Dagur - 22.04.1982, Blaðsíða 9

Gudný Bjurnudóttir í vigahug.
SASSAFRASTRÉN Á DALVÍK
Næstkomandi föstudagskvöld
frumsýnir Leikfélag Dalvíkur
gamanleikinn „Það þýtur í
sassafrastrjánum“ eftir Réne
De Obaldia í þýðingu Sveins
Einarssonar.
Pegar blaðamann bar að garði
sl. föstudagskvöld var stemmn-
ingin í samkomuhúsinu á Dalvík
eins og á villtavestursknæpu árið
1870, rykfallnnir kúasmalar gerðu
sér dælt við léttúðugar gleðikonur
á meðan miðaldra skottulæknir
rændi barþjóninn og lagði fúlguna
undir í póker við fáklæddan indí-
ána Og lögreglustjórann. í þann
mund sem allt leit út fyrir blóðug
átök út af léttlætisdrósinni, var
hurðinni hrundið upp og sjálfur
leikstjórinn birtist í gættinni með
sígarettuna lafandi, skipandi svo
fyrir að æfing skyldi hefjast.
Æfingin hófst og kom þá í ljós,
eins og blaðamanninn hafði lengi
grunað, að leikurinn er nokkurs
konar skopstæling á hinni klass-
ísku kúrekamynd og kúreka-
ímyndinni margfrægu. Sögu-
þráðurinn kemur engum á óvart;
Landnemafjölskylda guðrækin og
heiðarleg fréttir af því að illræmd-
asti bófaflokkur Arisónafylkis
sem öllum stendur ógn af, hafi
gengið til liðs við indíánana á
svæðinu og ætli þeir í sameiningu
að útrýma byggðum hvíta manns-
ins og setjast síðan að góssinu
með öllum þeim gögnum og gæð-
um sem því fylgja.
Umkringd herskáum og blóð'
þyrstum indíánum bíða þau milli
vonar og ótta þess sem koma skal
og var ekki laust við að hrollur
settist að blaðamanninum þegar
sjálfur höfðingi rauðskinnana.
hinn illræmdi ógnvaldur vesturs-
ins, Fránauga, birtist ber að ofan
og illúðlegur inni í stofu hjá bless-
uðu bændafólkinu og gefur þeim
frest til að láta af hendi heimasæt-
una ungu og spengilegu sér til
eignar og afnota en láta lífið ella á
kvalarfullan hátt.
En eins og hefðin segir til um,
lýkur þessu með „Happy ending,,
og blaðamaðurinn snýtir burt
gleðitárin hrærður í huga, ákveð-
inn í að hvetja sem flesta til að sjá
leikritið á Dalvík, enda sýningar á
þriðjudags-, föstudags- og sunnu-
dagskvöldum kl. 9.
Leikarar engu
siðn her . . .
Guðjón Pedersen heitir sá sem
hefur veg og vanda að sýning-
unni og náðum við af honum
tali í pásu á meðan indíána-
höfðinginn skálaði í eldvatni
við landnemafjölskylduna og
reykti friðarpípu með hvíslar-
anum og Ijósamanninum.
Guðjón sagði að æfingar hefðu
staðið yfir frá fyrsta mars og væri
stefnt að frumsýningu þann 23.
apríl.
„Ég er tiltölulega nýr í bransan-
Guðjón Pedersen leikstjóri.
um,“ sagði Guðjón, aðspurður
um fyrri afrek. „Ég útskrifaðist úr
Leiklistarskólanum sl. vor og hef
síðan tekið þátt í sýningu Þjóð-
leikhússins á Dansi á rósum eftir
Steinunni Jóhannesdóttur og
uppfærslu LA á Þrem systrum
eftir Tsékov. Þá er ég einn af
stofnendum og leikhússtjóri
„Theatre of joy colour and discip-
line“ sem stendur fyrir heim-
sóknum erlendra leikara hingað
til lands og götusjónleikjum ým-
iskonar. Þá hélt ég framsögunám-
skeið með Trésmiðafélagi Akur-
eyrar og var það mjög gaman fyrir
báða aðila. Ég hef ekki starfað
með áhugamannaleikhúsi áður og
er það stórskemmtileg reynsla,
það er jú mjög ólíkt atvinnuleik-
húsi eins og nærri má geta, þó svo
að hér séu leikarar engu síðri en
atvinnumenn, nema hvað reynsl-
una varðar.“
Aðspurður um framtíðina kvað
hann hana vera leyndarmál en
vildi að lokum segja þetta: „Ég
vona að Agureyringar verði brún-
ir í sumar.“
ANNA LISA
Helgi Már Barðason:
í Dynheimum er Leikklúbb-
urinn Saga aö leggja síöustu
hönd á æfingar á hinu nýja
leikriti Helga M. Baröasonar
„Anna Lísa“. Alls staðar er
unnið af eldmóði við undir-
búning og andrúmsloftið
þrungið eftirvæntingu og
þeirri spennu sem fylgir því að
frumsýningardagurinn færist
nær’ Baksviðs situr einn við
símann og falar Ijóskastara af
skólum bæjarins ýmist með
fortöium eða hótunum. Ann-
ar situr sveittur við ritvélina
og hraðar sér við að klára
fréttatilkynningu áður en æf-
ingin byrjar. AJIt í kring eru
leikararnir að koma sér í bún-
inga og laga sig til. „Hvar er
svuntan mín?“ „Eru kastar-
arnir komnir?“ „Guð, ég
gleymdi skónum heima.“
Uppi í sal situr leikstjórinn og
gefur „nótur“ frá síðuastu
æfingu. „Þú komst vitlausu meg-
in inn í skiptingunni,“ og sá sem
í hlut á, lofar að koma réttu
megin næst. „Og þú dast út úr
hutverkinu þegar þú varst búin
með setninguna þína.“
Og með þetta veganesti hella
krakkarnir sér út í leikritið
af lífi og sál.
Leikritið fjallar um stúlkuna
Önnu Lísu á þrem aldurskeið-
um. í fyrsta þætti er hún 14 ára, í
öðrum þætti 18 ára og í síðasta
þætti er hún orðin 22 ára gömul
og horfir dreymnum huga til for-
tíðarinnar. Auk hennar koma
við sögu fjölskylda hennar, kær-
asti, gömul frænka og kunningj-
ar. Leikritið gerist á Akureyri en
getur þó átt sér stað hvar sem er.
Það er skrifað í gáskafullum tón
með alvarlegu ívafi og ætti að
vera hin besta skemmtun fyrir
fólk á öllum aldri, sérstaklega
væri unglingum hollt að fara á
sýninguna, enda ættu þau að
geta séð sjálfa sig þar.
-
Höfundur leikritsins Anna
Lísa, er 22 ára gamall Akureyr-
ingur, Helgi M. Barðason að
nafni. Við inntum hann nánar
eftir tilurð verksins.
„Ég hef lengi látið mig dreyma
um að skrifa svona leikrit í fullri
lengd. Áður hef ég dálítið fengist
við að búa til ljóð og svb hef ég
skrifað grínþætti fyrir skemmtan-
ir o.þ.h. en þetta er fyrsta stóra
leikritið sem ég skrifa. Ég hef
lengi gengið með nokkrar hug-
myndir í maganum en svo
ákváðum við í haust að athuga
hvort ég gæti gert þetta, svo ég
settist niður og leist þá einna best
á hugmyndina að Önnu Lísu,
enda er það efni sem ég þekki
einna best. Persónurnar hef ég
fyrir augunum daglega í starfi
Leikstjóri ásamt leikendum. Aftari röd f.v.: Guðrún Guðmundsdóttir, Helgi M. Barðason, Þrcstur Guðbjarts-
son, Adolf Erlingsson og Guðbjörg Guðmundsdóttir. Fremríröðf.v.: Magnus Sigurólason, LaufeyBirgisdóttir,
lnga Gunnlaugsdóttir, Sóley Guðmundsdóttir, Kristfn GunnarsdóttirogJóhann Pálsson. Á myndina vantarSig- F.v. Inga Gunnlaugsdóttir, Sóley Guðmundsdóttir (Anna Lísa) og Krístín Gunnars-
urð Ólason._________________________________ dóttir:
mínu og eiga þær sér allar stoð í
raunveruleikanum, þó svo að
hver þeirra fyrir sig eigi sér enga
ákveðna fyrirmynd.
Krakkarnir sem leika í leikrit-
inu tóku flest þátt í leiklistarnám-
skeiði hjá okkur fyrir jólin og
hafði ég þau í huga þegar ég skrif-
aði leikritið, þannig að val í hlut-
verk kom mér ekki á óvart.“
- Ætlarðu að halda áfram að
skrifa?
„Já, ég á örugglega eftir að
skrifa meira einhverntíman, en
hvað og hvenær veit ég ekki.“
Úr akureyrskum
jarðvegi
Leikstjóri „Önnu Lísu“ heitir
Þröstur Guðbjartsson og hef-
ur hann leikið með LA í vetur.
Við tókum hann tali þegar
Anna Lísa blés mæðinni eftir
stormasamt tímabil á 19. ár-
inu og bjó sig undir 22.
aldurárið.
- Hvenær byrjuðuð þið að
æfa hér?
„í byrjun mars. Mig minnir að
3. mars hafi ég valið í hlutverk-
in. Samstarfið við krakkana hef-
ur verið dæmalaust gott og
skemmtilegt. Þetta hefur á
margan hátt verið ólíkt öðru
sem ég hef fengist við. Þegar
maður leikstýrir svona nýju
verki, sem er í þróun á meðan
æfingar fara fram, er þetta nátt-
úrlega erfiðara en þegar maður
hefur haft tíma til að undirbúa
sig en það erlíka skemmtilegra.
Þá er þessi hópur óvenjulegur,
margir byrjendur og yngra fólk
en maður á að venjast."
- Og að lokum?
„Ég vona bara að sem flestir
komi og sjái sýninguna okkar og
þá sérstaklega vegna þess að hér
er á ferðinni nýtt verk eftir nýjan
höfund, Akureyring, sem skrif-
ar úr Akureyrarjarðvegi og líka
vegna þess að hér leika fullt af
nýjum krökkum sem e.t.v. eiga
eftir að gera garðinn frægan á
fjölunum síðar.“
Felldu Þingeyinga
Um síðustu helgi var háð mikil
bridgekeppni í Þelamcrkur-
skóla. Þar áttust við Eyfirðing-
ar og Þingeyingar og unnu þeir
fyrrnefndu bikar til eignar, sem
Dagur gaf fyrir þrem árum.
„Við erum farnir að svipast um
eftir öðrum bikar,“ sagði Vík-
ingur Guðmundsson formaður
bridgedeildar UMSE, kampa-
kátur eftir sigurinn. Þetta var í
tíunda skiptið sem lið frá þess-
um sýslum áttust við.
Sþilamennirnir voru þungt
hugsi yfir gröndum, slemmum og
doblum, þegar blaðamann Dags
bar að garði sl. sunnudag. Alls
tóku 88 spilamenn þátt í
keppninni, þeir spiluðu á 22 borð-
um og voru 11 sveitir frá hvorum
aðila. Soffía Guðmundsdóttir
bridgemaður frá Akureyri, gekk á
milli og sá um að allt færi sam-
kvæmt settum reglum - hún var
mótsstjóri með öðrum orðum.
„Ég lét þá plata mig í þetta,“ sagði
Soffía brosandi.
Úrslit keppninnar urðu þau að
Eyfirðingar hlutu 160 stig, en
Þingeyingar 60. Ef ætti að nefna
árangur einstakra sveita mætti
byrja á þingeysku sveitinni, sem
spilaði á fyrsta borði, en hún vann
20:0. Á þriðja borði var sveit Vor-
boðans og sigraði hún með sama
stigafjölda. „Þessar keppnir hóf-
ust árið 1964. Ég' hef ekki getað
fengið upplysingar um það hver
gaf fyrri bikarinn, en Þingeyingar
unnu hann árið 1978 í Ljósvetn-
ingabúð. Árið eftir var ekki
spilað, en síðan hefur þetta verið
árviss atburður. Nú vorum við
sem sagt að spiia um bikarinn,
sem Dagur gaf á sínum tíma. Ey-
firðingar höfðu unnið tvisvar og
fengu hann nú til eignar.“
Það var Ungmennafélagið
Dagsbrún sem annaðist móts-
haldið og bauð gestum upp á há-
degisverð og kaffi í Þelamerkur-
skóla. Gísli Pálsson formaður
UMSE, afhenti Víkingi Guð-
mundssyni bikarinn í mótslok.
Víkingur sagði í samtalinu að
hann vildi koma á framfæri sér-
stöku þakklæti til skólayfirvalda í
Þelamerkurskóla fyrir lánið á
húsnæðinu.
Og úr því að við erum farin að
ræða um bridge á annað borð er
ekki úr vegi að minnast þess að nú
er Eyjafjarðarmótinu nýlokið í
20. skipti Að þessu sinni sigraði
sveit Dagsbrúnar, en í henni eru
Víkingur Guðmundsson, Einar
Bergsveinsson, Þorsteinn Frið-
riksson og Eyþór Gunnþórsson.
„En A-sveit Ungmennafélags
Svarfdæla hefur unnið þetta mót
17 sinnum,“ sagði Víkingur að
lnknm.
Nr. 1: F.v. Eyþór Gunnlaugsson,
Þorsteinn Friðriksson, Einar
Bergsveinsson og Víkingur
Guðmundsson. Þessir kappar
unnu Eyjafjarðarmótið fyrir
skömmu.
Nr. 2: Víkingur Guðmundsson
með bikarinn góða, sem Eyfirð-
ingar unnu til eignar.
Nr. 3: Sigursveit Þingeyinga í hér-
aðskeppni Þingeyinga, keppti að
sjáifsögðu á mótinu í Þelamerk-
urskóla. Aftari röð f.v. Ingólfur
Ingólfsson, Þorsteinn Glúmsson,
Sveinn Tryggvason, Dagur
Tryggvason. Fremri röð f.v. Ben-
óný Arnórsson og Þormóður Ást-
valdsson.
Nr. 4: Og þá komum við að þeim
sem spiluðu fyrir Ungmennafélag
Svarfdæla. F.v. Eiríkur Helga-
son, Stefán Jónsson, Kristján
Jónsson og Jón Jónsson.
Ljósm.: áþ.
Bridge:

N
8 - DAGUR - 22. apríl 1982
—mmmmmmmmmm—mS
22. apríl 1982 - DAGUR - 9