Dagblaðið Vísir - DV - 03.05.1982, Blaðsíða 37
DAGBLAÐIÐ & VÍSIR. MÁNUDAGUR 3 MAÍ 1982.
Sviðsljósið
Sviðsljósið
45
Sv^
LEIKBITALA GNIR
OG ÁFENG UÓÐ
„Ég vissi ekki fyrr en ég var búinn að
yrkja þessi ljóð á nokkrum dögum —
einhver gerjun fór I gang. Ég veit þó
ekki hvort ljóðin eru áfeng, sumir fá
höfuðverk af vini, en aðrir gleðjast,”
sagði Thor Vilhjálmsson um sína fyrstu
Ijóðabók í íslenzku sem út kom í
vikunni. Hún er skreytt myndum eftir
öm Þorsteinsson og ljóðin ort undir
áhrifum fráþeim.
örn er kennari við Myndlista- og
handfðaskólann í Reykjavík. Framan
af árum gerði hann oft málverk, sem að
formi til minna á púsluspil (þýðing
Thors = leikbitalagnir), en einn dag
greip hann sögina og upp frá því varð
það hans kærasta tómstundaiðja að
saga út „leikbita”, ekki fyrirfram
hugsaða, heldur eins og andinn inngaf
honum hverju sinni. „Ég bókstaflega
datt i þetta á daginn eftir kennslu. En
vissi fyrst ekki hvað ég ætti að gera við
þá.”
Hann reyndi að raða þeim saman í
þrívíð verk, en fann sjálfan sig ekki
alveg f því. Einn daginn datt honum í
hug að teikna eitthvað af þeim í fer-
hymda ramma 3x2,7 cm, svipaða
stóram frímerkjum. Áður en hann vissi
af hafði hann gert tvö þúsund slíka
ramma.
„Þúsund og einn til að yrkja út frá
og 999 til vara,” segir Thor.
Á sýningu sem stendur yfir í
Listasafni alþýðu til 9. maí er ríkulegt
úrval af myndum Arnar af ýmsu tagi.
(Það var reyndar hann sem gerði vegg-
mynd í vetur til prýði í húsi Styrktar-
félags lamaðra og fatlaðra, Háaleitis-
braut 18. Þar bjó hann í steinvegg 64
af ferhymdu römmunum sínum,
mikið stækkaða.)
Áðurnefnd bók þeirra félaga „Ljóð
Mynd” er þar til sölu, meðan upplagið,
250 tölusett og árituð eintök, endist.
Hún er mjög falleg. „Við eigum svo
stórkostlega handverksmenn, ” sagði
Thor og átti við starfsmenn í Grafik og
Hólaprenti. Hann bar einnig lof á Jón
Reykdal, sem sá um uppsetningu
bókarinnar, og Listasaga ASl (en því
stjórnar Þorsteinn Jónsson) sem studdi
útgáfuna. Þar hefur verið fitjað upp á
merkum nýjungum, til dæmis notuð
tækni eins og litskyggnukassar og
segulbönd. Við spurðum hvort ekki
væri von á myndum Arnar og Ijóðum
Thors á video-kassettu. „Þannig að ég
yrði eins og ljóðkarlinn í kassanum?”
sagði Thor, en virtist ekki taka
hugmyndinni fjarri. ihh
Spjallað við níu
sem fóru á
námskeið
í framkomu
Herrarnir niu, neðri röð frá vinstri: Högni P. Sigurðsson, Hrafn Friðbjörnxson, Jens Ólafsson og Ásgair öm
Rúnarsson. Efri röð f.v: Svavar Ásbjörnsson, Einar Sörli Einarsson, Friðrik Kingo Andersen, Guömundur Er-
lendsson og Magnús H. Högnason.
Frjálslegir, öruggir og umfram aiit
eðlilegir.
Veröum ófeimnarí
við stelpurnar
„Aðlaðandi er konan ánægð” er
auglýsing sem lengi hefur heyrzt frá
Modelsamtökunum er þau auglýsa
námskeið sín.
Ekkert er það þó sem mælir gegn því
að hið sama eigi við um karla enda er
nú svo komið að haldin eru sams konar
námskeið fyrir herra.
Níu ungir piltar útskrifuðust fyrir
skömmu af einu slíku, með pompi og
prakt að sjálfsögðu. Þeir eru á aldrin-
um fimmtán til átján ára, allir i skóla
nema einn og allir yfir sig ánægðir með
það sem á námskeiðunum fór fram. En
hvað lærðu þeir:
— Háttvísi, ræðumennsku hvernig á
að klæða sig og hvernig á að ganga,
svo eitthvað sé nefnt, sögðu þeir
félagar er við tókum þá tali fyrir
skömmu. Yfirleitt allt sem lýtur að
betri og skemmtilegri framkomu.
— Voruð þið ekkert hikandi við að
fara á námskeiðið?
— Nei, það var engu að tapa en allt
að vinna. Við höfðum allir áhuga á að
öðlast meira öryggi í framkomu, verða
ófeimnari í umgengni við fólk.
— Og tókst það?
— Ja, það verða aðrir að dæma um.
Okkur ltður betur og erum meira
meðvitaðir um okkur sjálfa.
— Haldið þið að það gangi betur
með stelpurnar á eftir?
— Alla vega verðum við ófeimnari.
— En klæðnaður, hafið þið mikinn
áhugaá fötum?
— Já, það hafa flestir strákar í dag.
Þeir láta sér ekki lengur nægja snjáðar
gallabuxur og sportpeysur, heldur pæla
þeir í tízkunni, eru ófeimnari við skæra
liti til dæmis.
— Gengur betur að klæða sig í dag
en fyrir sex vikum?
— Já, óneitanlega. Maður áttar sig
betur á hvað klæðir mann, hvaða litir
eiga saman. Þetta á örugglega eftir að
spara okkur pening við fatakaup. Nú
kaupir maður í samræmi við það sem
tilerfyrir.
— Var erfitt að læra að ganga?
— Já, erfiðara en flestir ætla.
íslendingar kunna yfirleitt ekki að
ganga og bera sig rétt. En það var vel
þess virði.
— Eruð þið kurteisari í dag en þið
voruð fyrir námskeiðið?
— Það skulum við vona. Alla vega
hefur þetta vakið okkur til umhugsunar
um að ekki er sama hvernig er komið
fram, til dæmis við eldra fólk og
konur.
— Langar ykkur í sýningarstörf?
— Já, ef við höfum hæfileika til
þess.
— Afhverju?
— Það er ábyggilega mjög skemmti-
legt starf, maður kynnist nýju fólki og
verður enn öruggari í framkomu.
— Að lokum, hvað finnst öðrum um
þátttökuykkar?
— Flestir taka þessu vel, þó alltaf sé
innan um fólk sem finnst svona
nokkuð bara fyrir stelpur. En það er
sem betur fer að breytast.
Og blm. sá ekki betur en drengirnir
hefðu haft hið bezta af tilsögninni. Þeir
vora sérlega eðlilegir, brosmildir og
snyrtilegir og kurteisari en gengur og
gerist um pilta á þessum aldri.
Áfram strákar....
-JB
Af samvinnu Thors Vilhjálmssonar
og Arnar Þorsteinssonar hefur
sprottið gullfalleg bók með Ijóðum
og myndum. Útgefandi er Lista-
safn ASÍ, en sýning Arnar þar
stendur tii 9. maí og einungis þar
fæstbókin.
DV-mynd:
Einar Ólason.
DV-myndir Bj. Bj.