék í ýmsum ágætum
leikhúsum m. a. í Bonn, Ham-
borg og hjá Ríkisleikhúsinu í
Berlín, en þar varð hann brátt
leikstjóri og setti á svið bæði
gömul verk og ný.
Eftir síðari heimsstyrjöldina
varð Firner aðalleikstjóri við
Alþýðuleikhúsið í Vín, og þar
gat hann sér frægð fyrr svið-
sétningu á ýmsum þekktum
sjónleikjum. í mörg ár hefur
hann verið fastráðinn leikstjóri
við hið þekkta Vínarleikhús
Theater in der Josefstadt.
Hann varð prófessor í leiklist
við Listaháskólann í Vín árið
1949.
Walter Firner er auk þess af-
kastamikill rithöfundur og hef-
ur skrifað um það bil 26 leikrit.
Þekktust þeirra munu vera
Johnny Belinda, Johanna von
Lothringen og Don Camillo og
Peppone, sem hann samdi eftir
samnefndum sögum Guareschis.
Á síðari árum hefur Firner
gefið út margar bækur um leik-
list og er álitinn einn af fremstu
leiklistarmönnum í heimalandi
sínu. Það er vissulega mikill
fengur fyrir Þjóðleikhúsið að fá
jafn 'ágætan mann til að stjórna
sýningu hér.
Aðalhlutverkin í Andorra eru
leikin af Gunnar Eyjólfssyni,
Val GíslaSyni, Bessa Bjarna-
syni, Lárusi Pálssyni, Krist-
björgu Kjeld og Guðbjörgu
Þorbjarnardóttur. Þorgrímur
Einarsson gerir leiktjöldin og
er það frumraun hans í leik-
tjaldagerð hjá Þjóðleikhúsinu.
i