Dagur - Tíminn Reykjavík - 28.05.1997, Blaðsíða 11
JDagur-®mtirm
Miðvikudagur 28. maí 1997 -11
H E S T A R
Sterkir hestar hiá Fáki
Sara Sigurbjörnsdóttir, 5 ára gömul, situr hér gæðing sinn Tvist frá Oddhóli. MyndirEj
Gæðingakeppni Fáks fór
fram um síðustu helgi.
Áður var þetta mót kennt
við hvítasunnu og kallað Hvíta-
sunnukappreiðar. t»að hefur
hins vegar verið samþykkt hjá
Fáki að gæðingakeppni félags-
ins verði framvegis síðustu
helgina í maí. Hvítasunnan flyst
eins og menn vita til á alman-
akinu og þar sem mótahald er
mikið á þessum tíma þá er ekki
hjá því komist að fastsetja mót-
in langt fram í tímann. Kapp-
reiðarnar, sem frægar voru á
fyrri tíð, eru nú lítill hluti móts-
ins og að þessu sinni var ein-
ungis keppt í skeiði. Það er hins
vegar íhugunarefni fyrir Fák að
standa að kappreiðum annan
hvítasunnudag ár hvert og þá
fari ekki annað fram en kapp-
reiðar og verðlaun verði þar
veitt. Fá þarf kostunaraðila,
eins og það er kallað í dag, til
að styrkja slíka keppni. Þá
myndi vaxa áhugi á þjálfun
stökkhesta og ræktun hlaupa-
hrossa.
Góð þátttaka
Það var góð þátttaka í gæðinga-
keppninni og úrval hrossa. í A-
ílokki var keppnin hörð en þar
bar sigur úr bítum stóðhestur-
inn Hljómur frá Brún v/Akur-
eyri. Knapi Hulda Gústafsdóttir.
Konur voru sigursælar á þessu
móti því Fríða Steinarsdóttir
sigraði í töltinu og í þriðja sæti
þar var Birgitta Magnúsdóttir.
Sylvía Sigurbjörnsdóttir sigraði
í barnaflokki og Alma Olsen í
ungmennaflokki. Karlarnir
höfðu hins vegar sigur í B-
flokki, þar sem Farsæll frá Arn-
arhóli og Ásgeir Svan Herberts-
son virðast nánast ósigrandi.
í unglingaflokki sigraði Davíð
Matthíasson og karlar höfðu
einnig sigur í áhugamanna-
flokkunum.
Það fyrirkomulag að bjóða
upp á keppni í áhuga-
mannaflokki er vel séð og skap-
ar mun meiri þátttöku í móti
sem þessu. Þeir sem þar byrja
eiga trúlega margir hverjir eftir
að vinna sig upp í hærri flokk.
Þarna skapast líka möguleiki
fyrir þá sem eldri eru og langar
til að vera með.
Þetta mót Fáks var nokkuð
vel sótt enda veður hið besta.
Það er greinilegt að starfsemi
Fáks er á uppleið eftir nokkurn
dvala og búast má við að
keppnissveit þeirra á landsmót-
inu næsta ár verði mjög sterk.
Nokkrir stóðhestar voru í
gæðingakeppninni að þessu
sinni og stóðu framarlega. Auk
Hljóms, sem nefndur var hér að
framan, þá var Reykur frá Hof-
túni í öðru sæti í A-flokki en
Kolfmnur frá Kvíarhóli var í
öðru sæti fyrir röðun. Logi frá
Skarði var í þriðja sæti í B-
flokki og Erill frá Kópavogi í
fimmta sæti.
13 ára knapi númer
tvö í töltinu
í töltinu í opnum flokki gerðist
það að Viðar Ingólfsson, sem er
aðeins 13 ára, varð í öðru sæti
á Fiðringi frá Ögmundarstöð-
um. Þetta mun í fyrsta sinn sem
svo ungur knapi nær þessum
árangri í jafn harðri keppni. En
Fríða Steinarsdóttir og Hjörtur
hafa verið ósigrandi í töltinu í
vor hjá Fáki.
Það vakti líka athygli að í
barnaflokki var einn keppand-
inn aðeins 5 ára en komst þó í
úrslit. Þetta var Sara Sigur-
björnsdóttir, en íjórir úr þeirri
íjölskyldu tóku þátt í þessu
móti, Sigurbjörn, Fríða, Sylvía
og Sara.
Úrslit:
A-fl. áhugamenn:
1. Hrafndís/Efri-Þverá 8,31
Knapi Davíð Matthíasson
2. Freyþór/Garðabæ 8,26
Knapi Höskuldur Hildibrandsson
3. Hersir/Gunnarsholti 8,21
Knapi Rúnar Bragason
A-il. atvinnumenn:
1. Hljómur/Brún 8,67
Knapi Hulda Gústafsdóttir
2. Reykur/Hoftúni 8,61
Knapi Sveinn Ragnarsson
3. Prins/Hvítárbakka 8,60
Knapi Viðar HaUdórsson
B-fl. áhugamenn:
1. Víkingur/Þverá 8,22
Knapi Bjarni Karlsson
2. Gandur/Fjalli 7,79
Knapi Vilhjálmur Skúlason
3. Fjöður/Minni-Ólafsvöllum 7,80
Knapi Geirharður Þorsteinsson
B-fl. atvinnumenn:
1. Farsæll/Arnarhóli 8,74
Knapi Ásgeir S. Herbertsson
2. Valiant/Heggstöðum 8,51
Knapi Hafliði Hafldórsson
3. Logi/Skarði 8,54
Knapi Sigurbjörn Bárðarson
Barnaflokkur:
1. Haukur/Akureyri 8,65
Knapi Sylvía Sigurbjörnsdótttir
2. Tivar/Þrándarstöðum 8,58
Knapi Unnur B. Vilhjálmsdóttir
3. Sverta/Árbakka 8,00
Knapi Steinar Vilhjálmsson
Unglingaflokkur:
1. Prati/Stóra-Hofi 8,73
Knapi Davíð Matthíasson
2. Fiðringur/Ögmundarstöðum 8,57
Knapi Viðar Ingólfsson
3. Garpur/Arnarhóli 8,46
Knapi Erla Sigurþórsdóttir
Ungmennaflokkur:
1. Erró/Langholti 8,38
Knapi Alma Olsen
2. Ögri/Vindási 8,23
Knapi HrafnhUdur Guðmundsdóttir
3. Kolskeggur/Barkarstöðum 8,20
Knapi Gunnhildur Sveinbjarnardóttir
Tölt opinn flokkur:
1. Fríða Stemarsdóttir
á Hirti/Hjarðarhaga 86,20 stig
2. Viðar Ingólfsson á Fiðringi/
Ögmundarstöðum 85,40 stig
3. Birgitta Magnúsdóttir á Óðni/
Köldukinn 84,30 stig
Tölt 2. flokkur:
1. Rúnar Bragason á Hersi/
Gunnarsholti 77,90 stig
2. Bjarni Karlsson á Væng/
Skeggstöðum 71,70 stig
3. Vilhjálmur Skúlason á Gandi/
Fjalli 70,90 stig
150 metra skeið:
Sigurvegari
Lúta/Ytra-Dalsgerði 14,25
Knapi Þórður Þorgeirsson
250 metra skeið:
Sigurvegari
Sprengju-Hvellur/Efstadal 22,32
Knapi Logi Laxdal.
Hulda Gústafsdóttir tekur við sigurlaunum í A-flokki.
Gott framtak varðanúi beitarmál
Eins og getið var um í síð-
ustu HESTAMÓTUM þá er
kominn út bæklingur um
hrossahaga. Bæklingur þessi
nefnist Hrosssahagar - aðferð
til að meta ástand lands. Að
þessari útgáfu standa Rann-
sóknastofnun Landbúnaðarins
og Landgræðsla ríkisins.
Hér er á ferðinni mjög þarf-
ur hlutur. Aðferðin grundvallast
á einföldum skala þar sem land
er flokkað eftir jarðvegs- og
gróðureinkennum. Aðferðinni
hefur verið beitt við úttekt
Landgræðslunnar á ástandi
hrossahaga tvö síðast liðin
sumur og því talsverð reynsla
fengin af henni. Nú er sem sagt
aðferðin komin í aðgengilegan
búning fyrir þá sem nýta land
til hrossabeitar og þeir eiga því
hægar með að gera sér grein
fyrir ástandi beitarlands.
Landið er flokkað í 6 flokka
þar sem ástandi er lýst og til-
lögur um aðgerðir þar sem þess
gerist þörf. Flokkarnir eru: 0.
ágætt, 1. gott, 2. sæmilegt, 3.
slæmt, 4. mjög slæmt og 5. land
óhæft til beitar. Ilverjum flokki
er svo lýst fyrir sig. Litmyndir
fylgja til skýringa á flokkunar-
einkennum. Yfirskriftin í
hverjum flokki hefur ákveðinn
lit til að auðvelda notkunina.
Ágætt hefur fagurgrænan lit en
óhæft beitarland rauðan lit. Þá
er rækileg útskýring á þeim
hugtökum sem notuð eru um
HROSSAHAGAR
Adferð tii að meta ástand lands
gróðurfarið.
Sýnd eru dæmi um ástands-
flokka, annars vegar ástand
gróðurs að vori og hins vegar
að sumri og hausti. Aftast í
bæklingnum fylgir eyðublað
sem handhægt er að ljósrita og
nota við matið.
Minnka þarf álagið -
fækka hrossum
Mikil umræða fer fram um
hrossahaga og beitarmál. Það
fer ekki á milli mála að víða er
pottur brotinn í þessum efnum.
Það er ekki eingöngu þar sem
dæmin eru augljós heldur
einnig þar sem of mikið er tekið
af uppskerunni á hverju sumri
og rýrir þannig landið. Gróður-
nýtingin er þannig of mikil og
gróðurinn fær ekki frið til að
endurnýja sig. Þetta sýnir sig í
minnkandi uppskeru ár eftir ár.
Eina raunhæfa leiðin til úrbóta
er friðun lands og fækkun
hrossa í högum, minnka við-
komuna í hrossastofninum.
Land má auðvitað bæta veru-
lega með áburðargjöf þannig að
það gefi meira af sér. En þar er
hins vegar hæpin hagfræði að
kosta til áburði til þess að auka
uppskeru, svo hægt sé að ljölga
hrossum sem ekki seljast.
Áburðargjöf til uppgræðslu er
hins vegar víða nauðsynleg.