Vísir - 07.07.1964, Blaðsíða 3

■jCSE
V í SI R . Þriöjudagur 7,- júlí 1964.
Liggurðu uppi á dívan
og lætur þér líða vel,
meðan þú hlustar á
grammófóninn? Eða sit-
urðu með prjónana þína?
Syngurðu með, þegar
uppáhaldslögin koma,
eða lokarðu augunum og
hlustar af athygli? Líttu
á meðfylgjandi myndir,
athugaðu hvað þér er
sjálfri tamast að gera, og
þá færðu að vita sitt-
hvað um persónuleika
þinn — hvort sem það
reynist rétt eða rangt.
HVERNIG HLUSTARÐU
Á GRAMMÓFÓNPLÖTUR?
Þú situr og lest blöð eða bækur, meðan þú hlustar? Músík-
in örvar hugsun þína, og þér finnst hún góður bakgrunn-
ur, en þú nýtur hennar ekki nema sem eins konar upp-
fyllingar, þegar hugurinn er bundinn við annað. Þú ert
hálfhrædd við að vera ein, en um leið og þú sekkur þér
niður f eitthvað, sem þú hefur áhuga á, gleymirðu öllu í
kringum þig. Þú ert feimin, hlédræg, stolt - og fjarska
hamingjusöm, ef einhverjum tekst að þíða klakann. ♦ Eða
liggurðu kannske og slappar af? Þú lifir heilbrigðu lífi,
vinnur störf þín af kostgæfni, en hvílir þig vel á milli.
Þótt þú sért dugleg, þegar á þarf að halda, ertu samt gefin
fyrir hóglífi. Þú ert heimakær og nennir ekki út, nema lagt
sé fast að þér.
Siturðu og reykir hverja sfgarettuna af annarri? Þú ert óró-
leg og taugaspennt og átt í stöðugri innri baráttu. En þú
getur ekki trúað neinum fyrir vandamálum þfnum eða
leyst þau með annarra hjálp. Þú þjáist í einveru og ert
sannfærð um, að tilfinningar þínar séu veikleiki. Þú hefur
mikla þörf fyrir ástúð. ♦ Eða dansarðu eftir músíkinni?
Heimilisfólkinu finnst þú eins og hvirfilvindur. Þú ert fjör-
ug, full af lífsþrótti og kátínu. fljótfær, gersneydd öllum
geðflækjum, og þú ert alltaf miðpunkturinn, hvar sem þú
ert stödd. Karlmönnum líkar vel við þig, en verða sjaldan
ástfangnir af þér — þú ert of sjálfstæð.
I
Horfirðu út um gluggann? Þú ert draumlynd og lætur
músíkina örva dagdrauma þína. Þú átt til að vera svolítið
þunglynd, verður oft ástfangin og reisir gífurlega loft-
kastala, en þeir eru fljótir að hrynja, og þá verðurðu fyrir
miklum vonbrigðum. Þú ert blíðlynd og góðgjörn, en reiðir
þig fullmikið á aðra. ♦ Eða siturðu með handavinnuna?
Þú ert í sífelldu kapphlaupi við tímann og lætur þér aldrei
nægja að gera eitt í einu. Þú ert skynsöm og gædd góðri
skipulagningargáfu, en þér er of hætt við að gera þér
áhyggjur af hlutunum. Gagnvart karlmönnum ertu móður-
leg og umhyggjusöm, en fullráðrík.
I
Syngurðu með? Þú þarft að læra að taka þátt í lífinu
og aðlaga þig umhverfi þínu án þess að reyna stöðugt að
vera sú sterka. Þú ert umburðarlynd við aðra, en afar
ströng við sjálfa þig. Oft stafar drottnunargirni þín af
dulinni feimni, sem þú ert að reyna að bæla niður ♦ Eða
siturðu með lokuð augun og hlustar af athygli? Þú hefur
gott vit á músík og einbeitir huganum til að njóta hennar
sem bezt. Þú ert tilfinningarík og gáfuð, en dálítið upp-
tekin af sjáifri þér og þykist hafa fullan rétt til að lifa
í eigin heimi. Karlmenn trúa ekki alltaf á einlægni þína
og halda, að þetta sé aðeins uppgerð.