Dagblaðið Vísir - DV - 11.04.1991, Blaðsíða 40
í5|BSS*:;í
1“ r\
Hafir þú ábendingu eða vitneskju um frétt, hringdu
þá í síma 62-25-25. Fyrir hvert fréttaskot, sem birt-
ist eða er notað í DV, greiðast 2.000 krónur.
Fyrir besta fréttaskotið í hverri viku greiðast 5.000
krónur. Fullrar nafnleyndar er gætt. Við tökum við
fréttaskotum allan sólarhringinn.
Frjálst,óháð dagblað
FIMMTUDAGUR 11. APRÍL 1991.
Halldór Ásgrímsson:
Sýningin óháð
hvalveiðum
„Ég sé nú enga ástæðu til að blanda
' heimssýningunni á Spáni og hval-
veiðum okkar saman. Ég tel að hval-
veiðar eigi að hefjast í ár en er ekki
bjartsýnn á að þær geri það. Við höf-
um undirbúið okkar mál varðandi
nýtingu þessara auðlinda. Gögnin
verða lögð fyrir Alþjóða hvalveiði-
ráðið á fundinum í vor og leitað sam-
komulags. Ef það næst ekki stöndum
við frammi fyrir því að segja okkur
úr þeim samtökum og stuðla að
stofnun nýrra í samvinnu við aðrar
þjóðir,“ sagði Halldór Ásgrímsson
sjávarútvegsráðherra við DV.
Steingrímur Hermannsson forsæt-
isráðherra sagði í blaðinu í gær að
íslendingar mættu alls ekki hefja
hvalveiðar án samþykkis Alþjóða
** hvalveiöiráðsins. Að öðrum kosti
gætum við gleymt heimssýningunni
á Spáni og ímynd þess íslenska
hreinleika sem ætlað er að halda á
lofti þar. -hlh
Útvarpiðorsakaði
fimm bíla árekstur
Fimm bíla árekstur varð í Kópa-
vogi í gær og orsakaðist af því að
ökumaður eins bílsins hafði litið af
. veginum er hann var að stilla út-
varpstæki. Tveir voru fluttir á slysa-
deild.
Áreksturinn varð við umferðarljós
á Kársnesbraut, skammt vestan við
gatnamótin á Nýbýlavegi og Daltúni
um klukkan fimm síðdegis. Fjórir
bílar voru svo aö segja kyrrstæðir
við umferðarljósin þegar fimipti bíll-
inn kom að. Ökumaðurinn þess bíls
var að stilla útvarpið og athugaði
ekki hvað var framundan. Lenti bíll-
inn aftan á þeim aftasta. Síðan köst-
uðust bílarnir hver á annan.
Ökumaður og farþegi í næstaftasta
bílnum kvörtuðu undan hálseymsl-
um og meiðslum á höfði. Þeir voru
fluttir á slysadeild. Mest tjón varð á
fimmta bílnum og þeim næstaftasta
•'* enhinirskemmdustminna. -ÓTT
Þjóf urinn skrúfaði
rúðuna úr
Rúða í sýningarbás hjá Karnabæ á
Laugavegi 66 var skrúfuð snyrtilega
úr gluggafagi einhvern tíma í nótt.
Þarna var greinilega þjófur að verki
sem ekki vildi gera hávaða né valda
skemmdum. Þegar þjófurinn hafði
tekið rúöuna úr og lagt hana til hlið-
ar tók hann til við að fjarlægja það
sem hann girntist. Verslunarstjóri,
sem kom að í morgun, sagði að sex
gallabuxur, skyrta og gallajakki
hefðu horfið úr sýningarglugganum
j sem er fyrir utan verslunina en ekki
í sjónmáli frá umferðinni á Lauga-
veginum. -ÓTT
LOKI
Þetta hafa verið einstök
snyrtimenni!
Þarf að grípa til
mjög harðra aðgerða
- segir Einar Oddur Kristjánsson, formaður Vinnuveitendasambandsins
„Ég lít svo á aö staðan sé þannig
núna að það þurfi að grípa til mjög
harðra efnahagsaðgeröa eftir kosn-
ingar ef ekki á að hljótast skaði af.
Við höfum varað við þessu oftsinn-
is. Fyrir um það bil ári vöruðum
við menn við þessum kosningum.
Það virðist sem við íslendingar
þolum ekki að fara i gegnum al-
þingiskosningar. Þá fer allt á fulla
ferð í efnahagsmálunum. Vissulega
getur þjóðarsáttin verið í hættu.
Þetta getur allt gliðnaö undan okk-
ur ef svo heldur fram sem horfir í
peningamálunum," sagði Einar
Oddur Kristjánsson, formaður
Vinnuveitendasambandsins.
Skuldasöfnun rikisins í Seðla-
bankanum jókst um næstum 9
mílljarða króna fyrstu þrjá mánuði
þessa árs en á sama tíma á fyrra
um aðeins 3 milUjarða.
Guðmundur Magnússon, próf-
essor í hagfræði við Háskóla ís-
lands, segir að mikil aukning á yfir-
drætti ríkissjóðs i Seðlabanka frá
áramótum hafi mikla hættu á
þenslu í för með sér og vel komi til
greina að banna ríkissjóði að ganga
með þessu hætti í bankann til að
ná sér 1 fé.
„Það þekkist erlendis að ríkis-
sjóðum sé hreinlega barrnað að fara
stöðugt í viðkomandi seðlabanka
til að ná sér i peninga. Ég tel að
það komi vel til greina hérlendis
að banna ríkissjóði að ganga svona
í Seðlabankann, Það er engin
ástæða til svona vinnubragða þeg-
ar kominn er upp þróaður peninga-
markaður. Auðvitaö á ríkissjóður
að fara út á markaðinn til að taka
lán ef fjárþörf hans eykst.“
Að sögn Guðmundar virðist rík-
íssjóður geta yfirdregið stjórnlaust
og einhliða i Seðlabanka innan árs-
ins án áætlana þótt reglur séu um
yfirdrátt rikissjóðs i bankanum
yfir árið í heild.
Valur Valsson, formaður Sam-
bands íslenskra viðskiptabanka,
hefur þetta að segja um aukinn
yfirdrátt í Seðlabanka: „Þessi yfir-
dráttur ríkisins í Seðlabankanum
eru augljós merki um þensluáhrif
og er mikið áhyggjuefni. Það eru
raunar fleiri bhkur á lofti um
aukna þenslu í efnahagslífmu.
Gjaldeyrisstaðan hefur versnað,
uppi eru mikil útgjalda- og lán-
tökuáform hjá opinberum aðilum
og það er aukin spenna á vinnu-
markaði.
Skuldasöfnun ríkissjóðs getur
augljóslega stefnt verðbólgumark-
miðum í ár í hættu. Það bendir
ýmislegt til þess að það verði erf-
iðara að fiármagna halla ríkissjóðs
innanlands á þessu ári en var í
fyrra. Þá tókst ríkinu að fiármagna
hallann með þvi að ýta fyrirtækj-
um í landinu út af lánsfjármark-
aðnum.
Þess vegna er nú mikilvægt að
menn nái tökum á halla ríkissjóðs
sem veldur þessum vandræðum og
haldi aftur af auknum lántökum
og útgjaldaáformum ríkissjóðs."
- JGH/Sdór.
- sjá einnig bls. 5
Sigrún kærð út
af kjörskrá
- kæran er markleysa, segir Páll Pétursson
Lögreglumenn halda á rúðunni sem þjófurinn fjarlægði.
DV-mynd S
Þórður Guðjohnsen, Ránargötu 6 í
Reykjavík, hefur kært Sigrúnu
Magnúsdóttur, borgarfulltrúa Fram-
sóknarflokksins, til borgarráðs
vegna kjörskrár. Ástæðan er sú að
Sigrún er gift Páli Péturssyni, al-
þingismanni og bónda á Höllustöð-
um í Syínavatnshreppi í Húnavatns-
sýslu. í kærunni segir að samkvæmt
lögum eigi hjón að eiga sama lög-
heimili nema þau hafi fengið skilnað
að borði og sæng. Því hafi lögheimili
Sigrúnar Magnúsdóttur flust sjálf-
krafa frá Skipasundi 56 i Reykjavík
að Höllustöðum þegar þau Páll og
Sigrún giftu sig. Því beri að strika
hana út af kjörskrá í Reykjavík við
alþingiskosningarnar.
„Það er einn af varaborgarfulltrú-
um Sjálfstæðisflokksins sem stendur
fyrir þessari kæru þótt þessi Þórður
skrifi undir hana. Varaborgarfull-
trúinn var búinn að hóta mér þessu
og segist ætla meö málið alveg upp í
Hæstarétt," sagöi Páll Pétursson í
Veðriö á morgun:
Hæg suð-
austanátt
Á morgun verður fremur hæg
suðaustanátt. Dálítil súld verður
á annesjum suðvestanlands en
úrkomulaust annars staðar.
Frost verður á bilinu 1 til 7 stig
en 11 stig á Hveravöllum.
samtali við DV í morgun.
Hann sagði að ef þessi kæra yrði
tekin til greina yrði Sigrún að segja
af sér sem borgarfulltrúi. Einnig
væri þetta gert til að koma höggi á
hann.
„Okkur Sigrúnu þykir vænt hvort
um annað og vildum heldur gifta
okkur en búa saman í óvígðri sam-
búð. Við fengum leyfi Hagstofu ís-
lands til að hafa sitt lögheimilið hvort
þar sem Sigrún verður að búa í
Reykjavík sem borgarfulltrúi. Hitt
er svo annað mál að kæran er mark-
leysa vegna þess að samkvæmt kosn-
ingalögum skal kjósandi kjósa þar
sem hann átti lögheimili sjö vikum
fyrir kjördag. Sigrún átti lögheimili
í Reykjavík sjö vikum fyrir kjördag
og þvi er ekki hægt að taka kæruna
til greina. Ég átti hins vegar ekki von
á að þessi varaborgarfulltrúi Sjálf-
stæðisflokksins væri sá drullusokk-
ur að láta verða af þessari hótun
sinni,“ sagði Páll Pétursson. S.dór
NEYDARHNAPPUR
frA vara
fyrir heimabúandi sjúklinga
og aldraða
0 91-29399
|
aya/ Aihiiða
öryggisþjónusta
VARI síðan 1 969