Dagur - 04.03.1999, Blaðsíða 4

4- FIMMTUDAGUIl 4. MARS 1999
FRÉTTIR
L.

íþróttáhús á Seyðisfirði fyrir 170
milljónir króna
Stefnt er að því að vígja nýtt íþrótahús á Seyðisfirði um páskana.
Byggingu hússins er að mestu lokið en þó er eftir að setja upp lyftu
í húsinu. Húsið er þrjár hæðir. A jarðhæðinni er íþróttasalur með
löglegum keppnisvelli og áhorfendasvæði fyrir allt að 800 manns ef
hluti áhorfenda stendur. Þess vegna væri hægt að hafa landsleiki í
handbolta á Seyðisfirði. I kjallaranum er Iíkamsrækt með nýjum
tækjum, sólbaðsstofu, gufubaði og heitum potti. Á 3. hæðinni fyrir
enda salarins er 300 fermetra félagsaðstaða, sem m.a. íþróttafélagið
Huginn nýtir en sú aðstaða er að hluta til byggð ofan á félagsheimil-
ið. Iþróttasalurinn var tekinn í notkun í haust en líkamsræktin í
febrúarmánuði sl.
Olafur Sigurðsson, bæjarstjóri, segir að byggingarkostnaður nemi
um 170 milljónum króna með öllum búnaði sem teljist mjög hag-
kvæmt. íþróttahúsið er byggt út frá félagsheimilinu Herðubreið en
með því tekst að samnýta starfslið. — GG
íslenskar kýr óblandaðar
Fyrir réttu ári síðan var ákveðið að
flytja inn erfðaefni úr norskum
nautgripum til að fá úr því skorið
hvernig það reyndist við íslenskar
aðstæður. Um íokaða tilraun er að
ræða, þ.e. hún fer aðeins fram á
þremur kúabúum á landinu, og
ekki verður leyft að flytja dýr út af
þeim búum á tilraunatímabilinu.
Áætlað er að þessi tilraun standi
í 5 til 8 ár. Ari Teitsson, formaður
Bændasamtakanna, segir að bæði
verði um ræktun hreins norsks
stofns að ræða og eins verður um
blendinga að ræða. Að lokinni tilrauninni verður tekin ákvörðun um
það hvort um blöndun verði að ræða á norska og íslenska stofninum.
Norskar kýr eru nokkuð stærri en þær íslensku og munu mörg ís-
lensk Qós ekki henta fyrir þær af þeim ástæðum. Ótti við það að ís-
lenski kúastofninn muni í náinni framtíð tilheyra sögunni til er því
úr Iausu lofti gripinn að sinni að sögn Ara Teitssonar. - GG
Sleðinn í eigu bæjarins
Kristinn Svanbergsson, framkvæmdastjóri Skíðasambands íslands,
segir stjórn sambandsins nú bíða eftir skýrslu frá eftirlitsaðilum á
Siglufirði eftir að drengur brotnaði á báðum fótum í bikarmóti sam-
bandsins um síðustu helgi. Kristinn segir ljóst að vélsleðinn sem
rann á drenginn hafi verið í eigu Siglufjarðarbæjar og starfsmaður
bæjarins hafi borið ábyrgð á sleðanum. Hann vill hins vegar ekki tjá
sig frekar um atvikið að sinni fyrr en eftir að skýrsla eftirlitsaðila ligg-
ur fyrir. — Bl>
Þröng verkefnastaða
Lítið er um verkefni hjá
Slippstöðinni á Akureyri
sem stendur og segir
Ingi Björnsson fram-
kvæmdastjóri að um ár-
vissan samdrátt sé að
ræða. „Verkefnastaðan
er þröng, en þetta er
búið að vera ágætt frá
áramótum. Það er oft
lítið um vinnu í mars og
þannig var það t.d. £
fyrra. Við erum þó bjart-
sýnir á sumarið, enda
rætist oft fljótt úr.
Loðnuskipin fara að
koma inn,“ segir Ingi.
Þrátt fyrir samdráttinn hefur Slippstöðin ekki gripið til uppsagna
enda hefði það óæskileg áhrif á starfið á heilsársgrundvelli að sögn
Inga. Nú eru um 140 starfsmenn hjá fyrirtækinu, en starfsmönnum
er fjölgað yfir sumartímann. Nánast allt starf Slippstöðvarinnar lýtur
að viðhaldsverkefnum, en einnig er nokkuð um smíði á ryðfríum
búnaði. — bþ
Þjóðverjar hóta vegna hvalveiða
Yfirmaður einnar stærstu verslunarkeðju Þýskands hefur varað fs-
Iendinga við viðskiptalegum áhrifum ef hvalveiðar hefjast aftur við
íslands strendur. Vilhjálmur Egilsson, formaður Verslunarráðs ís-
lands, átti fund úti í Hamborg nýverið sem efnt var til á vegum Þýsk-
íslenska verslunarráðsins. Þar ræddi hann við einn af yfirmönnum
Tengelmans, Christian Brenne. Hann staðhæfði að stefna fyrirtækis-
ins væri að hafa engar norskar vörur á boðstólum, engar japanskar
matvörur og ekki færeyskar vörur. Astæðan sé hvalveiðar þjóðanna.
íslendingar hafa ekki verið á eitt sáttir um hvort nágrannaríkin
myndu gera alvöru úr hótunum sínum um viðskiptaþvinganir ef hval-
veiðar hefjast aftur. Samkvæmt orðum Christian Brenne, er alvara á
ferðum. „Eg hef hitt þennan mann nokkrum sinnum og hlustaði á
það sem hann hafði að segja. Ég hef ekki farið í búðirnar til að kanna
sannleiksgildi orða hans en það er ljóst að við eigum von á viðbrögð-
um,“ segir Vilhjálmur Egilsson. — bþ
Verkefnastaöa Slippstöðvarinnar mætti vera
betri en horfur eru á að úr rætist.
Fólksbílakaup voru þriðjungi meiri en íjanúar í fyrra, 1.250 bílar nýskráðir íjanúar, sem virðist gefa fyrirheit um
að enn eitt gott bílaár sé í vændum.
Vöruskiptahalli vex
Geíur gríöariuikill
bílaijiiiflutiiingur í
janúar iyrirheit íiin
enn eitt gott bílaár?
Vöruskiptin við útlönd hafa
snarminnkað í fyrsta mánuði
þessa árs miðað við janúar í
fyrra. Utflutningur er nú næst-
um fimmtungi minni en í janúar
í fyrra (nú 8,2 milljarðar) og inn-
flutningurinn hefur minnkað
enn meira, eða næstum um
þriðjung. Vekur raunar athygli
að innflutningsverðmætið er
nánast það sama og í janúar
1997, um 10,8 milljarðar, sam-
kvæmt innflutningstölum Hag-
stofunnar. Eitt er þó sem vex
stórum. Fólksbílakaup voru
þriðjungi meiri en í janúar í
fyrra, 1.250 bílar nýskráðir í jan-
úar, sem virðist gefa fyrirheit um
að enn eitt gott bílaár sé í vænd-
um.
Um 2,5 milljarða halli
Góðærið 1999 byrjar þannig
með rúmlega 2,5 milljarða halla
á vöruskiptajöfnuði - helmingi
minni en í fyrra. En segja má að
3,5 milljarða flugvélakaup hafi
skýrt stærstan hluta af 5,7 millj-
arða vöruskiptahalla janúarmán-
aðar í fyrra, svo breytingin er
ekki mikil að þeim frátöldum.
Annar innflutningur hefur þó
minnkað um hálfan annan millj-
arð (13%), sem að mestu kemur
fram í miklu minni olíukaupum
og minni rekstrarvörum og
minni matvælum. Hins vegar
jukust innkaup á öðrum neyslu-
vörum um 8% og bílunum sem
fyrr segir. — HEI
íþróttahús leigt fyrir
einii miUjarð króna
Hörð rimma imi ijöl-
nota íþróttahús í
Reykjaneshæ. Hags-
munatengsl. Verkafl
hyggir. Bærinn leigir
í 35 ár. 27 miUjónir á
ári. Kærur í farvatn-
inu.
Hörð átök hafa verið í bæjar-
stjórn Reykjanesbæjar vegna
byggingar og reksturs á Ijölnota
íþróttahúsi með yfirbyggðum
knattspyrnuvelli. Meirihluti bæj-
arstjórnar hefur ákveðið að
Verkafl, dótturfyrirtæki Islenskra
aðalverktaka, byggi húsið á eigin
kostnað fyrir um 370 milljónir
króna og leigi það bænum til 35
ára fyrir tæpan milljarð króna,
eða 27 milljónir á ári. Athygli
vekur að Ellert Eiríksson bæjar-
stjóri er einn af eigendum Is-
lenskra aðalverktaka og Arni
Stefánsson, formaður skipulags-
nefndar Reykjanesbæjar, er einn
af yfirmönnum þeirra. Skúli H.
Skúlason, forseti bæjarstjórnar,
segist ekki hafa orðið var við
nein hagsmunatengsl við Is-
Ienska aðalverktaka í þessu máli.
Hagstætt
„Við höfum ekkert brotið af lög-
um og reglum og erum að gera
þetta á eins hagstæðan máta og
við getum,“ segir Ellert Eiríks-
Athygli vekur að Ellert Eiríksson
bæjarstjóri er einn af eigendum
íslenskra aðatverktaka.
son, bæjarstjóri Reykjanesbæjar.
Hann vék af fundi bæjarstjórnar
þegar samningurinn við Verkafl
var til umræðu og samþykktur í
fyrrakvöld.
Stefnt er að því að húsið verði
tilbúið 18. febrúar á næsta ári.
Það er um 8.300 fermetrar að
stærð, með gervigrasvelli, áhorf-
endastæðum fyrir 1000 manns
og bílastæði fyrir 50 bíla. Mán-
aðarleiga bæjarins á húsinu
verður um 2 milljónir og 250
þúsund krónur. Þá jafngildir árs-
leigan þvf að hlutur hverrar fjög-
urra manna fjölskyldu í Reykja-
nesbæ sé rúmar 10 þúsund
krónur. Forseti bæjarstjórnar
bendir á að leiga á hvern fer-
metra sé um 270 krónur og það
kosti bæinn urn 20 milljónir á ári
að reka sundlaugina svo dæmi sé
tekið. Þá geti bærinn farið í við-
ræður um kaup á íþróttahúsinu
á leigutímanum.
Lögbrot
Jóhann Geirdal, oddviti minni-
hlutans í bæjarstjórn, átelur
meirihluta sjálfstæðismanna og
framsóknarmanna um brot á
skipulagslögum og útboðsregl-
um á EES-svæðinu. Hann segir
að skipulagsnefnd hafi samþykkt
með oddaatkvæði Arna Stefáns-
sonar að íþróttahúsið yrði stað-
sett á Flugvallarvegi á milli
Keflavíkur og Njarðvíkur án þess
að samþykkt deiliskipulag sé fyr-
ir því. Hann telur einsýnt að lát-
ið verði reyna á lögmæti þessara
vinnubragða.
Allt á hæinn
Þess utan séu ekki fjárhagslegar
forsendur fyrir þessum samn-
ingi, sem sé alltof dýru verði
keyptur fyrir bæjarsjóð með
6,22% vöxtum. Þá á bærinn að
greiða 7 milljónir króna í fjár-
magnskostnað á byggingartím-
anum og allan kostnað af rekstri
og nauðsynlegu viðhaldi íþrótta-
hússins, búnaði og Ióð, fast-
eignatryggingar og lóðagjöld.
Hins vegar ber leigusali ábyrgð á
viðhaldi hússins að utan í fimm
ár. Þá á bærinn að endurgreiða
Ieigusala alla skatta og gjöld sem
kunna að verða lögð á leiguna og
eða leigusala vegna samningsins
og framkvæmda á hans vegum
við byggingu hússins. — GRH