Dagur - 06.03.2001, Blaðsíða 4

4 - l’RIÐJUDA G UK 6. MARS 2001
FRÉTTIR
Miklar breytingar eru að verða i ísienskri póstþjónustu.
Póstsamstarf á
sautján stöðum
Þótt bréfitm fækki segja
póstmeim vandasamari
sendingum að fjölga m.a.
með netverslun og óttast
að þjónustan fari niður á
við í höndum þeirra sem
skorti fagþekkingu.
„Við erum í samstarfi með rekstur
póstafgreiðslna á 16 stöðum á landinu
og sameiginlega nýtingu á húsnæði á
tveim öðrum en ekki sameiginlegan
rekstur," segir Hörður Jónsson fram-
kvæmdastjóri þjónustustaða hjá Is-
landssíma, þegar Dagur ræddi við
hann í tilefni af því að Kaupfélag Skag-
firðinga var að taka við póstþjónustu í
Varmahlíð og á Hofsósi þann I. mars.
Þessum stöðum á enn eftir að fjölga.
Þannig er samstarf við Búnaðarbank-
ann á Skagaströnd á |>laninu fyrir I.
apríl.
Með 73 pósthús úti á landi
Hörður segir 85 pósthús á landinu, þar
af 73 úti á landi. „Við getum því státað
af langvíðfeðmasta þjónustuneti á
FRÉTTA VIÐTALIÐ
landinu. Okkur ber líka skylda til að
sinna póstþjónustu á öllum þessum
stöðum svo við leggjum hana ekki nið-
ur en leitum leiða til samstarfs." Einu
undantekninguna sagði Hörður á Fag-
urhólsmýri, auk þess sem tveim póst-
húsum hafi verið lokað í Reykjavík.
Ekki bara dreifing á bréfum
Formaður Póstmannafélagsins, Þurið-
ur Einarsdóttir, segist eiga erfitt með
að trúa því að póstþjónustan verði eins
góð eftir að hún er komin t.d. í eitt-
hvert búðarhornið. „Maður óttast að
þegar þetta er fært í hendur aðila sem
ekki hafa þá fagþekkingu sem starfs-
menn Póstsins hafa, bæði í gegn um
nám og starfsþjálfun, þá muni þjónust-
an fara niður á við. Póstþjónusta er
nefnilega meira heklur en að dreifa
bréfum til landsmanna, þótt það sé
góðra gjalda vert og þurfi að gera það
vel. En þeir fá líka og senda frá sér
bæði böggla og ábyrgðarsendingar, sem
allt verður að komast til skila og vera
rekjanlegt."
...síðustu jól glöggt dæmi
Þótt bréfum hafi eitthvað fækkað segir
Þuríður auglýsingapóst og alls kyns
kröfupóst að aukast. Svo póstsending-
um fækki því varla - eins og síðustu jól
hafi verið glöggt dæmi um - „og allra
síst þeim sendingum sem maður hefði
haldið að þyrfti að vanda sérstaklega til
verka, eins og póstkröfusendingum."
Nú sé til dæmis unnið mjög mikið í því
að að auka net-verslun, sem auðvitað
þýðir fleiri pakka sem koma þarf til
skila á öruggan hátt. Auk þessa finnst
Þuri'ði slæmt þegar hennar fólk er að
missa vinnuna, sérstaklega á stöðum
þar sem litla eða enga aðra vinnu er að
hafa.
Netverslun lítil nýjung á lands-
byggðinnl
Hörður sagðist síðastur manna verða
til að „draga úr því að starfsmenn okk-
ar búa yfir þekkingu á póststörfum og
standa sig margir hverjir mjög vel, og
auövitað nýtist sú þekking áfram.“ Oft
á tíðum fylgi starfsmennirnir með og
annars staðar fylgi póstmaður breyt-
ingunum eftir fyrsta mánuðinn meðan
nýtt fólk er að komast inn í störfin.
Vöxt netverslunar segir Hörður aðal-
lega í Reykjavík, því landsbyggðarfólk
hafi.keypt gegnum póstkröfu í áraraðir.
- HEI
I heita pottinum ræða
menn um ástand og liorf-
ur í blaðaheiminum og
sýnist sitt hverjum. Þar
vakti yfirlýsing Einars
Karls Haraldssonar í þætt-
inum Vikulokin á Rás 1 á laugar-
dag nokkra athygli og umtal. Ein-
ar er sem kunnugt er verðandi rit-
stjóri nýs „Metró“ dagblaðs sem
verið er að kanna með útgáfú á og
mun það blað eiga að vera ópóli-
tískt fréttablað sem dreift verður
ókeypis til landsmanna allra. En
yfirlýsingin sem Einar gaf í þættinum var sú að
hann vildi ekki taka þátt í pólitískum umræðum
um borgarmál í ljósi þess að hann væri að setja
sig í stellingar sem ópólitískur stjóniandi hins
nýja blaðs! í pottinum veltu menn því íyrir sér
livort vafi léki á því hvar íyrrverandi fram-
kvæmdastjóri Alþýðubandalagsins stendur í
pólitík.
Einar Kari
Haraldsson.
Það hefur vakið atliygli í heita
pottinum að Vilhjálmur Vil-
hjálmsson, borgarfulltrúi Sjálf-
stæöisflokksins hefur í tvígang nú
um helgina koinið fram og afneit-
að opinberlega frétt úr Degi þess
efnis að borgarstjórnarfulltrúar
sjálfstæðismanna hafi haft til
meöferðar stuðmngsyfirlýsingu við Ingu Jónu
Þóraðardóttur og sú tillaga ekki hlotið einróma
stuðning. Eins og raunar kom fram í frétt Dags
var þessi tillaga ekki formlega tekin íýrir á fundi
í borgarstjómarflokknuin, en kynnt óformlega
meðal fulltrúamia í tengslum við fundimi. í
mumú Vilhjálms liefur þetta liins vegar hljómað
þannig að engin slík tillaga hafi koinið fram á
fundi borgarstjómarílokksins - sem í sjálfu sér
er rétt en snertir ekki kjama inálsins. í pottin-
uin þykja mömiuin þessi viðbrögð til marks um
að Vilhjálmi og öðnim stuðmngsmönnum Ingu
Jónu þyki slæmt að þessi tillöguflutmngur Iiafi
spurst út og vilji reyna að lijálpa leiðtoga sínum
ineð því að gera lítiö úr trúverðugleika fréttar-
imiar.
V_______
Viihjáimur Þ.
Vilhjálmsson.
Englnn gróði af ESB
Arí Teitsson
formaðurBændasamtaka íslands.
Búnaðarþing2001 hefstí
dag og stendur til laugardags-
ins 10. mars. Samkvæmt
málaskrá liggja nær 40 mál
fyrirþinginu. Búistervið
spennandi stjómarkjöri.
- Stendnr eitthvcið tnál npp tír að þtnn
ntati, eða ntál sent veknr nteiri athygli en
önnur?
„Eg held að það verði ekkert mál á Bún-
aðarþingi sem hægt verði að segja að sé al-
gjörlega efst á baugi. Mál vekja þó eðlilega
mismunandi mikla athygli, en fjárhagur
Bændasamtakanna stendur nokkuð föstum
fótum og er góður og reksturinn er í jafn-
vægi þannig að ég á ekki von á hann veki
deilur á Búnaðarþingi. En auðvitað er það
spurning á hvað á að leggja áherslur og
hvernig á að nýta þá fjármuni sem við höf-
um úr að spila. Velta Bændasamtaka nernur
hátt í 300 milljónum króna, og meirihluti
þess fjár rennur til leiðbeininga- fræðslu-
starfsemi. Evrópumálin, eða aðild að Evr-
ópusambandinu, eru á dagskrá og þau
munu vafalítið vekja töluverða athygli. Eg
hygg þó að þau muni ekki vekja upp deilur
en það er nokkuð samdóma álit bænda að
þeir hafi ekki ávinning að Evrópuinngöng-
unni. En ég á von á því að Búnaðarþing
samþykki ályktun um Evrópusambandið og
inngöngu í það og bendi á áhrif aðildar á
landbúnaðinn. Svo verða umræður um mál
sem tengjast öðrum búgreinum, svo sem
um fiskimjölsbann ESB, hvernig við sjáum
fyrir okkur loðdýraræktina í framtíðinni og
við ræðum hvort hægt sé að koma á fastara
skipulagi á skógrækt og áhrif laxeldis í sjó á
hlunnindanýtingu bænda.“
- Matvælahollusta hefur mjög verið til
umræðtt stðuslu misseri. Vænlanlega taka
bænclur virkan þátt t þeirri tnnræðti?
„Það er ekki nokkur vafi og ég tel að það
verði talsverð umræða um matvælahollustu,
öryggi og sjúkdómavarnir. Síðan verður um-
ræða um matvælastefnu í víðasta skilningi
þess orðs. Nýr vinkill í matvælaumræðunni
er þessi sykurumræða sem hefur verið fyrir-
ferðarmeiri á síðustu mánuðum en oft áður,
|>ó svo sú umræða hafi nú undir það síðasta
staðið nokkuð í skugga umræðu um kúariðu
o.fl. Sykurumræðan var býsna hörð í haust
og ég er viss um að hún hafði áhrif á neyslu-
venjur landans."
- Þetta þing er ltaldið þegar alvarleg
gin- og lilaufaveiki geisar á Bretlandi og
jafnvel vt'ðar i Evrópti. Sumir óttast að það
takist eliki að verjast þessunt vágesti hér-
lendis sem aldrei liefur hingað borist.
Hvað viltu segja unt það?
„Eg held að þessi ótti sé mjög skiljanlegur.
Ef það er hægt að stöðva þessa veiki í Evr-
ópu hlýtur að vera hægt að verjast hénni
hérlendis. En það veltur á því að á næstu
mánuðum sé höfð hér mikil aðgát í aðkomu,
bæði fólks og vara. Eg veit að við getum
varist, en ég er ekki jafnviss að við gerum
það.“
- Munduð þið vilja bantta innflutning á
vörum af sýktuni svæðum, jafnvel þótt
ekki sé utn landbúnaðarvörur að ræða?
„Við höfum ekki mikið velt því fyrir okkur,
en í okkar landbúnaðarpólitík höfum við
haft mikið samstarf við Norðmenn, en þeir-
ra landbúnaðarstefna er mjög svipuð okkar,
þ.e. að viðhalda eigin landbúnaði með til-
tölulega lokuð landamæri en þeir eru utan
við Evrópusambandið. Ef þeir eru að loka
sínum landamærum hljótum við að leita
svara við rökum fyrir því, og hvort þau gildi
hérlendis. Það er auðveldara að verjast í ey-
ríki, en þetta er ekki síður spurning um hug-
arfar.“
- Er btiið að aflýsa bændaförinni til
Bretlands setn verið hefur ifréttum?
„Eg veit það ekki, en ég veit um bændur
sem hafa verið að hætta við að fara til Bret-
lands á svipaðar slóðir. Það dettur engum
bónda í hug að fara til Bretlands í dag.“
- GG