Dagblaðið Vísir - DV - 23.11.1990, Síða 3

I
FÖSTUDAGUR 23. NÓVEMBER 1990.
Fréttir
Atvinnuleyfi
veitt til 1200
útlendinga í ár
„í október höfðu um 1200 útlend-
ingar fengið atvinnuleyfi hér á landi,
sem er svipuð tala og á sama tíma í
fyrra. Á öllu árinu 1989 fengu um
1600 útlendingar atvinnuleyfi og það
kæmi mér ekki á óvart að álíka
margir fengju atvinnuleyfi á þessu
ári,“ sagði Óskar Hallgrímsson hjá
atvinnumáladeOd félagsmálaráðu-
neytisins í samtali við DV.
Hann sagði að mikill meirihluti
þessara útlendinga væri við störf í
fiskvinnslunni. Einnig væra margir
þeirra við störf í heilbrigðisgeiran-
um, bæði faglært fólk og ófaglært.
Nokkuð margir hefðu einnig veriö
við Blönduvirkjun en að öðru leyti
dreifðist þetta fólk í hin ýmsu störf.
Óskar Hallgrímsson sagði að á ár-
unum 1987 og 1988 hefðu heldur fleiri
atvinnuleyfi verið veitt en árin á
undan og eftir, þó munaði það ekki
miklu.
„Það má segja að rúmlega hundrað
umsóknir um atvinnuleyfi fyrir út-
lendinga berist til félagsmálaráðu-
neytisins að jafnaði á mánuði," sagði
Óskar.
Til fróðleiks má benda á að fjöldi
útlendinga með atvinnuleyfi hér á
landi er álíka mikill og þeir landar
sem skráðir voru atvinnulausir í síð-
asta mánuði.
-S.dór

„Hvað ertu að gera?“ kallaði maðurinn sem var að störfum uppi á háum
timburstafla á einni bryggjunni á Akureyri og má segja að hann hafi verið
að leysa málin „upp á eigin spýtur“. DV-mynd gk
Friðrik Sophusson alþingismaður:
Póstur og sími beitir
einokunaraðferðum
„Ástæða þessarar fyrirspurnar
minnar til samgönguráðherra er
óþolandi einokunaraðferðir Pósts og
síma hvað notendabúnáð á sviði
síma og fjarskipta snertir. Ég veit
ijölmörg dæmi um þetta og sum
þeirra alveg ótrúleg. Póstur og sími
er í samkeppni við ýmsa um sölu á
símtækjum. Og jafnframt hefur Póst-
ur og sími einokun á prófun og viður-
kenningu þessara tækja. Mér er
kunnugt um að þær tegundir sím-
tækja, sem Póstur og sími hefur
umboð fyrir, ganga fyrir á meðan
stirðbusahætti er beitt gegn öðrum
innflytjendum,“ sagði Friðrik Sop-
husson alþingismaður.
Friðrik hefur beint til samgöngu-
ráðherra nokkrum spurningum
vegna þessara mála. Hann spyr hvort
tekin hafi verið ákvörðun um eða
hvort á döfmni sé að breyta lögum
þannig að prófun og viðurkenning
notendabúnaðar á sviði síma- og fjar-
skiptatækja verði færð til óskyids,
sjálfstæðs aðila. Einnig spyr hann
hvort afnema eigi úr lögum skyldu
Pósts og síma til að selja notendabún-
að, svo og hvort í ráði sé að stofnun-
in hætti slíkri starfsemi. Einnig spyr
Friðrik hver séu viðbrögð yfirmanna
stofnunarinnar við gagnrýni Ríkis-
endurskoðunar á skipulag Póst- og
símamálastofnunarinnar.
Friðrik sagðist vita dæmi af fyrir-
tæki sem keypti sér símaskiptiborö.
Leitað var til Pósts og síma eftir að
tengja það og stilla. Það var sagt taka
nokkra daga en síðan var spurt hvort
það væri örugglega keypt hjá Pósti
og síma. Þegar því var svarað neit-
andi var sagt að þá myndi það taka
hálft ár að ganga frá símaborðinu.
-S.dór
Norðurland eystra:
Kratar með próf kjör
Opið prófkjör verður hjá Alþýðu-
flokknum í Norðurlandskjördæmi
eystra á laugardag og sunnudag.
Árni Gunnarsson var áöur í efsta
sæti framboðslistans en hefur nú
gefiö kost á sér á Suðurlandi.
Þeir sem hafa gefið kost á sér í próf:
kjörinu eru Sigurbjörn Gunnarsson,
Akureyri, Hreinn Pálsson, Akureyri,
Arnór Benónýsson, Reykjavík, Aöal-
steinn Árni Hallsson, Reykjavík,
Pálmi Ólafsson, Þórshöfn og Sigurð-
ur Arnórsson, Akureyri.
Allir nema Aðalsteinn og Sigurður
voru á framboðslistanum í kosning-
unum 1987. Þá fengu kratar einn
mann kjörinn, Árna Gunnarsson.
Sigurbjörn Gunnarsson var þá í öðru
sæti.
-hlh
UPPLÝSINGAR: SÍMSVARI: 681511 LUKKUUNA: 991000
VERTU MEÐ - ÞAÐ ER GALDURINN
J