Vísir - 29.06.1965, Blaðsíða 9

V í S I R . Þriðjudagur 29. júní 1965.
9
K3
☆
Þar sem áður var oskipu-
lögð byggð í Árbæjarbletl
umogSelásverða innan
skamms risin ný íbúðar-
hverfi með4-6 þós. íbúum
Hér sést hluti af því svæði, þar sem hin þrjú nýju íbúðarhverfi eiga að rísa. Myndin er tekin frá vesturhluta fjölbýlishverfisins.
ÞRJIJ GLÆSILEG ÍBÚÐAR-
HVERFI í BYGGINGU
í Árbæjarblettum og Seláshverfi, þar sem verið
hefur óskipulögð byggð, timbur- og steinhúsa af
mörgum stærðum og gerðum hafa verið skipu-
lögð þrjú glæsileg íbúðarhverfi. Framkvæmdir eru
þegar hafnar, fjölmörg gömul hús hafa verið flutt
og önnur rifin. Nýjar götur verða lagðar og bygg-
ing nýrra húsa er hafin. Eftir nokkur ár er ekið
verður um hinn nýja Suðurlandsveg er liggja á
fyrir sunnan hverfin má líta yfir þrjú glæsileg
og velskipulögð íbúðahverfi með 4 til 6 þúsund
íbúum, fullkominni verzlunarmiðstöð, samkomu-
húsi og nauðsynlegum þjónustumiðstöðvum.
Það var árið 1962, sem frum-
drög að skipulagi fyrir Árbæj-
arbletti og Seláshverfi var
samþykkt í borgarstjórn
Reykjavíkur oa eru nú fram-
kvæmdir hafnar að fullum
krafti í þremur hverfum. Á
skipulagsuppdráttum eru þessi
hverfi nefnd: garðhúsahverfi,
einbýlishúsahverfi, og fjölbýlis-
húsahverfi. Verzlunarmiðstöð
skiptir síðan fjölbýlishúsa-
hverfinu i austur og vestur-
hluta.
Suðurlandsvegi lokað.
I dag liggur Suðurlandsveg-
ur í gegnum hverfið. Ef veg-
urinn er nú ekið frá Reykjavík
er garðhúsahverfið á vinstri
hönd, þegar komið er fram
hjá Árbæ. Síðan kemur fjöl-
býlishúsahverfið, og nær það
niður undir Rauðavatn. Fyrir
ofan Árbæ á hægri hönd, þeg-
ar ekið er austur kemur svo
einbýlishúsahverfið. Samk. skipu
lagsuppdrætti á Suðurlandsveg-
ur að lokast eins og hann
er í dag, en þess í stað kemur
þar svonefnd dreifigata. Hefur
þessari götu verið gefið nafnið
Rofabær. Þegar Suðurlandsvegi
verður lokað verður lögð ný
aðalbraut norðan við hverfið.
Verður þessi braut notuð sem
Suðurlandsvegur þar til að ein
af aðalæðunum úr borginni
verður lögð sunnan Elliðaánna.
Garðhúsahverfið.
Garðhúsahverfið er lang
minnst þeirra þriggja hverfa,
sem skipulögð hafa verið og
framkvæmdir eru nú hafnar
við. Hverfið er 3 ha. að stærð
og'-'S'áfhkvæmt skipulagi verða
reist' þar 50 hús. Þessi hús eru
mjög svipuð raðhúsum, en
hafa hins vegar hlotið þessa
nafngift vegna þess að hverju
húsi fylgir sérstakur lokaður
garður. Gatna- og holræsagreð
í þessu hverfi hefur þegar ver-
ið boðin út og átti Malbikun
h.f. lægsta tilboðið, sem hljóð-
aði upp á 1.794510.
Fjölbýlishúsahverfið.
Fjölbýlishúsahverfinu er
skipt í austur og vesturhluta og
skiptir verzlunarmiðstöð hverf-
inu. Eins og fyrr segir er þetta
hverfi allt fyrir ofan núver-
andi Suðurlandsveg, en nær
upp að háspennulínunum að
norðan. Vesturhlutinn er 8,6
ha. að stærð. í þessum hluta
verða byggð þriggja hæða fjöl-
býlishús með kjallara. Alls verða
í vesturhlutanum 50 stigahús
með 381 íbúð og 423 bílastæð-
um. í marzmánuði var holræsa-
gerð boðin út og kom lægsta
tilboð frá Miðfelli h.f., kr.
2,485,000. — Austurhluti fjöl-
býlishúsahverfisins er 11,2 ha.
að stærð. Þar verða húsin
einnig þrjár hæðir, en án kjall-
ara. í þessum hluta verða 58
stigahús með alls 398 íbúðum
og 478 bílastæðum. Vatns- og
holræsálágnir í þehnan 'hluta
hafa verið boðnar út og. átti
einnig Miðfell h.f. lægsta til-
aði upp á 1,794,510 kr.
Einbýlishúsahverfið.
Einbýlishúsahverfið er stærst
jjessara þriggja hverfa og 17,5
ha. að stærð. Hverfið er fyrir
neðan Rofabæ (núverandi Suð-
urlandsveg) og nær niður að
Elliðaám. I hverfinu verða 133
einbýlishús, sem standa við átta
götur. Götuheitin enda öll á
„bær“. Fyrsta gatan fyrir ofan
Árbæ heitir Yztibær, en síðan
koma: Heiðarbær, Fagribær,
Glæsibær, Þykkvibær, Vorsa-
bær, Hlaðbær og Hábær. Þá
má einnig geta um annað götu-
heiti, en það er Hraunbær.
Fjölbýlishúsin standa öll við
þessa götu en hún liggur fyrir
norðan fjölbýlishúsahverfið og
kemur síðan niður á milli vest-
urhluta fjölbýlishúsahverfisins
og garðhúsahverfisins og liggur
niður að Rofabæ. Lægsta boð
í gatna- og holræsagerð í þessu
hverfi átti Hlaðbær h.f., kr.
4,860,000.
962 íbúðir á
svæðinu.
Alls verða á þessu svæði,
sem skipulagt hefur verið og
skipt niður í þrjú fyrmefnd
hverfi 962 íbúðir og ná þessi
hverfi alls yfir 40,3 ha. lands.
Þá hefur verið gert ráð fyrir
því, að fyrir innan einbýlis-
húsahverfið og gegnt verzlun-
armiðstöðinni komi miðstöð
fyrir þessa byggð, m. a. kirkja,
samkomuhús, póstur og sími.
í þessu sambandi má geta þess,
að borgarverkfræðingsembætt-
ið vill alvarlega áminna fólk
um að kaupa ekki sumarbú-
staði eða sumarbústaðalönd
fyrir austan þessi nýju hverfi,
þar sem allar byggingarfram-
kvæmdir hafa verið bannað-
ar vegna fyrirhugaðs skipulags.
Fyrstu húsin tilbúin.
Framkvæmdir í þessum þrem
ur hverfum eru þegar hafnar
og miðar gatnagerð mjög vel
áfram. Sama má segja um
byggingaframkvæmdir, og
verða fyrstu húsin tilbúin strax
á þessu ári og reikna má með
að flestum verði lokið á næsta
ári. Þess verður því ekki langt
að bíða, að þarna sem áður var
óskipulögð byggð, verði risin
upp þrjú glæsileg íbúðarhverfi
með fjögur til sex þúsund íbú-
um.
— p. sv.
Líkan af Árbæjarblettum og Seláshverfi. Gengið hefur verið frá skipulagi á þremur hverfum, sem framkvæmdir eru hafnar vlð. Fyrir ofan Elliðaárstífluna er einbýlis-
húsahverfið, þá kemur Rofabær (núverandi Suðurlandsvegur). Þar fyrir ofan, lengst til vinstn. er garðhúsahverfið, en síðan vesturhluti fjölbýlishúsahverfisins, þá verzl-
unarmiðstöðin, fyrir ofan Rofabæ, og aðrar þjónustumiðstöðvar fyrir neðan. Fyrir innan verzlunarmiðstöðina er svo austurhluti fjölbýlishúsahverfisins. Enn hefur ekki
verið gengið endaniega frá skipulagi á hverfinu lengst til hægri á líkaninu.