Dagblaðið Vísir - DV - 20.01.1989, Blaðsíða 24

40
FÖSTÚDAGUR 20. JANÚAR 1989.
Sviðsljós
Ólyginn
sagði . . .
Michael
Jackson
er ekki mannblendinn maður og
á fáa nána vini. Tvær konur eru
helstu vinir hans en það eru þær
Liz Taylor og Diana Ross. En
tryggasti vinurinn er sjálfsagt
sjimpansinn sem Michael hefur
átt í nokkur ár. Þegar Michael
var á tónleikaferðalaginu í sumar
leiddist sjimpansanum óskaplega
að vera skilinn einn eftir heima.
Brugðið vár á það ráð að útvega
honum vinkonu af sömu dýrateg-
und og kom þeim vel saman.
•Núna á sjimpansaparið von á htl-
um sjimpansa og allir eru voða
kátir og Michael ekki síst.
í Baejarbíói voru meðal annarra Þorvaldur Friðriksson, fréttamaður hjá
Ríkisútvarpinu, Elísabet Brekkan og Gunnar Stefánsson, sem einnig er
starfsmaður Ríkisútvarpsins.
Hér eru tvenn vel þekkt hjón á mynd. Saman á miðri myndinni eru hjónin
Sigriður Þorvaldsdóttir leikkona og Lárus Sveinsson hljómlistarmaður. Með
þeim eru hjónin Unnur Arngrímsdóttir, framkvæmdastjóri Módelsamtak-
anna, og Hermann Ragnar Stefánsson, danskennari og útvarpsmaður.
Fólk á frumsýningum
Tvíburar voru mikið í sviðsljósinu
um síðustu helgi. Á laugardag voru
frumsýnd tvö leikrit, annað í Hafnar-
firði og hitt í Reykjavík, sem bæði
hafa tvíbura að yrkisefni. Leikfélag
Reykjavíkur frumsýndi leikritið
Sjang-Eng eftir sænska leikritahöf-
undinn Göran Tunström, í þýðingu
Þórarins Eldjárn. Verkið segir frá
hinum einu sönnu síamstvíburum
sem allir samvaxnir tvíburar eru
nefndir eftir. Þeir Sjang og Eng voru
samvaxnir á brjóstinu og gátu gengið
hlið við hlið. Hins vegar lifðu þeir
allt sitt líf samtengdir og áttu enga
undankomu hvor frá öðrum.
Hitt tvíburaleikritið var frumsýnt
af Leikfélagi Hafnaríjarðar í Bæjar-
bíói. Það verk er eftir William Shake-
speare en er þýtt af Helga Hálfdanar-
syni. Leikritið Allt í misgripum er
gamanleikur og er eitt fyrsta verk
höfundar. Leikritið íjallar um tvenna
tvíbura sem vita ekki hver af öðrum
og er söguþráðurinn spunninn um
þann mikla misskilning sem verður
þegar aðrir ruglast á tviburunum og
þeir hver á öðrum.
Hjónin Sveinn R. Eyjólfsson, stjórnarformaður og útgáfustjóri Frjálsrar fjöl-
miðlunar, og Auður Eydal, leiklistargagnrýnandi hjá OV, voru gestir á frum-
sýningu í Bæjarbíói.
í Iðnó var fjöldi gesta á frumsýningu. Talið f.v. Rikharður Örn Pálsson en
hann er höfundur tónlistar við verkiö ásamt Hilmari Erni Hilmarssyni, Tinna
Gunnlaugsdóttir leikkona og eiginmaður hennar, Egill Ólafsson, tónlistar-
maður og leikari.
Iiz Taylor styður eyðnirannsóknir
Um nýliðin jól var Liz Taylor
útskrifuö af meðferðarstofnun
Betty Ford og hefur sjaldan litið
betur út eða liöið betur, að eigin
sögn. Stuttu eftir heimkomuna til-
kynnti hún erfingjum sínum að
nær allar hennar eigur ættu að
renna til eyðnirannsókna eftir sinn
dag. Það eina sem þau fá í sinn
hlut er nokkurs konar varasjóður
sem þau geta gripið til ef þau verða
atvinnulaus eða mæta öðrum
óvæntum fjárhagsörðugleikum.
Þetta hefur valdiö miklum úlfaþyt
hjá börnunum hennar íjórum en
þau hafa mismunandi skoðanir á
þessari ákvörðun. Synir hennar
tveir, sem hún átti með leikaranum
Michael Wilding, eru ákaflega
óhressir meö þessa ákvörðun og
hafa þrábeðið hana að endurskoða
hana. Dætur hennar tvær, önnur
er dóttir Liz og Mike Todd og hina
ættleiddu Liz og Richard Burton,
hafa samþykkt ákvöröun móður
sinnar. Þær segja móður sína eiga
þessa peninga og hún ráði sjálf
hvað verði um þá. Auk þess segja
þær Liz enn unga og hún þurfi sjálf
að nota peningana sína um ókomin
ár.
Síðan góðvinur Liz, Roek Hud-
son, lést úr eyðni hefur hún verið
ötull baráttumaður fyrir rann-
sóknum á þessum banvæna sjúk-
dómi. Því segja vinir hennar að
arfleiðslan til eyðnirannsókna
komi ekki á óvart og sé alveg í takt
við hennar fyrri aðgerðir í barát-
tunni. Henni hefur hingað til tekist
að safna rúmum 100 milljónum í
þessar rannsóknir .
Deiltum annan arf
Á sama tíma og Liz tilkynnti um
ákvörðun sína stóðu yfir réttarhöld
í öðru arfsmáli. Þar er verið að bít-
ast um þær 130 milljónir sem Rock
Hudson lét eftir sig. Hann átti eng-
in börn og enga aðra beina erf-
ingja. Nú er það sambýlismaðurinn
Marc Christian sem gerir kröfu í
dánarbúið. Hann telur sig eiga arfs-
rétt því síðustu árin sem Rock lifði
hafi hann veriö vinur, ritari, elsk-
hugi og að síðustu einasta hjálpar-
hella Rock í veikindum hans. Við
lát hans búi hann við stöðugan ótta
við eyðnismit og það eitt sé nægur
grundvöllur fyrir kröfu í dánar-
búið.

Liz Taylor hefur verið ötull baráttumaður fyrir auknum
rannsóknum á eyðni.
Rock Hudson. Myndin er tekin þegar Rock tilkynnti
opinberlega um sjúkdóminn sem síðar dró hann til
dauða.
Tom Selleck
- sem við þekkjum úr Magnum
þáttunum - hefur verið í hús-
næðisleit. Leitin að heppilegu
húsnæði hefur tekið hann og eig-
inkonuna töluverðan tíma en nú
sér loks fyrir endann á henni.
Hjónin hafa fundið hentugt hús-
næði í Kaliforníu en það er ein-
býlishús að verðmæti rúmar 200
milljónir. En þar sem fjölgunar
er að vænta í fjölskyldunni í
næsta mánuði veitir ekki af
þokkalega stóru og rúmgóðu hús-
næði.
Bob Geldof
varð faðir á nýliðnu ári. Hann og
eiginkonan, Paula, eru ákaflega
stolt af erfingjanum litla. En
mörgum vinum og kunningjum
þeirra finnst þessi hrifning hjón-
anna ganga nokkuð út í öfgar.
Hver sá sem rekur inn nefið á það
heimili er drifinn inn í sjónvarps-
herbergi til að horfa á þennan
mikla atburð af myndbandi.
Gestimir bera sig illa yfir þvi að
þurfa að sitja undir þessu og jafn-
vel oftar en einu sinni.