Dagur - 14.10.1998, Blaðsíða 13

MIDVIKUDAGUR 14. OKTÓBER 19 9 8 - 13.r
O^ur
ÍÞRÓTTIR
Stigalausir Rússar
Rússneski björninn stillir hér upp varnarvegg í einum leik liðsins í Evrópukeppninni.
íslenska landsliðið í
knattspymn mætir
þvi rússneska í einum
mikilvægasta leik
landsliðsins í langan
tíma.
Landsleikur Islands og Rúss-
lands hefst á Laugardalsvellinum
klukkan 17:45 í dag. Þetta er
einn mikilvægast landsleikur Is-
lendinga í knattspyrnu til þessa
og ræður miklu um framhaldið í
riðlakeppni EURO-2000. Ef við
náum sigri gegn Rússunum, sem
verður að teljast raunhæft, mið-
að við stöðuna, þá er liðið komið
með fimm stig fyrir leikinn gegn
Andorra, sem fram fer í mars n.k.
Það yrði óneitanlega gott vega-
nesti í framhaldið, þar sem mjög
erfiðir útileikir gegn Úkraínu-
mönnum, Rússum og Frökkum
eru eftir í riðlinum. Við verðum
því að ná stigum á heimavelli og
til þess þurfum við að skora
mörk.
Leikir íslands í riðliniun:
ísland - Frakkland 1-1
Armenía - ísland 0-0
14. okt. ísland - Rússland
27. mars Andorra - ísland
31. mars Úkraína - ísland
5. júní íslánd - Armenía
9. júní Rússland - Island
4. sept. ísland - ^yidorra
8. sept. ísland - Úkraína
8. okt. Frakkland - Island
Rússneska liðið sem mætt er til
landsins er skipað geysilega
sterkum leikmönnum, en ein-
hverra hluta vegna hefur liðið
ekki náð að sýna sínar réttu hlið-
ar í fyrstu tveimur leikjunum,
gegn Úkraínumönnum og Frökk-
um. Þeir töpuðu útileiknum
gegn Úkraínu 3:2 og einnig
heimaleiknum gegn Frökkum
með sömu markatölu. Þetta sýn-
ir okkur að rússneska vörnin hef-
ur ekki verið að spila vel og liðið
hefur engað veginn náð saman.
Slæmt ásland lieinialyrir
Ástandið í Rússlandi kann að
spila þar eitthvað inní, en eilíf
illindi og þrætur hafa einkennt
allt athafnalíf í landinu á síðustu
misserum. Efnahagslífið er í rúst
og það ástand hefur nú náð inn í
rússnesku deildakeppnina. I
fyrradag hótuðu liðin sem leika í
úrvalsdeildinni að hætta keppni,
nema rússneska knattspyrnu-
sambandið (RFU) samþykkti að
láta fara fram kosningar um nýj-
an forseta sambandsins. Eftir
stjórnarfund samtaka úrvalsdeild-
arliða hittu forystumenn hennar
núverandi framkvæmdastjóra
RFU, Koloskov, og hótuðu að
hætta keppni í deildinni, en
Koloskov er einn þeirra sem helst
er kennt er um bágt ástand.
Slæmt ástand heimafyrir og
óvissa um framhald rússnesku
úrvalsdarinnar mun því örugg-
lega hafa slæm áhrif á landsliðs-
málin og kannski það sé ástæðan
fyrir slæmu gengi Rússa að und-
anförnu.
Stuðningur áhorfenda uiikil
vægur
Alla vega koma Rússarnir stiga-
lausir til Islands og það er örugg-
lega ætlun okkar manna að þeir
verði það áfram eftir leikinn í
dag. Menn munu örugglega leggja
sig alla fram til sigurs á heima-
velli og þá er mikilvægt að þeir
fái góðan stuning áhorfenda.
Þessi Ieikur verður ekki síður
spennandi og mikilvægur, en
leikurinn gegn Frökkum og búast
má við hörkuviðureign. Okkar
strákar hafa verið að leika vel í
síðustu leikjum og sjálfstraustið
hefur vaxið, leik frá leik. En rúss-
neski björninn er geysisterkur,
það sést best á þeim mannskap
sem þeir hafa yfir að ráða. Mikill
fjöldi frábærra leikmanna sem
spila í sterkustu deildum Evrópu
með mörgum toppliðum Evrópu.
GUÐNI Þ.
ÖLVERSSON
ísland í
góðum gír
Framistaða íslenska landsliðsins
í síðustu leikjum vekur óneitan-
lega mikla athygli. Ekki bara á
Islandi heldur um alla Evrópu. I
Evrópukeppni landsliða hefur
liðið leikið tvo Ieiki, við heims-
meistarana frá Frakklandi á
Laugardalsdvellinum og Armen-
íu á útivelli. Afraksturinn er
góður. Tvö stig í húsi. Það sem
meira er að liðið var óheppið að
hirða ekki öll stigin í Armeníu.
Það getur varla nokkur maður
ætlast til þess að Island leiki
glimrandi sóknarleik á útivöllum
f Evrópukeppni. Þar er það ör-
yggið sem gildir. Hvert stig er
dýrmætt. I Armeníu lék liðið
mjög skynsaman vamarleik og
réði gangi leiksins lengstum.
Strákarnir vissu að andstæðing-
urinn skorar ekki meðan við
höfum boltann. Þetta er hugar-
farið sem okkar menn þurfa að
fara með inn á völlinn í flestum
löndum Evrópu. Okkar riðill í
EM er langt frá því að vera auð-
veldur. En við eigum að fá sex
stig gegn Andorra. Það er sjálf-
sögð krafa. Náist það markmið
verður ekki annað sagt en að
Guðjón og lærisveinarnir séu í
góðum málum.
Jafntefli, svo maður tali ekki
um sigur, gegn Rússum í dag
myndi færa Islandi eftirminni-
legasta flug sem Iandsliðið hefur
komist á í sögu sinni. Þrír Ieikir
í EM og þar af einn við heims-
meistarana, án taps er nokkuð
sem íslendingar hafa ekki upp-
lifað. Nái strákarnir markmið-
inu geta íslenskir knattspyrnu-
áhugamenn farið að ganga um í
dagdraumum. Ekki samt lands-
liðsmennirnir. Þeir verða að
hafa lappirnar á jörðinni og hug-
arfarið, að gera allt til þess að
vinna hvern einasta leik.
Áfram Island.
ÍÞRÓ TTAVIÐ TALIÐ
Rússamir með slæma stððu
Logi Ólafsson
knattspymuþjálfari.
Mikill spennuleikurfer
fram í Laugardalnum í dag
klukkan 17:45, þegarís-
lenditigar mæta Rússum í
riðlakeppni EUR0-2000.
Við spurðum Loga Ólafs-
son, fyrrverandi landsliðs-
þjálfara, liverja hann teldi
möguleika okkargegn
Rússum.
- Áttu von á sterku rússnesku
liði?
„Rússarnir eru með geysisterkt
lið á pappírunum, en þeir eru í
afskaplega vonum málum með
stöðu sína í riðlakeppninni.
Þessi leikur í dag er algjör úr-
slitaleikur fýrir þá um það hvort
þeir komast eitthvað áfram í
keppninni. Þeir hreinlega verða
að vinna leikinn. Rússarnir
mæta örugglega banhungraðir í
þennan leik og ætla sér ekkert
annað en sigur. Þeir eru búnir að
tapa tveimur fyrstu leikjunum og
fá á sig sex mörk, sem er nokkuð
mikið í tveimur leikjum, en hafa
reyndar skorað fjögur. Það er
þess vegna greinilegt að vörnin
hjá þeim er ekki mjög sterk.
Maður upplifir þetta rúss-
neska Iið sem mjög sundurleitan
hóp og maður hefur það á til-
finningunni að óánægjan grass-
eri meðal leikmanna. Þeir hafa
verið með allskonar aðgerðir í
gangi og það nýjasta er verkfalls-
hótun í rússnesku deildinni.
Þetta ástand heimafyrir fer ef-
laust illa í mannskapinn og getur
haft slæm áhrif á gengi liðsins,
sem það gerir eflaust. En liðið er
samt feikilega sterkt og hefur
marga mjög góða einstaklinga
innanborðs.
Þetta eru meira og minna leik-
menn sem eru að spila í efstu
deildum Evrópu, eða þá með
sterkustu liðunum í Rússlandi,
eins og Spartak Moskvu. Þeir
hafa þó einhverjir átt við meiðsl
að stríða, eins og gengur og ger-
ist, en þeir hafa úr mjög stórum
hópi sterkra leikmanna að
moða.“
Hverja telurðu okkar
möguleika gegn Rússunum?
„Samkvæmt því sem komið
hefur fram í ÍTéttum þá telja
Rússar að sigur gegn okkar
mönnum sé nokkuð öruggur.
Þeir líta jafnvel ekki á íslenska
liðið sem keppinaut og telja að-
eins formsatriði að klára leikinn.
Samkvæmt þessu, þá mæta
Rússar hingað nokkuð siguniss-
ir og það er plús fyrir okkur.
Þessi „apasálfræði" er alltaf fyrir
hendi í íþróttunum og því meiri
sem gorgeirinn er í mótherjan-
um, því betra.
Annars hefur okkur gengið
ágætlega gegn Rússum á undan-
förnum árum. Það er ekki svo
langt síðan við gerðum við þá 1:1
jafntefli hér í Laugardalnum og
einnig 1:1 jafntefli á útivelli. Is-
lenska liðið hefur verið að spila
feikilega sterka vörn í síðustu
leikjum og fengið á sig mjög fá
mörk. Eg held að það sé grunn-
urinn að því sem koma skal og ef
viðrar vel og aðstæður verða hag-
stæðar í dag þá getur allt gerst á
móti Rússum. Sérstaklega ef
strákarnir ná að nýta sóknarfær-
in betur en þeir hafa gert og þá
verða framherjarnir þeir Rík-
harður, Arnar og Þórður að eiga
mjög góðan leik.
- Hvað meinarðu með „ef
viðrar vel“?
„Eg meina það, að vont veður
er ekki lengur neinn plús fyrir
okkur. Flestir eða allir leikmenn-
irnir í íslenska liðinu eru að spila
við mjög góðar aðstæður úti í
Ewópu, þannig að „vont veður,
rigning og reiðtúrar" er bara
gömul lumma. Við erum orðnir
jafn háðir því og aðrir að fá
þokkalegar aðstæður til að leika
góðan leik.“
- Telurðu að spila eigi sama
leikketfi gegn Rússum og gegn
Frökkum og Armenum?
„Eg er alveg inn á því að spila
sterka vörn og beita skyndisókn-
um. Það þarf að útfæra sóknar-
leikinn aðeins betur en í síðasta
leik, ef við ætlum að ná hagstæð-
um úrslitum. Þar sem verið er að
sækja á fáum mönnum, mættu
fleiri fylgja framar á völlinn þeg-
ar við höfum boltann.
Þessi útfærsla á leikkerfi Iiðsins
hefur þróast ágætlega. Það er
búið að byggja grunninn með
þessari sterku vörn, en auðvitað
þarf einhveija leiki til þess að
slípa þetta ennþá frekar. En fram-
haldið er eins og ég sagði fyrr að
útfæra sóknarleikinn betur. Mér
sýnist að framtíðin hjá landslið-
inu og það sem henti best sé ein-
mitt að spila sterkan varnarleik og
beita skyndisóknum. Strákarnir
hafa sannað að þeir geta þetta,
eins og við sáum til dæmis gegn
Lettum og Frökkum. Þessir hlut-
ir gerast ekki á einni nóttu og
Guðjón Þórðarson þarf að fá sinn
tíma og stuðning til að halda
áfram sinni vinnu."
Ö<Ji)