Dagblaðið Vísir - DV - 19.08.1989, Síða 10

LAUGARDAGUR 19. ÁGÚST 1989.
Varla hefur nokkur höfuðborg í
heiminum vaxið jafnhratt á einni öld
og Reykjavík. Um síðustu aldamót
var íbúafjöldi Reykjavíkur um 5.800
manns. Þá náði byggðin austur eftir
Laugavegi og meðfram Vesturgötu
úr Kvosinni. í dag búa borgina tæp-
lega 96.000 manns og byggðin hefur
teygt sig í allar áttir, eins og vart
þarf að lýsa.
Og á ekki lengri tíma en á tæpum
þremur síðustu áratugum hefur
byggðasvæði höfuðborgarinnar
rúmlega tvöfaluast að flatarmáli. En
rúmlega helmingur þeirra íbúða,
sem nú eru í notkun í Reykjavík,
hafa verið byggðar eftir 1960.
Jafn gífurlegri fólksfjölgun og raun
ber vitni fylgja ýmiss konar fram-
kvæmdir á þjónustu- og umferöar-
mannvirkjum. Á allra síðustu árum
hefur fólksfjöldinn í borginni aukist
um 12.000 manns og því má ímynda
sér á hvað sú aukning kallar; fleiri
íbúðir, skóla, breytt umferðarskipu-
lag og fleira.
Helsta stjórntæki þeirra sem starfa
að skipulagsmálum Reykjavíkur-
borgar er Aðalskipulag Reykjavíkur.
Núgildandi aðalskipulag frá 1984,
sem tók við að fyrsta Aðalskipulagi
Reykjavikur sem gilti frá 1964, nær
til ársins 2004. Þar koma fram þau
meginlögmál sem fylgja ber í skipu-
lagi borgarinnar svo þróunin megi
verða sem best.
- En hvað er fram undan í skipu-
lags- og byggingarmálum borgarinn-
ar?
Leitað var til Vilhjálms Þ. Vil-
hjálmssonar borgarfulltrúa og for-
manns skipulagsnefndar Reykjavík-
urborgar.
Vilhjálmur Þ. Vilhjálmsson, borgarfulltrúi og formaður skipulagsnefndar Reykjavíkurborgar, er hér við kort af hverfaskipulagi fyrir Háaleitis-, Bústaða-
og Fossvogshverfi. Hverfaskipulag er ný skipulagsáætlun þar sem einstaka skipulagsþættir eru skýrðir ítarlega og veittar eru upplýsingar um skipulag
og framkvæmdir í nánustu framtíð. Með þessu nýja skipulagi gefst íbúum hverfanna kostur á að fylgjast betur með framkvæmdum i eigin hverfi og hafa áhrif
á gang mála. DV-mynd Hanna.
Vil gera átak í
miðbæmim
- segir Vilhjálmur Þ. Vilhjálmsson borgarfulltrúi
Framtíðarbyggð
frá Grafarvogi
til Leiruvogs
„Það er vissulega í mörg horn að
líta. En nú þegar eru í uppbyggingu
íbúöahverfi viö Grafarvog og stór
athafnasvæöi við Vesturlandsveg,"
segir Vilhjálmur. „í Grafarholti
norðan Foldahverfis mun rísa hverfi
fyrirtækja en rökrétt framhald af
íbúðabyggðinni í Grafarvogi er
byggð á Borgarholti og í landi Korp-
úlfsstaöa. Skipulag framtíðar-
byggðasvæðanna í Borgarholti, sem
nú er í fullum gangi, miðast við það
og mun því íbúðabyggð með tíman-
um ná frá Grafarvogi til Leiruvogs
en það yrði um 25.000 manna byggð
að meðtaldri byggð á Geldinganesi.
Verið er að deiliskipuleggja fyrsta
áfangann í Borgarholti, sem kallaður
er Borgarholt I, sem er vestan Gufu-
neskirkjugarðarins. Borgarholt II
verður norðan og vestan við kirkju-
garöinn og Borgarholt III er svæðið
í kringum Korpúlfsstaði.
Nú er hafin hugmyndasamkeppni
um skipulag íbúðabyggðar og at-
vinnustarfsemi i Geldinganesi, sem
er mjög sérstætt byggingarsvæði frá
náttúrunnar hendi. Vonandi fáum
við margar hugmyndir sem sýna
hvernig nýta megi það svæði á hent-
ugan og skemmtilegan máta. Það
verður mjög spennandi að sjá hvað
kemur út úr þessari samkeppni en
þetta er i fyrsta sinn sem Keykjavík-
urborg stendur fyrir hugmyndasam-
keppni um svo stórt svæði sem Geld-
inganesið er. Ef vel tekst til og fram
koma skemmtilegar hugmyndir
kemur vel til greina að byrja að
byggja á Geldinganesinu á undan
Borgarholti III. En það verður bara
að koma í ljós. Þarna ætti að geta
orðið um 5-7000 manna byggð og at-
vinnustarfsemi af ýmsu tagi.“
Áhersla á
útivistarsvæði
í því skipulagi, sem samþykkt hef-
ur veriö á þessum svæðum, er mikil
áhersla lögð á aðstöðu fyrir margvís-
legar almenningsíþróttir og útivist-
arsvæöi. Vilhjálmur segist einmitt
leggja mikla áherslu á að sköpuð
verði góð útivistaraðstaöa fyrir íbúa
þessara hverfa. Ennfremur er gert
ráð fyrir 18 holu golfvelli í Gufunesi,
þar sem nú eru sorphaugar, og öðr-
um skemmtilegum útivistarsvæðum,
m.a. við Korpúlfsstaði og Korpu.
En mikla athygli hefur vakið ný
skipulagsáætlun, hverfaskipulag.
Því er ætlaö að vera nokkurs konar
millistig milli aðalskipulags og deili-
skipulags. Borginni er skipt í níu
hverfi og er hverfaskipulaginu ætlað
að kveða nánar á um skipulag hvers
hverfis og verða skipulagsvísir við
gerð deiliskipulags og fram-
kvæmdaáætlana. Meö þessu nýja
hverfaskipulagi gefst borgarbúum
kostur á að taka þátt í að móta sitt
eigið umhverfi.
„Ég tel hverfaskipulagið mjög
merkilegan áfanga í skipulagsmálum
borgarinnar,“ segir Vilhjálmur. „í
því er eitt hverfi tekið fyrir í einu
og einstaka skipulagsþættir skýrðir
ítarlega og veittar upplýsingar um
skipulag og áætlaðar framkvæmdir
í hverfinu í næstu framtíð. Þegar
drög að hverfaskipulagi liggja fyrir
eru auglýstir fundir í hverfunum þar
sem íbúunum gefst kostur á að skoða
það, gagnrýna og koma með ábend-
ingar. Þetta hefur mælst mjög vel
fyrir. Fjöldi manns hefur komið á
fundina og haft áhrif á skipulag og