Dagur - 19.12.1983, Blaðsíða 2

2 - DAGUR - 19. desember 1983
Sigurjón Halldórsson:
Hef ekki tölu á því - sé um fjár-
málin.
Birgir Einarsson:
Já, dálítið margar.
Jakob Bjömsson:
Maður neyðist til þess - það er
slatti.
Ætlarðu að gefa mikið
af jólagjöfum?
Karl Davíðsson:
Svipað og verið hefur, það eru
helstu skyldmenni og vinir sem
maður færir gjafir.
„Hér lifum
við fyrir líð-
andi stund“
— Rætt við Óla Halldórsson
bónda á Gunnarsstöðum
- Við kvíðum engu hér á
norð-austurhorninu, hvorkl
því sem nú er eða því sem
koma skal. Við erum þannig
sinnaðir hér að við lifum fyrir
líðandi stund og látum okkur
líða vel. Menn eru almennt
þeirrar skoðunar að stundin
sem er að líða sé stundin sem
við eigum og ráðum. Það getur
svo sem vel verið að þeir
sprengi þetta allt á meðan ég
er að tala við þig, sprengi allt í
loft upp en það getur líka dreg-
ist í tvö þúsund ár eða tíu þús-
und ár. Það veit enginn.
Þetta sagði Óli Halldórsson
bóndi á Gunnarsstöðum í Þistil-
firði er Dagur ræddi við hann
fyrir helgina.
- Hér er alit tíðindalítið og þá
er ekkert að, sagði Óii í upphafi
samtalsins, en bætti svo við: - En
það gerist sosum ýmislegt.
- Ef við byrjum á tíðarfarinu
þá má segja að það hafi ekki ver-
ið slæmt í haust en þó hefur verið
ákaflega haglítið og það hefur
gert svona bleytustorkur og ein-
mitt í dag er svona storka. Það er
krapalag á allri jörð. Það gerði
náttúrlega þarna í nóvember þeg-
ar raflínan slitnaði, þá gerði mjög
vont veður og mikla storku og
svell og menn eru hræddir um
túnin. Það er búið að vera svellað
í tvo mánuði, meira og minna.
Nú þetta kemur sér ekki vel eftir
heyskaparlítið sumar. Tún voru
kalin í vor en við erum ýmsu van-
ir og kvörtum ekki frekar en
aðrir.
- Hvað með framkvæmdir í
sveitinni?
- Það hefur verið ofurlítið um
byggingaframkvæmdir. íbúðar-
hús var byggt í sumar, gert fok-
helt og sömuleiðis barnaskólinn
á Svalbarði. Eitthvað var meira
um byggingaframkvæmdir. Jú,
það voru byggð tvö veiðihús,
annað við Hölkná og hitt við
Hafralónsá og eina íbúð er verið
að byggja við gamalt hús og hún
er að verða alllangt komin. Nú og
svo var skurðgrafa hér í sumar og
gróf bara töluvert, þannig að
menn eru ekkert dauðir úr öllum
æðum hér.
- Hvað er að frétta af land-
búnaði?
- Það hefur auðvitað orðið'
mikill samdráttur í sauðfjárrækt-
inni en hér eru einnig þrjú kúa-
bú sem sjá svæðinu Þórshöfn og
nágrenni fyrir mjólk.
- Einhverjar nýjar búgreinar?
- Það sóttu menn um að setja
á stofn refabú hér en fengu ekki.
Stóð náttúrlega á fóðurblöndun-
arstöð.
- Hvað segir þú mér af mann-
lífinu?
- Mannlífinu? Það er nú gott
mannlíf hér. Það finnst okkur
sjálfum a.m.k. Þetta er það
mannlíf sem við viljum lifa og ég
sagði það nú fyrir mörgum árum
við Steingrím vin minn Her-
mannsson, hann kom hér og hélt
fund og talaði þá m.a. um að það
þyrfti að taka upp nýtt lífsgæða-
mat. Ég var fundarstjóri og þegar
ég sleit fundinum þá sagði ég við
hann að það nýja lífsgæðamat
sem hann væri að tala um væri
það lífsgæðamat sem við hefðum.
Því að því aðeins værum við
hérna á norð-austurhorninu að við
mætum meira hreint loft, fagurt
útsýni, fuglakvak, lambsjarm og
lindarhjal en beinharða peninga.
Við værum annars færir ef út í
það hefði verið farið, að taka að
okkur hvaða hlutverk sem er í
þjóðfélaginu.
- Hafið þið mikið af skemmt-
unum fyrir jólin?
- Já, já. Tónlistarskólinn hélt
hér söngskemmtun á laugardag-
inn var og í kvöld ætlar kirkjukór
Sauðanesskirkju að halda kon-
sert á Þórshöfn. Síðan verða
barna- og jólatrésskemmtanir og
kvenfélögin eru einnig mjög virk.
- Leikrit?
- Það eru nú ein tvö leikfélög
hér á svæðinu en þau hafa að ég
held ekkert hreyft sig í vetur.
- Hvernig hefur rjúpnaskytt-
um gengið þarna í kringum þig?
- Það hefur verið ákaflega lít-
ið um rjúpu hér í vetur. Annars
er ég lítill veiðimaður og ég sagði
það líka oft við forvera ykkar
þarna á Degi, Erling Davíðsson,
ritstjóra sefn er mikill laxveiði-
maður, að laxveiði væri svona
sambærileg við það að ég settist
upp á hest og riði á eftir lambi
þar til það yrði uppgefið, rotaði
það svo með steini, ef mig lang-
áði í lambakjöt. Þetta væri sam-
bærilegt við það sem þeir gerðu.
Við Erlingur vorum ekki sam-
mála á þessu sviði þó við séum
góðir vinir og oft sammála.
- Hvað hefur fólk í jólamatinn
þarna í- sveitinni?
- Maður er auðvitað ekki
mjög kunnugur því á heimilum
því það eru allir heima hjá sér um
jólin en ég býst við því að rjúpur
og hangikjöt og svo auðvitað
lambakjötið, sé það sem flestir
hafa.
- Allir búnir að steikjá laufa-
brauðið?
- Það er svona verið að því.
Það er mjög almennt hér. Flest
öll heimili hafa laufabrauð, en
aðrir gamlir siðir eru því miður á
undanhaldi. Magálar held ég t.d.
að séu orðnir mjög sjaldséðir og
þessi gamla matarverkun. Því er
verr því við týnum niður hluta úr
þjóðmenningunni ef við týnum
þessum gömlu verkunaraðferð-
um. Þessum gömlu geymsluað-
ferðum. Þetta var allt sérverkun
og það má segja að hver bær hafi
haft sinn keim, sitt bragð, sagði
Óli Halldórsson.
Réttum hjálparhönd
Nú fyrir jólin eins og jafnan áður
gengst Hjálparstofnun kirkjunn-
ar fyrir landssöfnun til hjálpar
hungruðum og þjáðum. Sendir
hafa verið söfnunarbaukar ásamt
gíróseðli og fréttabréfi inn á
hvert heimili landsmanna.
Bankar, sparisjóðir og póstaf-
greiðslur auk sóknarpresta og
skrifstofu Hjálparstofnunarinnar
veita innihaldi söfnunarbauka og
öðrum framiögum viðtöku.
Hjálparstofnunin hefur mörg
verkefni á dagskrá um þessar
mundir. Stofnunin vill vekja sér-
staka athygli fólks á hinni hrika-
legu neyð sem ríkir víða í Afríku
af völdum langvarandi þurrka.
Þar er mikil þörf á virkri neyðar-
hjálp. Fólk þjáist úr hungri og
næringarskorti á þurrkasvæðun-
um. Hjálparstofnunin hefur hafið
framleiðslu og sendingar á fisk-
töflum úr malaðri skreið til
þurrkasvæðanna í Eþíópíu. Von-
ast er eftir að sendingar geti einn-
ig orðið til fleiri landa. Miklu
skiptir að landssöfnunin nú um
jólin gangi vel og ræður hún
miklu um framhald aðstoðarinn-
ar.
Þá starfar Hjálparstofnunin
einnig að verkefnum á sviði lang-
tímahjálpar. í S.-Súdan starfa
tveir Islendingar að þróunarverk-
efni undir kjörorðinu „Hjálpum
þeim til sjálfsbjargar“. Hjálpar-
stofnunin leggur áherslu á að
koma á framfæri íslenskri sér-
þekkingu til aðstoðar á hjálpar-
svæðum t.d. með að senda fslend-
inga til starfa að þróunarverkefn-
um við kennslu og ráðgjöf í fisk-
veiðum, borun og leit að neyslu-
vatni, en vatnsskortur er mikið
vandamál víða í þróunarlöndum.
Þá hefur Hjálparstofnunin hafið
aðstoð við uppbyggingu fiskrækt-
arstöðva á landamærum Kína og
Hong Kong í samvinnu við Al-
kirkjuráðið. Hjálparstofnunin
hefur aðstoðað með matvæla-
sendingum til Póllands og starfar
einnig að innanlandshjálp. Það
er orðinn fastur þáttur í jólaund- taka á móti jólum með því að lina
irbúningi hjá mörgum að taka þjáningar hungraðra, líkna og
þátt í hjálparstarfi kirkjunnar réttar hjálparþurfi hjálparhönd.
með framlögum til starfsins. Hjálparstofnun kirkjunnar.
Kirkjan vonar að við megum
Þakkir fyrir almanak
Bóndi framan úr sveit hringdi:
Ég vil koma á framfæri þakk-
læti til Kaupfélags Eyfirðinga
fyrir þá virðingu sem þeir sýna
loks sveitafólki á almanaki fé-
lagsins.
Þetta almanak er þokkalegasta
plagg í ár eftir að hafa verið held-
ur ómerkilegt en það sem mestu
skiptir er að nú eru loks myndir í
almanakinu af sveitafólki við
störf sín. Við eigum nú einu sinni
að heita hornsteinn þessa félags
og því er það vel við hæfi að þess-
ar myndir prýði almanakið.