Dagur - 26.01.2001, Blaðsíða 19

LEIKHÚS
KVIKMYNDIR
TÓNLIST
SKEMMTANIR
Já, hamingjan erheiti
á nýju leikriti sem
frumfluttverður á litla
sviði Þjóðleikhússins í
kvöld.
Höfundur leikritsins er Kristján
I’órður Hrafnsson. Leikstjórn er
í höndum Melkorku Teklu
Ólafsdóttur og með hlutverkin
tvö fara Vestfirðingarnir Pálmi
Gestsson og Baldur Trausti
Hreinsson.
Dramatískt gamanleikrit
Baldur: „Þetta er dramatískt
gamanleikrit. I því verða áhorf-
endur vitni að stundarkorni í lífi
tveggja bræðra.“
Pálmi: „Þeir eru báðir greind-
ir, mælskir og bókhneigðir og
eiga eiginlega allt sameiginlegt
nema það að þeir eru ósammáia
um flest - ef ekki allt."
Baldur: „Það er líka tíu ára
aldursmunur á þeim og eldri
bróðirinn ólst upp við allt aðrar
aðstæður og eiginlega er hann
miklu meira en 10 árum eldri í
bugsunarhætti. Samt hafa þeir
ótrúlega lík áhugamál, án þess
að vita af því.“
Pálmi: „Já, svo hefur pabbi
þeirra greinilega verið kominn
yfir miðjan aldur þegar sá yngri
fæddist og aldrei náð almenni-
legum tengslum við bann. Sá
eldri her óskaplega mikla virð-
ingu fyrir föður þeirra og öllum
hans verkum - hann var sko rit-
höfundur."
Baldur: „Leikurinn fer fram á
heimili yngri bróðurins þegar sá
eldri ryðst þar inn án nokkurs
f\'rirvara.“
Pálmi: „Já, þessi heimsókn
verður tilefni dramatísks og
jafnframt dálítið hlægilegs upp-
gjörs."
Baldur: „Arekstrarnir verða þó
fyrst og fremst vegna missldln-
ings, af því að þeir eru ekki að
tala um sama hlutinn lengi vel.
Sá vngri hcfur ekki hugmvnd
um hver ástæðan sé fyrir því að
sá eldri er kominn þarna inn á
gafl hjá honum og það í því upp-
námi sem hann er."
Pálmi: „Hann er sko alger
„stóri bróðír" og lætur ýmislegt
út úr sér við hann sem er ekki
beint elskulegt - án þess þó að
ætla að vera vondur."
Baldur: „Já, hann er ansi mik-
ið að bögga,"
Við þekkjum þetta
Vestfirðingar
Pálmi: „Þrætan er að vissu leyti
íþrótt hjá þeim eins og hjá
mörgum bræðrum. Við þekkjum
þetta vel, Vestfirðingarnir.
Reyndar er ansi margt í þessum
texta sem við þekkjum."
Baldur: „Já, þetta er ansi
magnaður texti. Dálítið óvenju-
legur en þó auðskilinn. Eldri
bróðirinn notar ekki beinlínis
talsmáta dagsins í dag og orða-
forðinn er óendanlegur."
Pálmi: „Á vissan hátt er sá
yngri búinn að ná lcngra í til-
finningaþroska en sá eldri.
Hann gerir sér betur grein fj'rir
hlutunum.“
Baldur: „Það er óhætt að segja
að þetta sé þrusuleikrit hjá hon-
um Kristjáni. Við Pálrni höfum
haft nóg að gera undanfarið að
læra allan þennan texta."
Pálmi: Já, við erum bara tveir
á sviðinu allan tímann. Það
hringir enginn, það eru engar
flugeldasýningar eða dansatriði.
Þetta leikrit er texti og það lifir á
honurn."
-GUN
Staða mnhverfisniáLa rædd
Umhveifisþing hefst í dag á
Grand Hótel í Reykjavík, en
það er tveggja daga ráðstefna
þarsem farið verðuryfir
ástandið á nokkrum sviðum
umhverfismála og meðai ann-
ars undirrituð alþjóðleg vilja-
yfirlýsing um hreinnifram-
leiðslu.
Mcðal annars ræðir Þórir Ibsen sendifull-
trúi um alþjóðlega þróun varðandi ábyrga
nýtingu hafsins, þar sem Islendingar koma
mjög við sögu. Einnig velta Anna Dóra Sæ-
þórsdóttir landfræðingur og Karl Bene-
diktsson landfræðingur því fyrir sér hvort
aukinn ferðamannastraumur teljist heldur
böl eða blessun fyrir náttúruvernd.
Klaus Töpfer, framkvæmdastjóri Um-
hverfisstofnunar Sameinuðu þjóðanna,
ávarpar þingið og verður viðstaddur undir-
Siv Fridleifsdóttir: „Ég ber því miklar væntingar til
þessarar ráðstefnu, ad hún þjappi okkur betur
saman til þess aö takast á við umhverfismálin."
ritun alþjóðlegu yfirlýsingarinnar.
Þeir sem undirrita þessa yfirlýsingu eru
Siv Friðleifsdóttir umhverfisráðherra fyrir
hönd umhverfisráðuneytisins, Vilhjálmur
Þ. Vilhjálmsson fyrir hönd Samtaka ís-
lenskra sveitarfélaga, Finnur Geirsson lyrir
hönd Samtaka atvinnulífsins, Einar Guð-
mundsson fyrir hcind Islenska álfélagsins
hf, Helgi Þórhallsson fyrir hönd íslenska
járnblendifélagsins hf. og Tómas Már Sig-
urðsson fyrir hönd Norðuráls hf.
Um viljayfirlýsingu er að ræða þar sem
segir m.a.: „Við viðurkennum að til að ná
fram sjálfbærri þróun þarf til að koma
sameiginleg ábyrgð. Aðgerðir til að vernda
umhverfi jarðar kalla á að teknar séu upp
hetri aðferðir varðandi sjálfbæra fram-
leiðslu og neyslu."
Siv Friðleifsdóttir var spurð hvort þessari
yfirlýsingu verði fylgt eitthvað eftir af hálfu
ríkisstjórnarinnar eða umhverfisráðuneyt-
isins. u
„Við munum bara fylgjast með því hvern-
ig menn standa sig í samfélaginu almennt
eins og við erum að gera," sagði ráðherr-
ann. „Þannig að þessi yfirjýsing felur ekki í
sér nýtt eftirjitskerfi eða neitt slíkt. En
þetta er mikilvæg og táknræn vfirlýsing og
menn auðvitað binda sig að vissu leyti
samvisku sinnar vegna. Þegar menn undir-
rita viljayfirlýsingu, þá cru þeir að sýna
fram á mikinn vilja og ábuga og gefa mikl-
ar væntingar um að þeir muni fylgja yfir-
lýsingunni eftir. Eg ber mjög mikið traust
til þessara aðila um að þeir muni gera það,
og þeir eru þegar komnir langt á vcg í því."
-GB
■UMHELGINA
Frásagnarmálverkið
og Sófamálverkið
Tvær sýningar
verða opnaðar
laugardaginn 27.
ntars kl. 16.00, í
Listasafni
Reykjavíkur,
Hafnarbúsi.
„Frásagnar-
málverkið" sýnir
verk eftir hóp
listamanna sem urðu mjög
áberandi í Frakklandi þegar
popplistin leit dagsíns ljós á
sjöunda áratugnum. Þeir
spruttu upp úr vinstrisinnaðri
hugmyndafræði þar sem mikil
áhersla var Iögð á raunsæi og
skýr skilaboð. Listamennirnir
eiga ]>að sammerkt, þrátt fyrir
ólíkan uppruna og hugsunar-
hátt, að franskir gagnrýnendur
og safnstjórar spyrtu verk
þeirra saman sem „fígúratífa
frásagnarlist".
„Sófamálverkið" skírskotar
til þeirrar sterku hefðar á ís-
Ienskum heimilum að gera
stofuna að miðpunkti heimil-
isins þar sem sófinn, með
hinu hefðbundna málverki
fyrir ofan, er miðpunktur
hennar. Sýningarstjórar eru
Anna Jóa og Olöf Oddgeirs-
dóttir. Þarna getur að líta á
annað hundrað ljósmyndir af
heimilum landsmanna, ungra
og aldinna, jafnt hefðbundin
sem framúrstefnuleg.
Nýtt tónverk
frumflutt
Nýtt tónverk
eftir Jón Þór-
arinsson, Te
deum, f\'rir
blandaðan
kór og
kammersveit,
verður frum-
flutt á tón-
leikum í Grafarvogskirkju kl.
21.30 í kvöld. Auk þess vcrða
llutt verk eftir Bach og
Vivaldi og sungin íslensk lög
eftir Siglús Einarsson, Pál Is-
ólfsson og Jakob Hallgríms-
son. Það eru sameinaðir
k i r kj u kó ra r R e v kj avíkurpró-
fastsdæmis eystra, sjö talsins,
sem sjá um flutningínn
ásamt einsöngvurunum
Mörtu Guðrúnu Halldórs-
dóttur sópran, Guðrúnu
Eddu Gunnarsdóttur alt.
Gísla Magnasyni tenór og
Lofti Erlingssvni bassa. Tón-
leikarnir verða endurteknir á
morgun laugardag kl. 18.00.
Andi niiiiii glimdi við Guð
Þriðja Ijóðkvöld ársins verður
á Sigurhæðum í kvöld kl.
20:30. Húsið er opið frá 20:00
til 22:00 allir velkomnir.
„Andi rninn gh'mdi við Guð,
og það var gasalegt puð." Svo
kvað Jónas Svafár, og þeir eru
fleiri sem hafa tekist á við al-
rriæitið í kvcðskap í gegnum
tíðina. Silthvað af því tagi
mun Erlingur Sigurðarson,
forstöðumaður, „Húss skálds-
ins", bera í orðum fyrir gesti
Ijóðakvöldsins.
V_________________________/