Dagblaðið Vísir - DV - 14.12.1988, Blaðsíða 28

52
MIÐyiKUDAGUE.L4 DESEMBER. 1988..
Andlát
Kristján Elíasson, Kleppsvegi 6,
Reykjavík, lést 13. desember í
Landspítalanum.
Ólafur Vigfússon, Austurveg 17,
Seyðisfirði, lést að heimili sínu 12.
desember.
Guðmúndur Björnsson verkfræðing-
ur lést í.Englandi 13. desember.
Ragnheiður Aðalsteinsdóttir frá
Hlíð, Halakoti, Vatnsleysuströnd,
lést í Landakotsspítala 12. desember.
Jarðarfarir
Minningarathöfn um Margréti Árna-
dóttur frá Gunnarsstööum. Hring-
braut 91, fer fram í Dómkirkjunni
fimmtudaginn 15. desember kl. 13.30.
Konráð Gauti Finnsson, Smvrla-
'Krauni 9, verður jarðsunginn frá
Hafnarfjarðarkirkju fimmtudaginn
15. desember kl. 13.30.
Útfor Guðrúnar J. Jónatansdóttur
frá Hrófá. sem lést 5. þ.m.. fer fram
frá Hólmavíkurkirkju laugardaginn
17. desember kl. 14.
Tilkyimingar
Saga KA í 60 ár
Á næstu dögum kemur út allsérstæð bók
á Akureyri. Hér er um að ræða sögu
Knattspyrnufélags Akurevrar sl. 60 ár en
í ár átti félagið þetta stóra afmæli. Það
var söguritarinn Jón Hjaltason sem sá
um að afla heimilda,og taka viðtöl í bók-
ina sem er prýdd á fimmta hundrað
'rnVndum, bæði í lit og svarthvítu. Hér
er um tímamótaverk að ræða. Sagan er
rakin frá upphafi í máli og myndum og
koma við sögu brautryðjendur í hópi ís-
lenskra íþróttakappa, jafnt Akureyringar
sem aðrir. Bókin er 260 bls. í vönduðu
bandi. Um setningu, umbrot og filmu-
vinnu sá Dagsprent á Akureyri en Prent-
stofa G. Benediktssonar í Kópavogi sá
um prentun. Upplag er takmarkað og
verður bókin ekki seld á almennum
markaði. Þeim sem hug hafa á að næla
sér í eintak er bent á að hafa samband
við Sæmund Óskarsson í Reykjavík en á
• Akureyri verður bókin til sölu í Sport-
Jólakort Félags
eldri borgara
Fjáröflun til styrktar félagsheimilissjóði
Félags eldri borgara í Reykjavík og ná-
grenni hefur látið gera jólakort til fjáröfl-
unar fyrir félagsheimilissjóö. Frú Aðal-
björg Jónsdóttir annaðist gerð myndanna
sem á kortunum eru og gaf vinnu sína.
Kortin verða til sölu á skrifstofu félagsins
að Nóatúni 17, 2. hæð, og í opnu húsi í
Tónabæ á mánudögum og laugardögum
frá kl. 13.30, einnig í opnu húsi í Sigtúni
3 á fimmtudögum og sunnudögum á sama
tíma. Kortin verða send til félagsmanna
ásamt giróseðli og bindur nefndin vonir
við að félagsmenn bregðist vel við og
kaupi kortin sem þeir fá send.
Hljómplata með
Jónanni G.
Komin er út ný hljómplata með Jóhanni
G. Jóhannssyni, tónlistar- og myndlistar-
manni, sem heitir Myndræn áhrif. Lög
og textar eru eftir Jóhann. Margir af
fremstu tónlistarmönnum þjóðarinnar
koma við sögu á þessari plötu. Tónlistin
er væntanleg á geisladiski um mánaða-
mótin. Undirleikurinn, án söngs, verður
fáanlegur á kassettu undir heitinu Syngið
sjálf en þetta er nýjung, sérstaklega ætluð
söngelsku fólki. Utgefandi er JGJ-útgáfan
og dreifingu annast Gramm hf. í tilefni
útgáfunnar kemur einnig út á vegum
JGJ-útgáfunnar takmarkað upplag af
heildarútgáfu Jóhanns G. 1970-79 sem
inniheldur fimm hljómplötur.
Skáldakvöld á Café Hressó
í kvöld, 14. desember, gangast sjö skáld
og rithöfundar fyrir upplestri á Café
Hressó en það eru Einar Már Guðmmids-
son, Guðmundur Andri Thorsson, Ágúst
Borgþór Sverrisson, Jón Stefánsson, Haf-
liði Vilhelmsson, Kristin Ómarsdóttir og
Sigurður Pálsson. Samkoman hefst kl.
21. Aðgangur er ókeypis og öllum heim-
ill. Kynnir verður hinn þekkti útvarps-
»a<5ur Þorsteinn J. Vilhjálmsson.
Island og Nató
-friðurog frelsi
í tilefni af fjörutíu ára afmæli Atlants-
hafsbandalagsins (NATO) hinn 4. apríl
1989 hafa Varðberg (Félag ungra áhuga-
manna um vestræna samvinnu) og SVS
(Samtök um vestræna samvinnu) ákveð-
ið að efna til samkeppni meðal ungs fóiks
um ritgerð sem fialli um efnið „ísland
og Nató, friður og frelsi". Höfundar eiga
að vera á aldrinum 16-25 ára. Ritgerðin
skal ekki vera styttri en sem svarar
þremur venjulegum vélrituöum síðum.
Ritgerðirnar á að merkja dulnefni eða
númeri og senda í umslagi þannig árit-
uðu: Ritgerðasamkeppni, Varðberg, póst-
hólf 28, 121 Reykjavík. Inni í umslaginu
á, auk ritgerðarinnar, aö vera annað
umslag, lokað, og í því upplýsingar um
höfund, heimilisfang hans og símanúm-
er. Ritgerðir í samkeppni þessa þarf að
póstleggja fyrir 1. febrúar 1989. Þriggja
manna dómnefnd, skipuð af stjórnum
Varðbergs og SVS, veitir þrenn verðlaun
fyrir bestu ritgerðir að áhti hennar. Verð-
launin eru 4-5 daga ferð til höfuðstööva
Atlantshafsbandalagsins í Brussel. Nán-
ari upplýsingar eru veittar í síma 10015.
FÓR-LÍKNABSJÓÐUR
Jólamerki líknarsjóðs
Lionsklúbbsins Þórs
eru komin út. Merkin eru hönnuð af
Þórhildi Jónsdóttur auglýsingateiknara.
Þau eru í fjórum Iitum, hin fegurstu.
Merkin fást hjá klúbbfélögum, en upplýs-
ingar er hægt að fá á skrifstofu Lionsum-
dæmisins, Sigtúni 9, sími 33122.
Fréttir
Sigurður Bragason
syngur á hljómplötu
Út er komin hljómplata með Sigurði
Bragasyni söngvara. Á þessari fyrstu
hljómplötu Sigurðar eru vel þekkt ís-
lensk lög sem sum hver hafa verið ófáan-
leg á hljómplötum, svo sem lögin Þess .
bera menn sár eftir Árna Thorsteinsson
og í rökkurró eftir Björgvin Guðmunds-
son. Á hljómplötunni eru einnig þýsk ljóð
og óperuaríur. Þóra Fríða Sæmunds-
dóttir leikur með á píanó. Halldór Vík-
ingsson annaðist hljóðritun með staf-
rænni tækni í Hlégarði. Hljómplatan er
beinskorin (Direct Metal Mastering). Sig-
urður lauk söngnámi á Ítalíu 1986. Hann
hefur sungið ýmis óperuhlutverk í ís-
lensku óperunni og komið fram á tónleik-
um víða um land og í útvarpi og sjón-
varpi.
Myndakvöld Ferða-
félags íslands
í kvöid, 14. des., verður myndakvöld hjá
Ferðafélaginu og hefst það stundvíslega
kl. 20.30 í Sóknarsalnum, Skipholti 50a.
Allir velkomnir, félagar og aðrir. Að-
gangur kr. 150. Veitingar í hléi.
Tapað fundið
Tommitýndur
Hann er stór, svartur köttur með hvítan
blett á hálsi. Hann tapaðist frá heimili
sínu í Kópavogi fyrir u.þ.b. 5 vikum.
Hann var með rauða og gráa ól. Þeir sem
hafa orðið hans varir vinsamlegast hafi /*
samband við Kæju í sima 42502.
Tónleikar
Gospel-tónleikar
á Hótel íslandi
Ungt fólk með hlutverk stendur fyrir tón-
leikum á Hótel íslandi í kvöld, miðviku-
dag, kl. 21 til að styrkja uppbyggingu
Biblíuskólans á Egilsstöðum. Ymislegt
forvitnilegt verður á dagskrá tónleik-
anna, allt kristilegt efni, t.d. verða sungn-
ir söngvar af plötu sem er að koma út á
vegum Ungs fólks með hlutverk og ber
heitið Þú ert hjá mér, kórsöngur verður,
No excuse syngur og leikur, Þorvaldur
Halldórsson syngur negrasálma og margt
fleira. Flytjendur, sem verða fiölmargir
og koma flestir úr kristilegum samfélög-
um sem starfandi eru, munu minna okk-
ur á skemmtilegan hátt á komu jólanna.
Miðasala við innganginn.
Lögreglustjórinn í Reykjavík:
Dregið hefur verið
úr löggæslunni
- birting skýrslunnar mlstök, segir lögreglustjóri
Aðfaranótt föstudagsins tíunda
nóvember 1944 voru tuttugu lög-
reglumenn á vakt í Reykjavík. Þeir
höfðu tvo bíla til umráða - en það
var allur bílafloti lögreglunnar í þá
daga. Aðfaranótt föstudagsins átj-
ánda nóvember í ár voru sextíu lög-
reglumenn á vakt og höfðu ellefu
bíla til umráða. Þetta upplýsti Böð-
var Bragason, lögreglustjóri í
Reykjavík, á blaðamannafundi í gær.
Böðvar sagðist nefna þetta sem dæmi
um rangfærslur sem mætti finna í
skýrslu Lögreglufélags Reykjavíkur.
Böðvar Bragason sagði að á mestu
álagstímum, sem eru aðfaranótt
föstudags og laugardags, gerði lög-
reglan ekki meira en að sinna neyð-
arútköllum. Hann benti á að það
væru fleiri dagar í vikunni og þá
daga sinnti lögreglan eftirliti og fleiri
verkum en bráðaútköllum - þrátt
fyrir að dregið hafi verið úr löggæsl-
unni á þeim tímum.
Guðmundur Hermannsson yfirlög-
regluþjónn sagði það ekki nýtt að
yfirmönnum lögreglunnar þættu of
fáir menn starfa við löggæslu. Hann
sagði það hafa verið baráttumál í
áratug að fá heimild til að ráða fleiri
menn til löggæslustarfa í Reykjavík.
„Lögreglan þolir ekki, löggæslu-
lega séð, að dregið verði frekar úr
mannafla. Ég hef varað við þessari
þróun. Ég geri mér vonir um að við
vinnum varnarsigur að þessu sinni,“
sagði Böðvar Bragason lögreglu-
stjóri.
Yfirmenn lögreglunnar sögðust
fagna skýrslu Lögreglufélags
Reykjavíkur en sögðu jafnframt að
betur hefði farið ef skýrslan hefði
verið rædd innanhúss áður en hún
var gerð opinber. Þeir voru á þeirri
skoðun að Lögreglufélagið hefði gert
mistök með birtingu skýrslunnar.
Böðvar Bragason upplýsti í gær að
fengist hefði heimild til að kaupa 24
lögreglubila - í stað tiu eins og áður
var ákveðið. DV-mynd S
Meiming
Fróðleg en sunduriaus
Þetta er þriðja bókin í röð sem á
þegar allt er komið að spanna sögu
Isafjarðar og Eyrarhrepps hins
forna frá upphafi og til vorra daga.
Jón Þ. Þór hóf þetta verk fyrir
nokkrum árum og fyrsta bindið
kom út árið 1984, annað bindið
tveim árum síðar og svo nú það
þriðja enn tveimur árum síðar. Jón
Virðist því halda góðum takti í út-
gáfunni.
Þetta eru allt væn bindi - hvert
vel á þriðja hundrað síður - tölu-
vert myndskreytt og vel frágengin.
Fyrsta bindið lét Jón spanna árin
til 1866 þegar ísafjörður varð kaup-
staður í annað sinn. Annað bindið
tekur til áranna 1867 til 1920 og
fjallar um félags- og menningar-
sögu svæðisins. Þriöja bindið tekur
til sama tímabils en fjallar um at-
vinnu og hagsögu ísafjarðarkaup-
staðar og Eyrarhrepps.
Þetta bindi er því tvískipt og
tengjast hlutarnir óverulega. Með
því hefur Jón afgreitt árin til 1920.
Árin milli stríða verða því væntan-
lega viðfangsefni fjórða bindis að
tveimur árum liðnum ef Jón heldur
sínu striki. Þegar öllu er lokið hafa
ísfirðingar eignast veglega sögu
síns heimahéraðs.
Skipulagsvandi
Jóni hefur í aðfaraorðum að bók-
unum orðiö tíðrætt um vandann
sem hann hefur ratað í við niður-
röðun efnis í ritrööina og má deila
um hvernig til hefur tekist. Eðlileg-
ast hefði verið aö fá efni annars
Jón Þ. Þór heldur góöum takti i
útgáfum á sögu ísafjaðar.
Bókmenntir
Gísli Kristjánsson
bindis og fyrri hluta þess þriðja
saman í bindi en þá hefði það orðið
óhæfilega stórt og því hefur það
orðið niðurstaðan að skipta efninu.
Einnig er umdeilanlegt hvort setja
eigi þáttaskil við stofnun kaupstað-
ar árið 1866 þegar sú athöfn var
nánast formsatriðið eitt.
Það er reyndar helsti gallinn á .
verki Jóns að hann hlutar efnið of
mikið niður. Hver þáttur í sögunni
vill einangrast um of. Þannig er í
þessu bindi að finna ágætt yfirlit
yfir ísfirskar verslanir á tímabilinu
og sömuleiðis útgerð einstakra
manna en atvinnu- og hagsaga er
þetta ekki. Því liljóta lesendur að
sakna samhengisins í þessari sögu
þótt hún sé víða fróðleg.
Nýjar heimildir
Jón hefur t.d. náð að grafa upp
merkilegar heimildir um endalok
Ásgeirsverslunar ,á ísafirði í lok
fyrri heimsstyrjaldarinnar. Þetta
var eitt risavaxnasta fyrirtæki sem
starfað hefur á íslandi og er helst
hægt að jafna við SÍS nú á dögum.
Þessar heimildir verða Jóni að inn-
leggi í sögu fjölskyldu Ásgeirssona
en hremmingar verslunar á árum
heimsstyrjaldarinnar fyrri fá lítð
rúm.
En að athugasemdum sem þess-
um slepptum þá verður því ekki
neitað að bók Jóns er hin eiguleg-
asta og frágangur allur til fyrir-
myndar. Myndefnið er gott og lífg-
ar upp tímana sem Jón skrifar um.
Myndir af fólki og athöfnum þess
bregða oft skemmtilegri birtu yfir
frumbýlingsár nútímaatvinnulifs á
íslandi.
Saga isatjarðar III. bindi
Höfundur: Jón Þ. Þór
Útgefandi: Sögufélag ísfirðinga
-GK
Hrafnsgrein leiðrétt
Nokkrar setningar féllu niður úr
umsögn Gunnars Gunnarssonar um
bók Ingva Hrafns Jónssonar, „Og þá
flaug hrafninn", sem birtist í DV á
föstudaginn.
Setning á undan fyrstu millifyrir-
sögn átti að vera: „Ég hygg aö frétta-
stofa Sjónvarps hafi mjög breyst á
þeim tíma sem hann starfaði þar -
en jafnframt að þau vinnubrögð sem
hann lagði þar til séu nú gleymd og
grafin þótt skammt sé um hðið síðan
hann var rekinn.“
í kaflanum „ Sjálfselska og skæt-
ingur“ var setning sem átti að hljóða
svona:
Matthías var hins vegar sérstakur
ráðunautur fréttastjórans fyrrver-
andi meðan á starfsferlinum stóð,
hringdur upp ef stýra þurfti um-
ræðuþætti ellegar starfiö gerðist of
þungt í skauti.”
í seinni hluta umsagnar vantar svo
eftirfarandi setningu: „Það er líka til
of mikils mælst að maður í blóma
lífsins sem enn finnur fyrir skófari
vinnuveitandans á bakhlutanum geti
lagt hlutlaust mat á það sem gerðist.'1
-ai.
Slys gera ekki boð á undan sér!
yUJ^ERDAR
ÖKUM EINS OG MENNI