Dagblaðið Vísir - DV - 30.04.1987, Page 11

FIMMTUDAGUR 30. APRÍL 1987.
61
— síðasta sort
Hægt og hljótt sem verður framlag Islands í Eurovisionkeppninni 9. maí
og um fimm hundruð milljónir fylgj-
ast með keppninni.
Fimm hundruð milljónir
fylgjast með íslandi
Bara það að fimm hundruð milljón-
ir fylgjast með íslandi í þrjár
mínútur, við fáum þarna sama tím-
ann og milljónaþjóðirnar, það finnst
mér bara helvíti merkilegt. Það er
nægileg ástæða til að þjóðin eigi að
vera með í Eurovision.
Ég held að sem skemmtiatriði í
sjónvarpi sé horft mikið á þetta, ekki
bara á aðalkeppnina, sem allir horfa
á, heldur einnig á undankeppnina
og kynningar á erlendu lögunum.
Fólk hefur gaman af þessu þótt ekki
séu allir sammála um gæði laganna.
Fólk fylgist með keppninni, bæði til
að hrífast af lögunum og hneykslast
á þeim.
Ég hef til dæmis aldrei verið..sam-
mála músíkinni en ævinlega horft á
keppnina. Mér hefur fundist þetta
stórskemmtilegt fyrirbæri og þá bæði
verið að rýna í það sem hefur þótt
jákvætt, neikvætt og hlálegt.
Við kunnum kannski að hlæja að
einhverju sem kemur frá Tyrklandi
eða Portúgal eða öðrum löndum og
okkur fmnst. þetta bráðfyndið og
hallærislegt, en við megum ekki
gleyma að þetta er fólk sem hefur
verið að skemmta milljónum eða tug-
milljónum. Það er engin tilviljun að
þetta fólk er komið í keppnina, þetta
eru stórstjörnur á sínu menningar-
svæði. Svo má náttúrlega segja að
þessir skemmtikraftar komi með súrt
vín í flösku á okkar mælikvarða og
sjálfsagt einnig á eigin mælikvarða
vegna þeirra staðla sem Eurovision-
keppnin hefur sett sjálfri sér. Einmitt
það má segja keppninni til lasts að
þar er ekki verið að kalla fram það
besta í þátttakendum. í keppninni
verða menn að setja sig í stellingar
sem allir eru sammála um að séu
óæskilegar.“
Ýmsir Stuðmanna
á móti Eurovision
- Nú eru ýmsir sem telja að rétt
hefði verið af íslendingum að senda
Stuðmenn í keppnina með Stuð-
mannalag.
„Hjá Stuðmönnum eru ýmsir sem
hreinlega eru á móti því að vera með
í þessu, finnst þetta bara vera hallær-
islegt. Vilja ekki leggja nafn sitt við
keppnina. En sjálfur lít ég allt öðrum
augum á hana.
Ég álít að almenningur hafi áhuga
á þessari keppni. Ég bendi bara á þá
hlálegu staðreynd að á sama tíma
og Albert Guðmundsson var að
kljúfa stærsta stjórnmálaflokk
landsins í herðar niður og undir-
byggja einhverja mestu byltingu í
kosningaúrslitum í íslenskri stjórn-
málasögu var ég kosinn maður
mánaðarins á Rás 2. Það segir sína
sögu um vinsældir þessarar keppni
þó ég vilji ekki útfæra þetta mál
nánar.“
Veglegt afmæli hjá syninum
- Nú farið þið út 3. maí og keppnin
fer fram 9. maí. Er þessi vika fram
að keppni ekki vel skipulögð hjá
ykkur?
„Jú, hún er þrælskipulögð. Við
þurfum ekki að kvíða skorti á félags-
lífi þennan tima. Annars teljum við
stærstu veisluna verða 9. maí þegar
lokakeppnin fer fram. Þann dag
verður sonur minn, Árni Tómas, tíu
ára og hefur hann boðið fimm hundr-
uð milljónum til afmælisveislu
sinnar sem verður sýnd í beinni út-
sendingu, en það vill svo til að í
leiðinni verður send út ú'rslitakeppni
Eurovision.
Fram að þessum tíma verða allar
þjóðirnar með blaðamannafundi,
okkur verður boðið til borgarstjór-
ans, í veislu í konungshöllina, á
kappreiðar, þar sem einn hestur
keppir fyrir hvert land, og svo fram-
vegis. Við þessar athafnir allar
verðum við að vera vel og tilheyri-
lega klædd og hefur konan mín, Ásta
Ragnarsdóttir, séð um að dressa okk-
ur Höllu Margréti upp. Ásta hefur
auk þess séð um að skipuleggja og
ganga frá þúsund öðrum timafrekum
málum sem ég hefði hvorki haft vit
né tíma til að framkvæma.
Alþingismaður í eina viku
Belgar taka þessa keppni mjög al-
varlega og hafa undirbúið hana
vandlega. Þarna hafa þeir tækifæri
til að kynna land og þjóð rækilega
svo og sömuleiðis þjóðirnar sem
þarna taka þátt. Menn verða að
muna að þetta er ekki eingöngu
söngvakeppni og það' er ekkert
einkamál þeirra sem þarna eru full-
trúar síns lands að haga sér að eigin
geðþótta. Mér finnst mjög mikilvægt
að fulltrúar íslands í framtíðinni
geri sér það ljóst að þarna er ísland
með sömu möguleika og milljóna-
þjóðirnar til að kynna sitt land - í
þrjár mínútur er Island_ miðdepill
allrar Evrópu. Fulltrúar Islands eru
eins konar alþingismenn í eina viku,
kjörnir af þjóðinni til að inna af
hendi ákveðið verk sem bæði getur
virkað sem góð landkynning og
slæm, eftir því hvernig á er haldið.
Belgarnir gera sér þessa land-
kynningarmöguleika vel ljósa, ekki
síður en aðrir, og að þarna verða 5-6
hundruð blaðamenn frá allri Evrópu
á ferð, blaðamenn frá Le Monde til
Harðangurstíðinda, og því leggja
þeir áherslu á að hafa eitthvað at-
hyglisvert að sýna gestunum.'1
Ekki orðinn leiður á laginu
- Ertu ánægður með lagið í þeim
búningi sem það verður sent út í
lokakeppninni?
„Já, ég er nokkuð ánægður með
útkomuna. Ég er búinn að vinna
þetta lag tvisvar sinnum, fvrst fyrir
keppnina hér heima og siðan fyrir
lokakeppnina í Brussel og ég er enn
ekki búinn að fá leið á því. Lagið
verður allt flutt á bandi fyrir utan
strengina og ég hef bætt inn bak-
röddum, þeim Agli Ólafssvni. Sverri
Guðjónssyni og Sigrúnu Hjálmtýs-
dóttur (Diddú). Til að þessi upptaka
verði leyfileg í úrslitakeppninni
verða þau að halda á einhverjum
hljóðfærum þó svo allir Islendingar
viti að þau spili ekki á þau."
- Hefurðu skipt um skoðun á Euro-
vision frá hippaárum þínum?
„Nei, í sjálfu sér ekki. Þessi keppni
hefur margt bæði með sér og á móti.
Ég var ekkert meðvitaður um að
komast til Brussel þegar ég samdi
þetta lag. Fyrir mér er þetta mikið
mál fyrir íslenska höfunda, því fvrir
íslenskan lagasmið er það stórmál
að koma lagi á framfæri í Evrópu
og getur komið öðrum íslenskum
höfundum á blað og gert þeim auð-
veldara fyrir.“
íslenskan háir
dægurlagahöfundum
- Hvað með íslenskuna? Er hún ís-
lenskum dægurlögum fjötur um fót?
„Já, hún háir okkur til dæmis í
þessari keppni. Hún er bæði hörð og
óskiljanleg öllum öðrum en íslend-
ingum. Forskot enskumælandi þjóða
í slíkri keppni er geysilega stórt. Ég
veit það bara fyrir sjálfan mig að ef
ég get valið milli útsetninga lags með
enskum og hollenskum texta þá vel
ég ósjálfrátt ensku útgáfuna þvi texti
lags skiptir miklu máli hjá mér. Þó
ég efist um að allir textarnir í keppni
eins og Eurovision séu mikil bók-
menntaverk er ég viss um að ýmsir
góðir textar leynast þarna innan
um.“
Ásta uppgötvaði
Höllu Margréti
- Hvernig uppgötvaðir þú Höllu
Margréti?
„Það var eiginlega hún Ásta sém
uppgötvaði hana. Eftir að lagið varð
til urðum við sammála um að til að
flytja þetta lag yrði að fá nýtt andlit
og nýja rödd. Ásta kannaðist við
Höllu Margréti og ég hafði samband
við hana og bað hana um að revna
við þetta lag. Hún er í söngnámi og
ég veit ekki hversu vel þessi uppá-
koma kemur sér fyrir hennar fram-
tíðarplön. En þegar ég hafði heyrt
hana syngja lagið var ég sannfærður
um að einmitt hún ætti að flytja það
og Halla var tilleiðanleg. Ég er mjög
ánægður með hvernig þetta kom út
og ég er viss um að hún mun standa
sig vel í Brussel, þó ég viti að það
er töff dæmi að fara út og syngja
fyrir hálfan milljarð áhorfenda."
Kjaftasögur slæmar
ef þær eru sannar
- Hvað segir þú um kjaftasögurnar?
Nú eru illar tungur þegar farnar að
segja að þú haldir við Höllu Mar-
gréti!
„Jú, ég hef heyrt þetta og ég tel
að sagan sé tilkomin vegna þess að
Haila Margrét hallaði sér aðeins að
mér i beinni sjónvarpsútsendingu
þegar lagið Hægt og hljótt sigraði á
sínum tima. Maður leiðir hjá sér slík-
ar sögur því ég veit betur. Það væri
verra má! ef þetta væri satt." sagði
Valgeir og hló.
- Dettur þér aldrei í hug innst inni
að Hægt og hljótt sigri Eurovision?
„Lagið á náttúrlega sína mögu-
leika en ég tel alls engar líkur á því
að það vinni. Til þess er lagið of ólíkt
þessari Eurovision-línu sem tröllrið-
ið hefur keppninni. Þetta er lítil og
tiltölulega einföld laglína sem ekkert
er verið að fela með vfirborðskennd-
um útsetningum. Bæði lag og útsetn-
ing eru of látlaus til að ég geri mér
nokkrar grillur um að það sigri, enda
er markmiðið að standa sig vel, gera
góða hluti og minna á ísland og ís-
lenska tónlist, það er bara einn sem
vinnur."
Er ekki taugaóstyrkur
- Ertu ekkert taugaóstvrkur?
„Ég er nú yfirleitt ekki nerfus. Ég
hef meiri áhvggjur af því að ná ekki
því sem nauðsynlegt er að gera áður
en við'förum út. Með brevttum regl-
um hjá sjónvarpinu hafa íleiri
skvldur verið lagðar á herðar hóf-
undar þannig að í mörg horn hefur
verið að líta. Hefði konan mín ekki
verið mér stoð og stytta og útfært
ýmis atriði sem ég er klaufi í að fram-
kvæma hefði mér ekki litist á blik-
una. En við förum til Brussel til að
gera okkar besta og við reynum að
gera það skammlaust.
Eftir keppnina ætlum við Árni og
Ásta svo í frí. sem við teljum okkur
eiga vel skilið. og gleyma Eurovision
í bili." -ATA