Dagur - 04.03.1999, Blaðsíða 6

6 -FIMMTUDAGUR 4. MARS 1999
Tkypr
ÞJÓÐMÁL
Utgáfufélag:
Útgáfustjóri:
Ritstjóri:
Aðstoðarritstjóri:
Framkvæmdastjóri:
Skrifstofur:
Sfmar:
Netfang ritstjórnar:
Áskriftargjald m. vsk.:
Lausasöluverð:
Grænt númer:
Simbréf auglýsingadeildar:
Símar auglýsingadeildar:
Netfang auglýsingadeildar:
Símbréf ritstjórnar:
DAGSPRENT
EYJÓLFUR SVEINSSON
ELÍAS SNÆLAND JÓNSSON
BIRGIR GUÐMUNDSSON
MARTEINN JÓNASSON
STRANDGÖTU 31, AKUREYRI,
GARÐARSBRAUT 7, HÚSAVÍK
OG ÞVERHOLTI 14, REYKJAVÍK
460 6100 OG 800 7080
ritstjori@dagur.is
1.800 KR. Á MÁNUÐI
150 KR. OG 200 KR. HELGARBLAÐ
800 7080
460 6161
(REYKJAVÍK)563-1615 Ámundi Ámundason
(AKUREYRI)460-6191 G. Ómar Pétursson
OG 460-6192 Gréta Björnsdóttir
omar@dagur.is
460 6171CAKUREYRI) S51 6270 (REYKJAVÍK)
Skrifaðu jarðgöng!
í fyrsta lagi
„Skrifaðu brú!“ Þetta fræga orðatiltæki er lýsandi dæmi um
það hvernig sumir frambjóðendur ærast íyrir þingkosningar og
lofa kjósendum öllu fögru - auðvitað á kostnað samfélagsins
og skattborgaranna. Það er líklega í samræmi við breyttan tíð-
aranda að í stað þess, sem áður var, að þingmenn létu sér
nægja að lofa brú eða vegarspotta fyrir atkvæði, hrópa þeir nú
hver í kapp við annan: „Skrifaðu jarðgöng!"
í öðru lagi
Þótt engin jarðgöng séu á vegaáætlun, sem nær fram til ársins
2010, var það samt ráðherra samgöngumála sem ýtti boltan-
um af stað með yfirlýsingum um að næst ætti í fara í gerð jarð-
ganga á milli Siglufjarðar og Olafsfjarðar - það er í kjördæmi
ráðherrans. Þetta varð austfirskum framsóknarþingmönnum
tilefni til að minna á gömul fyrirheit um að næstu jarðgöng
yrðu boruð í þeim landsfjórðungi. Ekki Ieið á löngu þar til
vestfirskur þingmaður lét líka í sér heyra; hann taldi brýnt að
leggja ný jarðgöng fyrir vestan. Og sjálfstæðismenn á Suður-
landi hafa þegar tryggt sér opinbert fé til að kanna hugmynd-
ir um að bora jarðgöng undir hafið milli lands og Eyja.
1 þriðja lagi
Með reynslu síðustu áratuga í huga hljóta almennir skattborg-
arar þessa lands að fyllast hryllingi þegar þeir sjá og heyra al-
þingismenn keppast með þessum hætti við að lofa eða berjast
fyrir stórframkvæmdum sem vafalaust munu samanlagt kosta
hátt í hundrað milljarða króna. Þetta jarðgangaæði minnir
óhugnanlega á fjárfestingafyllirí fyrri ára í fiskeldi og loðdýra-
rækt, en sú stjórnlausa sóun fjármagns skerti tvímælalaust
lífskjör almennings. Nýja æðið minnir einnig á reynslu frænda
okkar í Færeyjum - en þar átti offjárfesting í jarðgöngum gegn-
um hvert fjallið af öðru sinn þátt í að rústa efnahag þjóðarinn-
ar. Gera verður þá kröfu til þingmanna og ráðherra þjóðarinn-
ar að þeir sýni meiri ábyrgð í yfirlýsingum og gjörðum - jafnvel
þótt kosningar séu í nánd.
Elias Snæland Jónsson
Afjölliun
Garri er sjaldan hissa á þing-
mönnum. Hefur enda fylgst
með pólitíkinni svo lengi að
fátt kemur á óvart. Samt tekst
þeim annað slagið að fá Garra
til að klóra sér í hnakkanum.
Það á við um framsóknar-
þingmennina sem áttuðu sig
ekki á því fyrr en búið var að
selja Aburðarverksmiðjuna í
Gufunesi að þeir styðja ríkis-
stjórn sem gerir í því að losa
skattborgarana við allt ríkis-
draslið og það sem fyrst - hvort
sem það eru nú
bankar eða verk-
smiðjur. Allt á að
sefjast, eins og
segir í gömlum
útsöluauglýsing-
Komu af
fjölliun
Guðmundur
Bjarnason, land-
búnaðarráðherra,
sem var nýkom-
inn úr snjónum ____
miklu í fjöllum
Austurríkis, vissi varla hvaðan
á sig stóð óveðrið þegar flokks-
félagarnir á þingi, Hjálmar
Arnason og Guðni Ágústsson,
stigu upp í pontu og heimtuðu
að hætt yrði við að selja
Áburðarverksmiðjuna. Það
hafði nefnilega verið á dagskrá
stjórnarflokkanna lengi að losa
sig við þetta gamla flaggskip
stóriðjunnar á Islandi. Alþingi
hafði samþykkt, vafalaust með
stuðningi tvímenninganna
beggja, að heimila ráðherran-
um að selja fyrirtækið, og all-
nokkuð er síðan auglýst var
eftir tilboðum.
Þetta vissi ráðherrann auð-
vitað, jafnvel þótt hann væri
Guðmundur Bjarnason -
samflokksmenn koma af
fjöllum.
tepptur í kafsnjó í Ölpunum.
Þeir félagar Hjálmar og Guðni
komu hins vegar af ijöllum í
málinu og höfðu þó verið í
þinginu allan tímann. Svona
er veröldin við Austurvöll
skrítin.
Talsambands-
laust?
Það er óneitanlega dálítið sér-
kennilegt að þessir þingmenn
Framsóknarflokksins skuli
ekki hafa fylgst
með einkavæðing-
unni sem ríkis-
stjórnin þeirra
hefur þó staðið
fyrir allt þetta
kjörtímabil. Þetta
er þeim mun
skondnara þar
sem það eru fyrst
og fremst ráðherr-
ar Framsóknar-
flokksins sem
hafa séð um að
hrinda þessari
einkavæðingu í
framkvæmd.
Uppákoman í þinginu bend-
ir til þess að talsambandið inn-
an flokksins sé ekki í lagi.
Nánast eins og það væri í
höndum Landssímans.
Það er óneitanlega ekki
seinna vænna fyrir þingmenn
Framsóknarflokksins að átta
sig á einkavæðingarstefnu eig-
in flokks, því kjörtímabilinu er
að ljúka. Þingmenn ættu því
að koma sem fyrst af Ijöllum í
þeim málum og halda til
byggða til að svara spurning-
um kjósenda. GARRl
í gær hitti ég mann á förnum
vegi, sem hefur haft það að
hlutastarfi að leika jólasvein.
Fyrir honum eru jólin því ekki
eingöngu hátíð ljóss og friðar,
heldur líka tími talsverðrar efna-
hagslegra uppgripa og yfirvinnu.
Sjónarhorn hans á jólahátíðina
er því viðskiptalegra en hjá
mörgum öðrum, þar á meðal
mér. Hugmyndin um að búa til
„businéss" úr jólunum er honum
ekkert sérstaklega framandi,
enda barst talið nánast strax að
fréttum um fjárhagserfiðleika
Norðurpólsins á Akureyri og þá
staðreynd að menn eru enn að
hugsa um hvernig byggja megi á
þeirri reynslu sem það ævintýri
allt skildi eftir.
Flnnlandsför
Að sjálfsögðu beindist talið að
Finnlandsför Halldórs Blöndals
IHutastarfsj óla-
sveinar
og nokkurra toppembættis-
manna hans. Auðvitað vekur það
athygli þegar ráðamenn þjóðar-
innar bregða sér af
bæ, til að leita
leiða til að auka
fjölbreytni ferða-
mannaflórunnar á
landsbyggðinni á
vetrum. Enda vor-
um við, ég og
hlutastarfsjóla-
sveinninn, ekki að
efast um slíkt.
Upplýst er að
Finnar hafa náð
verulegum árangri
í að kynna sig og
sína sem hið eina
sanna Jólaland og
fréttir berast af einni og hálfri
milljón manna, m.a. moldríkum
Bretum, sem koma og eyða
þarna morð Ijár. Það væri ekki
amalegt að geta boðið upp á
eittthvað af því taginu á Akureyri
í staðinn fyrir að sitja bara uppi
með endalaust
skuldabasl eftir
jóiaævintýri.
Réttir menn?
Það mætti því
ætla að allir væru
ánægðir með að
ferðamálaráð-
herrann og
nokkrir helstu
embættismenn
hans væru í út-
Iöndum að kynna
sér hvernig Finn-
arnir hefðu staðið
að málum. En
hlutastarfsjólasveininum tókst
þó að skemma þessa ánægjutil-
finningu fyrir mér með því að
spyrja mig hvort ég héldi að
ferðamálaráðherrann og aðstoð-
armenn hans væru sjálfir að fara
að setja upp jólasveinaland á Ak-
ureyri úr því að þeir væru þarna
úti að kanna hvernig menn bæru
sig að? Og hann bætti við: Ef
Halldór ætlar ekki sjálfur að fara
að vasast í þessu og gerast hluta-
starfsjólasveinn á Akureyri, eru
hann og sendinefnd hans þá
réttu mennirnir til að senda út til
Finnlands á kostnað skattgreið-
enda og Flugleiða? Auðvitað eru
þetta fullkomlega gildar spurn-
ingar, sem raunar eiga við miklu
víðar i utanferðum hins opin-
bera. Svo er hitt náttúrulega vel
hugsanlegt, í Ijósi þess að stutt
er í kosningar, að Blöndal ætli að
gerast hlutastarfsjólasveinn. Er
hann ekki þegar byrjaður að út-
deila gjöfum í kjördæminu?
Er rétt stefna hjá borg-
aryfirvoldum að ætlaað
auka fjölbreytni nætur-
lífs Reykjavíkur tilað
laða að erlenda feiða-
menn?
Þorgerður Ragnarsdóttir
Áfengis- og vímuvamaráðL
„Straumur
ferðamanna
hingað til lands
hefur aukist
mikið undanfar-
in ár og munur-
inn er 15% milli
tveggja síðustu
ára og það er með því mesta sem
gerist. Ferðamenn virðast koma
hingað þrátt fyrir hátt áfengisverð
og mér finnst að borgin ætti frek-
ar að benda á að hér fæst heims-
ins besta vatn fyrir ekki neitt.
Kynningu borgarinnar hefði ég
frekar viljað sjá setta í farveg
menningar en næturlífs."
Eyþór Amalds
borgaifulltrúi.
„Stefna borgar-
innar ætti að
vera sú að ein-
falda gildandi
reglur. Það hef-
ur verið stefna
sjálfstæðis-
manna að rýmka
opnunartíma veitinga- og
skemmtistaða og undanfarið hef-
ur meirihlutinn nálgast þau sjón-
armið. Eg held að rýmkaðar regl-
ur geti líka dregið úr ýmsum
vandræðum í miðborginni, svo
sem örtröð um miðjar nætur, sem
veldur leigubílaskorti og minnkar
öryggi borgaranna. Tvímælalaust
held ég að næturlíf í Reykjavík
geti orðið aðdráttarafl innlendra
sem erlendra ferðamanna allan
ársins hring.“
Magnús Oddsson
feiðamálastjóri.
„Forsendurnar
fyrir þessari
spurningu eru
rangar. Eg þekki
vel til stefnu-
mótunar
Reykjavíkur-
borgar í ferða-
málum og þar eru allt önnur mál
þungamiðjan í markmiðasetn-
ingu og fyrirætlunum um fram-
kvæmdir. Efling næturlífs er að-
eins einn hluti af miklu stærri
mynd í stefnu borgarinnar og er
ekki afgerandi. En um eflt nætur-
líf er þetta spurningin hvað menn
ætla að ganga langt til þess að
mæta óskum neytenda og við vit-
um að margir ferðamenn vilja
fjölbreytt framboð afþreyingar að
kvöldi og nóttu.“
Guðvarður Gíslason
„Mér finnst
þetta rétt stefna,
sem er í raun
svar við kalli
tímans í þessum
efnum. Opnun-
artími og þjón-
usta veitinga- og
skemmtistaða hér verður að vera
sambæriiegt því sem gerist í öðr-
um Iöndum Evrópu ef fólk ætlar
að skemmta sér fram á nóttina.
Því styð ég þessar fyrirætlanir
borgaryfirvalda.“
veitingamaður.