Dagur - 28.07.2000, Blaðsíða 11

FÖSTUDAGUR 28. JÚLÍ 2 00 0 - 11
Ikgur.
ERLENDAR FRÉTTIR
L
Sáttafundurinii var
vonlítill frá upphafi
Umboð leiðtoganna til
að semja í Camp David
var takmarkað og
þrautalendingin er að
kenna hver örðum um
árangursleysið
Margir lýsa yfír vonbrigðum með
að sættir tókust ekki milli ísraela
og Palestínumanna í Camp David,
en það skýtur skökku við að þeim
Arafat og Barak er fagnað innilega
við heimkomuna. Er þeim hrósað
þar fyrir að hafa ekki látið undan
kröfum hvor annars eða Iátið Clint-
on Bandaríkjaforseta kúga sig til
hlýðni. Sá eini sem ekki er fagnað
vegna úrslita viðræðnanna er sátta-
semjarinn Clinton. Hinir eru báðir
sigurvegarar.
Ekki mun ofmælt að óhóflegrar
bjartsýni gætti þegar Clinton boð-
aði Ieiðtogana til fundar á þeim
sögufræga stað Camp David. Látið
var í veðri vaka að samkomulag
væri í augsýn og að Palestínumenn
gætu mótþróalaust stofnað sjálf-
stætt ríki í haust og að gengið yrði
að kröfum þeirra um að fá yfírráð
austurhluta Jerúsalem, sem yrði
viðurkennd höfuðborg þeirra. En
Jerúsalem er aðeins eitt ágreinings-
efni af mörgum sem átti að leysa í
Camp David.
En þeir Arafat og Barak ráða ekki
einir ferðinni. Báðir verða þeir að
kljást við öfgafulla trúmenn í eigin
herbúðum, sem lítið vilja gefa eftir
kröfum um skiptingu lands og
borgar og kjósa fremur heilagt stríð
en sættir. Þeir gengu því með
bundnar hendur til sáttfundarins
og áttu báðir álíka erfitt með að
gefa eftir í þeim kröfum sem þeir
höfðu með í farteskinu að heiman.
Enda kom í ljós þegar þeir komu
heim án neinnar sáttagjörðar að
þeim er fagnað sem staðföstum
Ieiðtogum sem ekki láta undan
þrýstingi. Og svo kenna þeir hvor
öðrum um hvemig fór.
Um það Ieyti sem fundalotan í
Camp David hófst var bent á það í
Degi, að leiðtogarnir þrír hefðu
ekki óskorað umboð til samninga
og að völd þeirra eru takmörkuð.
Clinton á aðeins hálft ár eftir af
sínum forsetaferli og takmarkast
áhrif hans óneitanlega af því. Ara-
fat er sjúkur maður og er við völd
vegna þess að ekki er einhugur um
eftirmann hans og eru Palestínu-
menn margklofnir í afstöðunni til
Israels og eru í þeirra röðum bæði
ofstækismenn og hófsamari öfl
sem vilja semja um friðsamlega
sambúð við sína nágranna. Barak
forsætisráðherra er heldur ekki
traustur í sessi. Skömmu áður en
hann fór vestur um haf var borin
fram vantraustillaga á stjóm hans í
ísraelska þinginu. Nokkrir arabar
sem þar sitja vörðu stjórnina falli.
Það þykir ekki traustvekjandi þar í
landi.
Palestínumenn hafa Iátið í ljósi
vonbrigði með hvað arabaríki stóðu
illa við bakið á þeim og tóku undir
kröfugerð þeirra með hangandi
hendi. Vafalítið er ástæðan sú, að
Bandaríkjaforseta var mjög í mun
að sættir mættu takast undir hans
leiðsögn og hann gæti hrósað sigri
sem míkill friðarhöfðingi og leitt til
lykta rúmlega hálfrar aldar deilu
sem kostað hefur styrjaldir og
ómældar hörmungar. En þau
arabaríki sem Palestínumenn
væntu sér stuðnings frá eru mjög
háð Ijárframlögum Bandaríkjan-
manna. Næst á eftir Israel er Eg-
yptaland það ríki sem nýtur mestr-
ar fjárhagsaðstoðar frá Washington
og hefur gert það síðan Jimmy
Carter gerði frægt samkomulag við
Sadat forseta í Camp David.
Munu Egyptar ekki hætta á neitt
sem stjórnendur Bandaríkjanna
gætu litið á sem óvinabragð í þeir-
ra garð. Jórdanir eru sömuleiðis
mjög háðir framlögum frá Banda-
ríkjunum og Sýrlendingar eru að
vingast við þá. Saudi-Arabar munu
ekki hætta sínum viðskiptahags-
munum með einörðum stuðningi
við Palestínumenn.
Málin standa nú þannig, að báð-
ir aðilar heita að halda friðarvið-
ræðum áfram og er látið í veðri
vaka að ekki sé með öllu vonlaust
að einhvers konar samkomulagi
verði náð. Clinton er kokhraustur
og heldur því fram að góður árang-
ur hafi náðst og rífandi gangur sé á
friðarferlinu. Israelsmenn og
Palestínumenn munu halda áfram
að ræðast við, þótt ekki sé til ann-
ars en að forðast alvarlega árekstra
og halda vakandi vonum sínum og
kröfum um fjárframlög frá Banda-
ríkjunum.
En hvort leiðtogarnir þrír sem
reyndu að semja í Camp David
munu sitja við samningaborðið
þegar næst verður boðað til sátta-
fundar er óvíst. En vonandi verða
það ekki enn herskárri og ósveigan-
legri Ieiðtogar sem taka svokallað
friðarferli upp á sína arma. - OÓ
Sorgardagur í Þýskalandi
PARÍS og BERLÍN: Sérfræðingar í París vinna hörðum höndum að
rannsókn Concorde-slyssins. Þeir vonast til að fá skýringar á því hvers
vegna kviknaði í þotunni þegar þeir hafa náð að greina allar upplýsingar
sem finnast í svörtu kössunum svonefndu - en þeir geyma samtöl við
flugstjóra þotunnar - og myndir sem teknar voru af þotunni rétt áður en
hún hrapaði. I Þýskalandi var opinber sorgardagur í gær, en 96 þeirra
sem fórust í Concorde-slysinu voru þýskir ferðamenn.
Kanadamenn viðurkeima Norður-Kóreu
OTTAWA: Stjórn Kanada hefur tilkynnt að hún hyggist formlega viður-
kenna Norður-Kóreu sem sjálfstætt ríki. Kanada verður þar með annað
sjö stærstu iðnríkja heims sem tekur upp stjórnmálasamband við Iandið.
Hóta að hætta aðstoð við Arafat
WASHINGTON: Bandarískir þingmenn kenna Yasser Arafat, leiðtoga
Palestínumanna, um að ekki náðist samkomulag í viðræðunum sem
stóðu yfir í hálfan mánuð í Camp David. Sumir þingmannanna reyna nú
að afla fylgis við lagasetningu sem fæli í sér að Bandaríkin hættu allri að-
stoð við Palestínumenn ef Arafat lýsir einhliða yfir sjálfstæðu ríki.
Arafat leggst í ferðalag
GAZA: Leiðtogi Palestínumanna, Yasser Arafat, er að leggja af stað í
ferðalag til fjölmargra ríkja til að vinna fylgi við afstöðu sína í friðarvið-
ræðunum í Camp David. Hann mun meðal annars ræða við forystu-
menn margra Arabaríkja.
FLugslys í Nepal
KATMANDÚ: Farþegarlugvél hrapaði í afskekktu Ijallasvæði skömmu
áður en hún átti að lenda á flugvelli í vesturhluta Nepal í gær. Tuttugu
og fímm farþegar og áhöfn fórst í flugslysinu.
Hermn gegn Speight
SUVA: Her Fiji-eyja lagði til atlögu við stuðningsmenn byltingarleiðtog-
ans George Speight sem nú er í haldi hersins. Einn þeirra lét lífíð og um
Ijörtíu særðust. Herinn kveðst hafa handtekið hátt í fjögur hundruð
manns.
Lögbann gegn Napster
SAN FRANSISKO: Bandarískur dómari hefur sett lögbann á vefsíðuna
Napster sem hefur boðið tölvunotendum að ná í tónlist án þess að greiða
höfundum fyrir. Lögbannið er Iiður í tilraunum plötuframleiðenda til að
stöðva ókeypis dreifingu vinsælla popplaga á Netinu.
Barist í Téténíu
MOSKVA: Fréttir bárust í gær af bardögum milli téténskra skæruliða og
rússneskra hersveita í einu af úthverfum höfuðborgarinnar Grosný í fyrr-
inótt. Höfðurborgin er enn að mestu í rúst eftir langvarandi hemaðarað-
gerðir Rússa.
Milosevic hoðar til kosninga
BELGRAÐ: Slobodan Milosevic, forseti Júgóslavíu, hefur ákveðið að
efna til forseta- og þingkosninga í landinu 24. september næstkomandi.
Þessi ákvörðun kemur í kjölfar breytinga á stjórnarskrá landsins sem hafa
það að markmiði að tryggja Milosevic áfram völd í landinu.
MótmæH í Perú
LIMA: Astand er mjög spennt í Perú þar sem almenningur mótmælir því
að Albertó Fujimori taki við forsetaembætti þriðja kjörtímabilið í röð. Um
tíu þúsund manns efndu í gær til mótmæla sem eiga að standa í þijá sól-
arhringa.
■ FRÁ DEGI TIL DAGS
FÖSTUDAGUR 28. JÚLÍ 2000,
210. DAGUR ÁRSINS.
Þau fæddust 28. júH
• 1883 - Jóhannes'Jósefsson á Hótel Borg.
•1917 - Kristján Davíðsson, listmálari,
sem er enn í fullu fjöri.
• 1933 - Oddur Ólafsson, blaðamaður á
Degi og áður aðstoðarritstjóri Tímans
með meiru.
• 1944 - Lúðvík Ólafsson, héraðslæknir.
• 1945 - Jim Davis, teiknari sem m.a. hef-
ur búið til Gretti (Garfield).
• 1969 - Jón Arnar Magnússon, hinn sunn-
lenski tugþrautarkappi og ólympíufari,
búsettur í Skagafírði.
Þetta gerðist 28. júH
• 1662 - Kópavogsfundurinn þegar helstu
forystumenn þjóðarinnar, tregir þó, und-
irrituðu skuldbindingarskjal er miðaði að
einveldi Danakonungs á Islandi.
• 1895 - Þjórsárbrú hjá Þjótanda vígð, var í
notkun til 1949.
• 1945 - Sprengjuflugvél rakst á Empire
State háhýsið í NY, á milli 78. og 79.
hæðar. 14 fórust.
• 1945 - Bandaríska þingið samþykkti aðild
að Sameinuðu þjóðunum.
• 1957 - Hallgrímskirkja að Saurbæ í Hval-
firði vígð, til minningar um sálmaskáldið.
• 1960 - Norðurlandaráðsþing haldið í fyrs-
ta sinn á Islandi.
• 1974 - Þjóðhátíð á Þingvöllum í blíðskap-
arveðri, til minningar um 1100 ára af-
mæli Islandsbyggðar.
• 1976 - Jarðskjálfti upp á 8,2 stig á Richt-
er reið yfir austurhluta Kína og grandaði
250 þúsund manns.
• 1985 - Fimm stökkvarar settu Islandsmet
í fallhlífarstökki yfír Akureyri með stjörnu
er varaði f 45 sekúndur.
Vísa dagsins
Oddhend nringhenda
Ástarljóðin eru góð
enn þau þjóðin metur.
Borið hróður heims um slóð
hjartans óður getur.
ívar Björnsson frá Steðja.
AfmæHsham dagsins
Jacqueline Bouvier Kenneay Onassis
hefði orðið 71 árs í dag, væri hún á með-
al vor, en hún Iést fyrir sex árum úr
krabbameini. Jacqueline fæddist í South-
ampton í New York fylki árið 1929. Hún
giftist John F. Kennedy Bandaríkjaforseta
árið 1953 og var tíu árum síðar í bílnum
með honum þegar hann var skotinn til
bana. I forsetatíð Johns var hún mjög virk
í starfi og einkar vinsæl. Fráfall Johns var
henni skiljanlega mikill harmdauði, sem
og heimsbyggðinni, en hún giftist á ný
gríska skipakónginum Aristotle Onassis
árið 1968. Hann dó árið 1975 en frá ár-
unum 1978 til dauðadags vann hún sem
ritstjóri hjá bókaútgáfunni Doubleday.
Síðustu árin elskaði hún Maurice
Tempelsman, auðugan gimsteinasala.
HeHahrot dagsins
Eg er hugtak byggt á ímyndunarafli manns-
ins. I efnislega heiminum er ég ekki til en
fólk notast við mig um allan heim. Eg er
endalaus en hleyp þó oft frá fólki.
Svar við síðasta heilabroti: Nál.
SpahmæH dagsins
„Þrennt er konum hættulegt í París; ungir
menn, miðaldra menn og gamlir menn."
Yves Montand.
Veffang dagsins
Eyjólfur Sverrisson, fyrirliði landsliðsins í
knattspyrnu og Ieikmaður Hertha Berlín í
Þýskalandi, hefur nýlega sett f loftið sína
eigin heimasíðu, sem er bara býsna töff og
inniheldur allt sem þú vilt vita um kappann
frá a-ö. Slóðin er www.sverrisson.de