Dagur - 20.07.1983, Blaðsíða 7
Tryggvi Aðalsteinsson á Toyota
; Corolla 1600. í þriðja sæti á
Lancer 1400 urðu Jón Sigþórsson
og Halldór Gíslason með 30,29
mín. í refsitíma.
Þessu rallyi lauk svo á laugar-
dagskvöld með kvöldverði og
dansiballi á Hótel Húsavík og þar
fór fram verðlaunaafhending. 1.
verðlaun gaf Bílaleiga Húsavík-
; ur, 2. verðlaun Bifreiðaverkstæði
Jóns Þorgrímssonar og þau
þriðju gaf Drif sf.
Margir áhorfendur fylgdust
með keppninni, einkum fyrri
daginn, enda var veður með ein-
dæmum gott. Á sunnudaginn var
svo haldin þriðji hluti íslands-
meistarakeppninnar í rally-cross.
Hafsteinn Hauksson, rallymeist-
ari, tók þátt í þeirri keppni á
Escortinum sínum, sem þá var
orðinn rólfær á ný. Hann gerði
sér lítið fyrir og sigraði eftir
mikla og harða keppni við Þórð
Valdimarsson, sem varð í öðru
sæti. í þriðja sæti varð svo Erik
Carlssen.
„Flöskuhálsinn er hjá
fjárveitingavaldinu
Opnun heyrnar- og talmeina-
deildar er fyrirhuguð við
Fjórðungssjúkrahúsið á Akur-
eyri eins og fram kom í Degi
fyrir skömmu. Eiríkur Sveins-
son, háls-, nef- og eyrnalækn-
ir, var spurður nánar um þessa
fyrirhuguðu deild og þá þjón-
ustu sem verið hefur á þessu
sviði á Akureyri til þessa.
„Fyrir nokkrum árum var
stofnuð Heyrnar- og talmeina-
stöð íslands í Reykjavík,“ sagði
Eiríkur. „Hlutverk stöðvarinnar
er að finna heyrnar- og talgalla
hjá landsmönnum og í framhaldi
af því að útvega því fólki hjálpar-
tæki, svo sem heyrnartæki, sem
á þeim þarf að halda. í lögum
stöðvarinnar segir að hún eigi að
þjóna öllu landinu. Til þess að
geta gegnt því hlutverki hefur
stöðin heimild til að færa út kví-
arnar með stofnun útibúa og hug-
myndin er að gera það.“
- Hvernig er aðstaða á
Norðurlandi til að veita slíka
þjónustu, svo sem að útvega fólki
heyrnartæki og önnur hliðstæð
hjálpartæki?
„Hér á Norðurlandi er engin
aðstaða til að láta fólk hafa
heyrnartæki. Þurft hefur að
senda allar mælingar og niður-
stöður til Reykjavíkur og hefur
þá legið beinast við að hafa sam-
band við heyrnardeild Heilsu-
gæslustöðvarinnar.
Það er líka rétt að geta þess að
hér á landi var líka starfandi
áhugammannafélagið Heyrnar-
hjálp sem sendi starfsmenn sína
út um land til að mæla heyrn hjá
fólki. Úr þeim mælingum var síð-
an unnið og þeir sem þess þurftu
með fengu heyrnartæki sam-
kvæmt þeim mælingum.“
- Hvað hefur áunnist í þessum
málum á Akureyri?
„Það sem helst hefur áunnist er
hljóðeinangraður klefi með tækj-
um til heyrnarmælinga sem
Kiwanisklúbburinn Kaldbakur á
Akureyri gaf Heilsuverndarstöð
Akureyrar fyrir fimm árum.
Klefinn fékk inni í gluggalausu
herbergi sem er 3 x 1,5 m að
stærð og gerir ekki betur en rúma
klefann og þann starfsmann sem
framkvæmir mælingarnar.
Sú starfsemi sem hófst með til-
komu heyrnarmælingaklefans var
tilraun í upphafi í samstarfi við
Heyrnar og talmeinastöð íslands,
nokkurs konar útibú frá stöðinni.
Ákveðið var að hafa þetta útibú
opið einu sinni í viku og hefur sá
háttur haldist síðan. En formlega
er það Héilsugæslustöð Akureyr-
ar sem rekur þetta „útibú“ hér á
Akureyri," sagði Eiríkur.
- Hvert er næsta skref og hvað
með framtíðina?
- Næsta skref sem þarf að
taka er að útvega betra húsnæði
því með öðrum hætti er vonlaust
að bæta og auka þjónustuna.
Húsnæðisleysið hefur staðið
starfseminni á Akureyri fyrir
þrifum til þessa. Ég veit að stjórn
Heyrnar- og talmeinastöðvar ís-
lands hefur haft fullan vilja til að
bæta úr þessu en á þessum þreng-
ingartímum hefur flöskuhálsinn
verið hjá fjárveitingavaldinu.
Þaðan hafa ekki fengist peningar
til að leigja eða kaupa húsnæði."
- En nú hefur boðist pláss á
Fjórðungssjúkrahúsinu?
„Já, sem betur fer, þar er nú
húsnæði til staðar og læknaráð og
stjórn sjúkrahússins hafa sam-
þykkt að taka á móti „útibúinu“
á Akureyri. En þrátt fyrir að
húsnæðið sé fyrir hendi vantar
fjárveitingu til að innrétta það.
Þegar hún fæst og starfsemin get-
ur hafist á Fjórðungssjúkrahús-
inu skapast möguleiki til að hafa
stöðina opna daglega.
í framhaldi af þessu má koma
fram að lengi hefur staðið til að
fá annan háls-, nef- og eyrna-
lækni til bæjarins sem jafnvel
hefði einnig lært heyrnar- og
talmeinafræði. Hann gæti þá að
mestu leyti séð um þessa stöð í
samvinnu við þann sérfræðing
sem fyrir er. Þetta tel ég mun
betri lausn heldur en að senda
sérfræðing hingað norður sunnan
úr Reykjavík, ef til vill fjórum til
fimm sinnum á ári. Ég er algjör-
lega mótfallinn slíku. Til að gera
þjónustuna betri hér en nú er
þyrfti að senda fólk hingað oft á
viku. Það segir sig sjálft að slíkt
er ekki framkvæmanlegt. Þess
...............
- Rætt við Eirík
Sveinsson, háls-,
nef- og eyrna-
lækni um heyrnar-
og talmeinastöð
á Akureyri
..................
vegna er besti kosturinn að þessi
stöð okkar á Akureyri verði á
Fjórðungssjúkrahúsinu, eins og
stefnt er að, og sérfræðingar
sjúkrahússins sjái um reksturinn.
Vonandi verður það að veruleika
sem allra fyrst," sagði Eiríkur
Sveinsson í lok samtalsins.
Eiríkur Sveinsson, læknir. Mynd: GEJ
OFFRAMBOÐ
Offramboð er á fasteignamarkaðinum á Akureyri, samkvæmt upplýsingum fasteignasala
Það virðast vera töluverðar
sviptingar á fasteignamarkað-
inum á Akureyri þessa dagana.
Eftir því sem fasteignasalar
segja er mikið framboð á eign-
um og mikið ber á því að fólk
er að selja eignir sínar hér í bæ
og flytja til annars staðar.
„Það eru ekki síst iðnaðar-
menn sem eru að flytja úr
bænum, það er ekkert vafamál að
atvinnuhorfur hjá þeim eru ekki
bjartar. Það telst líka til undan-
tekninga ef fólk er að flytjast til
bæjarins," sagði Pétur Jósefsson,
sölumaður hjá Fasteigna- og
skipasölu Norðurlands.
Það var svipaða sögu að segja
er blaðið hafði samband við fleiri
fasteignasölur.
„Það er mjög mikið framboð af
fasteignum," sagði Hermann R.
Jónsson, hjá Fasteignasölunni
hf., það er mikið um að fólk vill
skipta á eignum annað hvort í
stærri eða minni eignir, en það er
minna um að peningar séu í spil-
inu.“
„Ungt fólk sem er að fjár-
festa í íbúð í dag byggir ekki
á fyrirgreiðslum frá bönkum, því
þau kjör sem þar eru boðin eru
það erfið að þau geta gert útaf
við allt venjulegt fólk. En margt
ungt fólk, sæmilega statt hvað
varðar sparimerki, sem safn-
ast hafa yfir lengri eða skemmri
tíma. Þessi sparimerki koma í
góðar þarfir og geta skipt veru-
legu máli þegar farið er út í stóra
hluti eins og íbúðakaup,“ sagði
Pétur Jósefsson.
Björn Kristjánsson, hjá Eigna-
miðstöðinni, hafði svipaða sögu
að seja og aðrir fasteignasalar.
„Það er töluvert um að fólk er að
flytja úr bænum en það kemur
maður í manns stað,“ sagði
Björn. „Framboð er mikið af
stærri eignum og er fólk líklega
að minnka við sig. Það er oft
vegna þess að börnin eru farin að
heiman og líka að það er orðið
mjög dýrt að eiga stórar eignir og
fólk þarf að draga saman seglin
eins og ástandið er í þjóðfélaginu
í dag,“ sagði Björn.
Pétur Jósefsson sagði að það
vantaði nauðsynlega lánafyrir-
greiðslu handa ungu fólki sem
væri að kaupa sér íbúð í fyrsta
skipti og þá sérstaklega til kaupa
á eldri íbúðum, því það væri
mikill áhugi hjá ungu fólki að
eignast eldra hús sem það vildi
síðan vinna við sjálft í sambandi
við endurbætur.
En vinsælustu íbúðirnar á
markaðnum eru, eftir því sem
þeir fasteignasalar sögðu sem
blaðið hafði samband við, 2ja til
3ja herbergja íbúðir í fjölbýlis-
húsum. En það eru íbúðir á því
verði sem fólk ræður best við
fjárhagslega.
20. júlí 1983 - DAGUR - 7