Dagblaðið Vísir - DV - 28.11.1990, Side 2

2
MIÐVIKUDAGIIR 28. NÓVEMBER 1990.
Fréttir
Hæstiréttur dæmdi íslenskan umboðsmann sumarhúsa á Spáni:
Tvö ár í f angelsi fyrir að
draga sér fé kaupenda
- var einnig gert að greiða sjö aðilum 4 miiljónir með vöxtum
Hæstiréttur hefur dæmt 35 ára
mann, Pál Jónsson, í tveggja ára
fangelsi vegna stórfellds fjárdrátt-
ar og skjalafals. Brot sín framdi
maðurinn á árunum 1985 og 1986.
Hann var einnig dæmdur til aö
greiða sjö aðilum bótakröfur upp á
samtals um 4 milljónir króna ásamt
vöxtum frá þeim árum. Maðurinn
hefur verið búsettur í Svíþjóð á síð-
ustu misserum.
Samkvæmt ákæru var maðurinn
umboðsmaður spænska félagsins
Soumi Sun Spain sem selur hús.
Hann notaði meðal annars fölsuð
skjöl til að blekkja fólk hér á landi
til að kaupa sumarhús á Spáni.
Maðurinn falsaði undirskrift á
kaupsamning til að telja viöskipta-
vinum trú um að þeir hefðu greitt
inn á samninga. Hann bauð einnig
væntanlegum kaupendum í ódýrar
skoöunarferðir til Spánar - fargjöld
skyldu dragast frá kaupverði ef af
kaupum yrði.
Samkvæmt dómi í héraði dró
maðurinn sér rúmlega 5 milljónir
króna frá viðsemjendum sínum á
árunum 1985 og 1986. Þar af notaði
hann 4,7 milljónir til eigin þarfa en
um 700 þúsund til að greiða inn á
hús annarra en þeirra sem inntu
greiðsluna af hendi. Guðjón Mar-
teinsson, sakadómari í Reykjavík,
kvaö upp héraðsdóminn í mars síð-
astliðnum. Dóminum var áfrýjað
að ósk ákærða.
í Hæstarétti var maðurinn hins
vegar dæmdur til greiöslu skaða-
bóta, liðlega fjögurra milljóna
króna ásamt vöxtum. Samkvæmt
verðlagi nú eru kröfurnar frá ofan-
greindum tíma orðnar mun hærri.
Tvær ákærur voru gefnar út á
hendur manninum - önnur fyrir
skjalafals en hin, sem var umfangs-
meiri, fyrir fjárdrátt. Stærri ákær-
an, gefm út árið 1988, var í ellefu
liðum. í Hæstarétti var sakborn-
ingurinn sakfelldur að fullu sam-
kvæmt níu ákæruliðum, að hluta
til af þriðja lið en sýknaður af 11.
ákæruliö vegna sönnunarskorts.
Viö málflutning í Hæstarétti féll
ríkissaksóknari frá ákærunni
vegna skalafalsins, gefinni út áriö
1986, og B-lið ákærunnar frá 1988.
Hæstiréttur staðfesti ákvöröun
héraðsdóms um refsingu yfir
manninum - tveggja ára fangelsi.
Samkvæmt því er hinn áfrýjaði
dómur þyngdur yfir manninum í
ljósi þess að hann var sýknaður af
annarri ákærunni en að hluta til
af liinni. Árið 1983 var sami maður
dæmdur í þriggja mánaða skilorös-
bundna fangelsisrefsingu fyrir
fjárdrátt.
Sakborningur var dæmdur til að
greiða áfrýjunarkostnað, saksókn-
aralaun og málsvarnarlaun skip-
aðs verjanda síns, Hilmars Ingi-
mundarsonar hæstaréttarlög-
manns.
Dóminn í Hæstarétti kváðu upp
hæstaréttardómararnir Guðmund-
ur Jónsson, Benedikt Blöndal,
Hjörtur Torfason og Hrafn Braga-
son og Gunnar M. Guðmundsson
hæstaréttarlögmaður. -ÓTT
Lóð, land og fasteignir skipasmíðastöðvarinnar Stálvíkur hf. voru slegnar Iðnlánasjóði á 35 milljónir króna á upp-
boði sem fram fór á vegum bæjarfógetans í Hafnarfirði í gær. Landsbankinn bauð einnig í eignir Stálvíkur en hætti
að bjóða við 31 milljón. Þegar Stálvik fór i þrot voru fasteignir fyrirtækisins metnar á um 190 milljónir. Á mynd-
inni sjást Ólafur Hauksson uppboðshaldari og Stefán Melsted, lögfræðingur Iðnlánasjóðs, skiptast á skjölum.
DV-mynd Brynjar Gauti
Ólympíuskákmótið:
Jaf nt gegn Bandaríkjamönnum
Jóhann Hjartarson yfirspilaöi
stórmeistarann Federovic algerlega
á 4. boröi í viðureign íslands og
Bandaríkjanna í 10. umferð ólympíu-
skákmótsins í gær og gafst Federovic
upp eftir 40 leiki, saddur lífdaga. Þaö
var eini sigurinn á Bandaríkjamönn-
unum í leiknum sem lauk með jafn-
tefli, 2-2. Seirawan og Helgi, svart,
geröu jafntefli á 1. borði í 25 leikjum
þar sem Helgi jafnaði taflið fljótt.
Margeir og Gulko sömdu um jafn-
tefli eftir 16 leiki en á 3. boröi tapaði
Jón L. fyrir Joel Benjamín, lék af sér
í miðtaflinu.
Helstu úrslit urðu þessi: Sovét-
Kúba 3,5-0,5, England - V-Þýskaland
2,5-0,5 og biðskák. Júgóslavía - A-
Þýskaland 2-1 og biðskák, Búlgar-
ía - Tékkóslóvakía 2,5-1,5 og Sví-
þjóð - júgóslavía B 2-2. Eftir 10 um-
ferðir er staða efstu þjóða þannig: 1.
Sovétríkin 28 v. 2. England 26,5 (1)
3. Júgóslavía 25 (1) 4. Búlgaría 25 v.
5-7. USA, Tékkóslóvakía og Júgó-
slavía C 24,5 v. 8. V-Þýskaland 24 (1)
9-12. ísland, Svíþjóð, Júgóslavía B
og Portúgal 24 v. í dag er ekki tefit,
fridagur.
ÞG/-hsím
Þjóðhagsspá iðnrekenda:
Hagvaxtaraukning háð
framkvæmdum við álver
Ætli ríkisstjómin sér að vera trú-
veröug um þá stefnu að ná niður
verðbólgunni þá þarf hún aö gæta
meira aðhalds í fjármálum og pen-
ingamálum heldur en gert er ráð fyr-
ir í fjárlagafrumvarpi hennar og út-
rýma fjárlagahallanum. Auka verð-
ur hagræðinguna í grunngerö at-
vinnulífsins, jafnt í sjávarútvegi,
landbúnaði sem öðrum atvinnu-
greinum, svo sem bankastarfsemi og
ríkisrekstri.
Þetta eru mikilvægustu úrlausnar-
efnin í hagstjóm íslendinga, að mati
Félags íslenskra iðnrekenda. Félagið
hefur nú gert opinbert mat sitt á
þjóðhagshorfum á íslandi næsta
árið.
Mat iðnrekenda er að hefjist fram-
kvæmdir við nýtt álver þegar í upp-
hafi næsta árs megi búast við allt að
4% vexti í iðnaðarframleiðslu og 3%
hagvexti á árinu 1991. Verði hins
vegar ekki af framkvæmdunum bú-
ast þeir einungis viö 1% vexti í iðnað-
arframleiðslu og 0,5% hagvexti.
í efnahagsspánni segir að dræmar
horfur séu um vöxt útflutningstekna
næstu tvö árin og búast megi við að
útflutningur vöru og þjónustu drag-
ist saman um 1,5% á næsta ári eða
svipað og á yfirstandandi ári. Hins
vegar telja iönrekendur líklegt að
fiskverð á erlendum mörkuðum
haldi áfram að hækka. í ár er gert
ráð fyrir að það hækki um 12% í er-
lendri mynt en á næsta ári gerir spá-
in ráð fyrir 7 til 8% hækkun.
Hvort heldur sem af byggingu nýs
álvers verður gerir spá iðnrekenda
ráð fyrir vaxandi innlendri eftir-
spurn og minnkandi útflutningi á
næsta ári. Verði ekki af framkvæmd-
um við álverið er gert ráð fyrir að
viðskiptahallinn geti orðið allt að
4,5% af landsframleiöslu en í ár er
búist við að hann verði um 2%. Hins
vegar gera iðnrekendur ráð fyrir að
áframhald verði á batnandi viö-
skiptakjörum íslands við útlönd,
enda verði ekki breyting á meðal-
gengi krónunnar og háu ftskverði. í
ár er gert ráð fyrir viðskiptakjara-
bata upp á 1% en í spá iðnrekenda
fyrir næsta ár er hann áætlaður eilít-
ið minni.
Samkvæmt spánni er gert ráð fyrir
9 til 10% verðbólgu á næsta ári sem
er aðeins meiri veröbólga en Þjóð-
hagsstofnun gerir ráð fyrir. Þrátt
fyrir þessar horfur á vinnumarkaö-
inum gerir spáin ráð fyrir að hækk-
un launa á milli ára geti numið um
9 til 11,5%. Einnig spá iðnrekendur
svipuðu atvinnuleysi og í ár, eða sem
samsvarar um 2%, komi ekki til auk-
in umsvif. Verði til dæmis af fram-
kvæmdum við nýtt álver megi gera
ráð fyrir að atvinnuleysiö minnki um
allt að íjórðung.
-kaa
Hraðfrystihúsið á Stokkseyri:
Greiðslustöðvun framlengd
Hraðfrystihúsið á Stokkseyri hef-
ur fengið greiðslustöðvun fram-
lengda um tvo mánuði en hún átti
að renna út nú um mánaðamótin.
Að sögn Garðars Garðarssonar,
lögmanns fyrirtækisins, er vinna við
undirbúning á nauðasamningi vel á
veg komin. Nauðasamningur felur í
sér að kröfuhafar í ákveðinni röð
gefa eftir hluta af kröfum sínum.
Stærstu kröfuhafar í Hraðfrysti-
húsiö eru Landsbanki íslands, Fisk-
veiðasjóður og Rikissjóður.
-J.Mar
Áburðarverksmiöja ríkisins:
Bruninn í ammoníaksgeyminum ekki hættulegur
- að mati Rannsóknarlögreglu ríkisins
Niðurstaöa rannsóknar Rann-
sóknarlögreglu ríkisins er sú að lítil
sem engin hætta hafi veriö á ferðum
fyrir borgarbúa er kviknaði í einum
ammoníaksgeymi Áburðarverk-
smiðjunnar þann 15. apríl s.l.
í fréttatilkynningu frá RLR segir
um afleiðingar og hættur samfara
brunanum: Við bruna ammoníaks-
ins myndaðist nær eingöngu köfnun-
arefni og vatn. Hætta á eitruðum loft-
tegundum var því ekki fyrir hendi,
ef undan er skilin einhver myndun
köfnunarefnisoxíða líkt og gerist í
hverjum öðrum eldsvoða. Bruni
ammoníaksins kom því í veg fyrir
að eitruö ammoníakský gætu borist
til svæða í nágrenni verksmiðjunnar,
en slíkt hefði hugsanlega getaö gerst
ef ammoníak heíði streymt úr geym-
inum án þess að brenna.
Þegar ammoníaksvökvinn var guf-
aður upp við brennsluna og þrýsting-
urinn tekinn að lækka er líklegast
að eldurinn hefði smám saman dáið
út.
Þá hefði skapast hætta á að loft
kæmist inn í geyminn og blandaðist
ammoníaksloftinu, sem eftir var, í
þeim mæli að þar myndaðist sprengi-
fim blanda.
Ef geymirinn hefði sprungiö hefði
mátt ætla að höggbylgjan hefði getað
valið mannskaða í 25 metra fiarlægö
frá sprengistað og eyðileggingu bygg-
inga í meira en 50 metra fiarlægð og
rúðubrotum í 250 metra fiarlægð.
Líkur á svo sterkri sprengingu eru
ekki taldar hafa verið fyrir hendi.
-J.Mar