Dagur - 06.03.2001, Blaðsíða 6

6 - ÞRIBJUD AGV R 6. MARS 2001
Ttegur
ÞJÓÐMÁL
Útgáfufélag: dagsprent
Útgáfustjóri: eyjólfur sveinsson
Ritstjóri: ELÍAS SNÆLAND jónsson
Aðstodarritstjóri: birgir guðmundsson
Skrifstofur: strandgötu 31, akureyri,
GARÐARSBRAUT 7, HÚSAVÍK
OG ÞVERHOLTI 14, REYKJAVÍK
Símar: 460 6ioo OG 800 7080
Netfang ritstjórnar: ritstjori@dagur.is
Áskriftargjald m. vsk.: 1.900 kr. á mánuði
Lausasötuverð: 150 kr. og 200 kr. helgarblað
Grænt númer: soo 7080
Netföng auglýsingadeildar: valdemar@dagur.is-augl@dagur.is-gestur@ff.is
Simar auglýsingadeildar: (REYKJAVI'K)563-1615 Ániundi Ámundason
(REYKJAVÍK)563-1642 Gestur Pðll Reyniss.
(AKUREYRI)460-6191 Valdemar Valdeniarsson.
Símbréf auglýsingadeildar: 460 6161
Simbréf ritstjórnar: 460 6171(akureyrd 551 6270 (reykjavík)
Pólitískt rekald
í fyrsta lagi
Björn Bjarnason, menntamálaráðherra, kýs að láta forystu-
menn Sjálfstæðisflokksins í Reykjavík engjast áfram í óvissu
um hvort hann muni hirða af þeim forystuhlutverkið. Þrátt
fyrir tilraun til pólitískrar upprisu Ingu Jónu Þórðardóttur, nú-
verandi leiðtoga borgarstjórnarflokks sjálfstæðismanna, um
helgina, lýsir menntamálaráðherra því yfir að hann taki sér
enn lengri tíma til að ákveða hvort hann gefi kost á sér sem
borgarstjóraefni Sjálfstæðisflokksins.
í öðru lagi
Nýjasta yfirlýsing Björns Bjarnasonar er líka athyglisverð í ljósi
fullyrðinga Ingu Jónu um helgina, en hún kenndi andstæðingum
Sjálfstæðisflokksins um að búa til glundroða í forystu flokksins í
Reykjavík. Staðreyndin er auðvitað sú að sjálfstæðismenn hafa
verið og eru enn einfærir um að viðhalda augljósu sundurlyndi
sínu. Framboð menntamálaráðherra hangir eins og flugbeitt
sverð yfir höfðum þeiiTa mörgu borgarfulltrúa Sjálfstæðisflokks-
ins sem telja sig eiga skilið að hampa forystuhlutverkinu í næstu
kosningum. Glundroðinn í þeirra röðum birtist meðal annars í
því að ekki tókst í síðustu viku að fá samþykki borgarfulltrúa
Sjálfstæðisflokksins við traustsyfirlýsingu á Ingu Jónu.
í þriðja lagi
Það er enn of snemmt að fullyrða hvort Björn Bjarnason gef-
ur kost á sér sem borgarstjóraefni Sjálfstæðisflokksins, eða
dregur sig í hlé frá þeirri baráttu og tekur þar með stefnuna úl
úr stjórnmálum. Hitt er augljóst að með því að velta þessum
möguleika jafnrækilega f}TÍr sér og raun ber vitni hefur
menntamálaráðherra afhjúpað enn frekar alvarlega veikleika í
forystu sjálfstæðismanna í Reykjav'ík. Borgarstjómarflokkur
þeirra er sundurlaus fylking metnaðarfullra einstaklinga sem
sjálfstæðismenn sjálfir hafa enga trú á að geli náð að sigra í
næstu borgarstjórnarkosningum. Með löngum umhugsunar-
tíma sínum beinir ráðherrann miskunnarlausu kastljósi að
pólitísku rekaldi sem vantar bæði stýri og skipstjóra.
Elías Snæland Jónsson
Nú vantar her!
'N
Eins og svo oft áður virðist það
ætla að koma okkur Islending-
um í koll að hafa ekki hlustað
betur á það sem Björn Bjarna-
son segir. Það er ótrúlegt að
þessi þjóð skuli ekki revna að
læra af reynslunni og taka
þennan snilling á orðinu þegar
hann varpar fram hugmyndum
sínum. Sú hugmynd Björns,
sem Garri er nú að vísa til, er
hugmynd hans um að hér verði
stofnaður íslenskur her. A sín-
um tíma gerðu menn grín að
Birni fyrir þetta og
töldu hann vera fastan í
hugmyndafærði Kalda
stríðsins og s\'o mótað-
an af hugsunarhætti
hinna strategísku her-
fræða að ekki mætti
taka hann alvarlega
þegar málið snerist um
stríð, frið eða her. En
Björn gaf sig ekki og
hefur alltaf haldið því til streitu
að hugmyndin um íslenska her-
inn væri góðra gjalda verð, þó
trúlega hafi móttökumar sem
hugmyndin fékk orðið til þess
að hann fylgdi eldd eftir þessu
stefnumáli sínu af neinni
hörku.
Stórskotalíð
En í dag og næstu daga er Garri
hræddur um að menn muni
ekki gera lítið úr þessari hug-
mynd, því sjaldan hefur verið
eins æpandi þörf fyrir íslenskan
her, vel þjálfaðan og skipulagð-
an, en einmitt nú. 1 fyTsta sinn í
áratugi steðjar slík ytri hætta að
íslendingum að stórskotalið ís-
lensks hers myndi stórauka á
öryggi okkar. Hættan er auðvit-
að gin- og klaufaveikin, sem
breiðst hefur út 1' Evrópu með
ógnarhraða og gæti sem hæg-
legast lagst á íslenskan hústofn
eí við gáum ekki að okkur. Nú
þegar hafa yfirvöld gripið til
þcss að skikka útlendinga og ís-
V
lenska ferðalanga til aö fara í
sótthreinsandi fótabað við kom-
una til landsins og leitað er
vandlega í farangri manna að
gin- og klaufaveikispylsum. En
ein smitleið er þó óvarin, og það
eru farfuglarnir sem koma
sunnan úr Evrópu, ekki síst
Bretlandi, og eru hugsanlega
allir meira og minna sýktir.
Varla svanasöngur
Nú þegar hefur verið sótt um
leyfi til að skjóta nokkra svani
til að kanna hvort þeir
séu smitberar veikinn-
ar. Ovíst er þó að slíkt
skytterí muni verða
svanasöngur smithætt-
unnar, því samkvæmt
upplýsingum dýra-
fræðinga er að bresta
á mikil hætta með
heilli hersveit farfugla
- þröstum, lóum, spó-
um, jaðrakönum, stelkum,
tjöldum, og fleiri og fleiri. Það
er verið að tala um tugmilljón-
ir fugla, og eina leiðin til að
vernda landið er að sjálfsögðu
að mynda öfluga móttökusveit
skotmanna sem hindra hing-
aðkomu þessara smitbera. I
slíkt verkefni duga ekki ein-
hverjir óagaðir sportveiðimenn.
í þetta þarf her manns, í þetta
þarf íslcnskan her. Menn sem
kunna að skjóta og drepa. Nú
hefði komið sér vel að hafa her-
inn hans Björns til taks. Herinn
hefði getað myndað varnarlínu
við suður- og austurstöndina og
skotið niður farfuglana jafn-
harðan og þeir koma yfir hafið.
En enginn slíkur her er fyrir
hendi, þannig að viðbúið er aö
sýkingin muni stinga sér niður
hér eins og annars staðar. Af því
við hlustuðum ekki á Björn á
sínum tíma!
GARRI
JÓHANNES
SIGURJÓNS
SON
SKRIFAR
Menn hafa dulítið verið að hnýta
í DV fyrir að hirta á dögunum
viðtal við förmann róttækra þjóð-
ernissinna, nazista , fasista eða
hvaða stimpil menn kjósa að
setja á þessa hreyfingu. Gagn-
rýnin hefur fyrst og fremst snúist
um að þarna fái talsmenn and-
styggilegra og mannfjandsam-
legra viðhorfa tækifæri til að
koma áróðri sínum á íramfæri og
fegra um Ieið málstaðinn og þar
með jafnvel að afla sér fylgis-
manna úr röðum grunnhygginna
lesenda.
Þetta er afskaplega hæpin
gagnrýni. Menn geta auðvitað
haft misjafnar skoðanir á vinnu-
brögðum blaðamanns í þessu
viötali sem og viðtölum blaða-
manna yfirleitt, gagnrýnt vett-
lingatök eða sílkihanska og kraf-
ist beittari umfjöllunar. En það
er engan veginn rökrétt að gagn-
rýna DV fyrir að taka þctta efni
til umfjöllunar og birta viðtalið.
DV gerði
Gagnleg birting
Sá sem þetta ritar fagnaði því
þegar viðtalið við talsmann rót-
tækra þjóðernissinna birtist í DV.
Þessi ömurlega hugmyndafræði
hefur ekki farið hátt og litlar
upplýsingar að hafa um
starfsemi
nýnasista á ís-
landi, meinta
eða raunveru-
lega. En í viðtali
DV var loksins
einhvern fróðleik að fá, auðvitað
ekJd tæmandi og ugglaust fegrað-
an, en hæg heimatökin hjá blað-
inu að fylgja þessu eftir og afia
frekari upplýsinga, t.d. um það
hvort nýnasistar hér hafi beitt sér
fyrir ofbeldisverkum gegn nýbú-
um, eins og haldið hefur verið
fram.
Og ef menn vilja gagnrýna DV
fyrir þetta viðtal, þá má að sjálf-
sögðu benda á Moggann sem hef-
ur um árabil og til skamms tíma
a.m.k. birt grátbroslegar vanga-
veltur talsmanna Norræns mann-
kyns um aríska yfirburði Islend-
inga á öllum sv'iðum. Það hefur
líka verið gagnlegt að fá vitneskju
um tilvist þeirra
hugmynda.
Það er sem sé
aldrei skynsam-
legt að reyna að
þegja óæskileg-
hugmyndir í hel og
grafa þær í jörðu þar sem þær fá
að geijast og jafnvel blómstra með
oft ömurlegum afleiðingum. Þvert
á móti er betra að slíkar séu uppi
á yfirborðinu svo hægt sé að veita
andsvör og kveða rugludallana í
kútinn.
Daily Stax
Það er gömul saga og ný að það
er betra að vita um tilvist and-
skota sinna, hvar og hverjir þeir
eru og hvað þeir hafa að segja og
hafa fyrir stafni, fremur en að
hafa óljósan grun um einhverja
óskilgreinda neðanjarðarstarf-
semi.
Þetta vissu þeir hjá CIA á sín-
um tíma. Þegar málgagn banda-
rískra kommúnista, Daily Star,
hætti að koma út vegna fjár-
skorts, lagði CIA fram fé eftir
krókaleiðum til þess að kommar
gætu haldið útgáfunni áfram.
Þetta vitnaöist ekki fyrr en löngu
síðar og talsmenn CIA réttlættu
þessa aðgerð á þann veg að með-
an að blaðið kom út og „óvinur-
inn" tjáði sig opinberlega, vissu
þeir hvar þeir hefðu kauða. En
þegar málgagnið fór á hausinn og
umræðan hvarf undir yfirborðið,
varð illmögulegt að gera sér grein
fyrir umfangi þeirrar „óæskilegu
og mannfjandsamlegu hugmynda-
fræði“ sem þeir hjá CIA töldu
komm ú nismann vera.
DV gerði einfaldlega rétt í
þessu máli og framtak blaðsins
var þarft.
Á að skjóta farfugla í
leit að smitleiðum hingað
til lands?
(Yfirdýralækuir Iwfiir lagt þetta til,
nteðal aunars vegna gin- og klaufa-
veikifaraldurs í Evrópu.)
Bjami E. Guðleifssoti
iiáttúnifræðingur
á Möðnivöllum t Hörgárdai.
„Allra leiða verður
að leita til að loka
smitleiðum gin- og
klaufaveiki til Is-
lands, og þar eru
mennirnir hættu-
legustu smitber-
arnir. Mér finnst fuglasmit hins
vegar ekki Iíkleg smitleið og að
mínu mati væri hyggilegra að
standa öðruvísi að rannsóknum
og kanna til dæmis hvort smit
finnst í þessum fuglum erlendis.
Eg veit hins vegar ekki hvernig
bregðast ætti við því ef hið ólík-
lega kemur í ljós að farfuglar beri
husanlega smit hingað til lands.“
Drífa Hjartardóttir
þingiiiaðiirog bóttdi.
„Þeir vísindamenn
sem fyrir slfku tala
hafa nokkuð til síns
máls og það er mín
skoðun að \dð eig-
um að láta einskis
ófreistað í þeirri
baráttu að hingað komi ekki gin-
og klaufaveiki eða aðrir smitsjúk-
dómar. Sé ég fyrir mér að komið
verði m.a. upp aðstöðu til sótt-
hreinsunar í Leifsstöð og f því
sambandi á ekkert að hika.
Bændur á Islandi eru mjög ótta-
slegnir vegna þessara sjúkdóma
og hafa fulla samúð með kolleg-
um sínum í Evrópu."
SigmarB. Haulisson
matgæðingur
'eiðiféi. íslands
„A því er engin
þörf, en ef menn
ætla að kanna
hvort hætta sé á því
að smit berist með
fuglum til lslands
er allt eins hægt að
greina þau í saur þeirra. Mér
skilst að yfirdýralæknir hafí f
þessum tilgangi heðið um leyfi
fyrir því að skjóta tíu álftir, en ég
sé ekki tilganginn. Ef berjast á
gegn því að smit berist hingað til
lands má benda á að erlend skip,
sendiráð og herinn flvtja inn eig-
in matvæli erlendis frá. Við eig-
um að beina sjónum okkar að
þeim þáttum,"
Sigurðurlngi Jóhannsson
dýralækniráStiðurlatidi
„Ef til vill er allt í
lagi að skjóta far-
fugla í þessum til-
gangi - og rannsaka
annað í leiðinni
sem getur gefið
okkur upplýsingar
um lifnaðarhætti þeirra. Hins
vegar er ég efist um að þetta
myndi skila frekari upplýsingum
um smitleiðir gin- og klaufaveiki
hingað til lands. Vil þó ekkert
útiloka og minni f því sambandi
á að menn ræddu á sl. ári, þegar
salmonella og kamfýla var sem
skæðust á Suðurlandi, um að
hún gæti hafa borist milli bæja
með fuglum."
ogfonn. Skoti
->v-