Dagur - 19.04.1983, Blaðsíða 3

Bygginganefnd Verkmenntaskólans:
Engum dyrum
verið lokað
Vegna blaðaskrifa að undanförnu
um húsgagnakaup til Verk-
menntaskólans á Akureyri vil ég
upplýsa eftirfarandi:
Ákvörðun um húsgagnakaup í
1. áfanga Verkmenntaskólans á
Akureyri voru tekin af Geirharði
Þorsteinssyni, arkitekt, Hauki
Árnasyni, formanni byggingarn.
Vmsk. ogundirrituðum, Magnúsi
Garðarssyni, fulltrúa byggingarn.
Vmsk. á Ak. (í júlí - ágúst ’82).
Aðdragandi þessarar ákvörð-
unar var sá að fyrst var gert upp á
milli hvort velja skyldi tré, stál
eða plasthúsgögn. Að niðurstöðu
fenginni tók Geirharður að sér að
kanna hvað til væri á Reykjavík-
urmarkaðnum en undirritaður
tók að sér Akureyrarmarkaðinn.
Ég fór í þrjár stærstu húsgagna-
verslanir okkar hér og lét forráða-
menn þeirra vita hvað til stæði og
óskaði eftir að fá að sjá hvað þeir
hefðu upp á að bjóða. Af ein-
hverjum ástæðum nefndi enginn
þeirra að hér væru rekin hús-
gagnaverkstæði sem hugsanlega
gætu selt skólanum húsgögn í
þennan áfanga.
Áður en ákvörðun um hús-
gagnakaupin voru tekin fóru ég
og Geirharður og skoðuðum hús-
gögn sem keypt voru í mötuneyti
heimavistar Menntaskólans á Ak-
ureyri. Einnig hafa verið keypt
húsgögn í félagsaðstöðu nemenda
Menntaskólans í kjallara Möðru-
valla. Þetta eru dönsk húsgögn og
má sjá aðra gerðina í Vmsk. á Ak.
Einnig má nefna að á sama tíma
og við Geirharður gerðum okkar
könnun var könnun í gangi hjá
húsameistara Ak.bæjar v/hús-
gagnakaupa til Tónlistarskólans,
niðurstaða þeirrar könnunar var
sú að keypt voru dönsk húsgögn.
Fleiri dæmi mætti nefna en læt
ég duga að beina þeirri fyrirspurn
til Dags hvað hafi ráðið því hjá
þeim að þeir völdu danskar inn-
réttingar í létta innveggi fram yfir
innlendar.
Þrengingar húsgagnaframleið-
enda er auðvitað mikið víðtækara
mál en að opinberir aðilar kaupi
ekki íslensk húsgögn. Við komum
aftur og aftur að því að það eru
verð og gæði serri skipta máli í vali
manna á vörum.
í mínum huga á framleiðsla á
íslenskum húsgögnum ekki að
verða nein atvinnubótavinna sem
hún í raun verður ef það opinbera
verður af þegnskyldu að kaupa
innlend húsgögn burt séð frá verði
og gæðúm.
Sú aðstoð sem ég tel að gagni
húsgagnaframleiðendum mest er
að hið opinbera aðstoði hús-
gagnaframleiðendur við tækni og
útlitshönnun svo þeir verði betur
samkeppnishæfir á almennum
markaði. Þetta er gert í nágranna-
löndum okkar.
Að lokum vil ég segja það um
húsgagnakaupin til Vmsk. á Ak.
að valdar voru tvær gerðir af stól-
um og borðum sem nota á í vetur.
Að vetri liðnum er meiningin að
gera sér grein fyrir hvernig til hafi
tekist. Ef mat manna verður að
vel hafi til tekist í vali á húsgögn-
um þá eru líkur til að önnur gerð-
in verði valin, en ég tek það fram
hér að ennþá hefur engum dyrum
verið lokað í þessu máli og geta
húsgagnaframleiðendur vissulega
ennþá komið sinni framleiðslu á
framfæri.
Húsgögnin sem keypt voru eru
eftirfarandi: Dönsku húsgögnin,
22 stólar og 7 borð. Finnsku hús-
gögnin, 18 stólar og 4 borð. Þessi
húsgögn kostuðu rúmar 100 þús-
und krónur (ca. 0,8% af kostn. 1.
áfanga) og er þetta ca 5% af því
magni sem kaupa þarf endanlega
til skólans.
Magnús Garðarsson,
fulltrúi byggingarn.
Vcrkmenntaskólans á Akureyri
Aths. ritstjóra:
Þótt gengi Dags sé mikið sýnist mér
það ofrausn í garð blaðsins að líkja
því við opinbera stofnun á borð við
Verkmenntaskólann, hvað þá allar
þær opinberu stofnanir sem kaupa
erlenda framleiðslu. Kótó-menn
höfðu reyndar mikla vinnu við að
setja veggina okkar upp og sambæri-
legar innréttingar voru hér ekki á
boðstólum. Með kveðju og von um
öflugan framgang íslenskra verk-
mennta, s.s. húsgagnaiðnaðar.
Kæliskápa- og frystikistuviðgerðir
Önnumst allar viðgerðir á kæli- eða frystiskápum, frysti-
kistum og öðrum kælitækjum. Breytum gömlum kæli-
skápum í frystiskápa.
Varahlutir í allar gerðir kælitækja. Góð þjónusta.
Vönduð vlnna.
Vélsmiðjan Oddi hf.,
Kælideild, Strandgötu 49, sfml 21244.
Frá Kjörmarkaði KEA
Hrísalundi
Vegna eftirspurnar endurtökum við til-
boðá
svínahamborgarahryggjum
á miðvikudag.
Verð kr. 248 kg.
*
Grillaðir kjúklingar
verða einnig til á miðvikudag.
Aðeins kr. 125 stykkið.
Munið lága verðið
í Hrísalundi.
Kjörmarkaður KEA
VörjJ

hv!1tPepptir °g e!r!hÓr°na-
yar9erðirafh
-a^§§^ZbTik,a-
‘»19. apríl 1983-DAGUR -3