Dagur - 24.10.1997, Blaðsíða 13

FÖSTUDAGVR 24-OKTÓBER 1997 - 13
HAJÍDBOLTI
Bikarkeppni HSÍ
Leikir í 32-Iiða úrslitum
Föstudagur
Breiðablik-Haukar kl. 20:00
Valur B-Víkingur kl. 20:00
ÍBV-KA kl. 20:00
UMFA B-ÍR B kl. 20:00
Stjarnan-ÍH kl. 20:00
Valur-Ögri kl. 18:00
Laugardagur
FH-Fram kl. 16:00
Fylkir-Þór kl. 16:00
HM-ÍR kl. 14:00
Sunnudagur
Ármann-UMFA kl. 20:30
Leikur KS við Gróttu/KR hefur
verið færður til 31. október. HK,
Hörður, Fjölnir, Selfoss og
Austri/Valur sitja yfir í þessari
umferð.
KARFA
Eggjabikariim
8-liða úrslit í keppninni hófust í
gærkvöld. Nánari umljöllun um
leikina er að finna annars staðar
í opnunni.
1. deild karla
Stafholtst.-Stjarnan kl. 20:00
Laugardagur
Breiðablik-Leiknir kl. 16:00
Þór Þorl.-Höttur kl. 16:00
Sunnudagur
Selfoss-Höttur kl. 13:00
Snæfell-ÍS kl. 20:00
L deild kvenna
Laugardagur
Grindavík-Breiðabl. kl. 14:00
ÍR-KR kl. 18:00
ERLENT
Adams hætti eftir 13
daga
Mickey Adams, eftirmaður Jan
Mölby sem framkvæmdastjóri 3.
deildarliðsins Swansea, hefur
sagt upp störfum eftir aðeins
þrettán daga. Adams hafði áður
hótað að hætta, ef hann fengi
ekki fé til leikmannakaupa. Ad-
ams var framkvæmdastjóri Fui-
ham, þangað til gengið var frá
ráðningu Kevin Keegan í það
starf fyrir stuttu.
Ekki nógu góðir
Varnarjaxlinn Tommy Smith,
sem lék með Liverpool á gullald-
arárum þess á áttunda áratugn-
um, er einn þeirra sem gagnrýnt
hafa frammistöðu Liverpool á
þessu keppnistímabili og hann
telur að margir Ieikmenn liðsins
séu ekki þess verðir að klæðast
rauða búningnum. „Ástæðan er
einföld, þeir eru ekki nógu góð-
ir. Menn tapa ekki svona mörg-
um Ieikjum, ef þeir eru með gott
lið,“ segir Smith.
Svenson til Benfica?
Svíinn Tommy Svenson, sem
stýrði sænska landsliðinu fyrir
nokkrum árum, hefur verið orð-
aður sem næsti þjálfari portúg-
alska liðsins Benfica. Svenson
fer til viðræðna við forráðamenn
Benfica á næstu dögum. Ben-
fica hefur einnig sýnt áhuga á
að fá Gordon Strachan, fram-
kvæmdastjóra enska úrvals-
deildarliðsins Coventry, en
Strachan tók áhuga Portúgal-
anna fálega í vikunni.
GOLF
Þorláksvöllur
kemur á óvart
Fyrir viku síðan
lá leið undirrit-
aðs ásamt um-
sjónarmanni
Golfsíðunnar til
Þorlákshafnar til
að leika hinn
nýja Þorláksvöll
en níu holur á
vellinum voru
teknar í notkun
síðla sumars.
Óhætt er að
segja að völlur-
inn hafi komið á
óvart, því hann
er mjög kreíjandi
og virðist frekar
byggður upp sem
keppnisvöllur, en
klúbbvöllur.
Margar brautir eru langar og
sandaður jarðvegur átti sinn þátt
í því að þær virtust enn lengri.
Lítil breidd á mörgum þeirra
gerði þær enn erfiðari og utan
þeirra er nóg af melgresi og
vatnstorfærum sem geta hæg-
lega refsað þeim kylfingum sem
þangað rata um nokkur högg.
Margar eftirminnilegar holur
eru á vellinum, en rýnir má til
með að benda á fjórðu holu vall-
arins, sem er par 5 hola með
vatnstorfæru meðfram henni
hægra megin og fyrir framan
flötina. Sú hola gæti miðað við
lengd örugglega talist sem par 6.
Annar rýnir blaðsins Ienti í mikl-
um ævintýrum á brautinn, þegar
bolti hans hafnaði út í eyju. Ekki
var um annað að ræða en að taka
undir sig stökk til að nálgast
boltann og slá hann inn á flöt-
ina.
Sökum þess hve völlurinn er
nýlegur og árstíminn til golfiðk-
unar ekki sá besti getur varla tal-
ist rétt að kvarta yfir misgrónum
brautum, sem sums staðar
mættu vera sléttari. Hins vegar
mætti vel slá nokkra teiga sem
voru frekar loðnir og koma upp
lengdarhælar. í þeim tilfellum
þar sem hælar voru til staðar,
voru þeir á röngum stöðum og
þjónuðu því ekki tilgangi sínum.
íslenskir kylfingar eru vanir
ýmsu að haust- og vetrarlagi og
ef kylfingar taka góða skapið
með sér á völlinn, ætti það að
haldast gott út hringinn og von-
andi miklu lengur.
Það eru bæjaryfirvöld í Þor-
lákshöfn og Landgræðslan sem
fjármagna vallargerðina, en
landið var áður óheftur sandur.
Hannes Þorsteinsson, sem
teiknað hefur mjög marga velli
hér á landi, á
heiðurinn af
Þorláksvelli.
Rétt er að geta
þess að enn á
eftir að koma
upp stórum
glompum eins
og víða er að
finna á skoskum
sjávarvöllum og
eiga í framtíð-
inni eftir að gera
völlinn enn erf-
iðari og þá á
holuskipan eftir
að breytast. I
stuttu máli er
óhætt að mæla
með því við höf-
uðborgarbúa að
þeir reyni Þorláksvöll. Um 35-40
mínútna akstur er á staðinn og
vallargjaldið er 500 krónur.
Ekki má svo yfirgefa Þorláks-
höfn án þess að koma við í sölu-
turninum Skálanum, en hann er
líklega einn af örfáum stöðum í
heiminum sem enn er með
Tomma-hamborgara á boðstól-
um. Þeir eru greinilega íhalds-
samir Þorlákshafnarbúar.
- koj/fe
Reglum ujii vallarmat
verður ekki breytt
Ljóst er að Golfsam-
bandið mun ekki
hreyfa viö reglum um
vaUarmat og ekki
stendur til að endur-
meta velli vegna þess.
Að sögn Hannesar Þorsteinsson-
ar, starfsmanns GSÍ, er um al-
þjóðlegar reglur að ræða og vellir
eru metnir út frá sömu forsend-
um alls staðar þar sem notast er
við þetta kerfi. Hins vegar segir
Hannes að forgjafarreglurnar
verði endurskoðaðar í vetur, en
stjórn GSÍ mun skoða þau mál á
næstu mánuðum og leggja tillög-
ur sínar fyrir ársþing GSI sem
fram fer í Garðabæ í febrúarlok.
Margir kylfingar voru óánægðir
með mat á heimavöllum sínum,
samkvæmt hinu nýja Slope-kerfi
og töldu margir að velurinn yrði
notaður til að skoða hvað úr-
skeiðis hefði farið. Hannes Þor-
steinsson, starfsmaður GSÍ, segir
að engra breytinga sé að vænta á
þeim vettvangi, enda sé GSÍ ekki
stætt á að breyta matsreglum.
„Vellir eru reiknaðir út eftir
bandarískri aðferð og mat á ísl-
enskum völlum breytast, öðruvísi
en að þeir séu endurmetnir vegna
breytinga," sagði Hannes. Hann
sagði að við fyrstu skoðun á loka-
forgjöf meistaraflokkskylfinga f
haust, hefði ekkert komið á óvart
og fátt benti til þess að nýtt mat á
völlum hefði haft nein afgerandi
áhrif, frá gamla kerfinu.
Hannes sagði hins vegar að bú-
ast mætti við einhverjum breyt-
ingum á forgjafarreglum. Notast
hafi verið við reglur Congo-kerf-
isins og það aðlagað að Slope-
kerfinu. Meðal annars er verið að
skoða hið umdeilda ákvæði um
að hreyfingar á braulum lækki
vallarmatið.
Öll Norðurlöndin eru nú með
Slope-kerfið, en útfærslurnar eru
mismunandi. Danir reikna for-
gjöf út frá höggafjölda, á svipað-
an hátt og Islendingar hafa gert,
en hinar þjóðirnar þrjár, Svíar,
Norðmenn og Finnar, reikna skor
yfir í stableford punkta. Að sögn
Hannesar munu flestar Evrópu-
þjóðirnar taka upp Slope-kerfið
innan fárra ára.
Aðspurður um það hvort ísl-
enskir kylfingar muni ef til vill
reikna forgjöf sína út frá punkt-
um, sagði Hannes að ekki yrði
breytt breytinganna vegna. Stefnt
er að að forgjafarreglur allra að-
ildarþjóða Evrópusambandsins
verði eins, innan fárra ára. Engin
stefnumörkun var sett á nýaf-
stöðnu þingi Evrópusambands-
ins, en þar kom fram að fundað
yrði um málið á næsta ári og bú-
ast mætti við fyrstu drögum að
sameiginlegum reglum á næsta
ári.
Tiger Woods er bestur
vestanhafs
Tiger Woods
gulltryggði sér
sæmdarheitið
kylfingur árs-
ins í Bandaríkj-
unum. Árang-
ur kylfinga á
bandarísku
PGA-mótaröð-
inni er reikn-
aður til stiga og Tiger Woods hef-
ur hlotið 98 stig og þegar ljóst að
næstu kylfingar, sem eru þeir
Davis Love með 60 stig og Greg
Norman og Justin Leonard með
58 stig, geta ekki náð honum, þó
enn sé tveimur mótum ólokið á
mótaröðinni.
Þrátt fyrir að hinn 21 árs gamli
Woods hafi lítið náð að sýna á
síðari þremur risamótunum og
að frammistaða hans í Ryderbik-
arnum hafi verið allt annað en
góð, er því ekki að neita að hans
fyrsta heila ár á PGA-mótaröð-
inni hefur verið frábært. Hann
sigraði í masterskeppninni með
ævintýralegum yfirburðum, og
hafði einnig sigur á Mercedes-
boðsmótinu, Byron Nelson
Classic og Opna Western. Tiger
gæti orðið fyrsti spilarinn á móta-
röðinni til að ná tveimur millj-
ónum dala (Um 140 millj. kr.) á
einu ári úr opinberum mótum.
Til þess þarf hann aðeins að ná
40 þús. dölum úr síðustu tveim-
ur mótum ársins, mótinu í Las
Vegas um helgina og á meistara-
keppni PGA-mótaraðarinnar.
Crenshaw næsti liðs-
stjóri Bandaríkjaima
Ben Crenshaw var í vikunni út-
nefndur næsti liðsstjóri Banda-
ríkjanna í Ryderbikarnum, en
keppnin mun næst fara fram í
Brookline í Bandaríkjunum eftir
tæp tvö ár. Crenshaw, sem er 45
ára gamall, var tekinn fram fyrir
Curtis Strange, Hale Irwin og
Larry Nelson, sem allir þóttu
koma til greina í starfið.
Crenshaw hefur Ijórum sinn-
um tekið þátt í Ryderbikarnum
sem leikmaður, en er ekkert með
sérstakan árangur á þeim vett-
vangi, eða þrjá sigra, átta töp og
eitt jafntefli. Hann er öllu þekkt-
ari fýrir að hafa sigrað á masters-
mótinu tvívegis. Eftir ósigur
bandaríska úrvalsins í síðasta
Ryderbikar á Spáni í síðasta mán-
uði hafa margir haft það á orði að
nú væri kominn tími á liðsstjóra
sem væri harður í horn að taka.
Crenshaw fellur varla undir þá
lýsingu, enda hefur hann hlotið
viðurnefnið „Gentle Ben“ sem út-
leggst gæti „hægláti Ben.“
Smith efstur á
Nihe-mótimiun
Nike-mótaröðinni lauk um síð-
ustu heigi og þá kom í ljós hvaða
fimmtán kylfingar skipuðu efstu
sætin á mótaröðinni og unnu sér
þannig sjálfkrafa sæti á mótum
þeirra bestu á PGA-mótaröðinni.
Bandaríkjamaðurinn Chris
Smith varð efstur á peningalist-
anum, fékk sem samsvarar 17
milljónum kr. á árinu. Margir
frægir kylfingar hafa unnið sér
sæti á PGA-mótunum með ár-
angri á Nike-mótunum, meðal
annars Tom Lehman (1991) og
David Duvall, sem sigrað hefur á
tveimur síðustu mótunum vest-
anhafs.