Dagblaðið Vísir - DV - 16.08.1991, Qupperneq 11

FÖSTUDAGUR 16. ÁGÚST 1991.
11
Utlönd
Björgunarmaður og skipbrotsmaður af prammanum sem sökk i Suður-Kínahafi í gær á leið um borð i þyrlu yfir
slysstaðnum. Símamynd Reuter
Þrettán fórust þegar prammi sökk:
Átta manna
enn saknað í
Suður-Kínahafi
Björgunarmenn, sem voru að leita
að skipbrotsmönnum af pramma
sem sökk á Suður-Kínahafi í gær,
fundu skipsflakið í morgun. Átta
manna úr áhöfn prammans er enn
saknað, þar af fjögurra sem eru inni-
lokaðir í loftlausu kafarahylki.
Prammanum hvolfdi í stórsjó og
fórust að minnsta kosti þrettán
manns. Þyrlur, skip og dráttarbátar
frá fjórum löndum hafa bjargað 174
mönnum úr sjónum á undanfómum
sólarhring.
„Við erum að leita á tveimur stöð-
um eins og stendur. Annars vegar
þar sem pramminn sökk og hins veg-
ar í kringum brakið úr honum sem
hefur borist með straumi og vind-
um,“ sagði leitarforinginn, Steve
Bridges, í viðtah viö útvarpið í Hong
Kong.
Vonir um að hægt verði að bjarga
mönnunum átta hafa dvínað þar sem
brak úr prammanum hefur flotiö um
fimmtíu kílómetra til vesturs í nótt.
Súrefnið í köfunarkúlunni átti að
þrjóta klukkan tíu í gærkvöldi að
íslenskum tíma. Talið er að þrír
þeirra sem fastir eru í hylkinu séu
Bretar. Áhafnarmenn sögðu að sá
fjórði væri frá Nýja-Sjálandi.
Stórfelldar björgunaraðgerðir hóf-
ust snemma í gær eftir að ástralskir
embættismenn heyrðu neyðarkafi
frá prammanum sem hvolfdi aðeins
nokkrum mínútum eftir að sjór
komst í hann um rifu á síðunni.
Áhöfn prammans, sem í voru 195
menn, þar á meðal Evrópubúar,
Bandaríkjamenn, Asíumenn og Ástr-
alir, stökk þá eða kastaðist frá borði.
Skip og flugvélar börðust við felli-
bylji í leit sinni að skipbrotsmönnun-
um. Tæpum sólarhring eftir slysið
var búið aö bjarga 174 og þrettán lík
höfðu fundist.
Pramminn var notaður til olíu-
vinnslu og leitar og var hann í eigu
fyrirtækis í Singapore. Björgunar-
sveitarmenn sögðu að skipið lægi á
hafsbotni á um 75 metra dýpi.
Kafarar, þar á meðal nokkrir af
kínversku skipi, voru að kanna hvort
kafarahylkið með mönnunum fjór-
um væri fast við prammann, að sögn
björgunarmanna.
„Ég verð að leggja áherslu á það
að ekki er hægt að búast við að
mennirnir haldi lífi öllu lengur ef
þeir eru þá enn á lífi,“ sagöi Trevor
Berry sem stjórnar leitinni.
Ljósmyndari frá Reuters-fréttastof-
unni, sem fór yfir svæðið í þyrlu í
morgun, sagði að veðurskilyrði
hefðu batnað mikið frá þvi í gær.
Reuter
ÞÚ GETUR EKKI
TAPAÐÁÞVÍ AÐ
HLUSTA Á STJÖRNUNA
í DAG
HAPPA-LÍNA STJÖRNUNNAR
ER 679102