Dagur - 19.06.1999, Qupperneq 2

'6* _ \ Xfe'j.'. .feV
W - LAUGARDAGUR 19. JCfNnW9
Selma Björnsdóttir.
HELGARPOTTURINN
Oj, hundleiðinlegt að eiga afmæli á 17. júní! Leikarakempan og leikstjór-
inn Andrés Sigurvinsson er loksins kominn í fullorðinna manna tölu
því að í fyrradag, á sjálfan 17. júní varð hann fimmtugur. í tilefni afmælis-
ins bauð hann að sjálfsögðu til sín vinum og vandamönnum og rifjaði
upp með blaðamanni Dags hvað honum hefði sem krakka fundist „dáld-
ið skrítið" að eiga afmæli þennan dag, um leið og allir aðrir. Annars lá vel
á kappanum enda gaman að vera búinn að klára ungdómsárin. Nú er
lífið fyrst að komast á fullt!
Hátíðarhöldin á 17. júnf fóru fram með mestu
spekt og prýði á höfuðborgarsvæðinu og
skemmtiatriðin voru eins og þau áttu að vera þó
að vindur og regn settu strik f reiknincjinn. Það
er auðvitað ekki hægt að halda þjóðhátíð án
þess að stjarna númer eitt í dag hún Selma
Bjömsdóttir troði upp eftir að hafa lent í 2.
sæti í Eurovision. Selma heillaði viðstadda upp
úr skónum þrátt fyrir rigninguna og langa bið
enda verða börnin bara reið ef það er sagt að
Selma hafi tapað. Og það sem fjölskyldurnar
láta ekki yfir sig ganga til að fá að hlýða á hana Selmu, bíða í rigningu og
roki eftir að fá að hlusta á eitt dægurlag.
Akureyringar gátu haldið sig úti á þjóðhátíðardaginn, sluppu að mestu við
vætuna og veðrið var svona yfirleitt þokkalegt Fjölmenni mætti við Eim-
skipafélagshúsið, marséraði í miðbæinn og tók þátt í hátíðarhöldum á Ráð-
hústorgi. Nýstúdentar úr Menntaskólanum á Akureyri settu sinn svip á
þjóðhátíðardaginn eins og alltaf. Eins og víða annarsstaðar má segja að há-
tíðarhöldin hafi verið með hefðbundnu sniði. Við Oddeyrarskólann fagnaði
Bílaklúbbur Akureyrar aldarfjórðungsafmæli sínu með veglegri bílasýningu
en bíladagar standa reyndar áfram með ýmsum uppákomum um helgina.
Á skólahátíð MA vakti athygli að í annarri hljómsveitinni sem spilaði undir
dansi nýstúdenta í íþróttahöllinni að kvöldi þjóðhátíðardagsins voru tveir ný-
stúdentar frá MA og einn sem útskrifaðist f fyrra. Þarna var auðvitað á ferð-
inni norðlenska stórsveitin 200.000 naglbítar sem skemmtu skólafélögum
sínum með dyggri aðstoð Stuðmanna. Nýstúdentamir eru Kári Jónsson
bassaleikari og Axel Árnason trommuleikari. Bróðir Kára, Vilhelm Ant-
on Jónsson söngvari og gítarleikari hélt hinsvegar upp á árs stúdentsaf-
mæli sitt þennan dag. Að öllum líkindum munu Norðlendingar nú missa
þessa vösku sveit suður yfir heiðar í nám og annað og heyrist meðal ann-
ars að Kári muni spila með Víkingumí handboltanum næsta vetur.
Jóhannes Viöar Bjarnason, aðalvíkingur í
Hafnarfirði, hefur f nógu að snúast um helgina.
Yfir 100 víkingar hafa slegið upp tjaldborg kring
umfjörukrána hans. Meðal þeirra sem mættur
er á. svæðið er Thomas Tandrup, danskur
víkingur, sem hefur verið fastur gestur víkinga-
hátíðar síðan 1995 enda víkingur að aðalat-
vinnu. Hann tekur þátt í bardagasýriingum víðs
vegar um Evrópu og berst þá gjarnan á ís-
lenska hestinum. (slendingar eiga sína bardag-
sveit meðal víkinga. Þar fer fremstur í flokki
Hafsteinn Pétursson. Handverksmenn setja
mikinn svip á hátfðina og er Haukur Halldórsson einn af þeim völundum.
Hljómseitin Sigur Rós hélt tönleika í íslensku
Óperunni um síðustu helgi og tók strengjasveit
frá barnamúsi'kskólanum á móti gestum í and-
dyrinu. Mikill áhugi var á tónleikunum og hafði
myndast örtröð fyrir utan þegar húsið var
opnað. Tónleikarnir sjálfir voru dulmagnaðir.
Hljómsveitin hafði sér til fulltingis strengjakvar-
tett, það voru fjórar stúlkur sem spiluðu á selló
og fiðlur sem studdu við bakið á strákunum í
hljómsveitinni. Til þess að magna áhrif seyðandi
tónlistarinnar var myndum varpað á tjald og úr hátölurum sem staðsettir
voru útí sal ómuðu ýmiskonar umhverfishljóð. Tónlist hljómsveitarinnar er
áhrifamikil og kröftug, helst í líkingu við það sem hljómsveitir eins og Pink
Floyd eða ELO voru að gera fýrir einum þrjátíu árum. Það eina sem gestirn-
ir gátu sagt að loknum tónleikunum var VÁ!!!
Sem kunnugt er mun hið heimsfræga Robin
Nolan Trio standa fyrir djassnámskeiði og -tón-
leikum á Ustasumri á Akureyri íjúlí. Snillingarn-
ir þrír sem tríóið skipa, Robin Nolan, Jan P.
Brouwer og Paul Meader gerðu stormandi
lukku í höfuðborginni á dögunum. Haft var á
orði að margur gítarleikarinn ætti þann kost
vænstan að leggja upp laupana eftir að landinn
fékk að njóta gítarspils höfuðpaursins, Nolans.
Þetta vissu svosem fyrir þeir sem heyrðu í tríó-
inu á Akureyri í fyrra.en eitthvað heyrðust reykvískir blaðamenn spyrja sín á
milli með undrunarsvip: Hvemig í ósköpunum getur staðið á því að þessir
heimsfraegu snillingar ætla að halda djassnámskeið á Akureyri?
Kanntu meinlaust slúður og skemmtisögur úr félags-
lífinu? Þekkirðu athyglisvert fólk? Sendu okkur fréttir og
áhendingar til hirtingar í Helgarpottinum.
Dagur c/o helgarpotturinn, Þverholti 14, 105 Reykja-
vík eða á netfangið: ritstjori@dagur.
Jóhannes Viðar
Bjarnason.
Sigur Rós
Robin Noian Trio.

Kvennamessan við Þvottaiaugarnar í Laugardalnum í Reykjavík hefur verið vel sótt síðustu ár.
Kvennamessa
og hlaup
Kvenréttindafélag íslands stendur fyrir kvennamessu við Þvottalaugarnar í Laugar-
dalnum í kvöld, 19. júní, klukkan 20.30. Séra Auður Eir Vilhjálmsdóttir messar.
Lítið ber á hátíðarhöldum kvenfé-
laga og kvenréttindafélaga í tilefni
19. júní öðru leyti en því að messa
verður í Laugardalnum og svo er
kvennamessa \áð kapellu heilagrar
Barböru í hrauninu við Straumsvík
við Hafnarljörð klukkan 14. Þó er
Ijóst að konur finna sér ýmislegt til
hátíðarbrigða, þannig fara til dæm-
is orlofskonur á Akureyri út í
Grímsey, hlaupa kvennahlaupið og
færa kvenfélaginu á staðnum plönt-
ur að gjöf. Ekki er ólíklegt að mess-
ur séu haldnar á fleiri stöðum um
landið eða að konur standi fyrir öðr-
um uppákomum og jafnvel kaffi-
sölu.
Hlaupið á
mismunandi tímum
Búist er við að þúsundir kvenna
taki þátt í kvennahlaupinu að þessu
sinni. Hlaupið er f Garðabæ og
Mosfellsbænum fyrir konur á höf-
uðborgarsvæðinu og er startstaður-
inn oft við sund- eða íþróttamiðstöð
viðkomandi bæjarfélags. Yfirleitt
eru vegalengdirnar 2, 5, 7 og jafnvel
10 kílómetrar en þó er það misjafpt.
Einnig er afar misjafnt hvenær
hlaupið hefst. í Garðabæ hefst upp-
hitun klukkan 13.30 og sjálft
hlaupið klukkan 14. Á Akureyri
verður farið frá Ráðhústorginu kl.
14.00 og hlaupið 2,4 og 4,5 km. Á
öðrum stöðum hefst hlaupið klukk-
an 10, 11, 12, 13, 15 eðajafnvel á
hálfa tímanum.
„Mér líst bara vel á þetta. Ég er
að vona að ég fái 80 konur til að
taka þátt f hlaupinu én við höfum
verið með allt upp í 130. Það var
metið fyrir þremur árum. Að meðal-
tali höfum við verið með 80-90
undanfarin ár en í fyrra voru kon-
urnar bara 65 þannig að ég er að
vona að ég nái þeim upp í 80 núna.
Mér finnst vera þannig hugur í kon-
unum,“ segir Fjóla Þorsteinsdóttir á
Stöðvarfirði.
Ein fær blómvönd
Hún telur að veðrátta skipti ekki
mildu máli þegar þátttaka í kvenna-
hlaupinu er annars vegar. Þetta sé
fyrst og fremst spurning um hugar-
far. „Við erum að fá nýtt íþróttahús
hér um áramótin þannig að ég er að
vona að andinn sé svolítið með því
að hreyfa sig,“ segir hún. Eftir
hlaupið ætlar kaupfélagið á Stöðv-
arfirði að draga út eina konu og
gefa henni blómvönd.
Konurnar á Stöðvarfirði eru með
frjálsar vegalengdir þannig að hver og
ein geti ákveðið sjálf hversu langt
hún hleypur og allir geti tekið þátt,
Iíka gamalt fólk og fatlaðir. „Það er
mjög mikið um að fólk fari tvo til þijá
kílómetra og svo eru nokkrar sem
ganga fimm til sex kílómetra."
Kvennahlaup fer einnig fram í
Danmörku, Noregi, Þýskalandi,
Namibíu, Washington DC, Norfolk
og Flórída. -GHS
MAÐUR VIKUNNAR ER HÆTTUR...
... en samt er hann ekki hættur. Kristján Ragnarsson
heitir maðurinn og er í þeirri óskastöðu að vera hættur
en er þó áfram í fullu starfi og ræður víst öllu sem hann
vill ráða, að sagt er. Hann ku víst hafa verið gagnrýndur
fýrir framgöngu sína í kjarasamningum og ku líka hafa
komið illa fram við Jónas lögfræðing Haraldsson. Jónas
er alveg hættur en Kristján hefur áfram tögl og hagldir.