Dagblaðið Vísir - DV - 04.03.1988, Blaðsíða 29

Dagblaðið Vísir - DV - 04.03.1988, Blaðsíða 29
FOSTUDAGUR 4. MARS 1988. 45 Menning Húmor og einlægni Sæmundur Valdimarsson hefur að und- anförnu sýnt höggmyndir úr tré á austurgangi Kjarvalsstaöa. Hann kallar sýningu sina Fjörumenh og vísar nafnið til efniviöarins sem hann notar, þ.e. rakaviðardrumba. Sæmundur verður sjötugur á þessu ári og hefur stundað ýmis störf til sjós og lands. Hann er sjálf- menntaður í list sinni og byrjaði ekki að fást við hana fyrr en á full- orðinsaldri. Hann sýndi fyrst árið 1974 og sýningin að Kjarvalsstöð- um er sjötta einkasýning hans. Gpðsagnaheimar Ýmsar goðsagnir og ævintýri segja frá því að fólk hafi verið mót- að úr trjám. Næst okkur í tíma er ævintýrið um Gosa og þar kemur til sögunnar yfirnáttúruleg vera sem blæs lífi í spýturnar og þannig er það ævinlega. Fjær okkur í tíma eru goðsagnirnar um sköpun Asks og Emblu. Frá þeim segir í Gylfa- ginningu og Völuspá. Samkvæmt þeim var Óðinn á gangi á sjávar- ströndu ásamt öðrum goðum. Þeir fundu tvö tré á ströndinni og sköp- uðu úr þeim karl og konu og gáfu þeim önd, lífog mannvit. Þau fengu síðan klæði og nöfn, kariinn kallað- ur Askur og konan Embla og er allt mannkyn af þeim komið, segir í Gylfaginningu. í drumbunum hans Sæmundar hefur kviknað líf mörgum sinnum og með ýmsu MyndJist Þór Ófeigsson móti, fyrst þegar þeir velktust um í sjó eða fjöru og fjörumaðkur tók sér þar bólfestu, síðan í skúrnum hans Sæmundar. Þar taka þeir hamskiptum mörgum sinnum. Þegar vætan hverfur úr þeim og börkurinn er fleginn af kemur í Ijós berstrípaður viðurinn, með þúsund ormagötum, sprungum og kvist- um. Þá kemur Sæmundur eins og hver annar vættur og skapar fólk úr þessum trjám og gefur þeim líf á sinn hátt. Fleiri goösagnaminni má finna í fólkinu hans Sæmundar, t.d. um fugla á höfði manns, samvaxna lík- ama og fleira. Naivismi List Sæmundar er flokkuð sem naivismi. í því felst að listamaður skapar myndveröld sem svipar til þeirrar sem börn skapa. Hvað Sæ- mund varðar, sem og marga aðra naivista, þá nálgast hann viðfangs- efni sitt frá sjónarhóli barnsins. Sem dæmi má taka styttuna af Þór með hamarinn í hattinum. Ástæð- an fyrir því að hamarinn er þar að finna er sú að Þór er handalaus og getur því ekki haldið á hamrinum! Handaleysi styttanna er annars skemmtilegt einkenni á verkum Sæmundar. í viðtölum og greinum um Sæ- mund hefur komið fram að hann er sér að meira eða minna leyti Sæmundur Valdimarsson - Samruni, 1988. ómeðvitandi um aðra listamenn sem eru á svipuðu róli og hann og þrátt fyrir ýmis myndræn tengsl við hinn fræga myndhöggvara Giacometti þá hafi Sæmundur aldrei heyrt á hann minnst. Þetta er sjálfsagt alveg rétt því í myndum Sæmundar birtist einhvers konar kímni og heiðríkja sem á ekkert skylt við eftiröpun eða stælingar. Myndræn veröld hans höfðar ljúf- lega bæði til augans og hjartans. Hver er mimurinn á þessum máltíðum? 75 kr o É Vefðmunurinn VERÐLAGSSTOFNUN birti niðurstöður úr nýrri verðlagskönnun 2. mars síðastliðinn. Par kemur fram ótrúlega mikill verðmunur á milli matvöruverslana. Þessir tveir réttir eru dæmi úr könnun VERÐLAGSSTOFNUNAR. Þegar valið er dýrasta hráefnið í þennan sperðlárétt kostar hann 176 kr. Ef valið er ódýrasta hráefnið kostar hann aftur á móti ekki nema 75 kr. Hér munar 101 kr. eða 135% - 176 kr það munar um minna. Könnunin náði til fjölmargra verslana um allt land og miðaðist við neyslu fjögurra manna fjölskyldu í þrjá daga, samtals 40 vöruflökka. Einnig er að athyglisvert að þó nokkur verðmunur er á milli hverfa á höfuðborgar- svæðinu, og sýnir það hversu nauðsynlegt það er að hver og einn fylgist með vöruverði í sínu hverfi. Besta tryggingin fyrir lágu vöruverði er hið vakandi auga neytandans. Verum á verði - gerum verðsamanburð. VERUM A VERÐI VIÐSKIPTARAÐUNEYTIÐ

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.