Dagur - 24.10.1983, Blaðsíða 3
Ferðamálasjóð
fýsir ekki í
hótelrekstur
- Neitaði að taka skuldir Hótels Húsavíkur upp í eignaraðild
Hótel Húsavík á í miklum fjár-
hagserfiðleikum um þessar
mundir og m.a. skuldar hótelið
ferðamálasjóð mörg hundruð
þúsund krónur. Var hugmynd
Húsvíkinga sú að ferðamála-
sjóður tæki þessa skuld upp í
eignaraðild að hótelinu en nú
lítur út fyrir að Húsvíkingar
verði sjálfír að ráða fram úr
vandanum.
- Við synjuðum þessari beiðni
enda töldum við það ekki hlut-
verk ferðamálasjóðs að eignast
og reka hótel, sagði Heimir
Hannesson, formaður stjórnar
ferðamálasjóðs í samtali við Dag.
Heimir sagði að stjórn sjóðsins
teldi að þeir aðilar sem standa að
Hótel Húsavík væru það ábyrgir
og sterkir að best væri að þeir
réðu fram úr vandanum sjálfir.
Það kæmi hins vegar vel til greina
að liðka fyrir málum svo sem
með því að lengja lánstímann en
engar ákvarðanir þar að lútandi
hefðu þó verið teknar enn.
- Hótelið hefur lengi verið
mikið vandamál fyrir okkur,
sagði Bjarni Aðalgeirsson,
formaður stjórnar Hótels Húsa-
víkur er Dagur ræddi við hann.
Bjarni sagði að greiðslubyrðin
vegna hótelsins, þ.e. vextir og af-
borganir af lánum væru líklega
um 1.4 milljónir á þessu ári. Þessi
lán væru að meginhluta til frá
ferðamálasjóði og vextirnir háðir
framfærsluvísitölu eða hæstu
leyfilegu vextir á hverjum tíma.
Bæjarsjóður Húsavíkur á 64%
hlutafjár í hótelinu en aðrir
stærstu hlutafjáreigendurnir væru
KSÞ og Flugleiðir.
- Það er ekkert leyndarmál að
við höfum tekið ný lán til að
borga afborganir og vexti af
gömlu lánunum og með þessu
móti tókst okkur að standa í skil-
um um sl. áramót. Við sam-
þykktum á síðasta aðalfundi að
auka hlutafé ef það gæti orðið til
að grynnka á skuldunum og eins
höfum við óskað eftir viðræðum
við Samgönguráðuneytið og
ferðamálasjóð um framhaldið,
sagði Bjarni Aðalgeirsson,
bæjarstjóri.
Virðið
hvíta stafinn
Hvíti stafurinn hefur hlotið al-
þjóðlega viðurkenningu sem tákn
þess takmarks og sjálfstæðis er
sjónskertir hafa náð. Hann er
tæki sem gerir mönnum fært að
rata, ferðast um, afla sér upplýs-
inga og veita þær. Með notkun
hans er ekki verið að leita eftir
samúð, en hann veitir upplýsing-
ar um hindranir og breytt um-
hverfi. Hann gefur til kynna það
sem menn kannast við og varar
við hinu óvænta.
Hvfti stafurinn minnir sjáandi
menn á að sýna blindum háttvísi
og sýna skynsemi í umgengni við
þá. Hægt er að aðstoða sjón-
skerta við að tryggja öryggi á
ferðum þeirra og rétt þeirra í um-
ferðinni með því að veita aðstoð
þegar þess er óskað eða einfald-
lega með því að gefa eftir um-
ferðarrétt í akstri eða á göngu.
Skorað er á íslendinga að virða
hvíta stafinn sem forgangsmerki
blindra í umferðinni og ennfrem-
ur eru þeir hvattir til þess að auka
skilning og þekkingu á þörfum og
réttindum blindra og sjónskertra
hvar sem þeir kunna að vera.
Trésmiðir
fagna
Nóbels-
verðlaunum
til Walesa
Fundur í Trésmiðafélagi Akur-
eyrar haldinn á Dalvík 5. október
1983, fagnar þeirri ákvörðun
norsku nóbelsnefndarinnar að
veita Lech Walesa friðarverðlaun
Nóbels vegna starfa hans fyrir
pólska verkalýðshreyfingu. Á
þessa ákvörðun ber að líta sem
hvatningu til órofa samstöðu
allra frjálsrar verkalýðshreyfing-
ar til stuðnings þeim félögum
okkar sem meinað er að starfa í
verkalýðsfélögum í skjóli vald-
boða.
Því verður ekki trúað að Al-
þingi íslendinga geti samþykkt
það ákvæði bráðabirgðalaga
ríkisstjórnarinnar frá 27. maí sl.,
sem skerðir eða afnemur samn-
ingsrétt. Því er skorað á Alþingi
og ríkisstjórn að afnema án tafar
öll ákvæði bráðabirgðalaganna er
skerða eða afnema samningsrétt
samtaka launafólks. Þannig að ís-
lensk verkalýðshreyfing verði tal-
in með þegar rætt er um frjálsa
verkalýðshreyfingu.
Skautar
svartir
og
hvítir
stærðir 28-42
Sporthú^kL
HAFNARSTRÆTI 94
SIMI 24350
Tölvunámskeid
Tölvunámskeið hefst 10. nóvember.
Innritun og nánari upplýsingar er gefnar í Bóka- og
blaðasölunni við Ráðhústorg eða Gránufélagsgötu 35.
Þeir sem hafa áhuga vinsamlegast hafið sam-
band sem fyrst.
BARNAMYNDIR
24. október 1983 - DAGUR - 3