Dagur - 12.04.1983, Blaðsíða 7

Ingvar Gíslason, menntamálaráðherra:
Ur sögu Verkmennta-
skólans á AJkureyri
Undanfarin 4-5 ár hafa staðið
yfir umræður, undirbúningur og
verklegar framkvæmdir varð-
andi skipulag framhaldsskóla-
halds og byggingu verkmennta-
skóla á Akureyri. Má með réttu
segja að þetta mál skiptist í af-
markaða áfanga eða stig, sem
nefna mætti umræðustig, undir-
búningsstig og framkvæmdastig.
Umræðustig
Umræðustigið markast af því að
11. júlí 1978, eftir bæjarstjórn-
arkosningar það ár, kaus bæjar-
stjórn sérstaka framhaldsskóla-
nefnd, sem í áttu sæti fulltrúar
allra flokka í bæjarstjórn.
Formaður nefndarinnar var
Tryggvi Gíslason skólameistari.
Þessi nefnd skilaði samhljóða
áliti í ársbyrjun 1979 og hafði þá
unnið umfangsmikið starf og
haldið marga fundi um málið.
Niðurstaða nefndarinnar var
sú að leggja til við bæjarstjorn
og menntamálaráðuneyti að á
framhaldsskólastigi störfuðu
tveir „meginskólar“ eins og segir
í álitinu, þ.e. Menntaskólinn á
Akureyri og nýr verkmennta-
skóli, sem tæki við hlutverki
Iðnskóla Akureyrar, Gagn-
fræðaskóla Akureyrar og Hús-
mæðraskóla Akureyrar. Eins og
áður er sagt var niðurstaða
nefndarinnar samhljóða.
Nefndarálit þetta var kynnt
menntamálaráðuneytinu á
þeirri tíð, en fyrst og fremst
beint til bæjarstjórnar að taka
afstöðu til þeirra hugmynda,
sem þar komu fram. Eðlilega
tók það bæjarstjórn nokkurn
tfma að ræða þetta mikilvæga
mál, og vafalaust hefur ýmsum
þótt sem þessi hugmynd um nýtt
skólaskipulag væri róttæk og því
yrði að vanda málsmeðferð áður
en bæjarstjórn samþykkti tillög-
ur nefndarinnar. Hins vegar
kom það nokkuð snemma í ljós
að hugmynd nefndarinnar um
verkmenntaskóla átti fylgi að
fagna í bæjarstjórn og meðal
bæjarbúa. Enda fór svo að lok-
um að bæjarstjórn samþykkti
þessa skólaskipun. Það gerðist
25. nóvember 1980. Voru þá lið-
in hátt í 2 ár frá því að nefndin
skilaði áliti sínu.
Ég varð menntamálaráðherra
í febrúarmánuði 1980. Skýrsla
framhaldsskólanefndar lá þá
fyrir í ráðuneytinu, en fyrirrenn-
arar mínir í ráðherraembætti
höfðu lítið sem ekkert um hana
fjallað, enda e.t.v. ekki við að
búast, eins og málið stóð þá
heima fyrir, þ.e. að bæjarstjórn
hafði ekki enn samþykkt tillög-
urnar og ekki fylgt þeim eftir. Ég
var þessum tillögum að sjálf-
sögðu vel kunnugur, þegar ég
tók við ráðherraembætti, þekkti
bæði störf og álit framhalds-
skólanefndarinnar og fylgdist
með viðtökum bæjarstjórnar og
bæjarbúa við hugmyndinni um
tvo meginskóla á framhalds-
skólastigi á Akureyri, þ.e.
gamla M.A. og nýjan verk-
menntaskóla. Ég var við því
búinn, hvenær sem bæjarstjórn
Akureyrar óskaði eftir því, að
staðfesta slíkt skólaskipulag og
vinna að fjárframlögum til bygg-
ingar verkmenntaskóla. Ég
hvatti einnig til þess að bæjar-
stjórn samþykkti hið nýja skóla-
skipulag og léti það ekki
dragast. Eins og fyrr segir kom
að því að bæjarstjórn samþykkti
hugmyndina um verkmennta-
skóla, sem starfaði við hlið
Menntaskólans og væri honum
jafngildur að virðingu og stöðu í
skólakerfinu.
Undirbúningsstig
Eftir að samþykkt bæjarstjórnar
lá fyrir í árslok 1980 hefst annað
stig þessa máls, undirbúnings-
stigið. Þá hefst samstarf bæjar-
stjórnar og menntamálaráðu-
neytisins um að samningsbinda
hið nýja skipulag og undirbúa
byggingarf ramkvæmdir.
Það kom í minn hlut sem ráð-
herra að vinna að þessum undir-
búningi í samstarfi við bæjar-
stjórn og bæjarstjóra, Helga M.
Bergs. Eftir að undirbúnings-
starfið hófst og formleg samn-
ingsgerð fór af stað vorið 1981,
var reynt að hraða málinu sem
unnt væri, bæði af minni hálfu og
af hálfu bæjarstjórnar Akureyr-
ar. 2. júní 1981 samþykkti
bæjarstjórn að veita Verk-
menntaskólanum lóð á gamla
golfvellinum vestan Þórunnar-
strætis og sunnan Suðurbyggð-
ar. Tveir samningar voru undir-
ritaðir milli bæjarstjórnar og
ríkisins 19. ágúst 1981. Annar
samningurinn hljóðaði um
skólaskipulagið, þar sem ákveð-
ið var að stofna sérstakan verk-
menntaskóla á Akureyri, hinn
samningurinn var bygginga-
samningur, þ.e. um byggingu
skólahúss fyrir Verkmennta-
skólann. Þar með var undirbún-
ingsstigi málsins lokið og við tók
stig verklegra framkvæmda.
Skólab
he
'ygging
fst
Síðar í þessum sama mánuði
hófust byggingarframkvæmdir.
Byggingarnefnd skólans mæltist
til þess við mig að ég tæki „fyrstu
skóflustunguna". Gerði ég það,
mér til mikillar ánægju, við há-
tíðlega athöfn 29. ágúst 1981.
Ég hélt stutt ávarp við þetta
tækifæri og lagði áherslu á, að þó
að margt hefði verið vel gert í
skólamálum á Akureyri og ekki
ástæða til að metast á um það,
hvaða áfangi varðaði mestu í
skólasögu bæjarins, þá færi ekki
milli mála, að ákvörðunin um að
stofna Verkmenntaskólinn á
Akureyri og hefja byggingar-
framkvæmdir í því sambandi,
væri merkasti atburður í sögu
skólamála hér í bæ um áratuga
skeið. Þessi orð standa í fullu
gildi. Verkmenntaskólinn á Ak-
ureyri er einn af merkustu
áföngum í skólamálum bæjarins
fyrr og síðar.
Verkinu
miðar vel
Það tók sinn tíma að ræða fram-
tíðarskipulag framhaldsskóla-
kerfisins á Akureyri og taka loka-
ákvörðun um málið. Greinilegt
var að bæjarstjórn vildi vanda
undirbúning málsins sem mest.
Þess vegna liðu um 2xh ár frá því
að framhaldsskólanefndin var
skipuð þar til stefnan var full-
mótuð í þessu efni um áramót
1980-81. Ég tel að byggingu
Verkmenntaskólans hafi miðað
vel eftir að byggingarfram-
kvæmdir gátu loks hafist haustið
1981, en síðan eru aðeins liðnir
18 mánuðir. í Verkmenntaskól-
anum á Akureyri sér góðra
verka stað. Ég vil þakka bæjar-
stjórn Akureyrar samstarf við
mig um að koma þessum skóla
upp, og þá sérstaklega bygging-
arnefnd skólans undir forystu
Hauks Árnasonar og Magnúsar
Garðarssonar, sem hafa látið sér
mjög annt um þetta verk.
Samkvæmt samningi um
stofnun Verkmenntaskólans átti
að kjósa skólanefnd til þess að
fara með málefni skólans.
Nokkur dráttur varð á af hálfu
bæjarstjórnar að kjósa skóla-
nefnd, en það var gert í jan-
úarmánuði síðastliðnum. Skóla-
nefndin hefur síðan fjallað nán-
ar um undirbúning þess að skól-
inn taki formlega til starfa og
haft um það full samráð við mig.
Yfirleitt hallast menn að því að
Verkmenntaskólinn taki form-
lega til starfa haustið 1984. Það
hefur orðið að ráði, fyrir tillögu
skólanefndar og að beiðni
bæjarstjórnar, að ráðuneytið
auglýsti stöðu skólameistara
Verkmenntaskólans á Akureyri
lausa til umsóknar. Stöðu þessa
hef ég hugsað mér að veita, þeg-
ar fyrir liggja umsagnir skóla-
nefndar um væntanlega umsækj-
endur. Þegar skólameistari hef-
ur verið skipaður, mun hann
Ingvar Gíslason tekiir fyrstu skóflustungu við upphaf framkvæmda við
Verkmenntaskólann.
snúa sér að því að undirbúa
formlegt starf skólans, og fær
hann til þess 1 ár eða ríflega það.
Grundvöllur
framtíðarstarfs
Af því sem ég hef sagt er ljóst,
að Verkmenntaskólinn á Akur-
eyri hefur verið í mótun og upp-
byggingu undanfarin ár. Bæjar-
stjórn Akureyrar og nefndir á
hennar vegum hafa staðið fyrir
stofnun Verkmenntaskólans og
haft forgöngu um málið af hálfu
heimaaðila eins og lög og venjur
gera ráð fyrir. Af hálfu ríkisins
hefur málið hvílt á mínum herð-
um og samverkamanna minna í
menntamálaráðuneytinu, eink-
um deildarstjóranna Stefáns Ól.
Jónssonar og Hákonar Torfa-
sonar. Á ég þeim mikið upp að
inna fyrir áhuga þeirra, reynslu
og góð ráð. Von mín er sú, að
Verkmenntaskólinn sé nú kom-
inn það vel á veg og grundvöllur
skólans svo vel lagður, að það
verði engum teljandi vandkvæð-
um háð að halda áfram á næstu
árum því verki, sem unnið hefur
verið að til þessa. Skólanum er
ætlað mikið hlutverk í skóla-
starfi Akureyrarbæjar og alls
Norðurlands. Hann verður mið-
stöð hvers konar iðnmenntunar
og annars verklegs náms hverju
nafni sem nefnist. Honum er æt-
lað að efla verkmenntun á Akur-
eyri og hefja sh'ka menntun til
vegs og virðingar. Nafn skólans
- verkmenntaskóli - og staða
hans í skólakerfinu, felur það
í sér að skólanum er
ætlað að halda til jafns við
Menntaskólann á Akureyri, sem
lengi hefur notið mikillar virð-
ingar og aukið hróður Akureyr-
arbæjar heima fyrir og út í frá.
Verkmenntaskólinn er ný
stofnun, þótt hann byggi á göml-
um grunni um margt, og hann á
framtíðina fyrir sér.
Ingvar Gíslason.
Veljum vandaöar vélar
Eigum nokkrar dráttarvélar á alveg sérstöku verði!
DEUTZ dráttarvélarnar eru sterkar og endingargóðar einnig sparnevtnar og hagkvæmar
í rekstri. Viðgerða- og varahlutaþjónustan hefur verið endurskipulögð,
markmiðið er auðvitað „allir ánægðir"!
Athugaðu möguleika deutz dráttarvélanna
(SvHAMAR HF
véladeild
Sími 22123. Pósthólf 1444. Tryggvagötu, Reykjavík.
IKHDH
DEUTZ