Dagblaðið Vísir - DV - 11.05.1987, Síða 4

22
T"
MÁNUDAGUR 11. MAÍ 1987.
Iþrótdr
Stríðið skall á og við
ff
- EHeit Sölvason, „Lolli í Val“, í DV-viðtali
Ellert Sölvason, eða Lolli í Val,
hefur verið tengdur knattspym-
unni og Valsliðinu með einum eða
öðrum hætti í tæpa sjö áratugi.
Unnendur íslenskrar knattspyrnu
hafa því margsinnis barið þessa
öldnu kempu augum; Lolli er nefni-
lega maðurinn sem í sífellu þeytist
meðfram hliðarlínu vallarins og
hvetur sína menn ákaft til dáða.
„Ég blindast alltaf af keppni og
því er ég allur á lofti," segir Lolli
og hlær við. „Ég get ekki með
nokkru móti setið og fylgst með því
sem gerist. Ég er í huganum meðal
leikmanna og veit því ekki af mér á
hliðarlínunni. Þannig verður þetta
þar til ég hverf í gröfina.'1
ÞóttLolli fylgi nú keppnismönnum
Vals hvert á land sem er í klæðum
stuðningsmannsins var hann á árum
áður í fremstu víglínu. Hann spilaði
með meistaraflokki félagsins í 20 ár
og varð sjö sinnum íslandsmeistari
í peysunni rauðu og hvítu. Afrekin
með Valsliðinu voru ekki til einskis
unnin því þau veittu honum æðsta
heiður hvers knattspymumanns -
sæti í landsliði. Lolli lék fyrir Islands
hönd í tjórum fyrstu viðureignum
landsliðsins. Hann var því með i
fyrsta sigrinum gegn Finnum, 2. júlí
1948.
„Ég hef alltaf verið með tuðruna
á tánum og ef ekki þar þá í hausn-
um,“ segir kempan. „Þótt ég hafi
hætt keppni rúmlega þrítugur hefur
bakterían aldrei skolast úr blóðinu.
Ég er og verð knattspymumaður og
mínir menn verða ávallt á Hlíðar-
enda. Tilfinningaleg tengsl mín við
Valsliðið verða ekki rofin á meðan
ég tóri.“
Lundúnir i sárum og ég
hríðlagði af
- Nú hefur þú farið í margar keppn-
• Hann kann ennþá ýmislegt fyrlr
sér í knattspymunni, hann Lolli I Val.
DV-mynd Brynjar Gauti
isferðir. Hverjar þeirra em þér
minnisstæðastar?
„Það er ógleymanleg for Reykja-
víkurúrvalsins til Lundúna, rétt að
stríði loknu, árið 1946. Blessaður
vertu, borgin var öll í sárum og við
höfðum vart til hnífs og skeiðar. Ég
hríðlagði af en mátti þó allra síst við
slíku. Ég lék alla tíð á vinstra kanti
og var fyrir Lundúnaferðina sem fis
í höndum bakvarða. Maður var sí-
fellt á lofti og mátti þakka sínum
sæla að lenda ekki utan vallar efitir
átökin við þessa galvösku pilta -
jafnvel í fanginu á áhorfendum. Ég
varð án efa gefin veiði eftir þessar
matarlitlu vikur þama ytra. En ferð-
in til Englands var ágæt að öðm
leyti. Við unnum frækilegan sigur á
Ilford og héldum síðan jöfnu gegn
okki ófrægara liði en Oxford. Við
töpuðum hins vegar þremur leikjum
í þessari fór, enda eðlilegt þar sem
við áttum við mjög erfiða andstæð-
inga að etja.“
Stríðið skall á og við með
boltann á tánum í sjálfu
Þýskalandi
- Urðu Valsmenn og Víkingar ekki
nærri innlyksa í frægri Þýskalands-
för í upphafi stríðs?
„Jú, mikil ósköp. Stríðið skall á
og við með boltann á tánum í sjálfú
Þýskalandi. Við vorum þarna í
keppnisför og stríðsvélin var að
hiksta í gang. Þýskir gáfu sér þó
tíma til líta upp frá heldur tómlegri
iðju sinni og mæta okkur á vellinum.
Við töpuðum í Essen, 2-4, að mig
minnir, og síðan aftur í Bremen, 1-2.
Sá leikur er mér greyptur í huga.
Ég fékk boltann á marklínu en rak
tána í þúfú og tuðran valt fram hjá
stönginni. Sjálfúr stóð ég agndofa
um stund en hét því síðan að fara
ekki af vellinum fyrr en boltinn
væri í netinu hjá þeim þýsku. Ég
hafði varla sleppt orðinu þegar tuðr-
an steinlá í markinu hjá þeim og ég
var sá sem olli þeim ósköpum."
Valsmenn hafa styrk til að
endurheimta Islandsbikarinn
- Hvemig leggst komandi keppnis-
timabil í þig?
„Það er sjálfsagt óskhyggja að
Valsmenn hafi sigur á komandi móti
en ég veit að þeir hafa styrk til að
endurheimta íslandsbikarinn. Pilt-
amir mínir hafa sýnt ágætan leik
nú í vor. Ef þeir þjarma að andstæð-
ingnum með lfkum hætti og þeir
gerðu gegn KR-ingum í Reykjavík-
urmótinu þá efast ég ekki um að
árangurinn skilar sér. Annars ráðast
úrslit oft af andanum í liðinu. I
knattspymu verða að fléttast saman
gaman og alvara. Glensið má aldrei
• „Svona ÓH þú að gera þetta, Arnór,“ gæti Lolli
getað gefið Arnóri góð ráð.
Val verið að segja við Arnór Guðjohnsen. Eflaust hefur Lolli
vanta þótt agi verði að standa með
spauginu. Það er enginn annars
bróðir í leik en það má ekki blása
til styijaldar þótt menn glími um
bolta.“
Efniviðurinn er nægur og því
er framtíðin björt
í fótboltanum
- Ertu sáttur við afrek íslendinga á
erlendiun vettvangi?
„Við eigum frábæra knattspymu-
menn og þeir hafa gert garðinn
frægan nú á síðustu árum. Ég er
ákaflega ánægður með afrek lands-
liðsins. Það er vitanlega breitt bil
milli þeirra manna sem leika hér
heima og hinna sem spila erlendis.
Engu að síður hef ég ekki séð annað
en að áhugamennimir leggi sig alla
fram við að ná hagstæðum úrslitum
með landsliðinu. Það er nægui- efni-
viður hér heima og því er framtíðin
• Ellert Sölvason er mikill Valsmaður og segist vonast eftir þvi að af-
mælisdagar hans I Valsliðinu veröi öllu fleiri.
DV-mynd Brynjar Gauti
björt í íslenskum fótbolta. Arflakar
landsliðspiltanna eiga eftir að verða
þeim fremri, töluvert fi-emri.“
Atvinnumennskan stendur nú
í gættinni og biður færis
- Er atvinnumennska við lýði í ís-
lenskri knattspyrnu?
„Það býr eitthvaö að baki þegar
afreksmenn færa sig um set. Það er
enginn vafi að hér fá leikmenn ýms-
ar greiðslur þótt ekki séu þær í
beinhörðum peningum. Menn fá eitt
og annað fyrir snúð sinn, njóta
hlunninda sem aðrir eiga ekki kost
á. Það má sjálfcagt segja að hér sé
hálfatvinnumennskan að ryðja sér
til rúms. Hún stendur í gættinni og
bíður færis."
Ég mun fylgja piltunum
mínum fram i andlátið
- Nú hefurðu fylgt Valsliðinu vfða
um land og allan heim. Hyggst þú
halda uppteknum hætti?
„Eftir að ég hætti keppni hef ég
fylgt Valsliðinu um allt land og
raunar um allan heim. Ég mun halda
uppteknum hætti og fylgja piltunum
mínum fram í andlátið. Ég lít til með
þeim á æfingum og styð við bakið á
þeim í keppni. Ef ég lifi það að verða
sjötugur á árinu held ég jafnframt
upp á afinæli á öðrum vettvangi.
Sjötíu ár í Val er skammur tími,
varla meira en örskotsstund. Von-
andi verða afmælisdagar mínir í
Valsliðinu öllu fleiri,“ segir Lolli að
lokum og brosir breiðu brosi.
-JÖG