Dagur - 19.04.1983, Blaðsíða 6
—Ja, núerþað ódýrt!!!—
Dömugallabuxur
Verö aöeins kr. 340.
Níels Á. Lund:
Framsóknarflokkurinn:
Herragallabuxur
Verö aöeins kr. 360.
Athugið, opið á laugardögum frá kl. 10.00-12.00.
Sendum í
póstkröfu.
Eyfjörð
Hjalteyrargötu 4,
sími25222
Komið og heyrið boð-
skap gospelsöngvara
Björnars Heimstads í
söng og orðum:
Miðv.d. 20. apr. kl. 20.30 í sal Hjálpræðishersins.
Fimmtud. 21. apr. kl.. 20.30 í Dynheimum. Föstud.
22. apr. kl. 20.30 í kirkjunni og kl. 23 miðnætur-
samkoma í Menntaskólanum (Möðruvöllum).
Sunnud. 24. apr. kl. 17.00 í Fíladelfíu og kl. 20.30 í
Menntaskólanum (Möðruvöllum).
Aðalfundur
Mjólkursamlags KEA verður haldinn í Sam-
komuhúsinu á Akureyri mánudaginn 25.
apríl 1983. Fundurinn hefst kl. 13.00 en há-
degisverður er framreiddur fyrir fundarmenn
á Hótel KEA kl. 11.30.
Dagskrá:
1. Venjuleg aðalfundarstörf.
2. Tillaga um breytingu á reglugerð
Mjólkursamlags KEA.
3. Önnurmál.
Stjórnin.
AKUREYRARBÆR
Viðtalstímar
bæjarfulltrúa
Miövikudaginn 20. apríi kl. 20-22 verða bæjarfull-
trúarnir Margrét Kristinsdóttir og Úlfhildur Rögn-
valdsdóttir til viðtals í fundastofu bæjarráðs,
Geislagötu 9, 2. hæð.
Bæjarstjóri.
Stuðningsmenn
B-listans
Kosningaskrifstofa framsóknarmanna á Akureyri
er í Strandgötu 31 og er opin alla virka daga frá kl.
9.00 og fram eftir kvöldi.
Stuðningsmenn B-listans eru hvattirtil að líta inn.
Kaffi á könnunni - sjónvarp á staðnujrim. Á kjör-
dag verður skrifstofan að Hótel KEA. Athygli skal
vakin á því að B-listinn mun ekki fylgjast með
kosningu í kjördeildum á Akureyri.
Framsóknarfélag Akureyrar.
Útvörður
lands-
byggðarinnar
Það hefur vakið almenna athygli
hve mikillar svartsýni á hag þjóð-
arinnar og framtíðina gætir í mál-
flutningi Sjálfstæðismanna í þess-
ari kosningabaráttu. Þeir hamra
stöðugt á því hvað þjóðarbúið
standi illa, erlendar lántökur séu
háar og mikið atvinnuleysi sé
framundan.
Það má öllum vera ljóst, að
með þessum málflutningi eru þeir
að undirbúa það sem koma skal,
nái þeir völdum. Þeirra stefna,
leiftursóknin með því heims-
þekkta atvinnuleysi sem henni
fylgir er því mjður geymd en ekki
gieymd.
Ég vara við þeirrí holskeflu af
niðurskurði, atvinnuleysi og
fólksflótta sem henni fylgir. Sér-
staklega miðar leiftursóknaráætl-
unin að því að slíkur samdráttur
bitni á landsbyggðinni - „óarð-
bæru“ héruðum þessa lands. Þrátt
fyrir eflaust góðan vilja þeirra
þingmanna Lárusar Jónssonar og
Halldórs Blöndal í garð þessa
kjördæmis, er það staðreynd að
þeirra skoðun er einfaldlega í
miklum, og sem verra er vaxandi
minnihluta innan Sjálfstæðis-
flokksins, þar sem sá flokkur er að
langmestum hluta skipaður
mönnum sem hafa hagsmuni þétt-
býlisins við Faxaflóa að leiðar-
Ijósi. Þeirri skipulögðu herferð
gegn landsbyggðinni sem felst í
Leiftursókn Sjálfstæðismanna
verða kjósendur þessa kjördæmis
að hafna með öllu, nú sem í síðustu
kosningum. Þetta úrtölutal þeirra
Sjálfstæðismanna hæfir ekki ís-
lendingum, sem eru í eðli sínu
bjartsýn og dugleg þjóð.
Við búum við fullkomið frelsi
og lýðræði. Þjóðartekjur okkar
eru meðal þeirra hæstu í heimin-
um. Félagsleg þjónusta og mennt-
un er með því besta sem þekkist.
Við lifum í fögru og óspilltu landi
sem okkur ber að varðveita og
skila betra í hendur okkar afkom-
enda. Sú allsherjar uppbygging
sem átt hefur sér stað í þessu landi
undanfarna áratugi og náði há-
marki sínu á margnefndum áratug
Framsóknarflokksins, hefur kost-
að fjármagn og mikla vinnu. Þessi
uppbygging hefur kallað á erlend-
ar lántökur og leitt af sér verð-
bólgu. En við megum ekki gleyma
því að þau mannvirki, ásamt öðr-
um verkum sem þessi kynslóð
skilur eftir sig, eiga eftir að standa
og vera notuð um ókomin ár og
endurgreiða núverandi skuldir
sínar með fullum vöxtum til kom-
andi kynslóða. Þessi sífelldi jarm-
ur um skuldir sem stafa af upp-
byggingu landsins frá því að vera
fjársvelt nýlenda til þess að vera
nú meðal mestu velmegunar-
þjóða, er Sjálfstæðisflokknum
ekki sæmandi. Auðvitað verðum
við bæði einstaklingar sem þjóðin
í heild að gæta hófs í hvers konar
skuldasöfnun og meta hverju
sinni hvernig fjármagninu er best
varið, en ég hafna því algerlega að
aðalorsök erlendra skulda séu
rangar fjárfestingar i þessu kjör-
Jæmi.
Atvinnuleysi er böl sem drepur
þjóðfélagið innan frá. Ahrif þess
síast út í allar rætur þess og gætir á
hvern einstakling sem þjóðina í
heild. Við megum aldrei gleyma
þeirri hættu sem atvinnuleysið
hefur í för með sér og verðum að
hafna þeirri stefnu og þeim mönn-
um sem telja það réttlætanlegt.
Forsenda nægrar atvinnu er að
atvinnufyrirtækin séu rekin með
hagnaði. Rekstrargrundvöll
þeirra verður að treysta. Dug-
miklum einstaklingum verður að
gefa tækifæri í atvinnurekstri.
Þeir eru eitt það dýrmætasta sem
hver þjóð á. Stærri verk.efni þarf
að leysa með samvinnu og á fé-
lagslegum grundvelli. Framsókn-
Níels Á. Lund
arflokkurinn hafnar algjörum
ríkisrekstri sem Alþýðubandalag-
ið berst mjög fyrir. Stefna þeirra
undir forystu Svavars Gestssonar,
félagsmáíaráðherra og Hjörleifs
Guttormssonar, iðnaðarráð-
herra, miðar að því að gera fyrir-
tækin háð ríkisstyrkjum. Það er
leið þeirra að frekara markmiði.
Þessi afturhaldsstefna er stór-
hættuleg sjálfstæðri þjóð á fram-
farabraut og samrýmist engan
veginn hugsunarhætti íslendinga.
Slagorðapólitík þeirra Alþýðu-
bandalagsmanna sem einkennist
af upphrópunum og útásetningi út
á allt og alla er sér til húðar
gengin. Ábyrgðarleysi þeirra er
með eindæmum og miðar að því
að skapa óánægju og ala á tor-
tryggni meðal almennings.
Ég vil í þessu sambandi sérstak-
lega minnast á vísitölumálið, en í
því opinberast hræsni þeirra hvað
mest. Þeir verja 20 ára gamalt
kerfi sem allar aðrar þjóðir hafa
fallið frá. Kerfi sem miðar að því
að viðhalda launamisrétti og eyk-
ur launabilið. Vegna þessa kerfis
njóta ekki allir landsmenn sömu
réttinda þarsem vísitölufjölskyld-
an býr í Reykjavík, og kemur
m.a. í veg fyrir að unnt sé að
hækka hitaveitu og strætisvagna-
fargjöld þar, vegna þess að við
það myndu öll laun í landinu
hækka. Afstaða Alþýðubanda-
lagsmanna í þessu óréttlætismáli
sem bitnar verst á þeim lægst
launuðu er flokki sem kennir sig
við alþýðu til skammar.
Þá vil ég minnast í fullri alvöru
á það varhugaverða fyrirbæri sem
kennir sig við Bandalag jafnaðar-
manna og þó öllu fremur Vilmund
Gylfason. Okkur hlýtur að renna
blóðið til skyldunnar og íhuga
hvað fyrir þessum manni raun-
verulega vakir. Ég veit að allir
þeir sem fylgst hafa með þjóð-
málaumræðu undanfarin ár vita
betur en svo að fyrir þeim manni
vaki einhver hugsjón um að frelsa
þessa þjóð frá verðbólgu eða bæta
á annan hátt lífskjör hennar.
Hann sem með fullyrðingum og
áróðri fékk hluta þjóðarinnar til
að trúa því að sumir af stjórn-
málaforingjum þessa lands væru
ótíndir glæpamenn. Vilmundur
Gylfason hefur verið dómsmála-
ráðherra þessa lands, án þess þó
að gera nokkuð til að bæta það
spillta kerfi sem hann telur
vera við lýði nema hvað
hann setti einn af sínum
stuðningsmönnum í gott embætti
þar innan veggja. Nú ríður þessi
maður fram íklæddur skikkju
réttlætis, bræðralags og friðar. Til
þess að undirbúa jarðveginn hef-
ur hann á undanförnum mánuð-
um beitt öllum sínum áróðri til að
sverta stjórnkerfi þessa lands, út-
hrópa Alþingi og það frjálsa lýð-
ræði sem við viljum búa við.
Aðferðirnar eru ódrengilegar að
mínu mati, en tilgangurinn helgar
meðalið, sá tilgangur einn að
hann nái völdum og fái að sitja
áfram á Alþingi. Ekki til að
stjórna, heldur til að vinna áfram
að upplausn og ala á tortryggni.
Ég lýsi yfir fullrí ábyrgð á hendur
þeim mönnum sem þannig vinna.
Lýðveldinu íslandi stafar hætta af
þeim. Ég veit að íbúar þessa kjör-
dæmis sjá í gegn um þennan
blekkingarvef.
Ég vil að síðustu leggja á það
áherslu að forsenda þess að hægt
sé að ná verðbólgunni niður er að
menn og konur þori. Þori að horf-
ast í augu við raunveruleikann -
þori að segja sannleikann - þori
að grípa til ráðstafana og hafi vilja
og getu til að sækja fram af einurð
og festu. Þetta mun Framsóknar-
flokkurinn gera en reynslan sýnir
að ef árangur á að nást, verður
Framsóknarflokkurinn að fá til
þess aukið fylgi. í þeim efnum
væntir hann ekki síst stuðnings
landsbyggðarinnar þar sem Fram-
sóknarflokkurinn er útvörður
hennar á Alþingi sem annars
staðar. í þeim skoðanakönnunum
sem birtar hafa verið að undan-
förnu, kemur fram að Framsókn-
arflokkurinn muni tapa fylgi á
þéttbýlissvæðinu við Faxaflóa.
Skýring þessa er einföld, þótt ég í
annan stað vari við þessum skoð-
anakönnunum vegna skoðana-
myndana sem þær hafa í för með
sér.
Þar sem þéttbýlissjónarmiðin á
suðvesturhorninu eru alsráðandi
geldur Framsóknarflokkurinn
fyrir yfirlýstan stuðning sinn við
landsbyggöina.
Ég hvet kjósendur til að vera
minnugir þess á kjördag.
Níels Árni Lund.
6 - DAGUR - 19. apríl 1983