Dagblaðið Vísir - DV - 23.05.1990, Page 15

MIÐVIKUDAGUR 23. MAÍ 1990.
15
Er okrað á öldruðum?
Undir fyrirsögninni „Af hverju
siðareglur fyrir borgarfulltrúa"
birtist síðastliðinn laugardag aug-
lýsing með 4 af stefnuskráratriðum
B-listans. Af framsetningu og efni
mátti sjá handbragð 2. manns list-
ans, Alfreðs Þorsteinssonar, sem
einstakur er fyrir ósmekklegan og
rangfærðan málflutning í borgar-
stjórn.
í þriðja atriði þessarar auglýs-
ingar er þess getið að ákveðnir
byggingarverktakar á vegum
ýmissa samtaka aldraðra selji
„öldruðum íbúðir á óeðlilega háu
verði“ vegna skilyrða viö lóðaút-
hiutun af hálfu borgaryfirvalda.
Hvað skyldi nú vera hæft í þessu?
Fyrir 2 árum lét byggingarnefnd
aldraðra á vegum borgarinnar gera
athuganir á verði íbúða á þessu
sviði á nokkuð breiðum grundvelli
af óháðum ráðgefandi verkfræð-
ingi. Þó að þessi athugun væri all-
víðtæk og erfiö, varð það niður-
staðan að ekki væri um óeðlilega
hátt verð að ræða hjá þessum félög-
um aldraðra og byggingarverktök-
um þeirra.
Samvinna þessara ýmsu félaga,
samtaka aldraðra og byggingar-
verktaka við borgina hófst 1983
þegar auglýst var á vegum borgar-
innar eftir slíkum aðilum, sem
vildu vinna að þessum málum með
borgaryfirvöldum.
Síðan hafa verið byggðar yfir 300
íbúðir í slíkri samvinnu og nú eru
í byggingu um 160 íbúðir til við-
bótar á vegum ýmissa samtaka, en
byggingarverktakar framkvæma.
Með þessu hefur fengist töluverð
KjaUarinn
Páll Gíslason
læknir og borgarfulltrúi.
Skipar 8. sætið á lista
sjálfstæðismanna í Reykjavík
reynsla af þessum framkvæmdum,
sem felast í 9 byggingum hér í
Reykjavík, og nú þegar hafa verið
byggðar á 8. hundraö íbúðir fyrir
aldraða í borginni.
Borgin hefur úthlutað lóðum,
sem taldar hafa verið heppilegast-
ar, og byggt jafnframt upp kerfi
þjónustumiðstöðva við húsin eða í
nágrenni þeirra á sinn kostnað og
óháð byggingarkostnaði lóðanna.
Hafa hvergi skapast nein veruleg
vandkvæði sem ekki hafa verið
leyst.
Hér er um fjármagnsfrekar fram-
kvæmdir að ræða og því nauðsyn-
legt að tryggja framgang þessa án
þess aö taka of mikla áhættu. Það
þarf því öruggan og dugmikinn
byggingarverktaka til þessa. Þetta
hafa félög aldraðra skilið og því
leitað til sömu verktakanna. Til að
forðast of mikinn fjármagnskostn-
að þarf að byggja á stuttum tíma,
15-18 mánuðum. Þetta hefur oftast
tekist.
Utan af landi höfum við nokkur
sorgleg dæmi um hið gagnstæða
þar sem allt hefur farið úr böndum
og til þess að gamla fólkið biði ekki
stórkostlegt fjárhagslegt tjón hafa
sveitarfélögin orðið að skerast í
leikinn og sum þeirra með upphæð-
ir sem íþyngja mun fjárhag þeirra
um langan tíma. Það er því mjög
mikilvægt og í hag félagsmanna að
ráða byggingarverktaka sem ekki
bregst.
Nýtt og gamalt
Mörgum vex í augum að eldri
íbúðir hafa staðið í stað hvað verð
snertir um alllangt skeið meðan
byggingarkostnaður nýrra íbúða
hefur aukist, þannig að misræmi
hefur myndast þegar skipta skal
um íbúð. Þá þarf að minnast þess
að eldri íbúðir eru viðhaldsfrekar
og oft bíða á næsta leiti meiriháttar
viðhaldsaðgerðir sem lækka sölu-
verðið. Það er því ekki einhlítt að
bera saman herbergjaijölda eða
fermetra. Þá hefur lánakerfi ríkis-
ins hvatt til mismunar í verði á
nýju og notuðu húsnæði. Sé tekið
tillit til sérstakrar gerðar íbúða fyr-
ir aldraða þá má fullyrða að verð
þeirra er ekki óeðlilegt.
Borgin byggi og selji!
Þá vilja Alfreð og Co að borgin
hafi útboð á íbúðum til sölu á
kostnaðarverði. Til að þetta væri
fýsilegt þarf tvær forsendur:
1. Að borgin hafi nóg fé til fram-
kvæmda á þessu sviði.
2. Aö kostnaðarverðið yrði lægra
en nú er.
Þó að borgin veiti nú 367 milljón-
ir til bygginga stofnana á vegum
aldraðra yrði ekkert fé laust til
byggingar þessara þjónustuíbúða.
Nú eru í byggingu 4 hús með 160
íbúðum sem kosta á að giska
800-900 milljónir króna. Þá er þess
að geta að kostnaðarverö íbúða á
vegum opinberra aðila hefur ekki
reynst lægra en á hinum opna,
frjálsa markaði. Tillaga Framsókn-
ar er því óraunhæf og skaðleg mál-
efninu.
Samvinna borgar og
frjálsra félaga
Samvinna af því tagi hefur reynst
vel í þau 7 ár sem hún hefur stað-
ið. Það hafa orðið algjör straum-
hvörf í byggingu þjónustuíbúða
fyrir aldraða, sem óhugsandi er að
hefðu annars orðið. Ég tel að þetta
samstarf eigi að efla og fá fleiri
aðila inn í samstarfið. Hin frjálsu
félög geta leyst þetta að mestu.
En hvér er hlutur Framsóknar?
Alfreð og Co ætla að bæta úr skorti
á hjúkrunarheimilum. Framsókn
hefur skipað heilbrigðisráðherra
ríkisstjórnar undanfarin ár, en það
er verkefni hans að stjórna bygg-
ingu sjúkrahúsa og hjúkrunár-
heimila. En það hefur verið fram-
kvæmt með því að gera hlut Reyk-
víkinga sem minnstan og skera af
hvenær sem hann hefur átt þess
kost. Og hefur hann gengið nær
Reykvíkingum en aðrir ráðherrar
í þessum efnum. Nei! Framsókn
ætti aö líta í eigin barm og hver
hugur flokksins er til Reykvíkinga.
Það sem hið opinbera þarf að
beita sér að er að koma á fót hjúkr-
unarheimilum. Þar er þörfin mjög
brýn og verður ekki leyst nema
með öruggri forustu Reykjavíkur-
borgar, sem hlaupi í skarðið fyrir
ríkisstjórnina er hefur brugðist.
Páll Gíslasou
„Framsókn hefur skipað heilbrigðis-
ráðherra ríkisstjórnar undanfarin ár,
en það er verkefni hans að stjórna
byggingu sjúkrahúsa og hjúkrunar-
heimila. Það hefur verið framkvæmt
með því að gera hlut Reykvíkinga sem
minnstan og skera af hvenær sem hann
hefur átt þess kost.“
Þriðja aflið í bæjarstjóm Hafnarflarðar:
Framsóknar-
flokkurinn
Höfum bent á heilsársútivistarsvæði við Hvaleyrarvatn, segir hér m.a.
Að þessu sinni bjóða einungis
fjórir flokkar fram til bæjarstjórn-
ar í Hafnarfirði. Alþýðuflokkur,
Framsóknarflokkur, Sjálfstæðis-
flokkur og Alþýðubandalag.
Berlega hefur komið í ljós að
Sjálfstæðisflokkur og Alþýðuflokk-
ur telja að val kjósenda snúist ein-
ungis um þá tvo og að önnur fram-
boð eigi vart rétt á sér.
Að sjálfsögðu er þetta hin mesta
firra og vil ég færa fram rök fyrir
því að rétt sé fyrir kjósendur að
velja fulltrúa úr röðum Framsókn-
arflokksins í bæjarstjórn í Hafnar-
flrði.
Rökokkar
í fyrsta lagi er það staðreynd að
Framsóknarflokkurinn er annar
stærsti stjórnmálaflokkur landsins
og áhrif hans eru mikil í íslensku
þjóðlífi. Það hlýtur því að vera mik-
ilvægt fyrir jafnstórt bæjarfélag og
Hafnarfjörð að eiga fulltrúa úr röð-
um hans í bæjarstjórn.
í öðru lagi er það staðreynd að
Hafnfirðingar hafa til þessa ekki
sætt sig við eins flokks stjórn bæj-
arins, enda er þá skammt í hvers
konar spilhngu og hrossakaup sem
ég ásamt fleirum vil ekki sjá í mínu
bæjarfélagi.
Þótt Guðmundur Árni Stefáns-
son og Jóhann Bergþórsson séu
hinir ágætustu menn og þeir njóti
stuðnings margra, er ég viss um
að bæjarbúar hafa lítinn áhuga á
að gera þá að einvöldum í Hafnar-
firði.
í þriðja lagi snúast bæjarstjórn-
arkosningar að stórum hluta til um
val á einstaka persónum. Ég full-
Kjallarinn
Níels Árni Lund
1. maður á lista
Framsóknarflokksins
í Hafnarfirði
yrði aö það fólk sem er í framboði
fyrir Framsóknarflokkinn er gott
fólk - venjulegt fólk sem vill bæjar-
félagi sínu allt hið besta>
í fjórða lagi vil ég benda á að við
síðustu bæjarstjórnarkosningar
kusu um 1250 mannstaðra flokka
en þá sem nú eru í framboði. Þetta
fólk vill hafa þriðja aflið í bæjar-
stjórn Hafnarfjarðar og ég er sann-
færður um að Framsóknarflokkur-
inn er góður valkostur þeirra.
í fimmta lagi fékk Framsóknar-
flokkurinn í Reykjanesi 3444 at-
kvæði við alþingiskosningarnar
1983 en 7043 atkvæði við síðustu
kosningar sem fram fóru 1987. Það
er því ljóst að fjöldi bæjarbúa vill
styðja Framsóknarflokkinn og þeir
fá tækifæri til þess nú.
í sjötta lagi hefur enginn þeirra
flokka sem nú bjóða fram í Hafnar-
firði sett fram jafnskýra og afdrátt-
arlausa stefnuskrá og viö fram-
sóknarmenn og vil ég benda á
nokkur atriði i því sambandi.
Afdráttarlaus stefnuskrá
Við munum vinna að framgangi
umhverfismála og höfum þar bent
á heilsársútivistarsvæði við Hval-
eyrarvatn í svipuðum anda og
Kjarnaskógur við Akureyri er. Þá
viljum við að Hafnfirðingum verði
gefinn kostur á landi í Krísuvík til
uppgræðslu og að þar eigi þeir
möguleika á að koma sér upp sum-
arbústööum.
Við leggjum áherslu á að nauð-
synlegar endurbætur verði þegar
gerðar á Vatnsveitu Hafnarfjarðar.
Staðreyndir sýna að vatnsskortur
er í sumum bæjarhverfum á álags-
tímum og fyrir þremur árum var
varað við hættuástandi vegna
bruna af þeim sökum.
Samt sem áður hefur þessu máli
ekkert verið sinnt á síðasta kjör-
tímabili.
Við munum beita okkur fyrir því
að frárennslismálum bæjarins
verði komið í viðunandi horf og að
fjörur bæjarins veröi hreinsaðar.
Við munum leggja áherslu á að
málefnum fatlaðra verði betur
sinnt en nú er og höfum það á
stefnuskrá að hér rísi verndaður
vinnustaður.
Við -viljum að hafist veröi handa
um byggingu fyrir aldraða við Sól-
vang eins og samkomulag er til um
en ekki hefur hlotið skilning hjá
núverandi bæjarstjórn.
Við teljum að biðhsti þeirra sem
þurfa á húsnæði aö halda sé allt
of langur, hvaða kerfi svo sem i
gangi er og jafnframt að bærinn
eigi að fjölga leiguíbúðum.
Við leggjum áherslu á nauðsyn
þess að fjölga skóladagheimilum
og auðvelda foreldrum heils dags
vistun fyrir börn sín.
Viö styðjum hvers konar heil-
brigt æskulýðs- og íþróttastarf og
munum leggja okkar af mörkum
til að stuðla að fjölþættri uppbygg-
ingu þess.
Við munum beita okkur fyrir
ábyrgri fjármálastjórn bæjarins,
þannig að skattpeningar íbúanna
nýtist til annars en greiðslu vaxta,
dráttarvaxta og afborgana lána.
Framsóknarmenn ganga bjart-
sýnir til þessara kosninga og stefna
að því að verða hið öfluga þriðja
afl í bæjarstjórn Hafnarfjarðar sem
bænum er nauðsynlegt.
Níels Árni Lund
„Þá viljum viö að Hafnfirðingum verði
gefinn kostur á landi í Krísuvík til upp-
græðslu og að þar eigi þeir möguleika
á að koma sér upp sumarbústöðum.“