Dagur - Tíminn Akureyri - 15.02.1997, Side 2

14 - Laugardagur 15. febrúar 1997
|Dbtgur-®órarat
Fyrir smáfólkið
Hvað œtlar þú að gera með
þínum börnum um helgina?
Dagur-Tíminn bendir á eftir-
farandi kosti:
Kvikmynd í Norræna
Að venju verður bíósýning í Norræna
húsinu á sunnudaginn kl. 14 og aðgang-
ur er ókeypis. / skyggen af Emma er
með dönsku tali og ætluð eldri börnum.
Hún segir frá Emmu, 11 ára, sem elst
upp í heldri manna Qölskyldu í Kaup-
mannahöfn um 1920. Hún fær allt nema
athygli foreldra sinna og dag einn fær
hún þá flugu í kolhnn að láta sig hverfa
svo foreldrar hennar haldi að henni hafl
verið rænt...
Leikhúsin í höfuðborginni
Litli-Kláus og Stóri-Kláus er á íjölunum í
Þjóðleikhúsinu og verður sýnt klukkan
14 á morgun, sunnudag. Góð skemmtun
og skýr boðskapur fyrir ungana. í Loft-
kastalanaum verða þrjár sýningar á
leikritinu Áfram Latibœr í dag klukkan
14 og á morgun klukkan 14 og 16. Verð
á þessar tvær sýningar er 1200 kr. fyrir
börn en 1700 fyrir fullorðna.
Bangsaieikur í Kringlunni
í dag kl.14.30 verður barnaleikritið
Bangsaleikur eftir IUuga Jökulsson sýnt í
Ævintýra-Kringlunni á 3. hæð Kringl-
unnar. Bangsi reynir af öllum mætti að
vingast við Ijón, fíl, krókódíl og páfa-
gauk. Gengur svo langt að hann reynir
að líkjast þeim og því vill enginn eiga
hann að vini. Eða eins og segir í loka-
söngnum: „Hvort sem þú ert ljón eða fíll
eða kálfur, þá skiptir mestu að vera þú
sjálí'ur."
Krakkaskák
Er barnið þitt upprennandi skáksnilling-
ur? Hvernig væri að drífa sig niður í
Faxafen 12 og skrá litla guttann eða tát-
una á skákþing barna. Mótið hefst
klukkan 14 í dag og lýkur á morgun.
Þátttökurétt hafa öll börn 11 ára og
yngri. Þátttökugjald er 500 kr. Skráning
fer fram á skákstað í dag kl. 13.30-
13.55.
Heimsækjum
vini og vandamenn
Hvað með að sleppa sjónvarpinu á laug-
ardagskvöld og fara frekar í heimsókn
með börnin, t.d. til afa og ömmu eða til
vinafólks sem á börn á sama reki?
Einnig væri hægt að bjóða fólki heim í
mat eða kaffi. Síðan væri ekki úr vegi ef
börn og fullorðnir settust niður saman
og spiluðu á spil eða færu í leiki.
Gallabuxur
breytast í teppi
Endurvinnsla er töfraorð framtíð-
ar. Gamlir, notaðir hlutir með
nýtt hlutverk. Auður Eyþórsdótt-
ir hirðir ekki aðeins gamlar gallabuxur
sem til falla á eigin heimiii heldur leit-
ar hún einnig á náðir vina og kunn-
ingja. Og í höndum hennar öðlast
gallabuxurnar nýtt líf.
Það var teppið sem fyrst greip athygli
blaðamanns. Átján gallabuxnarassar
tengdir saman með skálmum prýða rúm
unglingspilts. „Ég fékk hugmyndina í
dönsku handavinnublaði," segir Auður
og viðurkennir að mikil vinna sé fólgin í
að búa eitt svona teppi til. Reyndar sé
saumaskapurinn ekki flókinn en efnið sé
óskaplega þungt og því taki á axlirnar
að sauma bútana saman.
Nýtni úr uppeldinu
Auður er starfandi kennari við Síðuskóla
á Akureyri en hefur lengi fengist við
saumaskap og aðra handavinnu í frí-
stundum sínum. En hvers vegna gamlar
gallabuxur?
„Jú, þetta byrjaði eiginlega á því að
krakkarnir mínir
vildu alltaf ganga í
bættum gallabux-
um. Ég átti því allt-
af gamlar buxur
sem ég notaði efni
úr til að bæta hin-
ar, sem þau gengu
í. Út frá því datt
mér í hug að nýta
þetta efni. Ætli
þetta sé ekki ein-
hver nýtni úr upp-
eldinu," segir Auð-
ur.
í fyrstu saumaði
Auður aðallega
snyrtiveski og síðar
fór hún að sauma
bakpoka. Fyrir
tveimur árum datt
henni síðan í hug
að sauma teppið
góða og nú fyrir
jólin saumaði hún
stóran og mikinn
„Saumaskapurinn er ekki flókinn en efnið er þungt og því erfitt að
sauma úr því,“ segir Auður um teppið sem hún saumaði úr gömlum
gallabuxum. Mynd: Al
Svona er teppið útbreitt á rúmi.
púða fyrir lítinn
sex ára strák sem
hún þekkir. „Hann
notar hann oft
þegar hann liggur
fyrir framan sjón-
varpið. Svo notar
hann vasana til að
geyma í allskonar
dót eins og litla
bíla. Mér hafði nú
ekki dottið það í
hug áður,“ segir
hún brosandi,
hrifin af hug-
myndaflugi litla
snáðans.
Vantar buxur
Hvar færðu allar gömlu gallabuxurnar?
„Fyrst notaði ég það sem til féll á
heimilinu en síðan fór ég að biðja vin-
konur mínar að gefa mér gamlar buxur
frekar en að henda þeim,“ svarar Auður
og viðurkennir að hana vanti einmitt
íleiri gallabuxur. Margir hafa hrósað
henni fyrir teppið og hana langar til að
búa til eitthvað svipað fyrir fleiri í fjöl-
skyldunni. „Ekki endilega teppi heldur
getur það einnig verið t.d. yfirbreiðsla
yfir stóla eða sófa. Allt eftir því hvað
hentar hverjum og einum. Og kosturinn
er auðvitað að efniskostnaðurinn er eng-
inn. í teppinu sem ég saumaði notaði ég
t.d. gamalt lak í fóður.“ AI
Þjófapör og borðstofuborð óskast
Koma á upp áfengislausu kafft-
húsi í Hinu húsinu, En aðstand-
endur eru blankir og lýsa því
eftir litlum borðstofuborðum,
stólum, leirtaui (þjófapör mjög
velþegin, þ.e. ósamstœðir boll-
ar og undirskálar), Ijósakrón-
um og fleiru sem við á að éta í
einu kaffihúsi...
Peningarnir sem voru settir í þetta
verða notaðir til að búa til eldhús
og annað sem þarf að vera sam-
kvæmt staðli en þá sitjum við uppi með
tóman sal nema við reddum þessu
svona. Okkur fannst þetta líka ganga
upp við þær pælingar sem hafa verið í
gangi innanborðs í Hinu húsinu um end-
urvinnslu og nýtingu á hlutum," segir
Ásta í Listmiðju Hins hússins en opna á
kaffihúsið í apríl og þar verður einnig
verslun með listmunum ungs fólks, m.a.
eiginútgáfum ljóðabóka og geisladiska.
Sýningar ungs listafólks verður einnig í
húsinu. En Ásta segir viðbrögð fólks við
kalli þeirra eftir húsmunum hafa verið
fremur dræm og vonast til að það breyt-
ist. „Maður veit að það er haugur af
borðum og stólum einhvers staðar þarna
úti.“ lóa
Þessi skólastóll gekk í gegnum dálitla andlitslyftingu hjá Listsmiðjunni í Hinu húsinu og heitir
nú gíraffastóll með tvíhöfða baki. „Hugmyndin er sú að þetta verði síbreytilegt kaffihús. Mað-
ur geti komið þarna inn, fengið sér kaffi og ef manni líst vel á kaffibollann geti maður keypt
hann og kannski stólinn með ef manni finnst hannn sætur,“ segir Ásta.