Dagur - Tíminn Reykjavík - 19.04.1997, Page 10

22 - Laugardagur 19. apríl 1997
(®agurJ3Ifottrat
SKOLALIFIÐ I LANDINU
/ dag fagnar Fram-
haldsskólinn á
Húsavík 10 ára af-
mœli sínu, en skól-
inn var formlega
stofnaður 1. apríl
1987. Fyrsti skóla-
meistari var Jón
Hannesson sem
gegndi stöðunni í 1
ár en s.l. 9 ár hefur
Guðmundur Birkir
Þorkelsson stýrt
skólanum. Dagur-
Tíminnn hitti Guð-
mund að máli í vik-
unni og rœddi við
hann um Fram-
haldsskólann og
áhrif hans á samfé-
lag og bœjarbrag á
Húsavík.
að má segja að skólinn
hafi nú slitið barnsskón-
um, orðinn 10 ára og
starfsemin í nokkuð föstu formi.
Auðvitað eru þó alltaf breyting-
ar í gangi, við höfum verið dug-
leg við að reyna ýmsar nýjung-
ar í starfinu, sumar hafa fest
sig í sessi, aðrar ekki eins og
gengur.
Húsvískir nemendur hafa frá
upphafi nýtt sér skólann vel.
Það hefur hinsvegar gengið
hægara að laða nemendur úr
nærsveitum og Norðursýslunni
til skólans, en þó er ákveðin
þróun í þá átt. Skortur á full-
nægjandi heimavistaraðstöðu
hefur þar ugglaust áhrif, en við
getum aðeins boðið 12 manns
upp á búsetu í Túni, gamla
sýslumannshúsinu.
Frá upphafi hafa eldri nem-
endur sett ánægjulegan svip á
skólastarfið. Hér var fyrir ófull-
nægð þörf fullorðins fólks til
framhaldsnáms, en þetta fólk
átti ekki hægt um vik að taka
sig upp með Qölskyldu og flytja
burt til náms. Og þetta fólk, t.d.
hópur sjúkraliða, hefði því alls
ekki hafið nám á ný ef skólans
hefði ekki notið við.
En við getum bætt við okkur
nemendum, 50-100 manns með
góðu móti, og ætlum okkur
stærri hlut af nemendafjölda í
héraðinu.“
Einu sinni málað
á 30 árum
Aðspurður segir Birkir að sam-
skipti skóla og samfélags séu
mjög jákvæð. Foreldrar hafi
reyndar ekki mikil bein afskipti
af skólastarfinu og mjög lítið sé
um kvartanir. Það túlki stjórn-
endur skólans á þann veg að
foreldrar treysti þeim vel fyrir
velferð barnanna og að börnin
beri skólanum svona heldur vel
söguna heimafyrir, og því sjái
foreldrar ekki ástæðu til mikilla
afskipta.
Framhaldsskólinn á Húsavík
hefur löngum vakið athygli fyrir
góða umgengni og raunar hefur
svo verið á öllum skólastigum
um áratugaskeið í bænum. Er
umgengnin ennþá jafn góð og
hvað skýrir þetta?
„Skýringin er e.t.v. sú að við
erum alltaf með sama húsvörð-
inn í þessu húsi, Halldór
Bjarnason, og hann á stóran
þátt í þessu, en hefðin fyrir
góðri umgengin er mikil og
sterk. Þegar ég kom hingað
fyrst trúði ég því ekki að búið
væri að vinna í þessu húsi í tæp
20 ár og ekkert verið málað frá
því starfsemi hófst. Síðan höf-
um við reyndar afrekað það að
mála einu sinni inni og úti og
það hlýtur að teljast vel sloppið
á 30 árum. Við reynum að
halda hefðinni við og ég finn
glögglega þegar gestir koma að
þeir taka vel eftir umgengninni
um skólann."
Áður var eyða
í mannlífinu
- Hvaða áhrif hefur skólinn haft
á samfélagið?
„Ég hef heyrt það á Húsvík-
ingum að bæjarbragurinn hafi
breyst ákaflega mikið. Áður
fyrr hvarf stór hópur ung-
menna úr bænum á hverjum
vetri og það skapaðist ákveðin
eyða í mannlífið. Það er öruggt
að tilvist Framhaldsskólans hef-
ur jákvæð áhrif á mannlíf og
menningu á Húsavík. Nemend-
ur skólans eru áberandi í leik-
listar- og tónlistarlífi í bænum,
þeir fá tækifæri til að koma
fram í tengslum við Tónlistar-
skólann og leikfélögin og hér
eru að vaxa úr grasi lista-
menn sem hafa mörgu
að miðla til sam-
borgaranna og
hafa gert það
svo eftir hefur
verið tekið."
Ilvað um pólitíska umræðu í
skólanum og framhaldsskólum
yfirleitt? Er pólitískur áhugi í
algjöru lágmarki, eins og marg-
ir vilja halda fram?
„Það hefur orðið mikil breyt-
ing frá því fyrir 20-30 árum
þegar allt logaði í pólitískum
áhuga og deilum í framhalds-
skólunum. Það er hinsvegar
langt í frá að nemendur hafi
enga pólitíska vitund, þó flokks-
pólitíkin virðist að mestu liðin
undir lok í skólunum. Nemend-
ur horfa á hlutina frá öðrum og
víðari sjónarhóli en áður, þeir
ræða hugtök eins og réttlæti og
ranglæti en ekki út frá þröng-
um flokkspólitískum sjónarmið-
um. Og það er liðin tíð að ungir
framsóknarmenn og ungir alla-
ballar eyði öllum frímínútum í
rifrildi. Krakkarnir „trúlofast"
ekki flokkunum eins og tíðkað-
ist hér áður.“
Héraðshollur skóli
- Hvað um ímynd skólans, hlut-
verk hans og framtíðarhorfur?
„Við teljum okkur hafa
ákveðnu hlutverki að gegna í
þessu samfélagi og héraðinu
öllu og viljum vera „héraðsholl-
ur skóli“. Við leggjum mikið
upp úr því að vera með ijöl-
breyttan skóla þó hann sé ekki
stór. Fjölbreytnin þarf að vera
eins mikil og unnt er svo skól-
inn geti uppfyllt sem flestar
þarfir samfélagsins, þó auðvit-
að höfum við ekki burði til að
sinna þeim öllum. Það myndi
draga verulega tennurnar úr
starfseminni ef skólinn yrði
með mjög einhæft námsfram-
boð og það myndi þrýsta nem-
endum burtu til náms. Og það
verður að vera skilningur á því
að minni skólar þurfa heldur
lleiri krónur á hvern nemanda
en þeir stærri, eins og raunar
er viðurkennt í verki í
grunnskólanum.
Við höfum
verið vakandi
fyrir ýms-
um nýj-
ungum í
skóla-
starfinu.
T.d. með
stofnum
verk-
nokkr-
um ár-
um sem
reyndist
verulega
gagnleg
ákveðnum
hópi nem-
enda. í
ár fórum við af stað með náms-
grein sem snýst um að nemend-
ur stofna og reka fyrirtæki frá a
til ö og miðar af því að efla
frumkvæði þeirra og styrkja
frumkvöðla í atvinnulífinu.
Þetta nám á framtíð fyrir sér og
nemendur t.d. starfræktu nokk-
uð öflugt þjónustufyrirtæki í
vetur og tóku að sér snjómokst-
ur, hreingerningar og íleira fyr-
ir bæjarbúa með góðum ár-
angri.
Þá má ekki gleyma Farskóla
Þingeyinga, sem er samstarfs-
verkefni framhaldskólanna á
Laugum og Húsavík. Þarna er-
um við að svara kröfum um sí-
menntun og höfum verið með
mjög fjölbreytt námskeið á
mörgum stöðum í báðum sýsl-
um og þetta hafa margir full-
orðnir Þingeyingar notfært sér.
Áherslan í skólastarfinu á
allra næstu árum verður örugg-
lega í margmiðlun og kennslu-
tækni í tengslum við tölvur.
Tölvutæknin verður nýtt mun
meira í kennslu, t.d. með fjar-
námi, en ég held nú að hún
komi aldrei í staðinn fyrir okk-
ar gömlu og hefðbundnu skóla.
Framtíðin veltur auðvitað á
samstarfi skólans, sveitarfélaga
og ríkisvaldsins. Það þarf að
nást samstaða um það að skól-
inn sé rekinn af myndarskap og
hlýtur að vera verðugt mark-
mið. Og það eru jákvæðar vís-
bendingar um að svo verði, t.d.
er talað um það í nýjum lögum
að það sé hlutverk mennta-
málaráðherra að sjá til þess að
skólarnir hafi alla þá aðstöðu
sem þeir þurfa. Og ég hef enga
ástæðu til að ætla annað en það
gangi eftir.“ js