Dagur - 15.11.1997, Blaðsíða 11

LAUGARDAGUR ÍS.NÓVEMBER 1997 - 11
T^tr
i7tfT fxrna r MHKBBR i m rrr T T} ^
11/ lY JU lu 1\ U Ix JLl X X X Xi Á
Saddam Hussein telur sig hafa engu að tapa með því aö óhlýðnast Bandaríkjunum.
Arabar hvetja
til varfæmi
Margir Arabar segja
að árásir á írak
myndu jafnvel styrkja
stöðu Saddams
Hussein.
Réttara vaeri, að mati Araba, að
Bandaríkin reyndu allar mögu-
legar diplómatískar leiðir til þess
að losna út úr því ástandi sem
myndaðist við það að Irakar neit-
uðu Bandaríkjamönnum þátt-
töku í vopnaeftirliti Sameinuðu
þjóðanna í Irak. Sumir arabískir
embættismenn telja að það geti
haft þveröfug áhrif þegar Banda-
ríkjamenn eru að gefa í skyn að
markmiðið sé að koma Saddam
Hussein frá völdum, því þar með
telji hann sig ekki hafa neinu að
tapa með því að brjóta gegn
ályktunum SÞ.
„Irösk stjórnvöld virðast þeirr-
ar skoðunar að hvað svo sem þau
geri muni Bandaríkin alltaf beina
spjótum sínum að þeim,“ sagði
Osama Baz, stjórnmálaráðgjafi
Hosni Mubaraks, forseta Egypta-
lands. „Þeir segja því sem svo: Ef
markmiðið er að kollvarpa okkur,
þá værum við snarvitlausir að
sýna þessum áformum nokkra
samvinnu framar."
Skiluingsleysi
Bandarfkj auianna
Baz sagði að Bandaríkin geti
kippt fótunum að einhverju leyti
undan þessum röksemdum með
því að „gefa í skyn að markmiðið
sé ekki að kollvarpa stjórninni
heldur að sannfæra hana um að
breyta stefnu sinni í ákveðnum
máíurn."
Þrátt fyrir að sum Arabaríki,
svo sem Egyptaland og Sjrland,
hafi stutt árásirnar á Irak árið
1991 í þvf skyni að hrekja Iraka
frá Kúveit, þá eru Arabar í vax-
andi mæli ósáttir við hve Banda-
ríkjamenn hafa sýnt lítinn áhuga
og skilning á þjáningum Iraka
vegna alþjóðlega viðskiptabanns-
ins sem sett var á landið fáum
dögum eftir innrás Iraka í Kúveit
árið 1990. Og þeir eru einnig
vantrúaðir á fullyrðingar Banda-
ríkjamanna um að enn stafi ná-
grannaríkjum íraks veruleg hern-
aðarleg hætta af Saddam
Hussein og veldi hans.
Leiðtogar Araba eru auk þess
tregir til að ganga gegn almenn-
ingsálitinu, ekki síst með hlið-
sjón af þeim ógöngum sem frið-
arferlið fyrir botni Miðjarðar-
hafsins er komið í, en þeir kenna
Bandaríkjunum að hluta til um
að svo sé komið vegna tregðu
þeirra til að beita þrýstingi á
Benjamin Netanjahu, forsætis-
ráðherra Israels.
Sekir uni tvofeldni
„Margir í Arabaheiminum telja
að Bandaríkin séu ekki í neinni
alvöru að reyna að sannfæra
Israelsstjórn um að framfylgja
skuldbindingum sínum gagnvart
Palestínumönnum, en um leið
eru þeir með aðra stefnu gagn-
vart Arabaríkjum, og líða þeim
engin frávik frá tilskipunum sín-
um,“ segir Baz. „Bandaríkin eru
þannig talin sek um tvöfeldni."
Sumir embættismenn í
Arabaríkjum hafa þó gefið í skyn
að þótt opinberar yfirlýsingar
þeirra virðist vera hliðhollar írak,
þá væru leiðtogar í Persaflóaríkj-
unum dauðfegnir að losna við
Saddam Hussein, sem þeir telja
stofna stöðugleika svæðisins í
mikla hættu.
En nokkuð ljóst þykir að ef rík-
isstjórn Bandaríkjanna hyggst
grípa til hervalds í ágreiningi sín-
um við Saddam, eins og gerst
hefur áður, þá yrði það í þetta
sinn án nokkurs stuðnings frá
Arabaríkjum á borð við Egypta-
Iand, Jórdaníu og Saudi-Arabíu,
sem annars hafa verið heldur
vinveitt Bandaríkjunum.
-The Washington Post
HEIMURINN
Ekkert lát á ftóðuinini
SÓMALÍA - Starfsmenn hjálparstofnana telja að flóðin í Sómalíu
muni kosta yfir 1000 manns lífið, en í gær var tala látinna komin hátt
í 600. Gífurleg flóð hafa verið undanfarna daga í Júbadalnum, einu
frjósamasta héraði landsins, og sums staðar hefur fólk þurft að ldífa
upp í hæstu tré og setið þar fast í nærri viku. Leiðtogar stríðandi afla
í landinu hafa beðið erlend ríki og hjálparstofnanir um aðstoð, en
nokkur tregða er til þess vegna þeirrar útreiðar sem bandarískir her-
menn fengu þar árið 1995.
Áttu uppbyggilegan fund
BRETLAND - Benjamin Netanjahu, forsætisráðherra Israels, átti í
gær fund með Tony Blair, forsætisráðherra Bretlands. Sagði Blair
fundinn hafa verið vinsamlegan og uppbyggilegan. Á fundinum lýsti
Blair yfir áhyggjum sínum af þvi sem væri að gerast í friðarferli Isra-
els og Palestínumanna, en Netanjahu útskýrði á móti eínlægan frið-
arvilja sinn og sagði Israelsmenn hafa staðið við Oslóarsamningana í
einu og öllu.
Sleppa við nýju stafsetnmguna
ÞÝSKALAND - Dómstóll í Berlín hefur fallist á kröfur frá fertugum
föður sem vildi ekki sætta sig \áð nýju réttritunarlögin í Þýskalandi,
sem verið hafa mjög umdeild, og þurfa börn hans því ekki að fara eft-
ir nýju stafsetningarreglunum í skólanum - a.m.k. ekki á meðan mál-
ið hefur ekki farið fyrir Hæstarétt. Borgaryfirvöld í Berlín hafa sagst
ætla að áfrýja málinu.
Skólaskrifstofa Hafnarfjarðar
Kennarar - Kennarar
Kennara vantar nú þegar vegna forfalla við Hvaleyrarskóla
í Hafnarfirði. Um er að ræða almenna kennslu.
Upplýsingar gefur skólastjóri, Helga Friðfinnsdóttir í
síma 565 0200.
Skólafulltrúinn í Hafnarfirði.
Deildarfundir KEA haustið 1997
Fnjóskdæladeild
Miðvikudagur 19. nóv. kl. 14 á lllugastöðum
Glæsibæjar-, Skriðu- og Öxndæladeildir
Miðvikudagur 19. nóv. kl. 20.30 á Melum
Arnarnesdeild og Árskógsdeild
Mánudagur 24. nóv. kl. 14 í Árskógi
Dalvíkurdeild og Svarfdæladeild
Mánudagur 24. nóv. kl. 20.30 í Víkurröst
Grímseyjardeild
Þriðjudagur 25. nóv. kl. 17 í félagsheimilinu
Ólafsfjarðardeild
Þriðjudagur 25. nóv. kl. 20.30 á Hótel Ólafsfirði
Hrafnagilds-, Saurbæjar- og Öngulsstaðadeildir
Miðvikudagur 26. nóv. kl. 20.30 í Sólgarði
Siglufjarðardeild
Miðvikudagur 26. nóv. kl. 20.30 í Lionssalnum við Suðurgötu 4
Strandardeild
Fimmtudagur 27. nóv. kl. 13.30 í Ráðhúsinu
Hríseyjardeild
Fimmtudagur 27. nóv. kl. 20 í Kaffistofu Snæfells hf.
Höfðhverfingadeild
Þriðjudagur 2. desember kl. 20.30 í Samkomuhúsnæðinu í
Barnaskólanum
Félagsmenn eru hvattir til að fjölmenna á deildarfundina.
Kaupfélag Eyfirðinga.
Kosningar
Kosningar um sameiningu
Staðarhrepps, Fremri-Torfustaða-
hrepps, Ytri-Torfustaðahrepps,
Hvammstangahrepps,
Kirkjuhvammshrepps, Þverárhrepps
og Þorkelshólshrepps
í Vestur-Húnavatnssýslu
Kosið verður um sameiningu allra sveitarfélaga
í Vestur-Húnavatnssýslu laugardaginn
29. nóvember 1997. Á kjörskrá skulu þeir
vera sem eru með lögheimili
samkvæmt þjóðskrá í viðkomandi sveitarfélagi
í Vestur-Húnavatnssýslu, fimm vikum fyrir
kjördag sbr. 19. gr. I. nr. 8/1986.
Kjörskrár munu liggja frammi á skrifstofum
hreppanna eða hjá oddvitum, nema annað
verði auglýst, eigi síðar en 18. nóvember 1997.
Vegna þessara kosninga mun
utankjörfundaratkvæðagreiðsla hefjast
föstudaginn 31. október 1997 og Ijúka
29. nóvember 1997.
Hægt er að kjósa utan kjörfundar á
skrifstofum sýslumanna og umboðsmanna
þeirra um land allt.
Þeir sem samþykkja tillöguna skrifa „Já“ á at-
kvæðaseðilinn, en þeir sem ekki samþykkja til-
löguna skrifi „Nei“ á atkvæðaseðilinn.
Framkvæmdanefnd um sameiningu
sveitarfélaga í Vestur-Húnavatnssýslu.