Alþýðublaðið - 07.06.1967, Blaðsíða 4

ÍMMMM)
Rltstjórl: Benedikt Gröndal. Símar 14900—14903. — Auglýsfngasfml:
14900. — Aðsetur: Alþýðuhúsiö við Hverfisgötu, Rvík. — Prentsmiðja
Aiþýðublaösins. Sfmi 14905. — Áskriftargjald kr. 109.00. — t Iausa-
sölu kr. 7.00 eintakið. — Útgefandi: Alþýðuflokkurlnn.
STYRJÖLDIN
HÖRMULrEGIR atburðir hafa gerzt í Austurlönd-
um nær. Styrjöld er hafin milli Arabaríkja og ísra-
els. Eins og fyrri daginn, þegar bardagar hefjast, er
erfitt að átta sig á, 'hver hleypti af fyrsta skotinu.
Hitt er augljóst, hver skapaði þá spennu, sem orðið
hefur orsök styrjaldarinnar. Það var forseti Egypta-
lands, Nasser, sem vó að lífsbagsmunum Ísraelsríkis
með lokun Akabaflóa og hótun um stöðvun siglinga
til hafnarborgar ísraels þar. Þetta gerði harm, þótt
Sam. þjóðirnar hafi lýst flóann alþjóðlega siglingaleið-
Hann kærði sig og kollóttan um, þótt meginhluti sigl-
ingaþjóða heims litu eins á málið. Hann hefur líklega
þótzt báðum fótum í jötu standa, þar sem hann hafði
Sovétríkin ein stórveldanna sínum megin. í trausti á
þau gekk hann gegn samþykkt Sameinuðu þjóðanna
og almenningsáliti í lýðfrjálsum löndum. Afleiðingin
hefur orðið styrjöld. Þetta er ekki í fyrsta skipti sem
alheimskommúnisminn sýnir, að hann hefur meiri á-
huga á upplausn og ringulreið en friði.
Afstaða vestrænu stórveldanna, Bandaríkjanna,
Bret'a og Frakka, um hlutleysi í þessum átökum er
hyggileg. Vonandi tekst öryggisráðinu að koma á
r
vopnahléi, áður en miklar hörmungar hafa gerzt. A
þá vogarskál munu íslendingar leggja lítið lóð sitt.
SIRKUSINN
ALÞÝÐUBLAÐIÐ hefur oftar en einu sinni beint
þeirri fyrirspurn til Þjóðviljans, hvernig Alþýðubanda
lagið muni greiða atkvæði á Alþingi um kjörbréf upp
bótarmanna, sem landskjörstjórn væntanlega úthluti
þingsæti vegna atkvæða I-listans. Þjóðviljinn hefur
ekki fengizt til þess að svara. Forsætisráðherra beindi
sams konar fyrirspurn til formanns þingflokks Al-
þýðubandalagsins í sjónvarpsviðtali í fyrrakvöld.
Hann fékkst ekki heldur til þess 'að svara. Þetta er
sar.nrrlegá athyglisvert. -
Alþýðublaðið hefur þegar sagt, að hér sé um vanda
mál að ræða, sem athuga þurfi gaumgæfilega. En Al-
þuðubandalagið taldi í upphafi hér ekki vera um
vanda að ræða. Það afneitaði Hannibal Valdimars-
sýni og lista hans, og Þjóðviljinn taldi I-listann utan
flokka. Af þeirri áfstöðu var aðeins hægt að draga
eina álvktun: Að Alþýðubandalagið mundi standa
við þessa skoðun á Alþingi og telja listannutanflokka.
Þá ályktun hafa hvorki formaður þingflokksins né
Þjéðviliirm viljað staðfesta. Það er út í bláinn að
svara með því að heimta að aðrir flokkar taki fyrst af
stöðu til málsins. Hér er um að ræða mál, sem fyrst
cg fremst snertir Alþýðubandalagið. Þegar aðrir flokk
ar móta afstöðu sína til málsins, þurfa þeir m. a. að
hafa hliðsjón af því, hvernig Alþýðubandalagið sjáKt
lítur á þann sirkus, sem nú er sýndur á vegum þess.
4 7. júní 1967 — ALÞÝ0UBLAÐIÐ
Bótagreiöslur almannatrygginganna
/ REYKJAViK
Útborgun ellilífeyris hefst að þessu sinni fimmtudaginn 8. júní.
Útborgun annarra bóta, þó ekki fjölskyldubóta, hefst mánudaginn 12.
• r r X
jum.
!>: Útborgun fjölskyldubóta, með þremur börnum eða fleiri í fjölskyldu,
hefst fimmtudaginn 15. júní.
Útborgun fjölskyldubóta með einu eða tveimur börnum í fjölskyldu,
hefst þriðjudaginn 20. júní.
Bætur greiðast gegn framvísun nafnskírteinis bótaþega.
TRYGGINGASTOFNUN RÍKISINS.
★ ALMENNINGSGARÐUR
REYKVÍKINGA.
Borgarbúi skrifar: „Heiðmör.k er
útivistarsvæði og almenningsgarður Reykvíkinga.
Þangað leggur leið sína fjöldi fólks allt' sumarið,
en þó sérstaklega um helgar, þegar gott er veður,
enda er staðurinn einkar vel fallinn til útivistar.
Kjarrið og bollarnir í hrauninu veita afdrep og
skjól og umhverfið er hlýlegt og aðlaðandi. Á síð-
ustu árum hefur gróðurinn fært út kvíarnar til
mikilla muna og þarna vaxa nú orðið alls konar
grös og blómjurtir. Oft er líka talsvert um ber í
Heiðmörk, þegar líður á' sumarið, einkum bláber
og krækiber. Eitt.skortir þó á, að bæjarbúar geti
að fullu notfært sér þetta prýðilega útivistarsvæði.
Stjórn borgarinnar hefur láðst að skipuleggja al-
menningsferðir í Heiðmörk. Þangað ganga engir
strætisvagnar, þótt ótrúlegt sé. Þetta er furðulegt
sleifarlag og algerlega óviðunandi.
★ STRÆTIS V AGNAFERÐIR
í HEIÐMÖRK.
í raun og veru ætti ekki að þurfa
að fjöiyrða um svo sjálfsagðan hlut eins og strætis-
vagnaferðir í Heiðmörk. En staðreyndin er þó sú,
að við getum komizt svo að segja, hvert á land
sem er á sómasamlegan hátt og með skikkanleg-
um tilkosínaði, nema í okkar eigin almennings-
garð, þangað liggur að vísu vegnefna, en farar-
tækið, sem ætti að flytja fólkið á staðinn, fyrir-
finnst ekki. Auðvitað eiga margir bíl sjálfir og
geta komizt bæði þetta og annað á eigin spýtur.
En það leysir ekki stjórn bæjarins undan þeirrl
skyldu að gera öðrum kleift að komast þessa leið
fram og til baka með eðlilegum hætti.
Líklega væri heppilegast að skipu-
leggja strætisvagnaferðir í Heiðmörk þannig, að
ekið væri hringinn, upp hjá Rauðhólum og niður
hjá Vífilsstöðum, með viðkomustöðum á leiðinni
eftir þörfum. Lágmarkskrafan ætti að vera aö
strætisvagnar gengju í Heiðmörk um helgar þrjár
til fjórar ferðir á dag yfir sumartímann, svo að
allir bæjarbúar ættu þess kost að njóta hollrar
útiveru í þessum ágæta almenningsgarði borgar-
innar.”
Mér sýnist bréfritari hafa lög að
-mæla, og raunar hefur mig oft furðað á því,
að ekki skuli fyrir löngu vera búið að taka upp
strætisvagnaferðir í Heiðmörk. Staðurinn er ein-
staklega vel til þess fallinn að dvelja þar á góð-
viðrisdögum að sumrinu. Ef skipulagðar væru ferð-
ir þangað um helgar, gæti fólk skroppið þetta, eftir
því sem á stæði,strax að morgni eða þá ekki fyrr
en eftir hádegi, án þess að kosta miklum pening
til. Vonandi rekur borgarstjórnin af sér slyðru-
orðið í sumar og tekur upp fastar strætisvagna-
ferðir í Heiðmörk, — þá fyrst verður þetta raun-
verulega almenningsgarður Reykvíkinga, — fyrr
ekki. — S t e i n n .