Dagblaðið Vísir - DV - 08.03.1988, Blaðsíða 2

2
ÞRIÐJUDAGUR 8. MARS 1988.
Fréttir
Húsnæðisstofnun viðurkennir mistök:
Viðbótarlán vegna galla
á útborgun eldri lána
- loforð veítt um skjóta afgreiðslu á viðbótariánum til 147 kaupenda hjá Byggung
íbúðarkaupendur í 9. og 10. áfanga
hjá Byggung hafa nú fengið loforð
um sérstaka fyrirgreiðslu hjá Hús-
næðisstofnun ríkisins. Ástæða þess
er að framkvæmdastjóri Byggung
hefur sent Húsnæðisstofnun út-
reikninga þar sem sýnt er fram á að
þar sem húsnæðislán voru ekki
bundin byggingavísitölu frá því þeim
var lofaö og þar til þau komu til út-
borgunar, hafi öll áætlanagerð
íbúðarkaupendanna farið í handa-
skolum. Ef þessi fyrirgreiðsla hefur
fordæmisgildi fyrir aðra lánþega hjá
stofnuninni má búast við að hundruð
íbúðarkaupenda, sem fengu lán sam-
kvæmt gamla kerfinu, geti krafist
þess að fá aukalán hjá stofnuninni
þar sem mismunurinn á lofuðum
lánum og þeim sem borguð voru út
nam allt að einni milljón króna í
sumum tilfellum.
í mars á síðasta ári kom í ljós mis-
ræmi í 9. og 10. áfanga hjá Byggung
á milh innborgana kaupenda og
byggingakostnaðar sem þó hafði
staðið áætlun. Eftir að framkvæmda-
stjóri Byggung hafði kannað orsakir
var bréf sent til Húsnæðisstofnunar
þar sem farið var fram á leiðréttingu
þar sem stofnunin hafði ekki staöið
- viö það sem hún hafði lofað. Svar um
að gengið yrði að kröfu Byggung kom
stuttu fyrir síðustu helgi.
Þetta misræmi hefur áður komið
fram hjá Byggung. Árið 1986 kom í
ljós að allt að einni mihjón króna
vantaði upp í byggingakostnað hjá
þeim sem keyptu í 5. áfanga. Ástæð-
an fyrir því að misræmið var alvar-
legra þá er sú að þeir höfðu fengið
lán á árunum 1982-83 þegar verð-
bólgan var hvað mest. Kaupendur í
5. áfanga þurftu sjálfir að greiða
þennan mismun. Sumir sóttu um lán
vegna greiösluerfiðleika til Hús-
næðisstofnunar og fengu á sömu
forsendum og aðrir húsbyggjendur.
Nú bregður hins vegar svo við að
skrifstofa Byggung sér um að senda
inn umsóknir fyrir allan hópinn og
loforð hefur komið um fyrirgreiðslu
frá stofnuninni. í ár er ráðgert að
veita rúmlega 300 milljónir króna í
lán vegna greiðsluerfiðleika. Hús-
næðisstofnun hefur gefið loforð um
að taka þennan hóp frá Byggung
fram yfir aðra í biðröðinni að þessum
lánum.
-gse
Fjárframlög og skuldbreytingar til refabænda:
Bráðabirgðasjóður
til bjargar refnum
Nú liggur fyrir hvaða fyrirgreiðslu
refabændur fá til aö bæta stöðu sína.
Þar ber fyrst að nefna að Byggöa-
stofnun mun fá 30 milljónir kr. að
láni frá Stofnlánadeild og setja það
fé sem hlutafé í fóðurstöðvarnar.
Ætlunin er að selja þetta hlutafé til
nýrra loðdýrabænda fljótlega. Þá
mun Byggðastofnun breyta lánum
sínum til fóðurstöðva í hlutafé. Þá
er ætlunin aö fella niður aðflutnings-
gjöld og söluskatt af öllum fjárfest-
ingum til loðdýrabúa og einnig af
byggingu fóðurstöðva.
Þá á að stofna sjóð með 17 milljón
kr. framlagi úr ríkissjóði sem er
byggður á söluskatti úr refarækt frá
1986, ’87 og ’88. Framleiðnisjóður
landbúnaðarins leggur fram jafnháa
upphæð á móti. „Þetta er ekki sjóður
sem er settur til að vera, hann er
eingöngu til bráðabirgða á meðan
verið er aö bæta stöðu refabænda,”
sagði Stefán Guðmundsson alþingis-
maður en hann er formaður nefndar-
innar sem lagði fram tillögur um
þessar aðgerðir. Greiðslur úr sjóðn-
um eru þannig að 800 kr. framlag á
hverja refalæðu verður greitt út
strax, 250 kr. á hvern hvölp í júní auk
300 kr. framlags á hverja sædda refa-
læðu.
Til viðbótar ætlar framleiðnisjóður
að veita refabændum 25 milljón kr.
hagræðingarlán. Síðan mun vera
ætlunin að fá Byggðastofnun og
Stofnlánadeild til að breyta vanskila-
skuldum í ný lán.
Með þessum aögerðum á að vera
unnt að gera refabændum kleift að
framleiða til næsta hausts en það
kom fram í máh Stefáns að þá væri
betra fyrir bændur að skipta yfir í
aðrar greinar til að fá góð lífdýr af
mink.
-SMJ
Hús skemmdist
mikið af eldi
Þrílyft íbúðarhús aö Njálsgötu 5 í
Reykjavik skemmdist mikið er eldur
kviknaði í húsinu laust fyrir klukkan
átta í gærkvöld. Fjórir íbúar voru í
húsinu og komust þeir allir klakk-
laust út.
Útveggir hússins eru úr steini en
milliveggir og gólf eru úr timbri. Eld-
urinn kom upp á miðhæö hússins og
náöi hann að fara á milli veggja.
Rjúfa varð þakið í baráttunni við eld-
inn. Mikill reykur og hiti var í húsinu
og er þaö mikið skemmt. Eldsupptök
eru ókunn.
-sme
Timburveggir og gólf hússins skemmdust mikið þegar eldur lék laus í hús-
inu að Njálsgötu 5 í gærkvöldi. Það tók slökkvilið um 30 mínútur að ráða
niðurlögum eldsins. Vörður var við húsið langt fram á nótt. DV-mynd S
Umboðsmaður Alþingis farinn
að taka við málum
Umboðsmaður Alþingis, Gaukur
Jörundsson, var sem kunnugt er
ráðinn frá og með síðustu áramót-
um en vegna þess aö Alþingi hefur
ekki enn samþykkt lög um störf
hans og starfshætti hefur hann
ekki enn formlega tekið til starfa.
Eigi að síður hefur hann tekið við
málaleitan þeirra sem til hans hafa
komið þó að hann geti ekki form-
lega tekið til viö að vinna úr málum
fyrr en þingsályktun sú sem nú
hefur verið lögð fram um starfs-
hætti hans verður samþykkt.
í ályktuninni er kveðið á um
hvaða málaflokka hann á aö taka
að sér og hvernig hann á að taka
mál upp. Starfssvið umboðsmanns-
ins nær ekki til starfa Alþingis,
stjórnsýslu í þágu Alþingis, nefnda
Alþingis, ríkisendurskoðunar,
dómsathafna eða stjórnsýslu sveit-
arfélaga. Hlutverk umboðsmanns-
ins er hins vegar að gæta þess að
stjórnvöld virði rétt einstaklinga
og samtaka þeirra. Hann hefur í
því skyni eftirlit með því að jafn-
ræði sé virt í stjórnsýslustörfum
og að stjórnsýsla sé að öðru leyti í
samræmi við lög og góða stjórn-
sýsluhætti.
Umboðsmaður á að taka mál til
meðferðar eftir kvörtun eða að eig-
in frumkvæöi. Ekki hefur enn
veriö fundið húsnæði fyrir hann
en verið er að leita að heppilegu
húsnæöi nálægt Alþingi. Umboðs-
maðurinn fær sömu laun og
hæstaréttardómari.
-SMJ
Hveragerðl:
Flóð fyilti
kjallara og
olli
skemmdum
Töluverðar skemmdir urðu í
íbúðarhúsi í Hveragerði í gær er
mikið vatnsmagn barst trá Hellis-
heiði. Gatan Dynskógar í Hvera-
gerði fór nánast á flot þegar
niðurföll stífluðust.
Kjallari hússins númer 12 við
Dynskóga fylltist nánast af vatni.
Er greinilegt að töluvert tjón hef-
ur orðið á bílvélum, frystikistu
og fleiri munum sem voru í kjall-
aranum. Skemmdir urðu einnig
á jeppabiíreiö sem stóð við húsið,
vatn komst í drif og gírkassa
hennar. I gær var giskað á að tjón
af völdum flóösins næmi hundr-
uðum þúsunda og jafnvel einni
milljón króna.
Þaö var um klukkan átta í gær-
morgun sem vatn hóf að renna
inn í húsið aö Dynskógum 12.
Dælur voru í gangi i allan gærdag
til að dæla vatni úr húsina Vél-
gröfur gerðu varnargarða til aö
fyrirbyggja aö meira vat,i kæmist
að húsunum við Dynskóga. Önn-
ur hús sluppu við skaða af
völdum flóösins.
-sme
Nýtt bákn
á leiðinni
- segir Albert
„Þai-na er veriö aö byggja upp
nýtt bákn og viö í Borgaraflokkn-
um tökum ekki þátt í því,“ sagði
Albert Guðmundsson, formaður
Borgaraflokksins, en flokkurinn
hefur neitaö að skrifa undir þing-
sályktunartillögu um störf og
starfshætti umboösmanns Al-
þingis. Aö tillögunni standa
þingforsetar og þingflokksfor-
menn allra flokka nema Borgara-
flokksins.
„Við erum ekki á móti hug-
myndinni um umboösmann
Alþingis en teljum aö með þessu
frumvarpi sé veriö að fjarlægjast
upphafleg markmið um að um-
boösmaöurinn sé þjónn almenn-
ings.“ Albert sagði aö tillagan
myndi stuöla að því aö í kring
um umboðsmanninn yrði komin
stór stofnun með fjölda starfs-
manna áður en við væri litið.
-SMJ