Dagur - 03.06.1983, Blaðsíða 4

Aöalfundur NAR á Húsavík:
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31, PÓSTHÓLF 58, AKUREYRI
SfMI: 24222
ÁSKRIFT KR. 120 Á MÁNUÐI - LAUSASÖLUVERÐ 15 KR.
RITSTJÓRIOG ÁBYRGÐARM.: HERMANN SVEINBJÖRNSSON
FRÉTTASTJÓRI: GfSLI SIGURGEIRSSON
BLAÐAMENN: EIRfKUR ST. EIRlKSSON, GYL Fl KRISTJÁNSSON,
ÓLAFUR JÓHANNSSON (SAUÐÁRKRÓKI) OG
ÞORKELL BJÖRNSSON (HÚSAVlK)
AUGLÝSINGASTJÓRI: FRfMANN FRlMANNSSON
ÚTBREIÐSLUSTJÓRI: JÓHANNES MIKAELSSON
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
ILL NAUÐSYN
Þrátt fyrir fámenni okkar íslendinga og þar af leið-
andi takmörkuð áhrif meðal þjóða heimsins, höfum
við á síðari árum gerst sífellt virkari þátttakendur í
margs konar keppni á alþjóðavettvangi, ber þar að
sjálfsögðu mest á keppni í mörgum greinum
íþrótta. En hina síðustu mánuði hefur litið svo út,
sem við ætluðum okkur að komast langt í keppninni
um heimsmeistaratitihnn í verðbólgu, enda þótt við
stöndum enn langt að baki frægum meisturum á
þessu sviði, svo sem Argentínumönnum og ísrael-
um.
En nú hefur ný ríkisstjórn sest að völdum og segir
þjóðina ekki hafa efni á að taka þátt í þessari
keppni. Þetta vissu að vísu margir áður, kannski
flestir, og mörg ljót orð hafa fallið um bölvun verð-
bólgunnar. Ekki skal hér farið út í það að skilgreina
frumorsakir hennar, enda eru þær margslungnar,
og menn verða sjaldnast að fullu sammála, þegar á
að rekja þær. Hitt vita allir, að þegar svo er komið,
að farið er að vísitölutryggja nánast allar fjárskuld-
bindingar, laun, bæði há og lág, verðlag á helstu
neysluvörum, húsaleigu, vexti o.s.frv., þá er búið að
setja af stað það hjól, sem snýst og snýst með stöð-
ugt meiri hraða, magnar verðbólguna við hvern
hring og hækkar allar vísitölur, þar til í algert óefni
er komið.
Það varð fyrsta verk hinnar nýju ríkisstjórnar að
höggva skarð í þetta verðbólguhjól, svo að dregur
úr snúningshraða þess. Þetta var gert með því að
afnema svonefnda verðbótavísátölu launa. Þetta
var rétt og nauðsynlegt, enda þótt æskilegra hefði
verið að það hefði ekki þurft að gerast með laga-
boði. Það sem sjálfsagt er að gera, á ekki að þurfa
að framkvæma með lagasetningum, en stundum
verður þó ekki hjá því komist.
Raunar er furðulegt, að verkalýðssamtökin skuli
ekki fyrir löngu hafa krafist þess að þessari vísitölu-
vitleysu væri hætt, því að hún hefur verið þeim,
sem lágu launin hafa, til mestrar bölvunar. í hvert
skipti sem ný vísitöluhækkun launa hefur tekið gildi
síðustu árin, hafa láglaunamenn aðeins fengið
bættan hluta þeirrar útgjaldaaukningar, sem verð-
hækkanir hafa lagt á herðar þeirra, en á sama tíma
hafa hálaunamenn fengið í sinn hlut miklu meira en
nægt hefur til að bæta verðhækkanirnar. En verka-
lýðssamtökin hafa ekki borið gæfu til að hafa for-
göngu um að ráðast gegn þessari ófreskju, og því er
það afsakanlegt, að sú leið skuli hafa verið farin,
sem nú varð raunin á.
Það er hins vegar alltaf alvarlegt mál, að valdhaf-
ar í landinu breyti eða ógildi kjarasamninga, sem
launþegar og vinnuveitendur hafa gert sín í milli,
en nú um áratugabil hafa flestar ríkisstjórnir hér-
lendis gert þetta í meiri eða minni mæh. Það er því
næsta hæpið að tala um frjáls verkalýðsfélög og
frjálsa samninga milli þeirra og vinnuveitenda.
Þetta ættu bæði háir og lágir að hafa í huga áður en
þeir fordæma með miklum fyrirgangi takmarkað
frelsi félaga í ýmsum öðrum löndum. Það er svo,
bæði hér á landi og víðar, að stundum verður að
gera fleira en gott þykir.
„Norræn goða-
fræði í brenni-
depli á fundinum“
— segir Einar Njálsson, formaður Bandalags íslenskra leikara
Nú stendur yfir á Húsavík aðal-
fundur Samtaka norrænna
áhugaleikara, NAR, en fund-
urinn er haldinn á Hótel Húsa-
vík. Jafnframt þessum fundi
verður haldin ráðstefna svo
sem venja er til á aðalfundum
samtakanna.
Þessir fundir NAR eru haldnir
til skiptis á Norðuriöndunum, sá
síðasti hér á íslandi 1978 í Nesja-
skóla við Hornafjörð. Fulltrúi ís-
lands í stjórn samtakanna er Ein-
ar Njálsson, bankaútibússtjóri á
Húsavík og formaður Bandalags
íslenskra leikfélaga. Til að for-
vitnast svolítið um ráðstefnuna og
þessi norrænu samtök tókum við
Einar tali og spurðum hann fyrst:
Hvað er NAR?
„Það er samband norrænna
áhugaleikfélaga, stofnað í Gauta-
borg árið 1967. Aðilar að NAR
eru landssambönd áhugaleikara
á Norðurlöndum, þar með taldir
Færeyingar. Aðild Finna er að
vísu svolítið frábrugðin, því þar
eru fjögur landssambönd sem
hafa með sér fulltrúaráð sem síð-
an er aðili að NAR. Stjórn sam-
bandsins skipa fimm menn, einn
frá hverju landi og auk þess for-
maður sem kosinn er beinni kosn-
ingu.“
- Hver er tilgangur sambands-
ins og markmið?
„Að efla samvinnu og koma á
kynnum meðal norrænna áhuga-
leikara. Skiptast á skoðunum, t.d.
um leikhúsið, aðferðum innan
þess, stefnum og straumum. Til
að ná þessu markmiði sínu styrkir
NAR gestaleiki milli Norðurland-
anna, heldur leiklistarnámskeið
og svona ráðstefnur í tengslum
við sinn aðalfund. Þriðja hvert ár
er svo haldin samnorræn leiklist-
arhátíð. Einnig má nefna að sam-
bandið styrkir landssambönd til
þess að fá erlenda kennara til
sín.“
- Hafa íslendingar notið góðs
af þátttöku sinni í NAR?
„Já, vissulega. Sérstaklega í
sambandi við námskeiðin og að-
gang að norrænum bókaforlög-
um, hvaðan við getum fengið leik-
rit og kennslubækur. Þessi nor-
rænu námskeið hafa opnað okkur
víðari sjóndeildarhring og meiri
möguleika til þroska í leikstarf-
seminni. En viðleitni til að afla sér
eins mikillar þekkingar og mögu-
legt er, er lykillinn að því að ná
bærilegum árangri. Þessi nám-
skeið hafa alltaf verið í mjög
háum gæðaflokki og verið vel sótt
af okkar hálfu. Núna í sumar
verður t.d. námskeið í Norður-
landahúsinu í Færeyjum fyrir
unglinga 16-20 ára. A það að fara
sjö unglingar héðan."
- Hafa íslensk áhugaleikfélög
BRÚÐKAUP
Kristj áns og Dorriét
Söngvararnir Dorriét Kavanna og Kristján Jó-
hannsson voru gefín saman í hjónaband í Grenjað-
arstaðarkirkju sunnudaginn 29. maí sl. af sr. Sig-
urði Guðmundssyni, vígslubiskupi. Viðstaddir
brúðkaupið voru nánustu vinir og ættingjar brúð-
hjónanna.
Það var skemmtileg tilviljun, að
sama mánaðardag árið 1939 voru
foreldrar Kristjáns, Fanney
Oddgeirsdóttir og Jóhann Kon-
ráðsson, gefin saman í hjóna-
band í Grenivíkurkirkju. Já, það
var tilviljun, því hvorki Kristján
eða Dorriét vissu um brúðkaups-
dag Fanneyjar og Jóhanns þegar
þau ákváðu sinn brúðkaupsdag.
Og í rauninni var það flutningur-
inn á Toscu á Akureyri á laugar-
daginn sem réði dagsetningunni.
Dorriét er fædd í Barcelona á
Spáni, en hún er spænsk í móð-
urættina en amerísk í föðurætt-
ina. Svaramaður hennar við
brúðkaupið var Valur Arnþórs-
son, kaupfélagsstjóri, en svara-
maður Kristjáns var Egill
Jónsson, tannlæknir. Brúðhjónin
þarf ekki að kynna frekar; það
hafa þau bæði gert svo rækilega
með söng sínum, sem hefur hrifið
þá er á hafa hlýtt. Blaðið sendir
þeim bestu árnaðaróskir með
þessum myndum, sem teknar
voru við brúðkaupið.
Hér dansar Kristján valsspor við Fanneyju
Oddgeirsdóttur móður sína, sem átti fjörutíu
og fjögurra ára brúðkaupsafmæli.
Hér eru brúðhjónin ásamt Vali Arnþórssyni, svaramanni Dorriét;
Agli Jónssyni, svaramanni Kristjáns; Hörpu Hauksdóttur, sem var
brúðarmær og sr. Sigurði Guðmundssyni, vígslubiskupi.
4-DAGUR-3. júní 1983