Vísir - 31.07.1963, Blaðsíða 8

8
V í SIR . Miðvikudagur 31. júlí 1963,
Útgefandi: Blaðaútgáfan VÍSIR.
Ritstjóri: Gunnar G. Schram.
Aðstoðarritstjóri: Axel Thorsteinsson.
Fréttastjóri: Þorsteinn Ó. Thorarensen.
Ritstjórnarskrifstofur Laugavegi 178.
Auglýsingar og afgreiðsla Ingólfsstræti 3.
Áskriftargjald er 65 krónur á mánuði.
I lausasölu 4 kr. eint. — Sími 11660 (5 línur).
Prentsmiðja Vísis. — Edda h.f.
Breytt stefna í skattamálum
Tíminn og Þjóðviljinn hafa undanfarið talað mikið
um skattpíningu og reynt að telja lesendum sínum trú
um að þar væri skýringin á hinni góðu afkomu ríkis-
sjóðs 1962. — Það er því ekki úr vegi að rifja upp
hvað núverandi ríkisstjóm hefur gert í skattamálum
og athuga hvort þær aðgerðir hafi getað orðið til þess
að þyngja álögur almennings.
Endurskoðun skattalaganna fór fram í tveimur
áföngum. Árið 1960 voru skattar á almenningi lækk-
aðir stórlega og 1962 var skattlagningu fyrirtækja
breytt til bóta. í fyrra skiptið var tekjuskattur með
öllu afnuminn af hreinum tekjum einstaklinga undir
50 þús. kr. og hjóna undir 70 þús. kr. og hækkaðar
skattfrjálsar tekjur hjóna um 10 þús. kr. fyrir hvert
barn. Þar með má kalla að tekjuskattur hafi verið al-
veg afnuminn af venjulegum launatekjum, nema að
því leyti, sem nauðsynlegt þótti til jöfnunar á aðstöðu
manna vegna framfærslubyrði.
í stað tveggja skattstiga fyrir einstaklinga og hjón
var settur einn skattstigi, sem að sönnu rís nokkru
örar í fyrstu en áður var, en vegna þess hve skatt-
frjáls persónufrádráttur var hækkaður mikið hafa
skattar lækkað verulega á öllum tekjum.
Þá má geta þess, að vegna breytingarinnar á lög-
unum um tekjuskattinn var ákvæðum um niðurjöfnun
útsvara breytt, og ákveðið að þau yrðu lögð á eftir
lögfestum reglum, til þess að koma í veg fyrir að sveit-
arstjórnimar freistuðust til að taka til sín í útsvör
lækkanirnar á tekjuskattinum — en sú freisting hefði
ef til vill verið sums staðar fyrir hendi, ef þær hefðu
mátt leggja útsvörin á eftir efnum og ástæðum. Og
þá má ekki gleyma því, að greidd útsvör vom gerð
frádráttarhæf við álagningu.
Eysteinskan útlæg
Það, sem gerzt hefur í skattamálunum er, að Ey-
steinskan hefur verið afnumin og tekið upp heilbrigt
skattakerfi. Tímamönnum og kommúnistum fellur
þetta auðsjáanlega illa, en meirihluti þjóðarinnar fagn-
ar breytingunni.
Auk þess sem áður var talið, má geta þess, að
með breytingunum, sem gerðar voru á skattalöggjöf-
inni 1962 voru framlög í varasjóð hlutafélaga hækkuð
úr 20% í 25%. Sameignarfélög fengu varasjóðshlunn-
indi, en höfðu engin haft áður. Heimiluð var útgáfa
jöfnunarhlutabréfa til leiðréttingar við rétt verðmæti
hlutafjár, án þess að skattskylt sé hjá hluthöfum.
Leyfður var frádráttur frá skattskyldum tekjum á
vöxtum af byggingarskuldum meðan hús eru í smíð-
um, og frádráttur leyfður á aðstöðugjaldi og eigna-
útsvari. Skattstiga einstaklinga til eignaskatts var
breytt þannig, að ávallt er 100 þús. kr. eign skatt-
frjáls - og er þó margt enn ótalið.
Nehru og dóttir hans Indira Gandhi.
V erður hún
asta kona heims?
Morarji Deasi, Y. B. Chavan og Krishna Menon.
Nehru forseti Indlands er orð-
inn 73. ára. Hver tekur við, ef
hann fellur frá skyndilega, eða
verður að láta af embætti af
heilsufarslegum ástæðum? Um
þetta er fjallað í nýútkominni
bók sem heitir AFTER NEHRU,
WHO?
Bók þessi kom út í London
og er höfundur hennar Welles
Hangen. Fáirt nútímaleiðtogar
eru valdameiri en Nehru. Hann
er ekki aðeins forsætisráðherra
eins mesta og fjölmennasta
lands heims, lands, sem stjórn-
að er eftir vestrænum Iýðræðis
hugmyndum. Hann er formaður
aðalflokks landsins, Kongress-
flokksins, á þingi og utan, —
hann er formaður skipulags-
nefndar landsins og kjarnorku-
ráðs þess Og hann er annað og
meira en allt þetta: Hann er arf-
taki Gandhis, landsfaðir tug-
milljónanna, sem landið byggja.
Welles Hangen er vel kunnur
bandarískur fréttaritari. Hann
hefir verið fréttaritari National
Broadcasting Company í Banda
rlkjunum og fyrr í ýmsum öðr-
um Asíulöndum. Hann ræðir
framtíð Indlands í hrífandi bók,
og segir ævisögu sjö manna og
einnar konu, en i þessum hópi
telur hann eftirmanns Nehrus
vera að leita. Konan í hópnum
er dóttir Nehrus, sem — ef hún
yrði fyrir valinu — myndi verða
áhrifamesta kona heims. Hvert
um sig af þessum átta hefir
menntun, hæfileika og ýmis skil
yrði til þess að taka við foryst-
unni að Gandhi látnum.
Einn í hópnum Morarji Deasi,
fjármálaráðherra, 67 ára Hann
er maður siðavandur og vana-
fastur, fastheldinn á gamlar
venjur og siði. Hann byrjar dag
inn fyrir kl. 5 á morgnana með
yogaæfingum. Hann berst gegn
áfengisnotkun, að konur beri á
sig smyrsl, að fólk gangi í vest
rænum klæðum — og gegn varn
aðarmeðölum til þess að fækka
barnsfæðingum. Hann kallar sig
jafnaðarmann, en hefir aðrar
skoðanir á ýmsum innanríkis-
og utanríkismálum. Stuðningur
hans er í hægra armi flokksins,
eignamannanna.
Nær miðdepli flokksins er Lal
Bahdur Shastri, innanríkisráð-
herra, sem veigrar sér ekki við
að vinna 18 klst. á dag. Maður
blíðlyndastur og indverskastur
þeirra, sem hér um ræðir.
Þá er Krishna Menon í vinstri
álmu flokksins. Hann var knú-
inn til þess að biðjast lausnar
sem landvarnaráðherra, af því
að í ljós kom að landið var óvið-
búið innrás Kínverja. — Hann
var um langt skeið í miklu dá-
læti hjá Nehru, og bókarhöf-
undur telur hann þann Indverja,
sem hafi heillað sig öðr-
um fremur Menon fór tuttugu
og átta ára að aldri til Eng-
lands, ætlaði að vera þar eitt
misseri við nám, en var þar í
28 ár, síðast sem fulltrúi Iands
síns. Hann er nú 66 ára, veitist
að sögn erfitt að tala móðurmál
sitt, og mjög áhrifamikill, m. a.
vegna álits Indiru Gandhi á hon-
um, en hún er ekkja stjórnmála-
mannsins Feroze Gandhi, en
hann var ekki skyldur spekingn-
um Mahatma Gandhi. — Bókar-
höfundur er ekki trúaður á þann
orðróm að í þá átt stefni að þau
verði hjón Krishna Menon og
Indira Gandhi — „það væri eins
og hjónaband milli Rasputins
og Florence Nightingale“. —
Greinarhöfundur telur, að tæki-
færin til að komast upp á tind-
inn séu glötuð Menon.
Einn hinna, sem til greina
gætu komið, og Nehru hefur
miklar mætur á, er Y. B. Jhau-
van, fyrrverandi forsætisráð-
herra f Bombay, en nú land-
varnaráðherra.
Greinarhöfundur telur nokkr-
ar líkur fyrir, að sá, sem fyrst
taki við af Nehru, verði stuttan
tíma við völd, — sá næsti kunni
að verða framtíðarieiðtogmn —
leiðtogi 443 milljóna manna,
hvar af 30 milljónir Iifa stein-
aldartilveru enn í dag og 75
af hundraði allra landsmanna ó-
læsir og óskrifandi — sem leiða
þarf til manndóms og mennt-
unar.
☆
/