Dagur - 12.09.1983, Blaðsíða 9

ALLIR VILJA GANGA
TAVEG
Hvort sem mennt er máttur
eða ekki, er það ljóst að
menntun er nokkuð sem lang-
flestir sækjast eftir. Skólar sem
veita framhaldsmenntun hér á
Akureyri, Menntaskólinn,
Gagnfræðaskólinn, Iðnskóiinn
og Hússtjórnarskólinn, eru all-
ir þétt setnir. Aldrei hafa fleiri
verið í Iðnskólanum en á þessu
hausti. Og það eina sem for-
ráðamenn Verkmenntaskólans
hafa áhyggjur af er það hvort
þeir muni geta hýst alla þá
nemendur sem tU þeirra vilja.
„Við höfum nú í fyrsta sinn
sett reglulegan bekk í skála
skólans," sagði Aðalgeir Pálsson
skólastjóri Iðnskólans. „Nem-
endur verða um 280 í vetur, og ég
held að þeir hafi aldrei verið fleiri
í skólanum."
í framhaldsdeildum Gagn-
fræðaskólans eru 359 nemendur
í haust, og hafa aldrei verið fleiri.
Voru í fyrra 250. Þar er meiri-
hluti á viðskiptasviði, eða 190 alls
í þrem árgöngum. Þeir nemendur
luku síðan stúdentsprófi úr
Verslunardeild Menntaskólans.
Auk þess er í framhaldsdeildun-
um kennsla á heilbrigðissviði og
uppeldissviði.
„Það er allt á fullu hjá okkur,“
sagði Margrét Kristinnsdóttir
skólastjóri Hússtjórnarskólans í
spjalli við Dag. „í vetur verður
byrjað að kenna á nýrri náms-
braut í samvinnu við Gagnfræða-
og Iðnskólann, Matvælatækni-
braut heitir það og er þriggja ára
nám, tvö ár í skóla og eitt verk-
legt í viðurkenndu mötuneyti."
Auk þess verður kennsla í hús-
stjórn og vefnaður og fatasaumur
er kenndur á námskeiðum.
Margrét sagði að skólinn væri
fullsetinn fram að áramótum, en
möguleiki væri á að komast að
eftir áramót. Nemendur í vetur
verða alls rúmlega þrjúhundruð
talsins, þó nokkuð af þeim stund-
ar einnig nám við aðra fram-
haldsskóla. Til dæmis gera
menntskælingar mikið af því að
læra vefnað og fatasaum sem val-
grein.
Menntskælingar verða alls 620
talsins í haust. Nýnemar á fyrsta
ári verða 175 af þeim 200 sem
sóttu um skólavist. Á öðru ári
verða nemendur 190 talsins, 135
á þriðja ári og 120 á fjórða. Flest-
ir nemendur eru í stærðfræði-
deildum, en skipting í félags-
fræðideildir og máladeildir er
nokkuð jöfn. Kvenfólk er nú
orðið í meirihluta í skólanum,
60% af nemendunum er
kvenkyns.
Verkmenntaskólinn tekur til
starfa á næsta ári og undir hann
munu heyra framhaldsdeildir
Gagnfræðaskólans, Iðnskólinn
og Hússtjórnarskólinn. Það er
því ljóst að hann verður álíka
fjölmennur og Menntaskólinn.
Enda er það helsta áhyggjuefni
þeirra sem með mál skólans hafa
að gera, hvort hægt verði að hýsa
alla þá nemendur sem til skólans
sækja.
Tiyggvi Gíslason:
„Aðsókn alltaf
að aukast"
„Aðsókn að Menntaskólanum á
Akureyri er alltaf að aukast,“ sagði
Tryggvi Gíslason skólameistari.
„Þó að nemendur á fyrsta ári séu
færri nú, en var í fyrra, er það ekki
nema eðlilegt, því að aðsókn var
óeðlilega mikil í fyrra.
Tryggvi sagði að ef vel ætti að
vera gæti Menntaskólinn ekki tekið
við nema 150 nemendum á fyrsta
ári, en vegna þess hve umsóknir
hefðu verið margar á síðustu árum,
hefði fleirum verið veitt skólavist.
Á undanförnum árum hefur fall
nemenda á fyrsta ári verið 20%, á
öðru ári 10-15% en eftir það er nán-
ast ekkert fall.
í vetur verða 110 nemendur á
málabraut, 200 á stærðfræðibraut-
um, 110 á samfélagsfræðibraut og 20
á verslunarbraut, sem er einungis á
fjórða námsári og þar eru nemendur
af viðskiptasviði framhaldsdeilda
Gagnfræðaskólans.
„Það lætur nærri að 60% nemend-
anna séu stúlkur og 40% piltar,“
sagði Tryggvi Gíslason. „Það hélst
lengi óbreytt, áratugum saman, að
stúlkur voru um 20% nemenda.
Eftir 1960 fór þeim að fjölga og frá
því ’75 til ’80 varð mjög snögg breyt-
ing á og þeim fjölgaði mikið.“
Menntaskólinn á Akureyri verður
settur sunnudaginn 2. október.
Mánuði seinna en aðrir framhalds-
skólar.
„Meginástæðan fyrir því að við
byrjum svo seint, er sú að haustið
hér er mjög drjúgur vinnutími fyrir
nemendur sem aðra,“ sagði
Tryggvi. „Við höfum gert á þessu
athugun, og það kom í ljós að um
þriðjungur nemenda hefur allt að
helming sumartekna sinna upp í
septembermánuði einum. Önnur
ástæða er sú að það vorar seinna á
Norðurlandi og sumarvinna hefst
því miklu seinna en á Suðurlandi.
Það mætti kannski líka nefna, að
þetta er gömul hefð sem ógjarnan
verður brotin, og allra síst þegar
hún er í fullu samræmi við þarfir
nemenda.“
- Nú virðist svo sem mennta-
skólanám sé eftirsóttarra en annað
framhaldsnám, hvað veldur?
„Ég held að það hafi mikið að
segja, að menntaskólarnir veita
trausta menntun sem gefur starfs-
réttindi. Fjölbrautaskólarnir og
framhaldsdeildir gagnfræðaskól-
anna hafa verið í mótun, og það er
nokkuð óvíst um starfsréttindi sem
styttri námsbrautir veita. Þess vegna
hefur menntaskólanám verið
vinsælt."
„Ástandið hjá okur er að verða
ískyggilegt,“ sagði Vilberg Alex-
anderson skólastjóri Glerárskóla.
Þar verða nemendur 651 talsins í
vetur í 9 bekkjum. „Við höfum í
raun ekki nægilegt húsnæði til
kennslu, við erum á hrakhólum með
bókasafnið. Það er orðið afskaplega
„ískyggilegt
ástand"
leiðinlegt að eiga við þetta.“ Og
þannig var hljóðið í flestum sem
Dagur ræddi við um þessi mál.
Skólarnir eru flestir að springa utan
af nemendunum. Nemendum sem
alls verða rúmlega 2.600 í barna-
skólum bæjarins.
„Að vissu leyti koma þessi
þrengsli niður á kennslunni," sagði
Vilberg. „En við vitum ekki með
vissu hve mikið og hvernig, og það
er ekki alltaf hægt að setja jafnað-
armerki milli fjölda í bekk og
slæmrar kennslu. Það eru einstakl-
ingarnir og kennarinn að sjálfsögðu
sem mestu ráða.“
- Hafa allir nemendur komist
fyrir hjá ykkur, eins og til stóð?
„Nei, því fer fjarri. Það eru um
hundrað nemendur sem áttu að vera
hér, sem hafa farið í aðra skóla. En
hvað þetta mál varðar höfum við
mætt afskaplega góðum skilningi
hjá foreldrum þessara barna, og það
er von okkar að þessi mál fari að
leysast farsællega."
f Barnaskóla Akureyrar eru í vet-
ur 513 nemendur í 6 bekkjum; í
Oddeyrarskóla eru 447 í 9 bekkjum;
í Lundarskóla eru 585 í 6 bekkjum
og í Gagnfræðaskólanum eru 428 í 3
bekkjum.
Er flottara að vera í menntaskóla en
öðrum skólum? Eru menntskæling-
ar rjómi rjómans? Víst er um það að
menntaskólar eru eftirsóttari en
aðrir skólar. Einkunn upp úr 9.
bekk ræður engur þar eð sömu lág-
markseinkunnir eru inn í alla fram-
haldsskóla á landinu. Ef til vill er
það flottara í hugum íslendinga að
vera í Menntó. Dagur bar það undir
Sigrúnu Sveinbjarnardóttur sálfræð-
ing, formann skólanefndar.
Ég hef náttúrulega engar
borðliggjandi sannanir fyrir neinu í
þessu máli,“ sagði Sigrún. „En
Menntaskólinn er gömul stofnun og
fyrr á tímum fóru þangað menn sem
þóttu heldur fínni en aðrir. Það
voru efnameiri menn sem fóru í
menntaskóla, þetta þótti eins konar
fínt slekti sem fór þessa leið. Og það
getur verið að sú tilfinning ríki frek-
ar í þessari gömlu stofnun, heldur
en í nýrri stofnun sem hefur ekki
þessa gömlu rót, heldur hefur orðið
til á seinni tímum, vegna breyttra
þjóðfélagshátta. En ég vil ekki segja
að það séu aðrir þjóðfélagshópar
sem fara í Gagnfræða- og Iðnskól-
^nn en í Menntaskólann nú á
dögum.“
- Gæti tilkoma Verkmenntaskól-
ans breytt einhverju í þessum
málum?
„Ég á fyllilega von á því að Verk-
menntaskólinn eigi sér framtíð og
bæði hann og Menntaskólinn komi
til með að standa hátt og það verði
stíll yfir þeim. Kannski mætti
hampa verkmennt meira en gert
hefur verið. Því að án verkmenning-
Sigrún Sveinbjömsdóttir:
„Þrýstingur
skiptir máli“
ar og verkmenntunar komumst við
skammt.“
- En hvað veldur mestu í vali
unglinga á framhaldsnámi?
„Það er nú með þessa spurningu
eins og þá fyrstu, að ég hef engar
rannsóknir fyrir framan mig að vitna
í og er því með hálfgerðar getgátur.
En ég gæti vel ímyndað mér að val
vina skipti einhverju máli. Annað
hvort þrýstingur eða val foreldra á
sínum tíma, það er að segja að börn
velji það svið sem líkist foreldranna,
í mörgum tilvikum. Kannski hefur
persónulegt áhugamál eitthvað að
segja í einhverjum tilvikum. En ég
held að það sé ákaflega erfitt að
svara þessu með nokkru algildu. En
þetta er það sem ég varð helst vör
við þegar ég kenndi í framhalds-
skóla. Og þetta getur haft áhrif þótt
nemendur séu jafnvel ekki meðvit-
aðir um það.“
12. september 1983 - DAGUR - 9