Dagur - 10.08.1983, Blaðsíða 7
Ein fullkomnasta
prentvél á landinu
- í eigu fjölskyldufyrirtækis á Akureyri
Eitt af mörgum fjölskyldu-
fyrirtækjum á Akureyri er starf-
rækt í Hamarstíg 25. Þar er
HS-vörumidar sf. til húsa og
það er Hörður Svanbergsson
fyrrum verkstjóri í POB, sem
starfrækir þarna í kjallaranum
hjá sér eina fullkomnustu
prentsmiðju sinnar tegundar á
landinu.
„Ég byrjaði á þessu 1969 sem
eins konar aukabúgrein með starfi
mínu í POB,“ segir Hörður og
slekkur á prentvélinni sem ham-
ast við að prenta skrautlega miða
á bakkelsi. „Pá byrjaði ég með
eina prentvél og fimm árum síðar
bætti ég annarri við. Og núna ný-
lega kom sú þriðja og allar þrjár
malla frá morgni til kvölds og hafa
ekki undan.“
- Og hvað prentarðu?
„Við prentum allar tegundir
límmiða og auk þess margt annað
að sjáfsögðu. Jú, biddu fyrir þér,
ég gæti verið að þessu allan sólar-
hringinn. Ég er nú hættur í POB
og sinni þessu eingöngu. Við
erum í allt þrjú, ég, konan mín
Hilda Árnadóttir og Árni sonur
okkar. Síðan nýja vélin kom
vinnum við frá þetta 7-8 á morgn-
ana og til 10 á kvöldin. Og nóg
er að gera.“
- Þetta er góð maskína, þessi
nýja prentvél þín?
„Já, hún mun vera sú eina sinn-
ar tegundar á landinu og um leið
sú fullkomnasta. Hún geturskilað
prentverki, annað hvort á örkum
eða rúllu, eftir ósk viðskiptavinar-
ins. Hún getur prentað í fjórum
litum samtímis og fimmti liturinn
fæst með „fólíu“. Þar að auki get-
um við sett „lamineringu" á mið-
ana, það er að segja, þá eru þeir
klæddir með örþunnri filmu. Nú,
það er ekki allt búið ennþá, hérna
er svo sérstakur útbúnaður sem ég
fékk smíðaðan fyrir mig í Dan-
mörku og hann gerir mér kleift að
keyra tölvugöt í miðana.“
Hörður Svanbergsson hefur
gegnum tíðina ekki alveg verið
lesendum Dags óviðkomandi,
því hann heíur að líkindum
manna lengst starfað við að
prenta blaðið áðuren Dagurflutti
í eigið prentverk. Hörður tók off-
setprentarapróf í Danmörku og
hefur auk þess stúderað í Pýska-
landi.
- En er grundvöllur fyrir svona
fullkomna prentsmiðju hér á
landi?
„Það verður að koma í ljós með
tíð og tíma, ég álít að svo sé. Við-
skiptavinir okkar eru víða aí
landinu og ég hef þá trú að enn
fleiri gætu notfært sér þá þjónustu
sem við höfum upp á að bjóða.
Auk þess sem við prentum erum
við með eigin myndamótagerð,
þannig að það eru hæg heimatök-
in. Þörfin fyrir límmiða á mat-
vælaumbúðir ef alltaf að aukast
ekki síst með nýjum lögum um
matvælamerkingar. Nú má engar
vörur selja til neyslu án ítarlegra
merkinga um heiti, innihaldslýs-
ingu og nafns framleiðanda. Ef
svo heldur áfram sem horfir með
verkefnin, þá verðum við að fara
að vinna á vöktum hér.“
Tíðindamaður Dags hefur vart
kvatt Hörð, þegar prentvélarnar
eru komnar í gang. Því næg eru
verkefnin.
Árni Harðarson við aðra af eldri vélunum.
Hörður Svanbergsson við hina fullkomnu prentvél, þetta er japanskt tæki og er með þeim betri á landinu.
Myndir: KGA.
10. ágúst 1983 - DAGUR - 7