Dagur - 29.06.1983, Blaðsíða 2

Hvað er skemmtilegast
að gera á sumrin?
(Spurt á Frábæ)
■
Indíana Hrönn Arnardóttir,
9 ára:
Mér finnst skemmtilegast í
fótbolta.
'mr
Edvard Hákon Huijbens,
7 ára:
Kannski að veiða eða fara í
fjallgöngu.
Stefán Ólafur Jónsson, 7 ára:
Ætli það sé ekki skemmtileg-
ast að smíða á Frábæ.
V
Eiríkur Georg, 6 ára:
Bara fara í tennis.
Óli Björn Ólason, 7 ára:
Að spila fótbolta og fara á æf-
ingar.
Slippstöðin á Akureyri
vinnur nú að smíði skips fyrir
íbúa Grænhöfðaeyja. Smíðin
er liður í þróunaraðstoð sem
íslendingar veita Grænhöfða-
eyjabúum og munu íslend-
ingar fara með skipinu út og
kenna eyjaskeggjum hand-
tökin við veiðarnar. Julio
Eduardo Soares Goto, 23 ára
Grænhöfðaeyjabúi starfar
ásamt starfsmönnum Slipp-
stöðvarinnar við smíði
skipsins. Eftir nokkra leit
tókst tíðindamanni Dags að
hafa uppi á Julio þar sem
hann var að störfum í vélar-
rúminu. Við röltum út í sól-
ina og ég spyr Julio hvenær
skipið verði afhent.
„Pað verður kannski í sept-
ember og fer ég með því út og
'/erð 2. vélstjóri. Við eigum
ekki marga báta, eiginlega bara
litla árabáta og veiðum mest
með stöng, túnfisk til dæmis.
Það verður mikill munur að fara
á þetta skip.“
- Heldurðu ekki að þið verð-
ið fljótir að læra á það?
„Jú, við eigum marga stráka
sem hafa lært fiskveiðar í
Portúgal, þeir hafa mest verið
að læra bóklegt í sambandi við
veiðar.“
- Hvað ertu búinn að vera
lengi á íslandi?
„Ég er búinn að vera hér
bráðum 18 mánuði. Ég var í
vélskólanum í Reykjavík og er
búinn með fyrsta stig þar. Próf-
in voru bæði á íslensku og
ensku og mér gekk ágætlega
með þau.“
- Hvernig líkar þér veran á
íslandi?
„Pað er stundum gaman hér
og stundum leiðinlegt. íslend-
ingar hafa verið ágætir við mig
og ég hef ekki lent í neinum
meiriháttar vandræðum hér.“
„Við erum ekkert
að flýta okkur“
Spjallað við Julio Eduardo Soares Goto frá Grænhöfðaeyjum
- Kemur til greina að þú
komir hingað aftur?
„Pað getur vel verið að ég
kíki hingað aftur, ég á svo
marga vini á íslandi."
- Hvernig hefur þér gengið
að læra íslensku?
„Það er erfitt og mér finnst
mér hafa gengið mjög illa. Á
Cap Verde er portúgalska opin-
bert mál og við lærum hana í
skólum en við notum hana yfir-
leitt ekki. Málið sem við tölum
er blanda af portúgölsku og
Afríkumáli."
Grænhöfðaeyjar eru alllang-
an veg frá íslandi. Og skyldi líf
manna þar ekki vera frábrugðið
því sem er hér á íslandi?
„Jú. ísland er ríkt land.
Heima getur fólk ekki keypt sér
bíla og slíkt eins og íslendingar.
Og íslendingar eru alltaf að
reyna að kaupa sér eitthvað nýtt
en við heima reynum alltaf að
halda því gamla við því við höf-
um ekki efni á nýju. Og við
erum ánægð með að vinna bara
8 klukkutíma á dag, en ekki
kannski 16 eins og hérna er. Við
erum ekkert að flýta okkur,
eins og er sagt: Afríka er ekkert
að flýta sér.“
Julio Eduardo: „íslendingar hafa verið ágætir við mig . . .“ Mynd: KGA
„Hafa bæjaryfirvöld
ekkert timatal?“
Einn öskureiður hringdi:
Bæjaryfirvöld á Akureyri hafa
heldur betur orðið sér til skamm-
ar vegna máls sem kennt er við
leiktækjasal hér í bæ og nefnist
Las Vegas.
Einhver Tyrki, Grikki eða Ind-
verji hefur rekið þarna leiktækja-
sal í óþökk flestra bæjarbúa án
þess að hafa tilskilin leyfi. Það
furðulega er að hann hefur aldrei
haft til þess neitt leyfi heldur
ákvað bæjarstjórn á sínum tíma
„að láta reksturinn afskiptalaus-
an til 1. mars,“ eins og það var
víst orðað.
En hvernig er það með bæjar-
yfirvöld, eru þau með eitthvað
annað tímatal en allir aðrir? Nú
er nefnilega kominn júní og enn
er allt í fullum gangi í Las Vegs,
þar hanga krakkarnir inni tímun-
um saman, í húsnæði sem varla
væri skepnum bjóðandi og að
því er mér skilst í óþökk heil-
brigðisyfirvalda bæjarins og
bygginganefndar.
Ef ég man rétt sagði sá er rekur
staðinn í blaðaviðtali að hann
hygðist hætta rekstri Las Vegas
um miðjan júní og flytja suður til
Reykjavíkur með tæki sín. Og
bæjarstjóri sagði við sama tæki-
færi að ef það drægist lengur að
rýma staðinn en þeir hefðu upp-
lýsingar um þá myndu bæjaryfir-
völd grípa til sinna ráða. Nú vil
ég fara fram á það við Helga
Bergs, bæjarstjóra, að hann upp-
lýsi okkur um það undanbragða-
laust hvenær sá tími rennur upp
að aðgerða megi vænta til þess að
losa okkur við þennan stað.
Svar:
„Það var haft eftir mér í Degi
fyrir skömmu að við biðum eftir
því að bæjarlögmaður kæmi úr
fríi og ég vísa til þeirrar fréttar,"
sagði Helgi Bergs þegar Dagur
leitaði til hans með þetta erindi
öskureiðs.
Gott framtak hjá eig-
endum Sporthussins
Ifkiihni vLrif'.ir*
Brekkubúi skrífar:
Oftast er dálkur eins og þessi
undirlagður af kvörtunum af
ýmsu tagi og er í sjálfu sér ekkert
við því að segja. Mig langar hins
vegar til þess að fá birtan smá
þakkarstúf vegna viðtals er ég las
í Degi við Sigbjörn Gunnarsson,
eiganda Sporthússins í Hafnar-
stræti, hér í bæ.
Þar sagði frá ýmsum uppákom-
um sem Sporthúsið hyggst gang-
ast fyrir í Hafnarstræti til þess að
lífga upp á mannlífið þar. Mættu
fleiri fara að dæmi Sporthússins
því göngugata er ekkert
skemmtileg ef ekki er eitthvað
gert til þess að lífga upp á götu-
lífið.
í greininni lætur Sigbjörn að
því liggja að bærinn mætti að
ósekju setja niður nokkur blóma-
ker í götunni, og er tekið undir
það. Ef bæjaryfirvöld og verslun-
areigendur hafa samstarf um það
að lífga upp á götuna á ýmsan
hátt verður gaman að vera þar í
góðu veðri í sumar.
Kona á Brekkunni hríngdi:
- Ég get ekki orða bundist yfir
þeirri hækkun sem orðið hefur á
mælagjaldi vörubifreiða.
Gjaldið fyrir hvern ekinn km
hækkaði nýlega úr 1.74 kr. í 2.84
kr. án þess að það væri auglýst
fyrirfram og þetta finnst mér eins
og sé verið að fara aftan að fólki
auk þess sem þetta hlýtur að
verða til þess að drepa þennan
atvinnurekstur.
Ég get nefnt það sem dæmi að
fyrir rúma 3000 km er manni gert
að greiða um 11 þúsund krónur
og það sér hver heilvita maður að
þetta getur ekki gengið.
2 - DAGUR - 29. júní 1983