Dagur - 09.09.1983, Blaðsíða 3

Frisenette ásamt Magnúsi Þór Sigmundssyni.
Mynd: ESE.
99
Ogleyman
leg ferð
Oávaldurinn Frisenette
heimsækir Norðurland
- Þetta er búin að vera dásamleg ferð. Ég var á þessum sömu
stöðum fyrir 26 árum og það er ótrúlegt en satt að fólk man
ennþá eftir mér. Hvar sem ég kem, hvort það er í leigubfla
eða á veitingahús þá kemur fólk til mín og þakkar mér fyrir
þessar sýningar sem voru fyrir 26 árum.
Sá sem hefur orðið er dávald-
urinn Frisenette en hann er enn
einu sinni kominn til íslands til
að skemmta landslýð. Það má
segja að Frisenette hafi bundið
sérstaka tryggð við landið og víst
er að landinn hefur kunnað að
meta sýningar hans.
Að sögn Kristins T. Haralds-
sonar sem túlkar fyrir Frisenette
á þessari hringferð um landið þá
hefur ferðin gengið einstaklega
vel og sérstaklega hafi verið gam-
an á sýningunum á Siglufirði og í
Ólafsfirði. Þar hafi verið húsfyllir
og t.a.m. hafi margir orðið frá að
hverfa á Siglufirði.
- Við verðum bara að halda
aðra sýningu, segir Frisenette og
skellihlær og það er greinilegt að
Elli kerling hefur engum tökum
náð á honum ennþá. Kannski
hann hafi bara dáleitt kerlu.
- Það er ótrúlegt hvað margt
hefur breyst hér á þeim tíma sem
liðinn er frá því ég skemmti hér.
Ég er eins og ókunnugur maður
þegar komið er inn í bæina en um
leið og komið er innar, að mið-
bænum þá þekki ég mig aftur.
Eins og á öllum blaðamanna-
fundum Frisenette, þá voru létt
dáleiðsluatriði í hávegum höfð og
að þessu sinni dáleiddi Frisenette
Jón Marinó Sævarsson, 15 ára
sem verið hefur í vinnu hjá Degi
í sumar. Fyrst ’oreytti dávaldur-
inn hægri hönd Jóns í „spýtu“ og
síðan sagði hann honum að opna
munninn hægt og þegar hann
segði til þá gæti Jón ekki lokað
munninum aftur. Og auðvitað
stóð allt eins og stafur á bók.
Gömul og gild dáleiðsluatriði og
víst er að þessi atriði og fleiri eiga
eftir að ylja áhorfendum og þátt-
takendum á sýningum Frisenette
á næstunni.
Hér á Akureyri verður Frisen-
ette með tvær sýningar í leikhús-
inu og verða þær 14. og 15. sept-
ember. Forsala er hafin í Cesar
en þess má geta að hinn góð-
kunni tónlistarmaður Magnús
Þór Sigmundsson treður upp á
undan sýningum dávaldsins.
- Ég á hálfrar aldar starfsaf-
mæli um þessar mundir og eftir
þessar sýningar hér á Akureyri
og tvær til þrjár sýningar í
Reykjavík, þá er ég endanlega
hættur. Það er loforð, sagði hinn
geðþekki heiðursmaður og dá-
valdur Frisenette að lokum.

Ekki ánægður með
arangunnn
44
segir Jóhannes Hjálmarsson sem vann silfurverðlaun
á heimsmeistarmóti öldunga í lyftingum
Jóhannes Hjálmarsson lyft-
ingakappi er nýkominn heim
frá keppni á Heimsmeistara-
móti öldunga, en það var að
þessu sinni haldið í Kanada. í
þeim tveim mótum sem Jó-
hannes hefur áður tekið þátt í
hefur hann borið sigur úr
býtum, en nú varð hann að láta
sér silfurverðlaun nægja. Það
er ekki lítið afrek að ná í
silfrið, en samt sem áður
spurðum við Jóhannes hvort
hann væri ánægður og hvað
hefði gerst þarna úti.
„Ég er ekki ánægður með
árangurinn sem var langt frá því
sem ég hef gert best áður og tals-
vert slakara en ég var að lyfta
áður en ég fór út. Það eru mikil
viðbrigði að koma þarna út í 40
stiga hita, og ekki hjálpaði það
að ég fékk ælupest og var ælandi
bæði áður en keppnin hófst og
einnig á meðan hún stóð yfir.
Annars vil ég ekkert vera að af-
saka þetta, en ég get mun betur
en þessi árangur segir til um.“
Besti árangur Jóhannesar í
keppni er 640 kg samanlagt. Mót-
ið vannst núna af finnskum kepp-
anda sem lyfti 620 kg en Jóhann-
es lyfti 587,5 kg. Það voru fimm
keppendur sem hófu keppni í 100
kg flokki en aðeins finnska sig-
urvegaranum og Jóhannesi tókst
að ljúka keppninni.
Alls tóku 130 keppendur frá 15
þjóðum þátt í mótinu að þessu
sinni. „Það er annars búið að
stórskemma þetta mót því nú er
það þannig að þeir sem eru frá 50
ára flokki og upp í 76 ára aldur
keppa aliir saman í einum flokki.
Það sjá allir hvað er verið að gera
með þeirri ákvörðun, það er ein-
ungis verið að hrekja þessa eldri
menn frá því hvað þýðir að láta
mann sem er kominn yfir sjötugt
vera að keppa við okkur sem
erum rétt yfir fimmtugt.“
- Þú hefur væntanlega búið
þig vel undir þetta mót?
„Já, ég gerði það. Annars voru
nokkrir annmarkar á því þar sem
ég braut á mér herðablað í vinn-
unni og það hrökk svo í sundur á
Akureyrarmótinu í vor og ég var
frá æfingum í um 20 vikur. En ég
var ágætlega undir þetta mót bú-
inn og hafði lyft vel yfir 640 kg
áður en ég fór út.“
- Og er ekki ætlunin að halda
áfram að sækja verðlaun á þessi
heimsmeistaramót?
„Ég hef áhuga á því, en nú var
ég að heyra að næsta mót verði
haldið í Ástralíu. Ætli það þýði
ekki að peningamálin séu þannig
að ég verði að sitja heima.“
- Hefur þú orðið að greiða
þetta að mestu úr eigin vasa?
„Að nokkru leyti. Að vísu
fékk ég styrk frá Lyftingaráði
Akureyrar, frá íþróttafélaginu
Þór og þá styrktu starfsmenn
Slippstöðvarinnar þar sem ég
vinn mig einnig. Ég vil nota þetta
tækifæri til að þakka þessum aðil-
um alveg sérstaklega."
- En Lyftingasamband íslands
sá ekki ástæðu til þess að styrkja
þig?
„Nei, ekki hef ég orðið var við
það. Þeir telja mig greinilega
ekki gjaldgengan til keppni á al-
þjóðavettvangi. Ég veit ekki
hvað ég þarf að gera meira á al-
þjóðavettvangi sem öldungur en
að sigra í heimsmeistarakeppni
eins og ég hef gert tvívegis til
þess að þeir telji mig gjaldgeng-
an. Ég fæ ekki styrk frá þeim eins
og aðrir lyftingamenn sem keppa
erlendis."
- Hvað tekur nú við?
„Nú er það næst minningar-
mótið um Grétar Kjartansson og
þar ætla ég að spreyta mig. Svo
koma mótin hvert af öðru í
vetur.“
- Nú hefur Ástralíumaður
nokkur hirt af þér heimsmetin
þín, er ekki áhugi fyrir því að
taka þau af honum?
„Ég vonaðist til þess að gera
það í Kanada, en það verða gerð-
ar tilraunir til þess að taka þau af
honum í vetur, það er öruggt.“
RABHÚS Á EINNIHÆD!
iiiiiliilllllliilllllllllhlilililll llliillliliiiiiiiiiiliiiiiiiiiiiiiiiiiiiiiiiiiiiini II!
r i—i i— 1
I I

sc -P ^L ru

É

□
O

— HJ0N
HERB.
O
/ SKALl’ J
' GKrTlVl
nr
i cn
P-Q.,___GK=7D^0
É:d""iCTQrr-/
oS«s nrnnni
o
fl-
U07
BlLOEYMSLA
GK= 70.60
51
Höfum til sölu íbúðir
í einnar hæðar, fjögurra íbúða
raðhúsi við Móasíðu.
Hver íbúð er 112 m! með 27 m2 bílskúr.
íbúðirnar seljast fokheldar - eða lengra
komnar eftir samkomulagi.
Húsið verður fullfrágengið að utan
með grófjafnaðri lóð.
Bílastæði verða malbikuð.
Allar nánari upplýsingar veittar á skrifstofunni
FURUVELLIR 5
SlMAR (96)21332 og 22333
iLGEIHIDARr
GGINGAVERKTAKAR
9. september 1983 - DAGUR - 3