Dagur - 29.06.1983, Blaðsíða 3

Skriðuföllin í Ólafsfjarðarmúla:
„Ég man ekki önnur
eins skriðuföll og núna“
- segir Valdimar Steingrímsson, eftirlitsmaður með veginum um Ólafsfjarðarmúla
„Ég er búinn að vera hérna
síðan vegurinn var tekinn í
notkun 1966 og ég man aldrei
eftir öðrum eins skriðuföllum
og núna,“ sagði Valdimar
Steingrímsson, verkstjóri og
eftirlitsmaður með veginum
um Ólafsfjarðarmúla, er við
hittum hann í Múlanum sl.
föstudag. Valdimar var þar að
störfum með mönnum sínum
en þeir hafa haft ærinn starfa
að undanförnu við að halda
veginum opnum.
„Það hefur árað afar illa núna.
Stutt er síðan við fengum hér hret
og svo komu stórrigningar í
kjölfarið. Það hættir aldrei að
hrynja hérna, það koma alltaf
nýir og nýir steinar hér niður og
bleytan fleytir þessu fram. Við
fengum t.d. um 60 metra breiða
skriðu núna í Syðri-Drangsgili,
aurinn og drullan ruddust fram
og langt niðurfyrir veg.“
- Nú stendur til að gera göng
í fjallið, þau koma auðvitað til
með að gjörbreyta öllu hér?
„Auðvitað gera þau það, því er
ég ansi hræddur um að óbreytt
ástand áfram myndi þýða það að
fólki færi að fækka hér á staðnum.
Það er athyglisvert að öll þau
snjóflóð sem komu í vetur og all-
ar þessar aurskriður núna hafa
fallið innan þess svæðis sem ekki
verður ekið ef göngin verða þar
sem um er rætt núna.“
- Valdimar fór með okkur
blaðamönnum um Múlann Ólafs-
fjarðarmegin og sýndi okkur um-
merki eftir skriðuföll þar undan-
farna daga. Var víða hálf óhugn-
anlegt um að litast, svo ekki sé
meira sagt, og Valdimar, sem
sjálfur hefur tvisvar sinnum misst
bíla þarna út af veginum, sagði
að aldrei hefði ástandið verið
jafn slæmt þarna og í vor, enda
skriðuföllin óvenju tíð og mikil.
Valdimar Steingrímsson, eftirlitsmaður.
Múlinn er hrikalegur yfirferðar.
Myndir: KGA
„Föram
veginn
eftir
minni“
„Það þýðir ekkert að vera
hræddur í þessu starfi, það
hjáipar ekki neitt,“ sagði Har-
aldur Ólafsson, frá Dalvík, en
hann hittum við í Ólafsfjarðar-
múla á dögunum. Haraldur
var þar að vinna á gröfu einni
mikilli við lagfæringar á vegin-
um og við töfðum hann
smástund.
„Ég hef orðið var við að fólk er
stundum hrætt við að aka hér um
og vissulega er hægt að skilja þá
hræðslu stundum. Múlinn er ekk-
ert mjög aðlaðandi á veturna t.d.
Þá fer allt hér á bólakaf í snjó og
má segja að við verðum að fara
veginn eftir minni þegar við erum
að ryðja hann í miklum snjóum.“
Ekki er víst að allir vildu vera
við þau hættulegu störf að vetrar-
lagi í Múlanum en Haraldur
sagði okkur að lokum að þeir
sem við þessi störf ynnu fengju
greitt álag ofan á kaup sitt sem
vissulega mætti kalla „áhættu-
þóknun".
Stórviðburður í Sólarsal
úr Þorskaffi
Opnað kl.J9.00.
Föstudagur:
Prógram 1
Sunnudagur:
Prógram 2
2ja tíma stanslaus
skemmtiatriði.
Dansbandið leikur
fyrir dansi.
Stjórnandi: Árni Scheving.
Miðasala og borðapantanir
milli kl. 18 og 20 fimmtudag
29/6.
Matseðill
föstudag:
Rjómasúpa „Marie Louise“
Marinerað „lambshops"
með estragonsósu, hrísgrjón-
um a la „Basque", blómkáli og
fersku salati. Kr. 350.
Matseðiil
sunnudag:
Rjómasúpa „Marie Louise"
Grillsteiktur „poussin“ með
salati, kartöfluköku og sveppa
sósu. Kr. 350.
Miðaverð fyrir matargesti kr. 250.
Miðaverð fyrir aðra en matargesti kr. 350.
Diskótek
í Sólarsal
fimmtudag
Laugardagur:
Opnað fyrir matargesti
kl. 20.00 í Sólarsal.
Ljúf dinnertónlist.
Hljómsveit Ingimars Eydal
og félagar sjá um dansinn.
Skemmtiatriði.
Tískusýning.
Mánasalur:
Opið alla daga bæði
hádeginu og á
kvöldin.
SJALLINN RESTAURANT
29. júní 1983 - DAGUR - 3