Dagur - Tíminn - 30.11.1996, Qupperneq 4

16 - Laugardagur 30. nóvember 1996
IDagur-'Cffimmtt
MENNING O G LISTIR
Englar í
Deiglunni
Engladjass, spunadans um
engla, englaævintýri og
leikfangaenglar eru með-
al þess sem hægt verður að
skoða og upplifa á næstu dög-
um í Deiglunni á Akureyri.
Þessi Ijöllistasýning er tileinkuð
börnum og ber einfaldlega yfir-
skriftina „Engillinn".
„Við viljum vekja athygli á
hugtakinu engill og hugsa í því
sambandi um frið og gagn-
kvæma virðingu milli fólks. Það
er víst til nóg af ljótum hlutum í
heiminum," segir leikfanga-
smiðurinn Georg Hollanders
sem er upphafsmaður að sýn-
ingunni. Georg rekur fyrirtækið
Gullasmiðjan Stubbur og smíð-
ar þar leikfóng fyrir börn. Leik-
fangaengilinn hannaði hann
með það fyrir augum að minna
á mikilvægi kærleika og inni-
leika milli manna. Þessi hug-
myndafræði bak við englana
fannst honum vera farin að týn-
ast eftir því sem englarnir urðu
vinsælli sem leikföng; komust í
tísku, ef svo má að orði komast.
„Þess vegna fékk ég þessa hug-
mynd. Að fá listamenn til að
skreyta einn engil hver og vekja
þannig upp jákvæða umhugsun
um frið og engla,“ segir Georg.
Hugmyndin vatt upp á sig því
margir sýndu þessu áhuga og
úr varð að halda tíu daga sýn-
ingu með margskonar listvið-
burðum. 30 leikfangaenglar
verða til sýnis alla dagana en
auk þess verða ijölmargar
uppákomur. Á morgun mun Að-
alsteinn Bergdal t.d. lesa Ævin-
tvri á aðventu eftir Iðunni
Ágústsdóttur og á miðvikudag
halda sr. Hannes Örn Blandon,
Michael Willcocks og sr. Svavar
Jónsson fyrirlestra um engla. Á
fimmtudagskvöld leikur hljóm-
sveitin NANÚNA „Engladjass",
„Himnesk tónlist á blósturhljóð-
færi“ mun hljóma á föstudags-
kvöíd og um næstu helgi verða
tónleikar fyrir lítil börn. Þar
verður almennur söngur, 2-4
ára börn munu sýna spunadans
Englasýningin á að vekja fólk til umhugsunar um frið og mikilvægi náungakærleikans, segir Georg Hollanders.
um engla undir stjórn Önnu
Richards og Jacqueline Fitz-
Gibbon og nemendur hennar
leika og syngja um engla.
Sýningin verður opnuð í dag
klukkan tvö með ljóðalestri Lár-
usar Hinrikssonar. Hún stendur
til 9. desember og verður opin
daglega frá 14 til 18. Aðgangur
að sýningunni, sem og öllum
dagskráratriðum, er ókeypis. AI
Menningarveisla á aðventu
Eitt af gömlu, glæsilegu húsunum
sem prýða Seyðisfjarðarkaupstað
er Skaftfell. Þegar gengið er til
stofu blasa við augum innrammaðar
myndir af þeim tignarfeðgum, Ólafi Há-
konarsyni og Haraldi Ólafssyni, arfur frá
þeim gömlu og góðu dögum þegar Skaft-
fell var norskt sjómannaheimili. Húsið
hefur í dag það virðulega hlutverk að
vera menningarmiðstöð Seyðfirðinga og
þar er nú verið að undirbúa ýmsa listvið-
burði sem gleðja eiga augu og eyru Seyð-
firðinga og gesta þeirra á aðventunni.
Hita og þunga af undirbúningi bera
þrjár valkyrjur, þær Gréta Garðarsdóttir
hússtjóri, Aðalheiður Borgþórsdóttir
tónlistarkennari og Þóra Guðmundsdótt-
ir arkitekt. Fyrst er spurningu beint til
hússtjórans, Grétu Garðarsdóttur.
Hvað er hér helst um að vera hjá ykk-
ur?
Við byrjum á laugardaginn með rit-
höfundakynningu þar sem 6 höf-
undar kynna verk sín. íframhaldi
af því verður hér opið hús alla
laugardaga á aðventunni og boðið
upp á listviðburði af ýmsu tagL
„Þetta hús var á sín-
um tíma gefið áhuga-
hópi um menningarmál
með þeim skilyrðum að
það yrði eingöngu nýtt
undir menningarstarf-
semi af einhverju tagi. í
sumar var hér listsýn-
ing frá Hollandi, en
stefnan er að hér verði
myndlistarsýningar öll
sumur. Svo er húsið
auðvitað ætlað sem
miðstöð fyrir menning-
arstarfsemi heima-
manna. Hér geta allir,
sem eru að fást við leik-
list, tónlist, myndlist
o.s.frv., fengið aðstöðu
og verið með námskeið,
sýningar eða hvaðeina
sem upp á kemur.“
Þóra: „Það verður
mikið um að vera hjá
okkur næstu vikurnar.
Við byrjum á laugar-
daginn með rithöfimda-
kynningu þar sem 6
höfundar kynna verk
sín. í framhaldi af því
Skaftfell, menningarmiðstöð Seyðfirðinga.
Frarnkværndanefnd1n,f.v.
, Gréta Garðarsdóttir,
og Þóra
verður hér opið
hús alla laug-
ardaga á að-
ventunni og
boðið upp á
listviðburði af
ýmsu tagi.
Rithöfunda-
kynnlngin er
samstarf
menningar-
nefndanna á
Seyðisfirði
og Vopna-
firði og
verða höf-
undarnir á
Vopnafirði
á sunnu-
dag, en
þar er komin hefð á
slíkar kynningar og hafa þær verið mjög
AðalheiðurBorgþórsdóttir
vel sóttar. Skáldin, sem heimsækja okkur
eru Elín Pálmadóttir,
Einar Kárason, Þórarinn Eldjárn,
ungskáldin Andri Snær Magnason og
Gerður Kristný og svo Vigdís Grímsdótt-
ir. Hún á ættir sínar að rekja til Seyðis-
fjarðar og það vill svo skemmtilega til að
afi hennar og amma bjuggu eitt sinn hér
í Skaftfel íi. “
Gréta: „Síðan verður opið hér þrjá
næstu laugardaga. Þá verða uppi alls
konar sýningar og tónlistarviðburðir, allt
úr smiðju heimamanna. Níu listamenn,
allir búsettir hér á Seyðisfirði, sýna verk
sín sem eru Ijölbreytt að gerð, s.s. mál-
verk, glerlistaverk og myndverk unnin
úr tré, járni og bjórdósum. Alla dagana
verða hér tónlistaratriði og á laugardag-
inn verður það djasstríó Öllu frá Múla
sem leikur, á milli þess sem rithöfund-
arnir kynna verk sín. Það kemur í ljós að
Alla frá Múla og Aðalheiður Borgþórs-
dóttir eru ein og sama persónan. Félag-
ar hennar í djasstríóinu eru Einar Bragi
Bragason og Daníel Arason, sem sagt
einvala lið tónlistarkennara."
Aðalheiður: „Hér á Seyðisfirði er rík
tónlistarhefð og ótrúlega mikið af góðu
tónlistarfólki. Hér mun koma fram
blandaður kór barnakór og lúðrasveit,
auk ljölda annarra flytjenda, m.a. nem-
endur Tónlistarskólans sem hafa undan-
farið verið að æfa ýmis tónlistaratriði af
þessu tilefni. “
Þóra: „Aðgangur í Skaftfell verður
ókeypis, nema á bókmenntakynninguna,
og gestir geta keypt sér léttar veitingar.
Ilér á Seyðsifirði eru margar skemmti-
legar verslanir og gaman að rölta á milli
búða. Ég vil hvetja fólk í nágranna-
byggðalögum til að heimsækja okkur á
aðventunni og njóta með okkur þess sem
við höfum upp á að bjóða." -arn