Dagur - 13.01.1984, Blaðsíða 16

Erum byrjaðir að taka á móti
pöntunum í þorra- ,ti&
og árshátíðarmat
Atti að vísa íítburöarmálinu
frá vegna aðlldarskorts?
— Dómþolar halda því fram að Gríma Guðmundsdóttir sé ekki réttur aðili málsins
— Farið hefur verið fram á útburð á þriðjudag
Svo kann að vera að nýr flötur
sé kominn upp á útburðarmál-
inu svonefnda, þar sem dóm-
þolarnir, Danielle Somers og
Ólafur Rafn Jónsson halda
því fram að Gríma Guðmunds-
dóttir hafi ekki verið réttur að-
ili málsins og því hafi átt að
vísa því frá.
Pau halda því fram að Gríma
hafi ekki löglegt afsal fyrir eign-
arrétti sínum á íbúðinni, sé ekki
þinglesinn eigandi hennar og hafi
þar með ekki rétt til að vera aðili
að málinu. Raunar hafi aldrei
verið til þinglýst heimild á hús-
inu, aðeins leigulóðarréttind-
um.
Danielle og Ólafur Rafn hafa
því falið lögmanni sínum, Guð-
jóni Styrkárssyni, að fara fram á
frestun útburðarins þar til úr
þessu verði skorið.
Guðjón sagði í viðtali við Dag,
að því væri haldið fram að Gríma
Guðmundsdóttir sæti í óskiptu
búi eftir mann sinn, Arnald Gutt-
ormsson, og það sem meira væri
- Arnaldur hefði einnig setið í
óskiptu búi eftir fyrri konu sína,
en þau eignuðust tvær dætur, sem
hugsanlega gætu verið réttir aðil-
ar þessa máls. Kaupmáli sem
sagður er hafa verið gerður milli
Arnalds og Grímu finnst ekki
hjá fógetaembættinu á Akureyri,
en dæturnar af fyrra hjónabandi
eiga rétt til að fá upplýst um hann
og sína arfshluta gerða upp.
Guðjón sagði að reynandi væri
að fá dóm hæstaréttar endur-
upptekinn meðan leitað væri
svara við þessum óvissuatriðum.
Farið hefur verið fram á það að
dómi hæstaréttar verði fullnægt
°g fjölskyldan í Þingvallastræti
22 verði borin út næstkomandi
þriðjudag. hs
,, Kvótakerfi4 6
á þmgmenn
- undirskiiftasöfiiun í Y.-Húnavatnssýslu
„Við hér í Húnaþingi höfum
sýnt stjórnarskrárbreytingunni
mikinn áhuga og þá sérstak-
lega breytingunni á væntan-
legri kjördæmaskipan. Það
sem er að eiga sér stað núna er
í raun ekkert annað en til-
færsla á þingmönnum úr dreif-
býlinu suður til Reykjavíkur,“
segir Örn Björnsson á Gauks-
mýri í Húnavatnssýslu, er við
ræddum við hann um undir-
skriftasöfnun sem fram hefur
farið í V.-Húnavatnssýslu að
undanförnu.
„Við erum með kvótakerfi í
landbúnaði, við erum með kvóta-
kerfi í sjávarútvegi og hugsanlegt
er að kvótakerfi verði tekið upp
á fleiri sviðum. Viö viljum ekki
að þingmönnum verði fjölgað og
vildum gjarnan taka upp kvóta-
kerfi varðandi fjölda þingmanna,
og með þessari undirskriftasöfn-
un erum við að mótmæla fjölgun
þeirra.
Textinn í þessu undirskrifta-
skjaii ökkar er þannig:
„Ahugamenn um kjördæmamál-
ið úr öllum stjórnmálaflokkum í
V.-Húnavatnssýslu gangast fyrir
þessari undirskriftasöfnun. Við
undirritaðir kjósendur mótmæl-
um alfarið fyrirhugaðri fjölgun
alþingismanna sem ráðandi öfl í
stjórnmálaflokkunum stefna
markvisst að. Við teljum að eng-
in rök hafi verið fyrir því færð að
fyrrnefnd breyting sé þjóðinni til
hagsbóta heldur leiði aðeins til
aukinnar útþenslu stjórnkerfisins
og síaukinna útgjalda þjóðarbús-
ins.“
„Undir þetta eru búnir að rita
70% af öllum atkvæðisbærum V.-
Húnvetningum. Við erum að
reka endahnútinn á þessa undir-
skriftasöfnun og stefnan er sú að
fá á undirskriftalistana 90-95%
þeirra sem atkvæðisrétt hafa. Ég
held að það væri mjög þarft verk
að í Norðurlandskjördæmi eystra
tækju menn sig til og færu að
dæmi okkar. Þótt það eigi hugs-
anlega að fjölga þar um einn
þingmann þá er það einungis til
þess að reyna að þagga niður í
mönnum þar. Ég vil taka það
fram að við erum ekki að berjast
fyrir framsóknarmenn, sjálfstæð-
ismenn, alþýðubandalagsmenn
eða alþýðuflokksmenn, við erum
að berjast fyrir því að hagsmunir
okkar sem búum úti á lands-
byggðinni séu ekki fyrir borð
bornir," sagði Örn.
Sjá nánar á bls. 15. gk
Verður fjölskyldan í Þingvallastræti 22 borin út á þriðjudaginn?
Kvennaathvarf:
Stofnfundur
á sunnudag
Samtök áhugafólks um
kvennaathvarf á Norðurlandi
verða stofnuð á Akureyri á
sunnudag. Markmið samtak-
anna er að koma á fót
kvennaathvarfi á Akureyri og
verður fyrsta skrefið það að
opna skrifstofu með símatíma
fljótlega eftir stofnfundinn.
Það er áhugahópur um þessi
málefni sem stendur að stofnun
samtakanna en stofnfundurinn
verður í Húsi aldraðra kl. 14 á
sunnudag.
Að sögn þeirra Sveinborgar
Sveinsdóttur, Arnheiðar Eyþórs-
dóttur og Áslaugar Kristjánsdótt-
ur sem starfað hafa í undirbún-
ingshópnum, þá er þörfin á
kvennaathvarfi hér á Norður-
landi mjög mikil.
Sú reynsla sem fengist hefur af
starfrækslu kvennaathvarfsins í
Reykjavík sýnir að þörfin er
mjög brýn. Þar hafa alls dvalið
um 150 konur og álíka fjöldi af
börnum á tímabilinu frá því í
desember 1982 til ársloka 1983 og
þar af eru margar konur héðan af
Norðurlandi. Auk þessa fjölda
hafa tæplega 200 konur fengið
ráðgjöf í síma og það er því brýnt
verkefni að koma upp athvarfi og
símatíma hér á Norðurlandi. Um
það ber öllum saman sem til þess-
ara mála þekkja. Við viljum því
skora á alla Norðlendinga að
mæta á stofnfundinn og leggja
þessu málefni lið, sagði Svein-
borg Sveinsdóttir í samtali við
Dag.
Veður
„Það vcrður norðanátt hjá
ykkur fyrir norðan yfir helg-
ina með éljagangi eða sam-
felldri snjókomu,“ sagði
veðurfræðingur Vcðurstof-
unnar í morgun. Hann taldi
þó ekki útlit fyrir neinn
„hasar“; norðanáttin yrði
rólynd, nema hvað búast
mætti við strekking með élj-
um og tilheyrandi skafrenn-
ingi á sunnudag. Það verður
kalt áfram, 8-12 gráðu frost,
og það er ekki fyrr en á
mánudag eða þriðjudag sem
búast má við veðurbreyting-
um.
m
’Jmimjih
merkið tryggirgæðin
Úrvalaf
kjóleftium
væntanlegt.
Einnig bama-
fatnaður.