Dagur - 04.03.1999, Blaðsíða 11

FIMMTUDAGVR 4. MARS 1999 - 11
r^tr
ERLENDAR FRÉTTIR
Morðmgjanna leit-
að með aðstoð FBI
Forseti Úganda heitir
hefndum og segir ör-
yggisráðstöfunum
hafa verið ábótavant.
Hundruð úganskra og rú-
andískra hermanna leituðu í gær
að hútúsku skæruliðunum sem
myrtu átta vestræna ferðamenn í
Uganda á þriðjudag.
Joveri Museveni, forseti Úg-
anda, sagðist í gær staðráðinn í
að hefna hinna myrtu og hefur
sent hundruð hermanna sinna til
að leita að illvirkjunum. „Ef við
náum þeim ekki, þá drepum við
þá,“ sagði hann á blaðamanna-
fundi í Kampala, höfuðborg Úg-
anda, í gær.
Sérfræðingar frá bandarísku
alríkislögreglunni FBI voru
einnig komnir til Úganda til þess
að hjálpa til við að upplýsa mál-
ið. Ráðamenn í Bandaríkjunum
sögðust ætla að grípa til allra
ráða í því skyni að koma þeim
sem ábyrgð bera á morðunum
undir manna hendur.
Hópur hútúa rændi á þriðju-
dag hópi breskra, bandarískra og
nýsjálenskra ferðamanna og
myrti átta þeirra með hroðaleg-
um hætti. Voru morðin sögð vera
hefndaraðgerð vegna stuðnings
Bretlands og Bandaríkjanna við
ríkisstjórn tútsa í Rúanda. Sömu-
leiðis áttu þau að vera þeim víti
til varnaðar.
Museveni forseti sagði að
stjórnvöld í Úganda hafi vissu-
lega sýnt af sér ákveðið „kæru-
leysi“ gagnvart öryggi ferða-
manna. Vitað var að hópar
hútúskra uppreisnarmanna hafi
verið á ferðinni á þessu svæði,
þar sem ferðamennirnir voru, og
viðurkenndi Museveni að grípa
hefði átt til sérstakra öryggisráð-
stafana í nágrenni landamær-
anna að Kongó, þar sem morðin
áttu sér stað.
Talið er fullvíst að morðingj-
arnir tilheyri um það bil 1000
manna hópi, sem gengur undir
nafninu Interahamne.
Interahamne er vopnaður hóp-
ur hútúa sem tóku þátt í þjóðar-
morðinu á tútsum í Rúanda árið
1994, en þá létu um 800 þúsund
manns lífið. Margir þessara
skæruliða hafa flúið til Kongó og
gera þaðan innrásir í Úganda og
Rúanda með nokkuð reglulegu
millibili.
Nafn samtakanna, „Intera-
hamne“, mun þýða „þeir sem
gera árás saman".
Rúanda hefur sakað stjórnina í
Kongó um að veita þeim þjálfun
og ýmsa aðstoð. Sameinuðu
þjóðirnar telja sig þó hafa full-
vissu fyrir því að Interahamne
standi sjálfir straum af rekstri
samtakanna, og afli sér einkum
tekna með eiturlyíjasölu.
Prímákov í stríði
gegn fjármálafurstiun
Beresovski og Prima-
kov deila opinskátt
um völdin meðan
Jeltsín er veikur.
Jevgení Prímakov, hinn 59 ára
gamli forsætisráðherra Rúss-
lands, er af mörgum talinn vera
líklegur arftaki Boris Jeltsíns í
forsetaembættinu. Veikindi
Jeltsíns undanfarið hafa ýtt mjög
undir vangaveltur þess efnis.
Þessa dagana er Prímakov
reyndar í fríi, en það kemur ekki
í veg fyrir að hann hefur blásið til
orrustu gegn fjármálafurstunum,
sem hafa haft gífurleg völd á bak
við tjöldin í Rússlandi. I vikunni
hefur togstreita Prímakovs og
fjá~ nálafurstanna um það, hver
hefur meiri áhrif á Jeltsín og ekki
síður hver tekur við taumunum
eftir að hann dregur sig meir í
hlé, komið meira upp á yfirborð-
ið en oft áður.
í byrjun vikunnar réðst Boris
Beresovski, sem áhrifaríkastur er
fjármálafurstanna þótt hann hafi
farið illa fjárhagslega út úr efna-
hagskreppunni, opinberlega
gegn Prímakov og gagnrýndi
hann fyrir að vera að hrifsa til sín
öll völd í þinginu, Jeyniþjónust-
unni og Qölmiðlum. Segir Ber-
Forsætisráðherrann á tali við forsetann.
esovski að ríkisstjórnin sé fyrir
löngu búin að afskrifa allt sem
heitir frelsi á markaði og einka-
eignarhugtakið sé sömuleiðis far-
ið veg allrar veraldar.
Beresovski er í senn áhrifarík-
ur fjármálamaður og fram-
kvæmdastjóri Samveldis sjálf-
stæðra ríkja. Hann hefur Iöngum
verið í náðinni hjá Jeltsín og
dóttur hans, hinni áhrifaríku
Tatjönu Djatsjenkó.
Eftir því sem Prímakov hefur
orðið áhrifameiri í rússneskum
stjórnmálum á kostnað Jeltsíns,
hefur sá fyrrnefndi hins vegar
augljóslega reynt að halda Ber-
esovski sem mest úti í kuldanum.
Gagnrýni Beresovskís á Príma-
kov núna má þó rekja til þess að
Prímakov er talinn standa á bak
við leit í fyrirtækjum Beresovskís
að sönnunargögnum um ólög-
lega viðskiptahætti.
Bayik í forsvari
PKK
TYRKLAND - Skæruliðasamtök
aðskilnaðarsinnaðra Kúrda í Tyrk-
landi, PKK, hafa útnefnt Cemil
Bayik sem forsvarsmann sinn. Að
sögn samtakanna þýðir þetta ekki
að Bayik geti talist eftirmaður
Abdullahs Ocalans, sem enn er í
fullu fjöri þótt hann sitji í fangelsi
á eyjunni Imrali og eigi yfir höfði
sér dauðadóm. Engu að síður er
ljóst að Bayik mun framvegis
gegna lykilhlutverki í baráttu PKK
fyrir sjálfstæðu ríki Kúrda í austan-
verðu Tyrklandi. Bayik er einn af
stofnendum PKK og gamalreyndur
í baráttunni gegn Tyrklandi.
Tveir Kúrdaima í Berlín skotnir
í höfuðið
ÞYSKALAND - Tveir þeirra Ijögurra Kúrda, sem létust í Berh'n þeg-
ar ísraelskir öryggisverðir við aðalræðismannskrifstofu Israels hófu
skothrfð á þá, voru skotnir í höfuðið. Þessar upplýsingar hafa orðið
til þess að efasemdir hafa kviknað um framburð ísraelsku öryggis-
varðanna, sem héldu því fram að þeir hafi miðað ýmist upp í loft eða
á fætur Kúrdanna, sem voru að mótmæla handtöku Abdullahs Öcal-
ans. Héldu þeir að ísraelska Ieyniþjónustan hefði aðstoðað við hand-
töku Öcalans í Kenía. Þrír Kúrdar létust samstundis, en sá fjórði lést
á sjúkrahúsi nokkru sfðar.
4.000 manns flúnir frá Kosovo
JÚGÓSLAVÍA - Á síðustu dögum hafa um 4.000 Kosovo-AIbanir flú-
ið frá heimilum sínum vegna harðvítugra bardaga milli Serba og Al-
bana. Meirihluti þeirra hefur Ieitað skjóls hjá ættingjum eða vinum í
nágrannabyggðum, en um 1200 manns hafa flúið til nágrannaríkis-
ins Makedóníu, sem áður tilheyrði Júgóslavíu.
Sharon vill þjóðstjúm
ÍSRAEL - Ariel Sharon, utanríkis-
ráðherra ísraels, vill að mynduð
verði þjóðstjórn vegna þess neyðar-
ástands sem myndast hefur í land-
inu eftir að friðarsamningaferlið
komst í sjálfheldu og spenna fer
vaxandi í suðurhluta Líbanons. Vill
hann sömuleiðis fresta kosningum
þangað til þjóðstjórnin hafi fundið
lausn á þessum tveimur stóru
vandamálum, sem Israelsmenn
eiga nú við að glíma. Segir hann
enga leið að finna lausn á báðum
þessum málum nema með breiðri
samstöðu stjórnar og stjórnarandstöðu. Hugmynd hans er sú, að
þjóðstjórnin taki strax til starfa og haldi um taumana næstu mánuð-
ina meðan verið er að ná samstöðu um afstöðu helstu flokka lands-
ins til ástandsins í Suður-Líbanon og friðarsamningana við Palest-
fnumenn.
Jarðskjálfti í Eyjahafi
GRIKKLAND - Mikill jarðskjálfti reið yfir Eyjahafið milli Grikklands
og Tyrklands í gær. Skjálftinn mældist 4,9 stig og voru upptök hans
rétt hjá eyjunni Samos suðaustantil í hafinu. Ekki var talið að jarð-
skjálftinn hafi valdið neinum skaða.
Óhöpp í Halden-kjamorkuverinu
NOREGUR - Frá því 1990 hafa sex „óeðlileg atvik“ átt sér stað í
kjarnorkuverinu í Halden í Noregi, en upplýsingum um það hefur
verið haldið leyndum þar til nú fyrir skemmstu. Þrjú alvarlegustu at-
vikin áttu sér stað á árunum 1990-93, en geislavarnarstofnun norska
ríldsins fullyrðir að ekkert óhappanna hafi ógnað öryggi við kjarn-
orkuverið. Sósíalíski vinstriflokkurinn og umhverfisverndarsamtökin
Bellona kreljast þess að aðgangur að upplýsingum um atvik af þessu
tagi verði óhindraður. Síðar á þessu ári þarf ríkisstjórnin norska að
fetka ákvörðun um hvort starfsleyfi kjarnorkuversins verði framlengt
um tíu ár.
Annað hamslik fundið í Odense
DANMÖRK - Lögreglan í Odense í Danmörku fann á fimmtudaginn
í síðustu viku Iík af nýfæddu barni, sem var grafíð í jörðu í íbúða-
hverfí norðvestantil í bænum. Þann 4. febrúar síðastliðinn fannst
annað lík af nýfæddu barni í sama borgarhluta Odense, en seinna
likið fannst í tengslum við rannsókn á fyrra líkfundinum. Móðir
beggja barnanna vísaði lögreglunni á seinna líkið, sem sennilega
hafði fæðst 1992. Þótt móðirin liggi undir grun hefur hún ekki ver-
ið yfirheyrð enn, þar eð réttarlæknar verða að Ijúka rannsóknum sín-
um áður en yfirheyrsla getur farið fram.