Dagblaðið Vísir - DV - 12.10.1986, Side 12

12

SUNNUDAGUR 12. OKTÓBER 1986.
Frjálst, óháö dagblaö
Útgáfufélag: FRJALS FJOLMIÐLUN HF.
Stjórnarformaður og útgáfustjóri: SVEINN R. EYJÓLFSSON
Framkvæmdastjórl og útgáfustjóri: HÖRÐUR EINARSSON
Ritstjórar: JONAS KRISTJANSSON og ELLERT B. SCHRAM
Aðstoðarritstjórar: HAUKUR HELGASON og ELlAS SNÆLAND JONSSON
Fréttastjórar: JONAS HARALDSSON og ÖSKAR MAGNÚSSON
Auglýsingastjórar: PALL STEFÁNSSON og INGÓLFUR P. STEINSSON
Ritstjórn, skrifstofur, auglýsingar, smáauglýsingar, blaðaafgreiðsla, áskrift,
ÞVERHOLTI 11, SlMI 27022
Setning, umbrot, mynda- oa plötugerð: HILMIR HF„ ÞVERHOLTI 11
Prentun: ÁRVAKUR HF. - Áskriftarverð á mánuði 500 kr.
Verð í lausasölu virka daga 50 kr. - Helgarblað 60 kr.
Það tókst
Þegar Gorbatsjov og Reagan ákváðu í viðræðum sín-
um í dag að halda fjórða fundinn að áliðnum degi, var
engum blöðum lengur um að fletta, að stórtíðindi voru
í aðsigi. Litli vinnufundurinn var orðinn að einum mik-
ilvægasta toppfundinum í samskiptum heimsveldanpa.
Eftir þriðja fundinn sagði Georgy Arbatov, ráðgjafi
Gorbatsjovs, að Sovétmenn hefðu lagt fram á fundunum
tímamótatillögur um víðtækan niðurskurð kjarnorku-
vopna, bæði langdrægra og meðaldrægra. Þar með
rofnaði fréttabannið og upplýsingar fóru að leka út.
Því miður varð starfsfólk DV að koma þessari auka-
útgáfu út, áður en lauk fjórða fundi Gorbatsjovs og
Reagans síðla dags. Nánari upplýsingar um niðurstöður
toppfundarins verða því að bíða næsta blaðs, sem kem-
ur út undir hádegi á morgun.
Þegar er ljóst, að leiðtogar heimsveldanna hafa í
Höfða smíðað ramma um markvissa sáttavinnu embætt-
ismanna beggja aðila til undirbúnings öðrum toppfundi,
sem verður í Bandaríkjunum í vetur. Það er Reykjavík-
ur-ramminn, sem hljóta mun sögulegan sess.
Þar að auki er líklegt, að leiðtogarnir telji sig þegar
í dag geta stigið eitthvert eða einhver skref í átt til
sátta og sett stafina sína undir samkomulag um það.
Helzt er líklegt, að það verði á sviði samdráttar kjarn-
orkuvopna, bæði langdrægra og meðaldrægra.
Þegar Gorbatsjov og Reagan hittast svo í Bandaríkj-
unum í vetur, munu þeir formlega staðfesta á viðhafnar-
hátt þau atriði, sem þeir hafa rammað inn í Reykjavík.
í dag er of snemmt að ræða um, hver þau atriði muni
vera, umfram það sem sagt er á blaðamannafundum.
Öllum kunnugum mátti ljóst vera af aðdraganda
fundarins, að nokkur árangur væri líklegur. Sumarið
einkenndist af stöðugum eftirgjöfum málsaðila á ýmsum
áður erfiðum sviðum. Og haustið einkenndist af löngum
utanríkisráðherrafundum heimsveldanna í New York.
Þegar toppfundurinn var svo skyndilega tilkynntur,
tóku fjölmiðlar heimsins við sér. Enginn trúði, að fund-
urinn í Reykjavík yrði tómt snakk. Hingað þyrptust
um 2500 blaðamenn, þótt fréttabann væri af fundinum
og af bandarískri hálfu reynt að gera lítið úr honum.
Strax í gær kom fram vísbending um, að árangurs
væri að vænta af toppfundinum, er skipaðar voru tvær
nefndir til að undirbúa lokafundina í dag. Önnur fjall-
aði um samdrátt vígbúnaðar og hin um önnur ágrein-
ingsefni heimsveldanna, þar á meðal mannréttindi.
í morgun lyftist svo enn brúnin á fólki, þegar kom í
ljós, að nefndirnar höfðu setið að störfum í alla nótt.
Toppfundurinn í dag hófst svo klukkustund fyrr en ráð
hafði verið fyrir gert og stóð þó um hálftíma fram yfir
áætluð fundarlok. Þá var ákveðið að halda annan fund.
í kvöld og næstu daga mun sitthvað fieira síast út
um atriðin, sem til umræðu hafa verið á toppfundinum
í gær og í dag, svo og um hugsanlega niðurstöðu í sum-
um þeirra. Endanlega mun þó árangurinn ekki koma í
Ijós fyrr en að liðnum næsta toppfundi.
En nú þegar er unnt að fullyrða, að Reykjavíkurfund-
ur Gorbatsjovs og Reagans markar upphaf aukins
öryggis mannkyns eftir langt tímabil vaxandi öryggis-
leysis. Nafn Reykjavíkur fær varanlega og einkar
jákvæða varðveizlu í stjórnmálasögunni.
íslendingar geta þar að auki glaðst yfir að hafa átt
ríkan þátt í að búa til farsælan ramma utan um topp-
fundinn, sem skóp heiminum Reykjavíkur-rammann.
Jónas Kristjánsson
Enn einu sinni á lífsleiðinni syngjandi um friðinn - núna í Gamla bíói á íslandi - og hinir íslensku hljómleika-
gestir tóku duglega undir með söngkonunni.
DV-mynd BG
Joan Baez:
Friður á fjórum
tungumálum
„Og að sjálfsögðu hefur hún hlotið
íslenskt nafn - má ég kynna Jó-
hönnu frá Bægisá." Þannig kynnti
Valgeir Stuðmaður hina heims-
þekktu söngkonu Joan Baez á fyrri
hljómleikunum sem haldnir voru í
Gamla bíói og fagnaðarlætin dundu
í salnum.
„Hvað sagði hann?“ spurði söng-
konan blaðamann DV þar sem beðið
var baksviðs eftir því að hin hár-
rétta tímasetning rynni upp. Hún
hafði mikið gaman af þýðingunni
og fékk nafnið vandlega skrifað nið-
ur til minnis.
Það nálgaðist óðum sá tími er Joan
Baez skyldi ganga í salinn og hún
leit snöggt á aðstoðarkonuna og
sagði hugsandi:
„Hugsaðu þér, við erum á Islandi!
Allt hefur gerst alveg ótrúlega hratt
síðustu dagana." Þær hlæja báðar
og þessi baráttumaður frelsis og frið-
ar gengur inn á sviðið við mikil
fagnaðarlæti áheyrenda.
íslenskt kvölda tekur
Ljóst er að Joan Baez á sér marga
aðdáendur á fslandi. Salurinn er
fúllur af gömlum hippum og blóma-
bömum sem nú em hinir mætustu
borgarar í ábyrgðarstöðum. Axlasítt
hár, blómamussur og vandlega tætt-
ar gallabuxur hafa vikið fyrir stíf-
stroknum jakkafötum og drögtum -
hárið klippt, kembt og þvegið. En
menn hafa engu gleymt og em með
textana á hreinu.
Þessir sömu tímar eru til í minn-
ingunni hjá Joan og hún minnist
þess þegar hún söng á skólaárunum
fyrir foreldra sína og skólasystkini
með sítt hárið niður í augu þannig
að aðeins glitti í myndarlegt nefið
og tónlistarflutningurinn féll svo
sannarlega ekki í kramið hjá eldri
kynslóðinni.
„Hvað skyldi eiginlega verða um
litlu dóttur okkar?“ stundu foreldr-
amir að eldraun lokinni en virðast
núna ekki hafa þurft að velta því
vandamálinu fyrir sér. Sama er
væntanlega að segja um fjölmörg
íslensk vandamál úti í salnum sem
nú óm orðin að virðulegum lærifeðr-
um þeirra yngri.
Gorbatsjov og Reagan fá sínar
kveðjur svo sem vænta mátti og það
fer aðdáunarkliður um salinn þegar
Joan Baez syngur Kvölda tekur, sest
er sól á íslensku með aðstoð Berg-
þóru Árnadóttur.
Bláeygt ísland
1 upphafi komu fram nokkrir ís-
lenskir listamenn byrjuðu með
Bubba og enduðu á Megasi. Friður
og stjómmálavafetur var að sjálf-
sögðu ofarlega á baugi og Bubbi
opnaði hljómleikana með opinskárri
játningu frá fortíðinni með tilvísun
í nútímann.
„Þegar ég var yngri stofnuðum við
strákamir glæpafélag - bmtumst
inn í hús og rændum," sagði Bubbi.
„Þá plötuðum við yfirleitt einhverja
yngri sakleysingja til þess að standa
vörð fyrir utan á meðan við athöfn-
uðum okkur innan dyra. Nú get ég
ekki að því gert að mér finnst Island
þessa dagana komið í hlutverk sak-
leysingjans í sögunni.“
Það þarf varla að taka það fram
hverjir em að athafna sig fyrir inn-
an.
Sungið tungum
Enginn vafi leikur á því að það
er atvinnumaður á sviðinu þar sem
Joan Baez - eða Jóhanna frá Bægisá
- er annars vegar. Lögin renna fram
hvert af öðm og þessi kona, sem fræg
var fyrir að setja tilfinningar í söng-
inn, hefur engu gleymt. Hún lætur
sér ekki nægja að syngja bara á ís-
lensku og ensku rússneskt lag og
ljóð er flutt í tilefni komu hins sov-
éska leiðtoga og spænskan er látin
fljóta með að auki. Annars er Joan
þekkt fyrir að geta flutt ræður á
frönsku og ensku jöfnum höndum.
Tregða er á því að hleypa söng-
konunni af sviðinu en hún þarf að
hvílast fyrir aðra hljómleika sem
verða á sama stað um kvöldið.
Næsta morgun þarf svo að taka
snemma því nóbelsskáldið hefur
boðið Joan Baez í morgunheimsókn
að Gljúfrasteini í Mosfellssveit.
-baj