Dagur - 12.04.1983, Blaðsíða 16

Pakkningaefni
korkur og skinn
sími 96-22700

Unglingameistaramóti íslands á skíðum lauk í Hlíðarfjalli í gærdag. Hér má sjá einum keppenda „mistakast“ en nánar
verður fjallað um mótið í næsta blaði. Mynd: H.Sv.
Akureyringar fá
öryggisgæslu
„Ég er ekki ■ nokkrum vafa um
að það er þörf á þessari þjón-
ustu hér á Akureyri, enda er sú
þörf ástæðan fyrir því að ég
ræðst í þetta,“ sagði Hörður
Karlsson sem innan skamms
mun hefja öryggisgæslu á næt-
urnar á Akureyri. Munu hann
og annar öryggisvörður starfa
sem deild innan fyrirtækisins
„Securitas“ í Reykjavík.
Pað fyrirtæki hefur séð um ör-
yggisgæslu á næturnar í höfuð-
borginni í um 4 ár og eru í dag hátt
í 200 fyrirtæki sem gæslan nær til.
Hörður sagði í samtali við Dag
að þegar hefðu það mörg fyrirtæki
á Akureyri sýnt þessu máli áhuga
að starfsemi yrði hafin hér 15.
apríl. „Við verðum á ferðinni á
nóttinni allan ársins hring og
fyigjumst með þeim fyrirtækjum
sem þessa þjónustu þiggja. Fólk
gerir sér e.t.v. reyfarakenndar
hugmyndir um þetta starf, en hér
er einungis um það að ræða að við
lítum eftir fyrirtækjum með fyrir-
byggjandi aðgerðir í huga s.s.
varðandi eldsvoða, skemmdir af
völdum vatns og einnig með inn-
brotum að sjáifsögðu.“
Hörður sagði að „Securitas"
deildin á Akureyri muni starfa í
fuilu samráði við lögreglu og eld-
varnareftirlit og geta þeir sem
hafa áhuga á að notfæra sér þessa
bjónustu haft samband við Hörð í
síma 25140.
Plasteinangrun hf. á Akureyri
framleiðir eins og kunnugt er
fiskkassa í stærðunum 70 til 90
lítrar og undanfarið hefur verið
talsverður útflutningur á þeim
til allmargra landa.
Til Kanada seldi fyrirtækið
þannig um sex þúsund kassa á síð-
asta ári og í ár er búið að semja
um sölu á þúsund kössum til við-
bótar. Til Grænlands er búið að
selja talsvert en í fyrra og nú í ár
verður salan þangað samtals um
7500 kassar. Þá erfrágegnin sala á
1-2 þúsund kössum til Spánar og
framundan er einnig sala á um 6
þúsund kössum sem fara alla leið-
ina til Nýja-Sjálands. Þá er einnig
framundan að selja fiskkassa til
Norður-Noregs og eru horfur á að
þangað fari 5-6 þúsund kassar.
Gunnar Þórðarson framkvæmda-
stjóri Plasteinangrunar hf. sagði
að þeir gerðu sér vonir um að á-
framhald yrði á þessum útflutn-
ingi, enda réru þeir að því öllum
árum að finna markaði fyrir kass-
ana í hinum ýmsu heimshornum.
Sl. laugardag færði Gísli Ólafsson þeim hjónum Ólafi Rafni Jónssyni og Dani-
elle Somers að Þingvallastræti 22 á Akureyri dóm Hæstaréttar, en þeim hefur
verið gert að flytja úr íbúð sinni í því húsi innan þriggja mánaða frá birtingu
dómsins. Ljósm. Friðrik Westmann.
f
„Húsgagnaiðnaður
á Akureyri að
líða undir lok“
— segir Birgir Stefánsson,
hjá Eikinni á Akureyri
„Ef þessi kaup Verkmennta-
skólans á erlendum húsgögnum
veröa til þess að koma af stað
umræðu um þessi mál og stöðu
húsgagnaiðnaðarins hérlendis
þá er vel. Hinsvegar þurfa þeir
sem að þeirri ákvörðun stóðu
að verja hana á annan og betri
hátt en að segja að þeir séu að
spara almannafé,“ sagði Birgir
Stefánsson hjá Trésmiðjunni
lEikin á Akureyri í samtali við
Dag, en í blaðinu sl. fimmtudag
var skýrt frá kaupum á innflutt-
um húsgögnum fyrir Verk-
menntaskólann á Akureyri.
„Dæmið er ekki svona einfalt.
Framleiðsla á húsgögnum hér-
lendis skapar að sjálfsögðu
atvinnu og ekki má gleyma því
sem opinberir aðilar fá í sinn vasa
s.s. aðstöðugjöld, útsvör og
fleira. Þessu má ekki gleyma þeg-
ar það er fullyrt að vel sé farið fé
almennings með því að kaupa er-
ient fremur en innlent.
Þá vekur það einnig furðu að ís-
lendingum skuli ekki vera gefinn
kostur á að gera tilboð í verk sem
þetta. Það var ekki látið á það
reyna hvort innlendir aðilar gætu
boðið í þessi húsgögn og verið
sambærilegir hvað gæði og verð
snertir.
Staða húsgagnaiðnaðar hér á
landi hefur farið hríðversnandi
undanfarin ár og markaðshlutfall
okkar sem framleiðum húsgögn í
þessu landi var ekki nema 30-
40% á sl. ári. Það hljóta allir að
sjá að þetta er orðið alvarlegt mál,
enda erum við í samkeppni við
fyrirtæki erlendis sem njóta opin-
berrar fyrirgreiðslu þegar um út-
flutning er að ræða. Þetta er opin-
bert leyndarmál en brot á sam-
komulagi EFTA-landa.
Ef við lítum á ástandið í hús-
gagnaiðnaði hér á Akureyri þá má
benda á að fyrir nokkrum árum
höfðu um 150 manns lífsviðurværi
sitt af þessari iðngrein. í dag eru
þeir 15-20 og sumir þeirra starfa
ekki einungis að framleiðslu hús-
gagna heldur einnig við smíði á
stigum, stigahandriðum, milli-
veggjum og fleiru. Húsgagnaiðn-
aður okkar er hreinlega að líða
undir lok, það er best að segja það
eins og það er og því er sorglegt að
sjá opinbera aðila haga sér á þann
hátt sem kaupin á innfluttu hús-
gögnunum fyrir Verkmennta-
skólann lýsa og afsaka þau síðan á
þann hátt sem gert hefur verið,“
sagði Birgir.
# „Það er ég
sem spyr hér“
Það átti heldur betur að
sauma að nýskipuðum flug-
málastjóra „Á hraðbergi"
sjónvarpsins á dögunum.
Sérstaklega ætlaði annar
spyrillinn að taka hann á bein-
ið varðandi ráðningu hans í
embættið en ekki varð svo lít-
ið fjaðrafok út af henni á dög-
unum. En fiugmálastjóri varð-
ist fimlega. „Hvað finnst þér“
sagði hann við undrandi spyr-
ilinn sem spurt hafði: „Fékk
sá hæfasti starfið?“ - „Það er
ég sem spyr hér“ sagði þá
spyrillinn „hárbeitti" valds-
mannslega og beitti um leið
þeim hroka sem einkennir
svo oft háttsetta embættis-
menn, en flugmálastjóri er
laus við.
# Það er
vandlifað
Nýjasta náttúruverndarmálið
hefur nú skotið upp kollinum.
í Þjóðviljanum á dögunum rit-
ar Jóhann J.E. Kúld langa
grein sem ber heitið „Trjá-
kvoðuverksmiðja á Húsavík
og Iffríkið í Skjálfandaflóa“. í
grein sinni segir Jóhann m.a.:
Eins og ég hef bent á hér að
framan þá er Skjálfandaflói
slfk gullkista fyrir Húsvíkinga
að ekki má tefla framtíð hans í
neina tvísýnu ... - Það sem
Jóhann hafði bent á „að
framan" var að um Skjálf-
andaflóann færu laxar á leið
sinni upp í Laxá. Þá vita Hús-
víkingar það.
# Birgir
í framboð?
Birgir á Öngulsstöðum hefur
vakið athygli fyrir kunnáttu
sína í spurningaþætti út-
varpsins á sunnudagskvöld-
um „Veistu svarið". Á undan
honum felldi Málmfríður
hvern keppinaut á fætur öðr-
um allt þartil Birgir varð henni
að falli. Þó oft sé mjótt á mun-
um tekst Birgi betur en keppi-
nautunum, sem margir
standa sig frábærlega vel
engu að sfður. Nú velta menn
því fyrir sér hvort Birgir muni
ekki í framhatdi af þessari
kynningu sem hann fær í út-
varpinu fara f einhvers konar
sérframboð í næstu kosning-
um, sem gætu orðið fljótlega
að loknum þeim sem nú fara f
hönd.
# Allir í
„verndina“
Segja má að ekki megi snúa
sér við í þessu landi án þess
að einhverjir „áhugamenn"
snúist til varnar með mótmæl-
um. Það má ekki veiða hval,
ekki reisa álver, ekki byggja
virkjanir, ekki byggja flug-
stöðvar og áfram mætti telja.
Nú er greinilegt að það á að
berjast gegn trjákvoðuverk-
smiðju á Húsavík. Náttúru-
vernd er sjálfsögð, um það
geta flestir verið sammála. En
ætli það sé ekki staðreynd
samt sem áður að við lifum
ekki á henni?